PARTORDING NI PARMINGGUON

MINGGU VII DUNG TRINITATIS

 Ev: Jakobus 3 : 13 – 18  Ep: Parjamita 2: 18 – 23

TOPIK:
HABISUHON NA SIAN GINJANG

MINGGU, 31 JULI 2022

1. Marende BE. HKBP No. 121 : 1 – 3 “JESUS RAJA NI HURIA” BL. 97

1
 ♫Jesus, Raja ni huria, na porsea na badia, pasupasu ma au on.
Sai sungguli ma rohangku mangihuthon Ho, Rajangku.
Pargogoi ma au tongtong, pargogoi ma au tongtong.

♫Lehon Tondi Parbadia saor tu roha ni huria di sandok portibi on.

Asa tong sada rohana, nang marserak pe ruasna.
Pasangaphon Ho tongtong, pasangaphon Ho tongtong.
------Musik-----
♫ [Jongjong] Sai palua ma ruasMu sian nasa haholomon, sian roha daging pe.
Ho sambing ma ale Tuhan, las ni roha ni punguan.
Na jumujung goarMi, na jumujung goarMi.

2. Votum –Introitus: (U: Uluan ; H : Huria)

U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on.
Amen! Songon on do didok Tuhan Jesus: Ianggo poda na di Ahu, ndang
Ahu nampunasa, poda ni na marsuru Ahu do i. Molo adong manang ise na
mambahen lomo ni roha ni Ama i, botoon ni i do taringot tu poda i,
manang na sian Debata i, manang na Huhatahon i sian roharohangKu
sandiri. Songon na nidok ni Surat i: Angka batang aek na mangolu do
mabaor sian pamatang ni na porsea di Ahu. Haleluya!
U&H : Mangendehon: BE.HKBP No. 852: 1 “HALELUYA (3x) HKBP”
♫ Haleluya, Haleluya, Haleluya.
U : Martangiang ma hita! Ale Tuhan Debata! Asi ma rohaM di hami, ai
ndang tarbahen hami mambahen manang aha, molo so Ho dongannami.
Dibahen i sai lehon ma di hami roha banua ginjang, asa tau hami
manimbangi dohot mangulahon lomo ni rohaM. Sai dongani ma hami, asa
mian hami di bagasan Ho dohot di bagasan HataM, marhitehite AnakMu,
Tuhan Jesus Kristus, Tuhannami. Amen. Hundul!
3. Marende BE. HKBP No. 648 : 1 – 2 “SANGAP DI DEBATA AMA” BL. 648
♫
Sangap di Debata Ama, sangap di AnakNa i
Nang di Tondi Porbadia Debata na songkal i
Haleluya, puji Tuhan salelenglelengna i.

♫
Puji Raja Siparholong, Sipalua jolma i

2
 Na patauhon hita bongot tu harajaonNa i
Haleluya, puji Tuhan Raja na tarsilang i.

4. Patik :
U : Tatangihon ma Patik ni Debata di Minggu VII dung Trinitatis sadari on,
ima na tarsurat di Patik V – X. Patik Palimahon:
Ingkon pasangaponmu do natorasmu asa martua ho, jala leleng mangolu
di tano na nilehon ni Jahowa Debatam di ho.
H : Patik Paonomhon : Unang ho mamunu!
U : Patik Papituhon : Unang ho mangalangkup!
H : Patik Paualuhon : Unang ho manangko!
U : Patik Pasiahon : Unang ho olo manghatindanghon hata na so tutu
maralohon dongan jolma.
H : Patik Pasampuluhon : Ndang jadi haliangan ni roham bagas ni
donganmu, ndang jadi haliangan ni roham dongan saripe ni donganmu,
manang naposona baoa, manang naposona boruboru, manang lombuna
manang hodana, manang dia pe ugasan ni donganmu.
U : Antong rap mangido gogo ma hita sian Tuhan Debata!
U+ H: Ale Tuhan Debata! Sai pargogoi ma hami mangulahon na hombar tu
PatikMi. Amen.
5. Marende BE. HKBP No. 683: 1, 3 “DI ADOPANMU JESUS“ BL. 683
♫
Di adopanMu Jesus lea tutu do diringkon
Dibaen godang ni dosangkon, diadopanMu Jesus.
(Jongjong)
♫
Di adopanMu Jesus tarsolsol bagi rohangkon
Muba ma au tu jolo on, di adopanMu Jesus.

6. TANGIANG MANOPOTI DOSA;

U : Tatopoti ma dosanta tu Debata, martangiang ma hita! Ale Tuhan Debata,
Ama ni Tuhannami Jesus Kristus, Ho do Debata pargogo na so hatudosan,
sitompa nasa na adong, paruhum na tigor, na manguhumi jolma manisia!
H : Na ro do hami tu joloM manopoti dosanami, angka na huula hami
marhite sian pangalaosionnami di PatikMu, i ma marhite sian

3
 tubutubu ni rohanami na roa i, nang sian panghataionnami na so
ture, ro di pangoloionnami di hisaphisap ni rohanami.
U : Na tama situtu do hona uhum hami ala ni dosanami i, alai na tarsolsol bagi
do hami nuaeng ala ni i. Asi ma rohaM di hami, ale Debatanami.
Pardengganbasa jala Parasiroha do Ho ala ni Anak haholongan ni rohaM,
Tuhan Jesus Kristus Tuhannami.
H : Sai sesa ma dosanami saluhutna, jala suru ma Tondi Parbadia tu
bagasan rohanami be, asa tarbahen hami mangoloi Ho di bagasan
hatigoran dohot habadiaon, gabe sahat hami tu hangoluan na so ra
suda, na pinarbagabagaM di angka na porsea di AnakMu, Tuhan
Jesus Kristus, Tuhannami. Amen.
U : Bagabaga ni Debata taringot tu hasesaan ni dosanta : Songon on do Hata
ni Tuhan Jesus: Ro ma hamu tu Ahu, hamu angka na loja jala na sorat,
hupasonang pe hamu. Buat hamu ma augangKu tu hamu, guruhon hamu
ma sian Ahu, ai na lambok do Ahu jala na serep marroha, asa dapotan
hasonangan tondimuna. Ai lambok do augangHu jala neang do dohot na
hupaporsanhon. Hasangapon ma di Debata na di ginjang!
H : Amen.
( Hundul )
7. Marende BE. HKBP No. 789: 1, 3 “LULUI HAMU HARAJAON NI
DEBATA” BL. 789
♫
Lului hamu harajaon ni Debata, rap dohot hatigoranNa
TambahononNa ma ondeng tu hamu, haleluya haleluya
Haleluya, haleluya, haleluya, haleluya, haleluya.
♫
Ndada holan sipanganon na ringkot, baen hangoluan ni jolma
Tung nasa Hata ni Debatanta do, haleluya haleluya
Haleluya, haleluya, haleluya, haleluya haleluya.

8. Epistel:
U: Hata ni Debata Epistel di minggunta sadari on tarsurat di Parjamita 2 :
18 – 23, tajaha ma marsorinsorin! Jadi marbiasbias rohangku mida
saluhut ulaon angka na huhangaluthon di hasiangan on ala ingkon
tadinghononhu do i di jolma na ro sian pudingku.

4
 H : Jala ise pabotoboto manang halak na pistar ibana manang halak na
oto? Hape ibana do gabe tuan di saluhut ulaon angka na
huhangaluthon mardongan hapistaran di hasiangan on! Laho salpu
do hape nang i.
U : Dung i marbalik ma rohangku naeng marpandelean nian mida saluhut
ulaon angka na huhangaluthon di hasiangan on.
H : Ala huida sada jolma, dibahen do nian nasa hapistaranna,
parbinotoanna dohot hamaloonna mangaradoti ulaonna, hape
ingkon tinggalhononna do i bahen jambar ni jolma na so dung
marhangaluton ala ni. Alogo sambing do hape nang i jala hinamago
godang.
U : Ai aha nama parsaulian ni jolma sian sude ulaonna dohot sian
domdamdomdam ni rohana taringot tu na hinangaluthonna di hasiangan
on?
H : Ai ariari ibana marhangaluton saleleng di ngoluna, jala mardongan
hajepolon ulaonna, nang bornginna i ndang marhasonangan rohana.
Alogo sambing do nang i.
U: I ma sahatna. Martua do angka na tumangihon hata ni Debata jala na
umpeopsa.
H: Amen.

09. Marende BE. HKBP No. 399 : 1 – 2 “UNANG TARLALAP DI HATA”

BL. 266
♫ Unang tarlalap di hata, tulus sigop jambarmi
Ndang dapot ho hasonangan, molo godang sabatmi
I pe tostosi luhutna na manggugai rohami
Arta na godang nang sangap, sabat na jobut do i
Unang tarlalap di hata, tulus sigop jambarmi
Ndang dapot ho hasonangan, molo godang sabatmi.
(Jongjong)
♫ Unang lilian di dalan, tuju tongtong surgo i
Ai naung rade do inganan, dibaen Tuhanta disi
Unang bonsa rohamuna, pos rohamu lao tusi
Ai toguonHu hamuna tu lambung ni Ama i
Unang lilian di dalan, tuju tongtong surgo i
Ai naung rade do inganan, dibaen Tuhanta disi.
10. Manghatindanghon Haporseaon:

5
 U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H: Ahu porsea di Debata Jahowa……
(Hundul)
11. Tingting
12. Marende BE. HKBP No. 30 : 1 - - - “JESUS LEHON HATORANGAN“
BL. 135 (Papungu Pelean Ia dohot Ib)
♫
Jesus lehon hatorangan hapistaran mangantusi hataMi
Lehon mata na marnida dohot roha na umboto dalanMi
Asa tongtong maradophon bohiMi mardalan hami
Asa digomgomi TondiMi ma hami.
♫
Ganup ari ma ajari hami na di haotoon i dope
Asa lam porsea hami Ho sambing do hangoluannami i
Lam lumeleng, lam pasolhot tu rohaM ma rohanami
Hombar tu hataM ma pangalahonami.
----Musik------
♫
Sai martua ma nasida na mambahen Jesus haposanna i
Aut tung sura olo hita Jesus i baen parsigantunganta i
Ale Jesus sai patogu hami na di parporangan
Asa dapot di ujungna hamonangan
♫
Sai tangihon ale Tuhan molo martangiang hami be tu Ho
Pasupasu marlobian lehononMu tu na ro manopot Ho
Sai dongani nama hami asa hot di parpadanan
Mian hami sahat ro tu hasonangan.

13. JAMITA: Jakobus 3 : 13 – 18

14. Marende BE. HKBP No. 26 : 1 - - - “DAME NIMU ALE JESUS” BL. 180
(Papungu Pelean II tu Kantor Pusat HKBP).
♫ Dame nimMu, ale Jesus, lehononMu di bangsoM
TondiMi do na patulus hataMi tu naposoM
Dangol hami jala pogos, ndang tau baen parhaladoM
Tondi parbadia tongos, margogoihon hami on.
♫ Ale Tondi Sipardame sai bongoti hami be
Sai pasada rohanami, gok parbue baen sude
Lam patinggil pinggolnami, tumangihon dasdasMi
Asa ganda ringgasnami pararathon hataMi.
-----Musik-----
♫ Sada siradotannami dipangido rohaMi

6
 Ingkon holong rohanami mida angka dongan i
Asa tung margogo hami patupahon hataMi
Sumeahon dirinami tu Ho, nang tu dongan i.

15. PANGUJUNGI: Tangiang Pelean dohot Pasupasu.

U: Tatangianghon ma peleanta! Ale Debata, Amanami na di banua ginjang,
Ho do haroroan ni saluhut silehonlehon na denggan dohot nasa ulibasa
na mauliutus. Hupasahat hami ma sian na nilehonMi tu hami,
peleannami tu Ho. Sai jalo ma i gabe uap na hushus di joloM. Pasupasu
ma i jala ramoti asa huparhaseang hami pelean on, patimbulhon
harajaonMu di tongatonga ni huriaM dohot di portibi on. Buhai ma
rohanami marhitehite TondiM, asa lam hutanda hami godang ni
silehonlehonMi tu hami, asa lam girgir hami mandok mauliate tu Ho,
marhitehite Jesus Kristus Tuhannami. Amen.
H : (Mangendehon) BE. HKBP No. 204 : 2 “NDANG
TADINGHONONHU HO” BL.73
♫
Nasa na nilehonMi, tondi ro di pamatanghu
Hosa dohot gogonghi, ro di saluhut artanghu
Hupasahat i tu Ho, na so unsatonhu do.
U : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa tu
hami! Unang hami togihon tu pangunjunan! Palua ma hami sian
pangago!
H : (Mangendehon) BE. HKBP No. 841:1 “AI HO DO NAMPUNA
HARAJAON BL. 841
♫
Ai Ho do nampuna harajaon dohot hagogoon ro di hasangapon
saleleng ni lelengna. Amen!
U : Tangiang Pasupasu.
H : (Mangendehon) BE. HKBP No. 845 : 1 “Amen (3x) HKBP”
BL. 845
♫
Amen, Amen, Amen.