PARTORDING NI PARPUNGUAN BODARI UJUNGTAON

 Ev: HEBER 13 : 20 - 21  Ep: 5 MUSA 31 : 7 - 8

TOPIK :
DI IBANA MA HASANGAPON
RO DI SALELENG NI LELENGNA

HURIA KRISTEN BATAK PROTESTAN

Distrik X Medan Aceh

MINGGU, 31 DESEMBER 2023

1. Marende BE. No. 581 : 1-3 SANGAP DI JAHOWA BL. 581

 ♫♪♫ Sangap di Jahowa na sun timbul i balga ni holongNa ndang tarasam i
Dilehon AnakNa na sasada i manobus hita jolma pardosa i
Puji ma Debata ale manisia las roham, las roham somba ma Debata
Dapothon Jahowa na sun timbul i marhite AnakNa Tuhan Jesus i.

♫♪♫ Tung so hasuhatan do basaNa i, marhite AnakNa ni lehonNa i

MudarNa durus do di hau silang i, rara pe dosanta ias dibaen i
Puji ma Debata ale manisia, las roham, las roham somba ma Debata
Dapothon Jahowa na sun timbul i, marhite AnakNa Tuhan Jesus i.

...........Jongjong...........

♫♪♫ Balga situtu pambaenMi Debata. tung so hasuhatan holong ni rohaM

Tu jolma pardosa asi do rohaM, di ungkap Ho dalan lao tu banuaM
Puji ma Debata ale manisia, las roham las roham somba ma Debata
Dapothon Jahowa na sun timbul i, marhite AnakNa Tuhan Jesus i.

2. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen. Nunga patar hangoluan i, jala nunga huida hami jala nunga
huhatindanghon hami dohot hubaritahon hami tu hamu hangoluan na
saleleng ni lelengna, na di lambung ni Ama i hian jala naung patar di
hami.
H : (Mangendehon): BE. HKBP No. 852 : 1 ”HALELUYA HKBP (3x)
BL 852
Haleluya, Haleluya, Haleluya!

U : Martangiang ma hita! Ale Tuhan Debata, Amanami na di banua

ginjang! Marroha Ama do Ho tu hami halak pardosa na dangol on; ala
ni i dilehon Ho do AnakMu na sasada i, Tuhan Jesus Kristus, asa
porsea hami jala dapotan hangoluan marhite sian Ibana. Na mangido
ma hami nuaeng tu Ho, suru ma TondiM na badia i tu rohanami, asa
1
 manahan hami sahat ro di ujungna di bagasan haporseaon na sintong
jala asa martua hami marhitehite AnakMu Tuhan Jesus Kristus,
Tuhannami. Amen. (Hundul)

3. Marende BE No. 754 : 1 GOK LAS NI ROHA DO AU (BL. No. 754)

♫♪♫ Gok las ni roha do au di ngolungkon, di ngolungkon di ngolungkon
Gok las ni roha do au di ngolungkon tongtong di rohangkon
Mauliate gok las ni roha maringan holongMi Tuhan di au
Mauliate gok las ni roha maringan holongMi Tuhan di au.

4. PATIK:
U : Patik ni Debata di Parpunguanta borngin on, Ujung taon 31 Desember
2023, ima sian Parjamita 12 : 13; ”Pangarimpunan ni sude poda
naung itabege, on do: Habiari Debata, jala radoti tonaNa, ai i do inana
siingoton ni ganup jolma.”
I do sahatna, Antong rap mangido gogo ma hita sian Tuhan Debata!
U+H : Ale Tuhan Debata, Sai Pargogo i ma hami mangulahon na hombar tu
PatikMi. Amin
5. Marende BE No. 681 : 1 - 2 “ALE AMANG ASI ROHAM” BL 681

♫♪♫ Ale Amang asi rohaM, di au pardosa on

Unduk do rohangkon nuaeng marsomba di joloM
Unang jujur, unang jujur, angka dosangki
Sai salpuhon, sai salpuhon sian rohaMi.

♫♪♫ Amang sai pargogoi ma au di hasiangan on

TondiM pasaor tu tondingkon pamalum rohangkon
Sai usehon, sai usehon TondiMi tu au
Asa monang maralohon parungkilon au.

6. TANGIANG MANOPOTI DOSA:

U: Tatopoti ma dosanta, martangiang ma hita:
2
 Ale Tuhan Debata, Amanami, Parasiroha na sumurung ! Na pungu do
hami di joloM martangiang tu Ho; ndada mangasahon hatigorannami,
na mangasahon asi ni rohaM na godang i do. Sai asi ma rohaM mida
sandok bangsonami, sesa ma dosanami saluhutna. Sai sungguli ma
rohanami, asa muba roha dohot pangalahonami, ala ni Tuhan Jesus
Kristus Tuhannami, Sipangolu hami. Amen.
Tabege ma bagabaga taringot tu hasesaan ni dosa:
Songon on do Hata ni Jahowa: Unang ho mabiar, ai Ahu do Siluluhon
ho; nunga pola Hujou goarmu, Ahu nampuna ho. Hasangapon ma di
Debata na di ginjang!

U + H : Amen (Hundul)

7. Marende BE HKBP No. 453 : 3 “SADA GOAR NA UMULI” BL 304

♫♪♫ Sipalua do goarMu, saut malua tondingki

Nasa rante ni sibolis ingkon sega baenon nii
GoarMi, Tuhanki holan i do endengki
GoarMi, Jesuski do pamalum rohangki.

8. E P I S T E L:
U : Hata ni Debata turpuk di Parpunguanta borngin on, Ujungtaon 31
Desember 2023, i ma na tarsurat di 5 MUSA 31: 7 – 8, tajaha ma
marsingkat sorin: Dung i dijou si Musa ma si Josua, jala ninna ma tu
ibana di adopan ni sandok Israel: “Pir ma tondim jala marsihohot, ai
sahat ma anggo ho rap dohot bangso on masuk tu tano naung
niuarihon ni Jahowa tu ompunasida, naeng lehononNa tu nasida, jala
ho do marsagihonsa tu nasida bahen partalianna.
H : Ai Jahowa sandiri mardalan di adopanmu, Ibana mandongani
ho; ndang tagamon marsombusombu Ibana mida ho; manang
tadingkononNa ho; unang ho tahuton jala unang ho godoron.”
U : I do sahat na. Martua do angka na tumangihon Hata ni Debata jala
na umpeopsa. Amin!
9. Marende BE HKBP No. 186 : 1, 3 “JAHOWA DO HAPOSANHI” BL 173
3
 ♫♪♫ Jahowa do haposanhi, na mangapoi rohangku
Na patiurhon dalanhi, bulus dibaen langkangku
Sonang tongtong rohangkinon, binaen ni Debatangku
PatikNa do lomongku.

♫♪♫ Ndang dung dihalupahon Ho sude na holong roha

Di Ho, ai sai dapotsa do na tau apulapulna
Tung sonang do dibahen Ho na sai tongtong porsea
Malua sian jea.

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok:
H : Ahu Porsea di Debata Jahowa….. d.u. (Hundul)

11. Sunggul-sunggul

12. Manjahahon Beright, Laporan Keuangan dohot Mandok Hata,

diatur ma di ganup huria.
13. Papungu Pelean Huhut Marende BE HKBP No. 238 : 1… “IHUTHON
AU SUDE HAMU” BL 93 (Pelean Ia, Ib)

♫♪♫ Ihuthon Au sude hamu, didok Tuhanta Jesus

Sai soadahon dirimu, hatangKu ma patulus
Alai bolonghon ma sude, parulanmu na so ture.

♫♪♫ Sai Au panondang di hamu, di dalan hangoluan

Naeng unang lilu be hamu, dao dohot hamagoan
Au parhitean di hamu, tu hasonangan situtu.

-----Musik-----

4
 ♫♪♫ Hupatuduhon di hamu, sipasidingonmuna
Sude geduk ni rohamu, sipaubaonmuna
Ai naeng ias ma tondimu, di na lao suda bohalmu.

♫♪♫ Na serep roha do Au on, huhut holong rohangKu

Lambok rohangKu ai tongtong, na lambok do hatangKu
Tongtong hutatap Debata, i pe Au on ihuthon ma.

.... Musik....

♫♪♫ Ndang tarpatupa hami i, dipingkir rohamuna

Unang mabiar ala nii, ai Au do donganmuna
TaluhononHu musu i, sai pos ma rohamu disi.

♫♪♫ Siparhamaol hosana i, i ma agoan hosa

Alai na sumeahon i, i do pangoluhonsa
Na so mamorsan silang i, na so tama di Au ma i.

.... Musik....

♫♪♫ Antong girgir ma hita be, lao mangihuthon Jesus

Dagingta nang tondita pe, talehon ma tu Jesus
Ai na manjua Tuhan i, ndang dapot hasonangan i.

14. J A M I T A: HEBER 13 : 20 - 21
15. Papungu Pelean Huhut Marende BE. HKBP No. 467 : 1… “ASI NI
ROHAM HUPUJI” BL 315 (Pelean II tu Dana Pensiun)

♫♪♫ Asi ni rohaM hupuji ala Ho manobus au

Dipaias Ho rohangku, gabe soranganMu au
IngananMu rohanami, TondiMi manggohi i
Pangke dohot ngolunami gabe ulaulaMi.
5
 ♫♪♫ Sai ramoti ma rohangku, asa boi gohanMu au.
Sai mabaor ma pasupasu, nang marhite sian au.
IngananMu rohanami, TondiMi manggohi i
Pangke dohot ngolunami gabe ulaulaMi.

------Musik-------

♫♪♫ Naeng huhatindanghon hami hagogoonMi tongtong

Paluahon na mardosa, nang parjahat na bolong
IngananMu rohanami, TondiMi manggohi i
Pangke dohot ngolunami gabe ulaulaMi.

♫♪♫ Sai papulik rohanami, gabe pangoloi di Ho

Asa marsahala hami, lao manghatindanghon Ho
IngananMu rohanami, TondiMi manggohi i
Pangke dohot ngolunami gabe ulaulaMi.

15. Tangiang Pelean: ( Jongjong )

U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa uli basa na mauliutus. Hupasahat hami ma sian na nilehonMi tu
hami, pelean nami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma rohanami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.
H : (Mangendehon) BE. HKBP No. 204 : 2 “NDANG
TADINGHONONHU HO” BL 73
♫♪♫
Nasa na ni lehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, na so unsatonhu do

U : Rap mandok hita di tangiang Ale Amanami....

6
U+H : Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago. Ai Ho do nampuna harajaon dohot hagogoon ro di
hasangapon saleleng ni lelangna. A m e n.
U : Tangiang Pasupasu
H : (Mangendehon ) BE No. 845 : 1 “AMEN, AMEN, AMEN” BL 845
♫♪♫ Amen, Amen, Amen.