PARTURE NI PARMINGGUON

PARNINGOTAN DI
HAHEHEON NI TUHAN JESUS
KRISTUS
(Paskah I)

 Ev: Kolosse 3: 1 - 4  Ep: Psalmen 118: 14 - 21

TOPIK :

RAPHON JESUS DIPAHEHE

HURIA KRISTEN BATAK PROTESTAN

HKBP RESSORT BONGBONGAN DISTRIK V SUMATERA

TIMUR MINGGU, 09 April 2023

I. Pangareadeon.
Dung martangiang Parhobas di Bilut Parhobasan jongjong ma di jolo ni altar
mangadop tu ruas (Jongjong ma sude ruas di ingananna be).

II. Parmingguon.
1. Joujou Parsombaon Tu Debata
U : Hamu dongan sahuria, na marlas ni roha do hita sadari on, ala nunga
monang Tuhan Jesus maralohon huaso ni hamatean i. Hamonangan ni
Tuhan Jesus gabe hamonangan nang di hita, ima na tapestahon di ari
Minggu sadari on. Alani i hupasahat hami ma tu hamu saluhutna:
”SELAMAT PASKA MA DI HITA”.
R : "Selamat Paska ma tutu"
U : Raphon Tuhan Jesus do hita dipahehe, i ma topik ni Minggu sadari on di
hita. Nunga hehe Kristus i, hehe ma nang dohot hita laho marsomba tu
Tuhanta. Tapangiar ma soaranta mamuji Debata marhite na marende sian
BE. No. 96: 1 - 3. (Hundul ma hita tu ingananta be).

2. Marende BE. No. 96: 1 - 3 “Nunga talu hamatean” BL. 101

♪ Nunga talu hamatean, dibaen Tuhan Jesus i;
Ai na hehe do Ibana, songon na nidokNa i.
Haleluya, haleluya! Nunga hehe Jesus i.
Haleluya, haleluya! Nunga hehe Jesus i.
♪ Ia angka boruboru, lao do tu tanoman i;
Ndang disi be Tuhan Jesus, nunga hehe sian
i. Haleluya, haleluya! Nunga hehe Jesus i.
Haleluya, haleluya! Nunga hehe Jesus i.
. . . Musik . . .
♪ (Jongjong) Marlasroha be ma hita ala hehe Jesus i;
Ai malua sude hita sian hamagoan i.
Haleluya, haleluya! Nunga hehe Jesus i.
Haleluya, haleluya! Nunga hehe Jesus i.

3. Votum – Introitus – Tangiang :

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Nunga hehe Tuhan i, nunga tutu hehe Ibana. Ari on do na
1
jinadihon

2
 ni Jahowa, marolopolop jala marlas ni roha ma hita disi. Batu naung
binolongkon ni angka pande bagas, i ma gabe batu parsuhi. Pinamasa ni
Jahowa do i, halongangan do i anggo di matanta. Haleluya!
H: (Mangendehon): BE. No. 852: 1 “Haleluya HKBP” (3x) BL 852
♫ Haleluya, Haleluya, Haleluya.
U : Martangiang ma hita! Ale Tuhan Jesus, Tuhannami! Na mandok mauliate
do hami tu Ho, ala ditaluhon Ho do dosa dohot hamatean marhitehite
hamamateMi, ala disondangi Ho tanomannami, asa marpanghirimon na
mangolu hami ala ni haheheonMi. Ndang pola be mabiar hami mida
hamatean, ai Ho do ulunami, ruasMu do hami. Dipaunsat Ho do hami sian
haholomon tu hatiuron, sian hamatean tu hangoluan. Antong pargogoi ma
hami mamuji dohot mangoloi Ho ariari, pasangaphon Ho dibagasan
haporseaon na mangolu, paima sahat hami tu lambungMu. Amen.
( Hundul )

4. Marende BE. No. 89: 1 + 4 “Ate di dia soropmi” BL 130

♫ Ate di dia soropmi nuaeng, o hamatean?
Di dia hamonanganmi nuaeng, banua toru?
Na talu do hamu sude, na talu do sibolis
pe, Ai ditaluhon Jesus.
♫ Mangolu do Tuhanta i, na hehe do Ibana;
Ditaiti do ruasNa i, mangihut tu Ibana.
Ndang tinggal di tanoman i, saluhut na porsea i,
di hata ni Tuhanta.

5. Patik:
U : Tangihon hamu ma Patik ni Debata na tarsurat di Rom 10: 9, “Ai malua
ma ho, molo diparhatopot pamanganmi Tuhan Jesus i, huhut dihaporseai
roham, naung dipahehe Debata Ibana sian angka na mate”. I do sahatna.
Antong, rap mangido gogo ma hita sian Tuhan Debata!.
H: Ale Tuhan Debata sai pargogoi ma hami mangulahon na hombar tu
patikMi. Amen.

6. Marende BE No. 622: 1 - 2 “Mansai nalnal di angka partingkian” BL 622

♫ Mansai nalnal di angka partingkian, sinondang ni silangMu Tuhanki
Sian hatiuron na marsinondang, holongNa na so halampoan i
3
 Sudena bangso do marpanghirimon tu sondang ni asi ni roha i
Songon parluga na manghalungunhon parbinsar ni mataniari i. (Jongjong)
♫ SilangMu Kristus tanda ni holongMu, pahisar tondi na magopu i,
Mangalononghon sasude dosangku, mabaor tu laut asi ni rohaMi,
Naung tubu hami gabe na imbaru, na niurasan sian dosa i,
Ala mudarMu na niusehonMu,di Golgota di hamamateMi

7. Tangiang Manopoti Dosa:

U : Tatopoti ma dosanta, martangiang ma hita: Ale Tuhan Debata, Amanami,
Parasiroha na sumurung! Na pungu do hami di joloM martangiang tu Ho;
ndada mangasahon hatigorannami, na mangasahon asi ni rohaM na
godang i do. Sai asi ma rohaM mida sandok bangsonami, sesa ma
dosanami saluhutna. Sai sungguli ma rohanami, asa muba roha dohot
pangalahonami, ala ni Tuhan Jesus Kristus Tuhannami, Sipangolu hami.
Amen.
- musik na angonangon -
U: Bagabaga ni Debata taringot tu hasesaan ni dosa: Ise be mangaluhon
angka na pinillit ni Debata? Debata do na mamintori. Ise do na mandabu
uhum hamagoan? Kristus Jesus do naung mate; alai ndada holan i, naung
mulak mangolu do, jala di siamun ni Debata do Ibana mangondihon hita.
Hasangapon ma di Debata na di ginjang!
U+H : Amen (Hundul)

8. Marende BE. No. 92 : 1 + 7 “Puji ma na manaluhon” BL 178

♫ Puji ma na manaluhon, dosa hamatean i;
Puji ma na pangoluhon, saluhut pardosa i.
Jesus na dung mate i, las roham o
huriaNa, Ala na mamillit ho, Jesus i
mangolu do.
♫ Ala ni sai las rohangku, nang pardagang au dope;
Ho tinatap ni matangku, atik pe na dao dope.
Mian do TondiM di au asa tong togu rohangku,
Mangeahi surgoMi, paima sahat au tu si.

9. Epistel:
U : Turpuk Epistel di Minggunta sadari on, tarsurat di Psalmen 118: 14 – 21.
4
Jahowa do pargogongku dohot endengku, jadi gabe hatuaonhu Ibana.

5
 H: Soara ni olopolop dohot hatuaon marsaringar di undungundung ni
angka partigor: “Siamun ni Jahowa do sibahen hamonangan.
U : Timbul situtu do siamun ni Jahowa, siamun ni Jahowa do sibahen
hamonangan.”
H: Ndang tagamon mate ahu, sai na mangolu do ahu, asa hupajojor angka
pambahen ni Jahowa.
U : Nunga gogo tutu dipinsang Jahowa ahu, alai nda tung tu hamatean ahu
dipasahat.
H: Ungkap hamu ma di ahu angka bahal ni hatigoran, asa hubongoti
angka i laho mamuji Jahowa.
U : On do bahal ni Jahowa, bongotan ni angka partigor do i sogot.
H: Mandok mauliate ma ahu di Ho, ala naung dialusi Ho ahu, jala
manjadi hatuaonhu.
U : I do sahatna. Martua ma angka na tumangihon Hata ni Debata jala na
umpeopsa. Amen.

10. Marende BE. No. 633 : 1 + 5 “Nunga hehe Kristus i” BL 633

♫ Nunga hehe Kristus i, Haleluya, sian hamatean i, Haleluya
Parlangitan jouhon ma, Haleluya, tano on, alusi ma
Haleluya.
♫ (Jongjong) Sangap ma di Tuhan i, Haleluya, puji ma GoarNa i, Haleluya.
Baen hamonanganNa i, Haleluya, manondangi ngolumi, Haleluya.

11. Manghatindanghon Haporseaon:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita
mandok!
H: Ahu Porsea di Debata Jahowa….. d.u. (Hundul)

12. Tingting + Tangiang:

13. Marende BE. No. 627: 1…”Jesus naung hehe” BL 627 (Pelean Ia, Ib)
♫ Jesus naung hehe Haleluya puji endehon Haleluya,
Hamonangan ni Tuhanta i na manaluhon sibolis i.
Reff : Las ma roham puji ma Tuhan i, ala naung talu hamatean i.
6
Sesa dosanta Haleluya mangolu Jesus Haleluya.

7
 ♫ Di ari na patoluhon i, maloha do tanomanNa i.
Jesus Raja hangoluan i, na patundukhon sibolis i.
Reff : Las ma roham ……
. . . Musik . . .
♫ Bege nidok ni suruan i, ida hamu ma ulosNa on.
Ndang ditanoman be Tuhan i, unang mabiar be hita
on. Reff : Las ma roham ……
♫ Tabaritahon Tuhanta i, na hehe jala magolu i.
Singkop do panghophoponNa i, di hita jolma pardosa i.
Reff : Las ma roham ……
. . . Musik . . .

14. Jamita: Kolosse 3: 1 – 4

15. Marende BE No. 635: 1… “Ro Tuhan Jesus” BL 635 (P. Pelean).
♫ Ro Tuhan Jesus Anak sasada, Parasi roha, Parholong i.
Mate Ibana humophop hita, rumar tanoman i, ai hehe Jesus i.
Reff : Ala hehe Jesus ro do ari sogot mangolu au, ndang mabiar au.
Huboto do sonang au raphon Jesus. Sonang ma au ala naung hehe Jesus
i.
♫ Di paraloan, au dongananNa, pos do rohangku di ngolungki.
PamonangonNa au anakhonNa, ala naung monang jala hehe Tuhanki.
Reff : Ala hehe Jesus ……
. . . Musik . . .
♫ Molo marujung muse ngolungku, mansohot do nang sitaononki.
Ai nunga talu banua toru, di tomu Jesus au na tinobusNa
i. Reff : Ala hehe Jesus ……

16. Parsuruon: ( Jongjong )

U : Nunga hehe Tuhan i, jala naung rap hamu dipahehe dohot Kristus, jalahi
hamu ma angka na di ginjang.
R : Ingkon hehe ma hami jala hobas ma hami tu ulaon na denggan, jala
hatindanghononnami ma haheheonNa i tu angka dongan na
humaliang hami.
U : Nunga hehe Tuhan Jesus sian na mate, ala ni borhat ma hita manopot
angka ulaonta be dibagasan las ni roha.
8
 Laos taendehon ma ende No. 624 : 2
U+R : Mangendehon BE No. 624: 2 “Haleluya, Haleluya” BL. 624
♫
Haleluya, haleluya, nunga hehe Tuhanta i
Haleluya, haleluya, puji GoarNa i
Boan Barita na Uli tu saluhut na tinompa i
Haleluya, haleluya, nunga hehe Tuhanta i
Haleluya, haleluya, puji GoarNa i.

17. Tangiang Pelean:

U : Tatangianghon ma peleanta: Ale Debata, Amanami na di banua ginjang!
Ho do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti
asa huparhaseang hami pelean on, patimbulhon harajaonMu di tongatonga
ni huriaM dohot di portibi on. Buhai ma rohanami marhitehite TondiM,
asa lam hutanda hami godang ni silehonlehonMi tu hami, asa lam girgir
hami mandok mauliate tu Ho, marhitehite Jesus Kristus Tuhannami.
Amen.
H: (Mangendehon) BE. No. 204: 2 “Ndang Tadinghononhu Ho”
♫
Nasa na nilehonMi, tondi ro di pamatanghu
Hosa dohot gogongki, ro di saluhut
artangku Hupasahat i tu Ho, na so
unsatonhu do.
U : Ale Tuhan Debata, Amanami jala Parasiroha! Mauliate ma rohanami jala
pujionnami Ho, ala naung ditubuhon Ho hami paduahalihon sian godang
ni asi ni rohaM tu pangkirimon na mangolu marhitehite haheheon ni
Tuhan Jesus Kristus sian na mate. Nunga gabe Sipalua jala Sipangolu
AnakMi di hami, jala Ibana Tuhannami, Ibana Ulunami, siihuthononnami.
Na marlas ni roha do hami nuaeng marningot haheheonNa i. Nunga talu
sibolis, talu hamatean, talu banua toru. Ndang mabiar be hami mida
hamatean dohot soropna, ai nunga monang Tuhannami. Ulubalang na
gogo i. Ibana do manogihon hami sian hamatean tu haheheon sogot. Ala
ni i umbahen hupangido hami: Sai asi ma rohaM, patogu ma
haporseaonnami maniop Barita na Uli i, asa unang ganggu rohanami di
na hubolus hami hamatean

9
i. Sai sungguli ma rohanami dohot roha ni dongannami, asa rap hehe hami
sian parrohaon na buruk i; asa tarulahon hami parange na imbaru. Sai
pasupasu ma HuriaM dohot Parbarita na Uli, na mamaritahon haheheon ni

1
0
 Tuhannami, asa lam tarsunggul angka na pedem roha jala hehe sian dosana
be. Sai papos ma rohanami manghaporseai, naung mardame jala mardomu
hami tu Ho ala ni pardengganan na pinatupa ni AnakMu. Sai pasabam jala
pamalum ma rohanami. Tompa ma roha na ias dohot tondi na marsihohot
di bagasan hami, asa tarhajongjongkon hami, naung pintor hami ala ni
hatigoran na pinatupa ni Tuhan Jesus Kristus. Sai sungguli ma pangkirimon
na mangolu di hami, asa tarapul rohanami marningot angka dongannami
naung jumolo nialapMi, jala asa tarapul rohanami manaon sitaonon di
hasiangan on. Sai apuli ma angka na matean, na dangol, na pogos, na so
marama na so marina, angka na mabalu dohot angka na malungun tu banua
ginjang marhitehite haheheon ni Tuhan Jesus Kristus, Tuhannami. Amen.
Ale Amanami na di banua ginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami!
Unang hami togihon tu pangunjunan! Palua ma hami sian pangago!
H: (Mangendehon): BE HKBP No. 841 : 1 BL 841
“Ai Ho Do Nampuna Harajaon”
♫
Ai Ho do nampuna harajaon, dohot hagogoon
Ro di hasangapon, saleleng ni lelengna,
Amen.
U : Tangiang Pasupasu
H: (Mangendehon ) BE No. 845: 1 “Amen, Amen, Amen” BL 845
♫ Amen, Amen, Amen.

1
1