PARTORDING NI PARMINGGUON

MINGGU III DUNG EPHIPANIAS

 Ev: Psalmen 62 : 6 – 13  Ep: Markus 1 : 40 – 45

TOPIK :
DEBATA DO HAPOSANTA

HURIA KRISTEN BATAK PROTESTAN

MINGGU, 21 JANUARI 2024
1. Marende BE HKBP No. 75: 1-3 NAUNG BINSAR DO PANONDANG
I (BL 206)
♫♪♫ Naung binsar do panondangi, na mangatasi sasude,
na olo marsinondang
Sondangan ni do sasude, na di na holom i dope,
malungun di na torang
Jesus, tulus ma sangkapMu, sondanganmu nasa jolma
asa unduk di Debata.
♫♪♫ Ho do mangapul rohangkon, o Raja ni portibi on,
saleleng au mangolu
Sai Ho ma parjambaranki, ndang olo au lohotan ni
sude na olo salpu
Tu Ho ro do au na lea na porsea di hataMu
mangidohon panumpakMu
...musik...
♫♪♫ (Jongjong) Tung ise pasonangkon au, manang tu dia pe au lao,
sasada Ho huboto
Pangkilalahon holong ni RohaM di au na bojok i,
na pogos jala oto
Unang loas au be lilu hinophopMu do tondingku,
ingkon Ho do tioponku.

2. VOTUM – INTROITUS – TANGIANG :

U: Marhitehite Goar ni Debata Ama, dohot Goar ni AnakNa Tuhan
Jesus Kristus, dohot Goar ni Tondi Parbadia na tumompa langit
dohot tano on. Amen. Lehon ma tu Jahowa hamuliaon ni GoarNa,
marsomba ma hamu tu Jahowa, mamangke pahean na
marhadohoan. Haleluya !
H: (Mangendehon): BE. HKBP No. 852 : 1 HALELUYA HKBP
(3x) BL 852
♫♪♫ Haleluya, Haleluya, Haleluya.
U: Martangiang ma hita! Ale Tuhan Debata, Amanami na di banua
ginjang! Dipapatar Ho do diriM marhitehite HataMi, naung dohot
do hami dihalomohon rohaM marhite sian panesaMi, di dosanami.
Antong papatar ma diriM tu rohanami, asa hutanda hami Ho, jala
1
 asa hutangihon hami soara ni AnakMu, jala asa hujalo hami Tondi
Parbadia marhitehite Anak haholongan ni rohaM, Tuhan Jesus
Kristus Tuhannami. Amen. (Hundul)
3. Marende BE No. 403: 1 – 2 “POS ROHANGKU DI TUHANHU”
BL 402
♫♪♫ Pos rohangku di Tuhanhu, ndang tarbaen tarhirim au.
On do tongtong tangianghu, tu lambungMu au patau.
Lobi pos do rohangki, sai patulusonNa i,
BoanonNa au tu si.
♫♪♫ Huhilala ganup ari paniopNa di au on.
Sai tong dipasarisari, naeng badia rohangkon.
Naeng lam tu tinggilna i,
Pinggol partondionhi lao mambaen lomoNa i.
4. PATIK:
U: Tangihon Hamu (Tatangihon) ma Patik ni Debata di minggu sadari
on, i ma na tarsurat di Patik I dohot lapatanna. “Ahu do Jahowa
DebataM, ninna Debatanta. Ndang jadi marangkup Ahu
bahenonmu Debatam”
Lapatanna : Ingkon umbiar rohanta jala humolong jala umpos mida
Debata asa mida nasa na adong.
U: Ida sahatna. Antong, rap mangido gogo ma hita sian Tuhan
Debata!
U+H: Ale Tuhan Debata, sai pargogoi ma hami mangulahon na
hombar tu PatikMi. Amen
5. Marende BE No. 686: 2 – 3 “RAMUN DO AU” BL 686
♫♪♫ Na ro do au tu joloMi, gale do au urupi au
O, Jesus, ala mudarMi, dison do au patau ma au.
♫♪♫ (Jongjong) Ala denggan ni basaMi, ro au tu Ho, o Jesushi
Parbadiai ma rohangki, dison do au patau ma au.
6. TANGIANG MANOPOTI DOSA :
U: Tatopoti ma dosanta, martangiang ma hita: Ale Amanami jala
Debatanami na di banua ginjang. Parasiroha na sumurung mida
hami! Huparhatutu jala hutopoti hami do dosa dohot

2
 pangalaosionnami na godang i di joloM. Tatap hami marhitehite asi
ni rohaM, jala sesa ma dosanami saluhutna, ala ni panghophop ni
Anak haholongan ni rohaM, Tuhan Jesus Kristus, Sipangolu hami.
Amen.
Tabege ma bagabaga taringot tu hasesaan ni dosa: Parasiroha
jala pardengganbasa do Jahowa, lambat tarrimas jala Parasiroha
godang. Ndang dibahen tu hita hombar tu angka dosanta, jala
ndang dibaloshon tu hita hombar tu angka hajahatonta. Songon asi
ni roha ni amaama mida angka anakna, asi ni roha ni Jahowa di
angka na manghabiari Ibana. Hasangapon ma di Debata na di
ginjang!
U+H: Amen (Hundul)

7. Marende BE HKBP No. 453 : 1 – 2 “SADA GOAR NA UMULI”

BL 304
♫♪♫ Sada goar na umuli sian nasa goar i, goar ni Tuhanta Jesus, i do na
umuli i. GoarMi, Tuhanhi, holan i do endengki, goarMi, Jesushi do
pamalum rohangki.
♫♪♫ Tung na malum do rohangku, nunga sonang tondingki,
GoarMi do sinjatangku dompak angka musu i. GoarMi Tuhanhi,
holan i do endengki, goarMi, Jesushi do pamalum rohangki.

8. E P I S T E L:
U : Tangihon hamu (Tatangihon) ma Hata ni Debata turpuk di Minggu
sadari on, tarsurat di Markus 1 : 40 – 45, Jadi ro ma sada halak na
huliton tu joloNa, dielehelek jala disomba ma Ibana huhut mandok:
Molo na olo Ho, tarpamalum Ho do ahu.
H : Jadi asi ma rohaNa, disurdukhon ma tanganNa, dijama ma
ibana, laos didok ma: Na olo do Ahu; ias ma ho!
U : Jadi pintor longkang ma hulit i sian ibana, gabe ias ma dagingna.
H : Dung i gogo ma ibana dipopai jala manigor dipalaho ma.
U : Ninna ma mandok ibana: Jaga ho; so tung dipaboa ho i tu manang
ise! Alai laho ma ho, patuduhon ma dirim tu malim, dung i pelehon
ma na pinatikhon ni si Musa, ala naung malum ho, bahen
panindangion tu nasida.

3
 H : Alai dung laho ibana, dipungka ma pararathonsa, dipasar ma
hata i, pola so tarbahen Ibana be bongot tu huta i di na patar;
jadi di ruar, di inganan na sumoding nama Ibana. Laos ro do
halak sian desa na ualu i manopot Ibana.
U : I do sahatna. Martua do angka na tumangihon Hata ni Debata jala
na umpeopsa. Amen.

9. Marende BE HKBP No. 754 : 1 – 2 “GOK LAS NI ROHA DO AHU”

BL 754
♫♪♫ Gok las ni roha do au di ngolungkon, di ngolungkon di ngolungkon
Gok las ni roha do au di ngolungkon tongtong di rohangkon
Mauliate gok las ni roha maringan holongMi Tuhan di au
Mauliate gok las ni roha maringan holongMi Tuhan di au

♫♪♫ (jongjong) Mardame jala sonang do rohangkon, di ngolungkon, di

ngolungkon
Mardame jala sonang do rohangkon, tongtong di rohangkon
Mauliate gok las ni roha maringan holongMi Tuhan di au
Mauliate gok las ni roha maringan holongMi Tuhan di au.
10. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
H : Ahu Porsea di Debata Jahowa….. d.u. (Hundul)

11. Tingting
12. Papungu Pelean Huhut Marende BE HKBP No. 459 : 1… “SONANG
DO LANGKANGHU” BL 310 (Pelean Ia, Ib)
♫♪♫ Sonang do langkalangkangku, lao mamolus tano i,
Ndang boi sirang be rohangku sian Jesus Tuhanki,
Jala ro pe habahaba manang halisungsung pe
Holan Tuhanhi hubereng gabe demak i muse
♫♪♫ Uju mate Tuhan Jesus di hau pinarsilang i,
Dohot au disi ditobus, ala ni las rohangki.
Dibaen i hibul hulehon daging dohot tondingki.

4
 Tuhan Jesus napunasa, tung so boi be sirang i.
---musik---
♫♪♫ Malum au dibaen bugangNa i, ias dibaen mudar i.
Tung na sonang do rohangku, Jesus pardameanhi.
Dihosomi jolma ahu insahinsak ndang boi so.
Haleaon ni Tuhanhu olo porsanonku do.
♫♪♫ Jala ho, ale donganhu, tongtong loja, sorat ho.
Dohot ho mangido sonang, hatop ma tu Jesus ro.
Holan Jesus pasonanghon rohami na marsak i.
AbingonNa ho, na loja, ro tu ampuanNa i.

13. J A M I T A: Psalmen 62 : 6 – 13
14. Papungu Pelean Huhut Marende BE. HKBP No. 214 : 1… “SONANG
DI LAMBUNG JESUS” BL 161 (Pelean II)
♫♪♫ Sonang di lambung Jesus, sonang na ro tusi
Unang be ho mabiar, lao mandapothon i
Tongtong dijouhon Jesus, sai ro ma ho tu Au
Tadingkon haholomon, jala haposi Au
Sonang di lambung Jesus, sonang na ro tusi
Unang be ho mabiar, Lao mandapothon i
♫♪♫ Sonang di lambung Jesus, rap hita lao tusi
Inganan na umuli, do di lambungNa i
Ai nunga diparade hasonanganta i
Asa marhasonangan na ro tu Jesus i
Sonang di lambung Jesus, rap hita lao tusi
Inganan na umuli, do di lambungNa i
---musik---
♫♪♫ Jesus haholonganhu, Jesus haposanhi
Saleleng au mangolu, dohot di tingkingki
Ndang be huhabiari, angka pangago i
Ai diramoti Jesus, au hinophopNa i.
Jesus haholonganhu Jesus haposanhi
Saleleng au mangolu, dohot di tingkingki.
15. Tangiang Pelean: ( Jongjong )

5
U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi
tu hami, peleannami tu Ho. Sai jalo ma i gabe uap na hushus di
joloM. Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi
on. Buhai ma rohanami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
H : (Mangendehon) BE. HKBP No. 204 : 2 “NDANG
TADINGHONONHU HO” BL 73
♫♪♫ Nasa na nilehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, naso unsatonhu do.
U : Ale Amanami na di banua ginjang! Sai pinarbadia ma GoarMu! Sai
ro ma harajaonMu! Sai saut ma lomo ni rohaM di banua tonga on
songon na di banua ginjang! Lehon ma tu hami sadari on hangoluan
siapari! Sesa ma dosanami songon panesanami di dosa ni dongan
na mardosa tu hami! Unang hami togihon tu pangunjunan! Palua
ma hami sian pangago!
H : (Mangendehon): BE HKBP No. 841 : 1 “AI HO DO
NAMPUNA HARAJAON” BL 841
♫♪♫ Ai Ho do nampuna harajaon, dohot hagogoon
Ro di hasangapon, saleleng ni lelengna, Amen.
U : Tangiang Pasupasu
H: (Mangendehon ) BE No. 845 : 1 “AMEN, AMEN, AMEN” BL
845
♫♪♫ Amen, Amen, Amen.