PARTORDING NI PARMINGGUON

DI MINGGU XXI DUNG TRINITATIS

 Ev: 1 Tessalonik 2 : 1 – 8  Ep: 5 Musa 34 : 7 - 12

TOPIK :
MARHIRAS NI ROHA MANGHATAHON BARITA NA ULI
MANGASAHON DEBATA

HURIA KRISTEN BATAK PROTESTAN

MINGGU, 29 OKTOBER 2023

1. Marende BE HKBP No. 559 : 1 - 3 “DEBATA NA SONGKAL JALA
NA BADIA” BL559
♫♪♫
Debata na songkal Sitolu sada, di sogot ni ari hupuji GoarMi.
Debata na songkal Siparasi roha, Sitolu sada, Na badia i.

♫♪♫
Debata na songkal, surusuruanMu, saluhut marsomba pasahat
tumpalMi. Angka na badia ro tu adopanMu, mamuji-muji
salelengna i.
musik.... Jongjong .....
♫♪♫
Debata na songkal, na so tarida, mata na mardosa, ndang tau marnida
Ho. Ho na sun badia, na so hatudosan, sun hinagogo, sun sangap do
Ho. Amen.
2. VOTUM – INTROITUS – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen. Martua do halak na manaon di pangunjunan, ai dung tau
sian pangunjunan i, jaloonna do tumpal hangoluan, na pinarbagabaga
ni Tuhan i tu angka na holong roha di Ibana. Haleluya!
H : (Mangendehon): BE. HKBP No. 852 : 1 ”HALELUYA HKBP (3x)
BL 852
♫♪♫
Haleluya, Haleluya, Haleluya.
U : Martangiang ma hita! Ale Tuhan Debata Amanami ! Nunga
marpungu hami dison di ari na pinarbadiaanMi. Sai buhai ma pinggol
dohot rohanami, asa marlas ni roha hami manangihon hataM na badia
i jala ringgas hami manimbangi dohot umpeop HataM di bagasan
rohanami, asa pos rohanami martangiang tu Ho. Urupi ma hami, asa
huparhaseang hami angka ariari ni ngolunami na pondok i. Sai
pamasuk ma hami tu hangoluan saleleng ni lelengna. Pujionnami ma
Ho disi marhitehite Tuhan Jesus Kristus Tuhannami. Amen.
(Hundul )
3. Marende BE No. 584 : 1 - 2 “SALUHUT BANGSO” BL. 584
♫♪♫
Hamu saluhut bangso i, tapuji ma Jahowa.

1
 Patimbul ma goarNa i, endehon las ni roha.
Pangido ma basaNa i, nang dame sian surgo i.
Endehon Haleluya.
♫♪♫
Balga tutu pambaenNa i, naung patar di hita.
Gok do pasupasuNa i, mambahen las rohanta.
HolongNa nang padanNa i, manongtong salelengNa i.
Endehon Haleluya.
4. PATIK:
U : Tangihon hamu (tatangihon) ma Patik ni Debata di Minggu sadarion,
na tarsurat di 2 Timoteus 1 : 8, songon on ma didok disi : Onpe,
unang ho maila, manghatindanghon Tuhanta i, jala unang hailahon
ahu, na tarhurung humophop Ibana; dohot ma ho tahe manghophop
Barita na Uli, sian hagogoon ni Debata!
I do sahatna, Antong rap mangido gogo ma hita sian Tuhan Debata!
U+H : Ale Tuhan Debata, Sai Pargogo i ma hami mangulahon na
hombar tu PatikMi. Amin
5. Marende BE No. 417 : 2 – 3 “RADE SITUTU HALUAON” BL 278
♫♪♫
Patedek sude hahurangan, topoti sandok dosami.
Pangido: Sai sesa o Tuhan, sude pangalaosionhi.
Datdati, sai saut botoonmu naung sesa dosam sasude.
Mardame dagingmu nang tondi, maniop tongtong Tuhan i.
…. Jongjong …..
♫♪♫
PanghophopNa i parangehon, pasangap Tuhanmu antong.
Ibana buas mangalehon tu ho, hasonangan tongtong.
Sandok sian holso malua, nang sian biarmu sude.
Sonang nama ho na martua, manghirim tongtong surgo i.
6. TANGIANG MANOPOTI DOSA:
U : Tatopoti ma dosanta, martangiang ma hita! Ale Amanami jala
Debatanami, na di banua ginjang, Pargogo na so hatudosan!
Pardengganbasa do Ho, jala ro di salelenglelengna do asi ni rohaM.
Sai marpamuati ma rohaM di hajahatonnami, jala sai unang be ingot
angka dosanami; ai jotjot do hami mardosa maradophon Ho, jala jotjot
do husungguli hami rimasMu marhite sian pangalaosionnami, di
2
 hataM. Ale Tuhan Jahowa, sai unang paingotingot pangalaosionnami,
unang alang asi ni rohaM, sai urupi ma hami, Ho ale Tuhan Debata
hatuaonnami, palua hami, jala sesa dosanami, ala ni AnakMu, Tuhan
Jesus Kristus, Tuhannami. Amen.
Tabege ma bagabaga taringot tu hasesaan ni dosa: Munsat pe angka
dolok, jala humuntal angka robean, alai anggo parasi ni rohangHu na
so tupa munsat sian ho, jala padan ni hadameonHu na so tupa
humordit, ninna Jahowa Siasii ho.
Hasangapon ma di Debata na di ginjang !
U + H : Amen (Hundul)

7. Marende BE HKBP No. 460: 2 - 3 “ALA NI TUHAN JESUS”

BL 319
♫♪♫
Ala ni Tuhan Jesus mamujimuji au.
Holong tongtong rohaNa, holong marnida au.
Godang do hasusaan di hasiangan on.
Asal ma di tanganNa na sonang au tongtong.
♫♪♫
Ala ni Tuhan Jesus, marolopolop au.
Ibana huihuthon manang tudia lao.
Ibana do patogu, pasada rohangki.
Ro di banua ginjang sai Jesus donganhi.
8. E P I S T E L:
U : Tangihon hamu (tatangihon) ma hata ni Debata Turpuk Epistel di ari
Minggu on, tarsurat di 5 Musa 34: 7 – 12.
“Marumur saratus duapulu taon si Musa di hamamatena, ndang pola
homur anggo matana jala ndada surut gogona.”
H : Dung i ditatangisi halak Israel ma si Musa di adaran Moab
tolupulu ari lelengna; marujung ma dibahen nasida angka ari
partatangison dohot pangandungon ala si Musa.
U : Dung i gok Tondi hapistaran ma roha ni si Josua, anak ni si Nun, ai
nunga diampehon si Musa hian tanganna tu ibana, jala ditangihon
halak Israel do ibana, jala diulahon hombar tu na tinonahon ni Jahowa
hian tu si Musa.

3
 H : Dung i ndang adong be hehe di tongatonga ni Israel sada
panurirang songon si Musa na mananda Jahowa adop bohi be.
U : Taringot tu saluhut tanda dohot halongangan, na sinuru ni Jahowa
ibana, bahenonna angka i di tano Misir, tu si Parao, tu sude naposona
dohot tu sandok tanona.
H : Dohot taringot tu sandok tangan na gogo i dohot taringot tu
sandok hasonggoton bolon na binahen ni si Musa di adopan ni
sandok Israel.
U : I do sahat na. Martua ma halak na tumangihon Hata ni Debata jala
na umpeopsa. Amin.
9. Marende BE HKBP No. 707: 2 – 3 “HAGOGOON DOHOT
APULAPUL” BL707
♫♪♫
Ganup tingki Tuhan raphon ahu, jala sai dipasu-pasu au.
Sai di togu au molo madabu, talu musu jala monang au.
Ai pargogo na sohatudosan, Debatangku salelengna i
Mangalehon dame dohot tua, tu angka na bojok roha i.
… Jongjong …
♫♪♫
Songon Ama do tu anakhonNa, holong ni Tuhanta i tu au.
Ndang mansadi pangurupionNa, hombar tu padanNa na tu au.
Debata Amanta na di ginjang, i do haposanhu sai tongtong.
Di pangiringiring ni tanganNa, dame, sonang do rohangkinon.

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
H : Ahu Porsea di Debata Jahowa….. d.u. (Hundul)
11. Tingting :
12. Marende BE HKBP No. 133 : 1…“O, TONDI NA MANGGOHI
ROHA” BL 113 (huhut pasahat Pelean Ia, Ib)
♫♪♫
O Tondi na manggohi roha, ni panindangi na parjolo i.
Na so dung olo marnaloja, mangalo musu ni Tuhanna i.
4
Sungguli dohot rohanami on, mamaritahon Jesus i tongtong.
♫♪♫
Anggiat apiMi ma galak, marlojong tu saluhut bangso i.
Jahowa sai paborhat halak, na burju manghatahon hataMi.
Sai tatap lambas ni gotilon i, ianggo naposoM otik do i.

----------Musik----------
♫♪♫
AnakMu do na mangajarhon, tu hami hata pangidoan i.
Torop do na mangharinggashon, mangaradoti na nidokNa i.
Dibahen i tangihon nama i, sai dok ma Amen saut ma hata i.
♫♪♫
Antong torop ma baen pandita, na sai tongtong digohi TondiMi.
Huhut na ringgas marjamita, manogu halak tu gomgomanMi.
Taluhon ma sibolis i tongtong, pararat ma hataM di tano on.

----------Musik----------
♫♪♫
Urupi hami sian sion, sai suru Tondi Porbadia i.
Lao paluahon hajolmaon, hombar tu na pinarbagahonMi.
Sondangi ma sandok portibi on, pasiat ma hataM di tano on.
♫♪♫
Sai loas ma hatop mardalan hataM manggohi liat tano on.
Naeng songon na marhabanhaban parbegu masuk tu huriaMon.
Sungguli dohot Israel sude ro mandapothon huriaM muse.

----- musik ----

♫♪♫
Pauli Sion na marumpak, padao ma na tau mangambat hataMi.
O Tondi ro ma Ho manumpak, ulaon ni sude naposoMi.
Tongtong paias porlak anggurMi, ai naeng ramos do parbuena i.
♫♪♫
Sai tatap nasa parguruan, inganan ni TondiM ma baen sude.
Lopokhon hata hangoluan tu roha ni parguru i sude.
Sai lehon guru angka na burju, parroha pangondian situtu.

5
13. J A M I T A: 1 Tessalonik 2 : 1 - 8
14. Marende BE HKBP No. 458 : 1... “BARITA NA UMULI I” BL 309
(huhut pasahat Pelean II)
♫♪♫
Barita na umuli i, na sian Tuhan Jesus
Sai i do margogoihon au, nang arsak pe hubolus
On mangapuli rohangki : Sai Tuhanki na basa i do donganhi.
♫♪♫
Ai ndang adong di rohangki na so hinilalaNa.
Ditanda hagaleonhi, nang pe so dung marsala.
Hujalo hamonangan i, ai Tuhanhi na basa i do donganhi.

------musik-------
♫♪♫
Ibana haporusanhi di godang ni dosangku.
MudarNa do mamuri au, ditobus do hosangku.
Tuhanhu gabe singkathi, dibahen i pujionhi basaNa i.
15. Tangiang Pangujungi: Tangiang Pelean- Ale Amanami- Pasupasu
(Jongjong )
U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa uli basa na mauliutus. Hupasahat hami ma sian na nilehonMi tu
hami, pelean nami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma rohanami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
H : (Mangendehon) BE. HKBP No. 204 : 2 “NDANG
TADINGHONONHU HO” BL73
♫♪♫
Nasa na ni lehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, na so unsatonhu do.
U : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
6
 na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!
H : (Mangendehon): BE HKBP No. 841: 1 “AI HO DO NAMPUNA
HARAJAON” BL 841
♫♪♫
Ai Ho do nampuna harajaon, dohot hagogoon
ro di hasangapon, saleleng ni lelengna, Amen.
U : Tangiang Pasupasu
H : (Mangendehon) BE HKBP No. 845 : 1 “AMEN, AMEN, AMEN”
BL 845
♫♪♫
Amen, Amen, Amen.