 Ev: Galatia 6: 1 - 10  Ep: Psalmen 66: 1 – 9

TOPIK:
MANGULAHON NA DENGGAN TU SALUHUT HALAK

MINGGU, 3 JULI 2022

1
1. Marende BE. HKBP No. 587:1-3. “Taendehon las ni roha” BL.587
♫ Taendehon las ni roha pasangaphon Tuhan i,
Roha holong na mangonjar laho mangendehon i.
Ganup ari, ganup borngin unang lupa ho disi.
Angka ende na ummuli si pasangap Tuhan i,
Nang parhinaloan i baen pasangap Tuhan i.
♫ Taendehon las ni roha, sipadame roha i.
Tung dao do badabada, dohot angka hosom i.
Hadameon ni Tuhanta i do sihirimon i
Tapalambas ma rohanta, mida angka dongan i
Na martua do sude, na lambok maroha i.
---Musik---
♫ (Jongjong) Taendehon las ni roha, siapuli roha i
Marsinondang panghirimon, mingot siteanon i.
Tu sambulo ni tondinta, huta na manongtong i
Idaonta ma Tuhanta, siparholong roha i
las ni roha na tongtong, jaloonta ma disi.

2. Votum : A.XV/A.13 – D.XIII/38 (U: Uluan; H: Huria)

U: Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on.
Amen. Disuru Debata do AnakNa gabe pardengganan taringot tu
dosanta. Hamu ale angka dongan, molo songon i dihaholongi Debata
hita, ingkon dohot do hita masihaholongan sama hita. Haleluya!
U&H : Mangendehon: BE.HKBP No. 852: 1 “HALELUYA (3x) HKBP”
♫ Haleluya, Haleluya, Haleluya.
U : Martangiang ma hita!
Ale Tuhan Debata, Pargogo na so hatudosan! Sai lehon jala patubu ma
di hami haporseaon na sintong. Tambai ma haporseaonnami ganup ari,
asa lam togu. Lehon ma di hami holong ni roha na so marpangansi asa
holong rohanami di Ho dohot di dongannami jolma. Lehon di hami
panghirimon na mangolu, asa marlas ni roha hami mambahen lomo ni
rohaMi. Sai oloi ma pangidoannami ala ni AnakMu, Tuhan Jesus
Kristus Tuhannami. Amen.
(Hundul)
2
3. Marende BE. HKBP No. 716:1 + 3 “Di na mamolus sandok ngolu on”
BL. 716.
♫ Di na mamolus sangok ngolu on, gok do na marsak gale.
Boan sinondang tu na holom i asa margogo muse.
Bahen ma ahu parhiteanMu pasupasuM ma baor ma i
Ale Tuhanhu patupa ma au baen pasupasu tu dongan sude.
♫ Ula na denggan tu halak sude, songon binaenNa tu ho.
Ingot urupi luhut na gale, gabe parholong ma ho
Bahen ma ahu ………
4. Patik : 3 Musa 19:18.
U : Patik ni Debata di hita di Minggu III dung Trinitatis, ima sian buku 3
Musa 19:8. Ndang jadi baloshononmu na jahat, jala ndang jadi
marsunisunian roham tu anak ni bangsom, ingkon haholonganmu
donganmu jolma songon dirim, ai Ahu do Jahowa! Antong rap mangido
gogo ma hita sian Tuhan Debata.!
U&H : Ale Tuhan Debata! Sai pargogoi ma hami mangulahon na hombar tu
PatikMi. Amen.
5. Marende BE. HKBP No. 421:1-2. “Marsomba au di joloMon” BL. 281.
♫ Marsomba au di joloMon, ponjot, targogot rohangkon.
Dibaen godang ni dosangkon, sai jangkon dohot au.
Sai jangkon ma au on, na ramun diringkon;
tung pos do rohangki di Ho, dijangkon Ho au on.
(Jongjong)
♫ Ndang haurupan au au on, na busuk nama rohangkon.
Alai hutangkup hataMon: Sai ro hamu tu Au.
Sai jangkon ma au on…….
6. TANGIANG MANOPOTI DOSA; B.9-C.16
U : Tatopoti ma dosanta na godang i tu Debata, martangiang ma hita! Ale
Tuhan Debata, Pargogo na so hatudosan, Parasi roha na sumurung, Ama
ni Tuhan Jesus Kristus Sipangolu hami! Hami, halak pardosa na dangol
on ro tu jolo ni habangsa habadiaonMi, manopoti jala manganggukhon
dosanami.

3
 H: Mansai jotjot huarsahi hami Ho marhitehite pingkiran dohot hata
dohot pambahenannami na roa i.
U : Ndang huhalongi hami Ho sian nasa rohanami dohot nasa ateatenami
dohot nasa tondinami dohot nasa gogonami; nang dongannami, ndang
doshon dirinami hubahen hami.
H : Dibahen i tama do rimasanMu hami jala uhumanMu hami tu
hamatean saleleng ni lelengna i. Alai na maporus ma hami nuaeng tu
asi ni rohaM na godang i mangido sian nasa rohanami hasesaan ni
dosanami saluhutna.
U : Sai urupi ma hami paubahon rohanami ala ni Tuhan Jesus Kristus, Anak
haholongan ni rohaM, Sipangolu hami dohot ala ni GoarMu na badia i.
Ale Tuhan, sai asi ma rohaM di hami halak na dangol on! Amen.
Tabege ma bagabaga ni Debata taringot tu hasesaan ni dosanta! Molo
tung adong manang ise na mardosa, adong do pangondianta di Ama i, i
ma Tuhan Jesus Kristus na tigor roha i. Jala Ibana do pardengganan
taringot tu dosanta, alai ndada holan taringot tu dosanta, dohot do
taringot tu dosa ni saluhut portibi on. Hasangapon ma di Debata na di
ginjang!
H : Amen.
(Hundul)
7. Marende BE. No. 435:1+3. “Marolopolop tondingki” BL. 294.
♫ Marolopolop tondingki ai naung di tobus Jesus i.
Hamu sude, bege ma i, sai las ro hangku mandok i.
Sonang ni tingki i, dung jumpang Jesus Tuhanki.
Tondi na mangajari au, tarbaen marlas ni ro ha au.
Sonang ni tingki i dung jumpang Jesus Tuhanki.
♫ Tu Jesus sahat ngolungki saleleng ni lelengna i.
Rap dohot au endehon ma endengku na imbaru da.
Sonang ni tingki i…………..
8. Epistel: Psalmen 66:1-9
U: Hata ni Debata, Epistel di minggunta sadari on tarsurat di Psalmen 66:1-
9, margantisoring ma hita manjahasa! Marolopolop tu Debata ma, ale
sandok tano on!

4
 H: Endehon hamu ma hamuliaon ni goarNa, marmulia bahen hamu
pujipujianNa!
U: Dok hamu ma mandok Debata: Tung na songkal do angka
pambahenanMu! Binahen ni hinatimbul ni gogoM ingkon marsomba tu Ho
angka musuM.
H: Ingkon liat portibi on tahe marsomba tu Ho sogot, jala mangendehon
Ho, mangendehon goarMu. Sela.
U: Ro be ma hamu marnida angka pambahenan ni Debata, tung na songkal do
pangarajaionNa di manisia.
H: Nunga dipauba Ibana laut i gabe mahiang, mardalan pat do nasida
manaripari batang aek i, marlas ni roha do hita uju i mida Ibana.
U: Matua Ibana mangarajai marhitehite hagogoonNa i, sai mangaranapi
mataNa tu angka bangso, asa unang dipaginjang angka panggunturi dirina.
Sela.
H: Puji ma Debatanami, hamu ale angka bangso, jala patubegehon hamu
ma soara pujipujianNa.
U: Ibana mambahen hosanta mangolu, jala ndang diloas totta tarsulandit.
I do sahatna: Martua do angka na tumangihon hata ni Debata jala na
umpeopsa.
H: Amen.
09. Marende BE. HKBP No. 362:3-4. “Endehon ende na imbaru” (BL. 194).
♫ Marsuraksurak ma hamuna na manginganhon tano on.
Pangiar ma soaramuna mamuji Debata tongtong.
Marolopolop ma luhutna mardongan arbab, ogung pe
Lao pasangaphon Debatanta na manggomgomi sasude.
(Jongjong)
♫ O laut, pagogo parhasakmu, nang tano pe marolop ma.
Martopaptopap ma tanganmu, o batang aek di Debata.
O dolok puji ma Jahowa na ro manguhum tano i.
Tarida ma hatigoranNa di nasa manisia i.
10. Manghatindanghon Haporseaon:
U : Tahatindangkon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H+U: Ahu porsea di Debata Jahowa………d.u.
(Hundul)
5
11. Tingting

12. Marende BE. HKBP No. 470:1…. “Jesus Ho nampuna au” BL. 317.
(P.Pelean Ia,Ib)

♫ Jesus Ho nampuna au dohot na adong di au

Gogo dohot hosangki sahat ma tu tanganMi
♫ Sai rajai ma matangki manangkasi dalanMi
Sai patinggil pinggolhi tumangihon hataMi
---Musik---
♫ Dohot tanganhi tahe naeng manjama na ture :
Dohot pat sai naeng tongtong mandalani dalanMon
♫ Hata nang soarangki sai rajai ma dohot i.
Sai denggan huhut sintong baen hatangku sai tongtong.
---Musik---
♫ Sere, arta, hepeng pe, buat ma di Ho sude:
Tondi nang pamatangki, ingkon Ho oloan nii
♫ Pinangido ma tu Ho rohangki pe dohot do,
BahenonMu, Tuhanhi, tong tu harajaonMi.
---Musik---
♫ Na dihirim rohangki dohot haholonganhi.
Sai tu Ho ma sahat i, sai na sonang i disi.
13. JAMITA: Galatia 6:1-10

14. Marende BE.HKBP No. 724:….. “Tuhan baen ma ngolungkon” BL. 724.
(Pelean II)
♫ Tuhan baen ma ngolungkon, parbadiai ma di Ho.
Pangke ma nang tingkingkon mamuji pasangap Ho,
Mamuji pasangap Ho.
♫ Tanganhi di Ho ma i mangulahon holongMi.
Dohot pangalahongki sai hombar tu lomoMi,
Sai hombar tu lomoMi.
---Musik---
♫ Hata nang soarangki pasangaphon Ho ma i,
Dohot pambahenanhi pararat baritaMi,
Pararat baritaMi.

6
 ♫ Arta hamoraonhi, tau pasangap Ho ma i.
Roha nang ulaonhi marbarita na uli,
Marbarita na uli.
---Musik---
♫ Saut ma lomo ni rohaM, lam nata di ngolungkon.
Tompa roha na ias, asa tau ma au joroM,
Asa tau ma au joroM.

15. PANGUJUNGI: Tangiang Pelean

U: Tatangianghon ma peleanta! Ale Debata, Amanami na di banua ginjang,
Ho do haroroan ni saluhut silehonlehon na denggan dohot nasa ulibasa
na mauliutus. Hupasahat hami ma sian na nilehonMi tu hami,
peleannami tu Ho. Sai jalo ma i gabe uap na hushus di joloM. Pasupasu
ma i jala ramoti asa huparhaseang hami pelean on, patimbulhon
harajaonMu di tongatonga ni huriaM dohot di portibi on. Buhai ma
rohanami marhitehite TondiM, asa lam hutanda hami godang ni
silehonlehonMi tu hami, asa lam girgir hami mandok mauliate tu Ho,
marhitehite Jesus Kristus Tuhannami. Amen!
H: (Mangendehon) BE.HKBP No. 204 : 2 “Ndang Tadingkononhu Ho”
BL.73
♫♪♫
Nasa na nilehonMi, tondi ro di pamatangku.
Hosa dohot gogongki, ro di saluhut artangku.
Hupasahat i tu Ho, na so unsatonhu do.
U: Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa tu
hami! Unang hami togihon tu pangunjunan! Palua ma hami sian
pangago!

H: (Mangendehon) BE.HKBP No. 841: 1 Ai Ho do Nampuna Harajaon

BL. 841
♫♪♫
Ai Ho do nampuna harajaon dohot hagogoon ro di hasangapon
saleleng ni lelengna. Amen!
7
U : Tangiang Pasupasu.
H : (Mangendehon) BE. HKBP No. 845 : 1 “Amen (3x) HKBP” BL. 845
♫ Amen, Amen, Amen.