TATA IBADAH

PESTA PASKAH I
(PARNINGOTAN ARI HAHEHEON NI TUHAN JESUS)

Ev : Kolosse 3:1-4 Ep : Psalmen 118 : 14-21

TOPIK :
RAPHON JESUS DIPAHEHE

HURIA KRISTEN BATAK PROTESTAN (HKBP)

YOGYAKARTA DISTRIK XVIII JABARTENGDIY
Joujou tu Parsombaon:
 P : Shalom! Selamat Ari Minggu jala Selamat Ari Paskah ma dihita
saluhutna!
Di Minggunta sadari on, patupa ibadah do hita ima parningotan di ari
haheheon ni Tuhan Jesus (PASKAH I). Marhite Topik Minggu:
“Raphon Jesus di pahehe”.
H : Marlasniroha jala mariaia ma ahu ala raphon Jesus di pahehe ahu,
marolopolop ma ahu umpuji goarMu na badia i.
P : Porsea do hita di asi dohot holong ni Tuhan i ala ni haluaon na
binahenNa,
umandok mauliate tu Debata ala denggan ni pambahenanNa tu hita.

1. Menyanyi BE. HKBP No. 96 : 1, 3, 4 “NUNGA TALU HAMATEAN”

♫♪♫
Nunga talu hamatean dibaen Tuhan Jesus i.
Ai nahehe do Ibana songon na nidokNa i.
;,; Haleluya, haleluya. Nunga hehe Jesus i ;,;
♫♪♫
Marlas roha be ma hita ala hehe Jesus i.
Ai malua sude hita sian hamagoan i.
;,; Haleluya, haleluya! Nunga hehe Jesus i ;,;
♫♪♫
Sai tapuji ma Tuhanta na marholong roha i. (Berdiri)
Tapasangap ma Ibana na marasi roha i.
;,; Haleluya, haleluya. Nunga hehe Jesus i ;,;

2. Votum
P : Marhitehite goar ni Debata Ama dohot goar ni AnakNa Tuhan Jesus
Kristus dohot goar ni Tondi Parbadia na tumompa langit dohot tano
on. Amin. Nunga hehe Tuhan i, nunga tutu hehe Ibana.

H : Arion do najinadihon ni Jahowa, marolopolop jala marlas ni roha

ma hita disi.

2
 P : Batu naung binolongkon ni angka pande bagas, i ma gabe batu parsuhi.
Pinamasa ni Jahowa do i, halongangan do i anggo di matanta.
HALELUYA!

H : Mengendehon : HALELUYA…..HALELUYA….HALELUYA.
P : Martangiang ma hita : Ale Tuhan Jesus Tuhannami! Na mandok
mauliate do hami tu Ho, ala ditaluhon Ho do dosa dohot hamatean
marhitehite hamamateMi, ala disondangi Ho tanomannami, asa
marpangkirimon na mangolu hami ala ni haheheonMi. Ndang pola be
mabiar hami mida hamatean, ai Ho do uluannami, ruasMu do hami.
Dipaunsat Ho do hami sian haholomon tu hatiuron, sian hamatean tu
hangoluan. Antong pargogoi ma hami mamuji dohot mangoloi Ho ari-
ari, pasangaphon Ho dibagasan haporseaon na mangolu, paima sahat
hami tu lambungMu. Amin. (Duduk)

3. Menyanyi BE. HKBP No. 632 : 1 “NUNGA HEHE KRISTUS I”

♫♪♫
Nunga hehe Kristus marsihohot ma hamu.
;,; Lam sumurung hita di ulaon ni Tuhanta ;,;
;,; Radot ma hita lao mangula tu Tuhanta ;,; Amen…

4. HUKUM TAURAT:
P :Patik ni Debata di Minggunta sadarion Parningotan ari haheheon ni
Tuhan Jesus (PASKAH I) dibuat sian Pilipi 2 :12 : On pe hamu na
hinaholongan, songon tongtong ni pangoloionmuna nasailaon, unang
holan jumpa di hamuna ahu, lam songon i ma di napadaodao ahu:
mardongan biar dohot lomos ni roha ulahon hamu ma haluaonmuna!
I do sahatna! Antong rap mangido gogo ma hita tu adopan ni Debata,
laho mangulahon patikNa i.

H : Ale Tuhan Debata, sai pargogoi ma hami mangulahon na hombar tu

patikMi. Amin.

3
5. Menyanyi BE. HKBP No. 620 : 1 - 2 “HOLONGMI ALE
TUHANKU”
♫♪♫
HolongMi ale Tuhanku ise tuk mandodo i,
Di usehon Ho mudarMu di hau pinarsilang i.
Reff: Golgata, golgata, golgata. Pamajalan i, golgata sangap ma di Ho
Tuhan.
♫♪♫
HolongMi ale Tuhanku tung so hasuhatan i. (Berdiri)
Jalo puji-pujianku i ma las ni rohangki.
Reff: Golgata, golgata, golgata. Pamajalan i, golgata sangap ma di
Ho Tuhan.

6. Doa pengakuan dosa.

P :Tatopoti ma dosanta di adopan ni Debata, martangiang na hohom ma
hita di bagasan rohanta.. (Mangkuling ma musik)
Ale Tuhan Debata, Amanami, parasiroha na sumurung! Napungu do
hami di joloM martangiang tu Ho; ndada mangasahon hatigorannami,
namangasahon asi ni rohaM na godang i do. Sai asi ma rohaM mida
sandok bangsonami, sesa ma dosanami saluhutna. Sai sungguli ma
rohanami, asa muba roha dohot pangalahonami, ala ni Tuhan Jesus
Kristus Tuhannami, sipangolu hami. Amen.
P: Baga-baga taringot tu hasesaan ni dosa: Ise be mangulahon
angka na pinillit ni Debata? Debata do na mamintori. Ise do na
mandabu uhum hamagoan? Kristus Jesus do naung mate; alai ndada
holan i, naung mulak mangolu do, jala di siamun ni Debata do Ibana
mangondihon hita. Hasangapon ma di Debata na di ginjang.
H : Amen.
(Duduk)

7. Menyanyi BE. HKBP No. 92 : 1 “PUJI MA NA MANALUHON”

Puji ma na manaluhon dosa hamatean i.
♫♪♫

Puji ma na pangoluhon saluhut pardosa i.

Jesus na dung mate i. las roham, o huriaNa,
Ala na mamillit ho, Jesus i, mangolu do.

8. E P I S T E L:

4
 P : Hata ni Debata na gabe Epistel di minggu PASKAH I sadari on
tarsurat di Psalmen 118 : 14 - 21. Tajaha ma marsingkat sorin:
“Jahowa do pargogongku dohot endengku, jadi gabe hatuaonku Ibana!
H : Soara ni olopolop dohot hatuaon marsaringar di undungundung ni
angka partigor: “siamun ni Jahowa do sibahen hamonangan”.
P : Timbul situtu do siamun ni Jahowa, siamun ni Jahowa do sibahen
hamonangan.
H : Ndang tagamon mate ahu, sai na mangolu do ahu, asa hupajojor
angka pambahen ni Jahowa.
P : Nunga gogo tutu dipinsang Jahowa ahu, alai nda tung tu hamatean ahu
dipasahat.
H : Ungkap hamu ma di ahu angka bahal ni hatogoran, asa hubongoti
angka i laho mamuji Jahowa.
P : On do bahal di Jahowa, bongotan ni angka partigor do i sogot.
H : Mandok mauliate ma ahu di Ho, ala naung dialusi Ho ahu, jala
manjadi hatuaonku.
P : I do sahat: Martua do angka na tumangihon hata ni Debata, jala
naumpeopsa.
P+H : Amen.

9. Menyanyi BE. HKBP No. 633 : 1 + 5 “NUNGA HEHE KRISTUS I”

♫♪♫
Nunga hehe Kristus i haleluya, sian hamatean i haleluya,
Parlangitan jouhon ma, haleluya, tano on alusi ma haleluya.
♫♪♫
Sangap ma di Tuhan i haleluya, puji ma goarNa i haleluya.
(Berdiri)
Baen hamonanganNa i haleluya, manondangi ngolumi haleluya.

10. PENGAKUAN IMAN:

5
 P : Tahatindanghon ma hata haporseaonta i songon na hinatingdanghon ni
donganta sahaporseaon di sandok portibi on. Rap ma hita mandok:
P+H : Ahu porsea…..

11. Tingting :

12. Menyanyi BE HKBP No. 627 : 1-2 “JESUS NAUNG HEHE”

♫♪♫
Jesus naung hehe, haleluya. Puji endehon, haleluya.
Hamonangan ni Tuhanta i na manaluhon sibolis i.
Reff: Las ma roham puji ma Tuhanta i ala naung talu hamatean i
Sesa dosanta haleluya, mangolu Jesus haleluya.
♫♪♫
Di ari na patoluhon i, maloha do tanomanNa i.
Jesus Raja hangoluan i na patundukhon sibolis i. Reff : …….

13. JAMITA : Kolosse 3 : 1 - 4

14. Menyanyi BE HKBP No. 635 : 1 … “RO TUHAN JESUS”

(Pelean Ia + Ib dohot Persembahan II ke Kategorial Parompuan
HKBP).
♫♪♫
Ro Tuhan Jesus Anak sasada, parasiroha, parholong i.
Mate Ibana humophop hita, rumar tanoman i ai hehe Jesus i.
Reff: Ala hehe Jesus ro do ari sogot, mangolu au, ndang mabiar au
Huboto do sonang au raphon Jesus, sonang ma au ala naung hehe
Jesus i
♫♪♫
Diparaloan au dongananNa, pos do rohangku di ngolungki.
PamonangonNa au anakhonNa ala naung monang jala hehe
Jesuski.
Reff: ……..
♫♪♫
Molo marujung muse ngolungku, mansohot do nang sitaononki.
Ai nunga talu banua toru di tomu Jesus au na tinobusNa i.
Reff: ……..

6
15. PENUTUP: (Berdiri)
P : Tatangianghon ma peleanta tu adopan ni Debata! Martangiang
ma hita: Ale Debata, Amanami na di banua ginjang, Ho do haroroan
ni saluhut lsilehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, sai jalo ma i gabe uap
na hunsus di joloM. Pasupasu ma i jala ramoti asa huparhaseang hami
pelean on, patimbulhon harajaonMu ditongatonga ni huriaM dohot di
portibi on. Buhai ma rohanami marhitehite TondiM, asa lam hutanda
hami godang ni silehon-lehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. AMEN.

H : (Menyanyikan) BE No. 204 : 2 “‘Ndang tadinghononku Ho”

♫♪♫
Nasa na nilehonMi, Tondi ro di pamatangku
Hosa dohot gogongki, ro di saluhut artangku
Hupasahat i tu Ho, na so unsatonku do.

P : Ale Tuhan Debata, Amanami jala Parasiroha! Mauliate ma rohanami

jala pujionnami Ho, ala naung ditubuhon Ho hami paduahalihon sian
godang ni asi ni rohaM tu pangkirimon na mangolu marhitehite
haheheon ni Tuhan Jesus Kristus sian na mate. Nunga gabe Sipalua
jala Sipangolu AnakMi di hami, jala Ibana Tuhannami, Ibana
Ulunami, siihuthononnami. Namarlasniroha do hami nuaeng
marningot haheheonNa i. nunga talu sibolis i, talu hamatean, ai nunga
monang Tuhannami, Ulubalang na gogo i. Ibana do manogihon hami
sian hamatean tu haheheon sogot. Alani i umbahen hupangido hami:
sai asi ma rohaM, patogu ma haporseaonnami maniop Barita na Uli i,
asa unang ganggu rohanami di na hubolus hami hamatean i. sai
sungguli ma rohanami dohot roha ni dongannami, asa rap hehe hami
sian parrohaon na buruk i; asa tarulahon hami parange na imbaru. Sai
pasupasu ma huriaM dohot Parbarita na uli, na mamaritahon haheheon
ni Tuhannami, asa lam tarsunggul angka na pedem roha jala hehe sian
dosana be.
Sai paposma rohanami manghaporseai, naung mardame jala mardomu
hami tu Ho ala ni pardengganan na pinatupa ni AnakMu. Sai pasabam
jala pamalum ma rohanami. Tompa ma roha na ias dohot tondi na
7
 marsihohot dibagasan hami, asa tarhajongjonghon hami, naung pintor
hami ala ni hatigoran na pinatupa ni Tuhan Jesus Kristus. sai sungguli
ma pangkirimon na mangolu di hami, asa tarapul rohanami marningot
angka dongannami naung jumolo nialapMi, jala asa tarapul rohanami
manaon sitaonon di hasiangan on. Sai apuli ma angka na matean, na
dangol, na pogos, na so marina, angka na mabalu dohot angka na
malungun tu banua ginjang marhitehite haheheon ni Tuhan Jesus
Kristus, Tuhannami. Amen.
Ale Amanami na di banua ginjang, sai pinarbadia ma GoarMu! Sai ro ma
harajaonMu, sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami! Unang
hami togihon tu pangunjunan! Palua ma hami sian pangago!

H : (Menyanyikan):
♫♪♫
Ai Ho do nampuna harajaon dohot hagogoon
Ro di hasangapon saleleng ni lelengna. A m i n!

P : Tangiang PASU-PASU :

H : (Menyanyikan) Amin, Amin, Amin