PARTORDING NI PARMINGGUON

MINGGU II DUNG EPHIPANIAS

 Ev: Jesaya 49 : 1 - 7  Ep: Johannes 1 : 29 - 42

TOPIK:
“JESUS KRISTUS PANONDANG TU SALUHUT BANGSO”

HURIA KRISTEN BATAK PROTESTAN

MINGGU, 15 JANUARI 2023

1
1. Marende BE. HKBP No. 6 : 1 - 3 “PUJI JAHOWA NA SANGAP” BL. 56
♫♪♫
Puji Jahowa na sangap huhut marmulia. Hamu sude na parroha na
ringgas na ria. Marpungu be, marolopolop sude, hamu sude manisia.
♫♪♫
Puji Jahowa Sigomgom sude parluhutan. Na manogihon ho songon
niiring ni tangan. Dohot hosam, songon hombar tu roham sai diramoti
Ibana.
….Musik….
♫♪♫
(Jongjong) Puji Jahowa naung tipak manompa dagingmu. Jala na
tongtong manumpak hisar pamatangmu. Jotjot do ro pangurupiNa tu ho,
uju na ro hagogotan.

2. VOTUM – INTROITUS – TANGIANG:

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Mandok mauliate ma hamu di Ama i, na mangaroro hita sian
gomgoman ni haholomon, jala na paunsathon hita tu bagasan harajaon ni
Anak haholongan ni rohaNa. Haleluya!
H : (Mangendehon): BE. HKBP No. 852 : 1 ”HALELUYA HKBP (3x)
BL. 852
Haleluya, Haleluya, Haleluya.
U : Martangiang ma hita. Ale Tuhan Debata, Amanami na di banua
ginjang! Dipapatar Ho do diriM marhitehite HataM i, naung dohot do
hami dihalomohon rohaM marhite sian panesaMi, di dosanami. Antong
papatar ma diriM tu rohanami, asa hutanda hami Ho, jala asa hutangihon
hami soara ni AnakMu, jala asa hujalo hami Tondi Parbadia marhitehite
Anak haholongan ni rohaM, Tuhan Jesus Kristus Tuhannami. Amen.
( Hundul )
3. Marende BE. HKBP No. 72 : 4 - 5 “HEHE MA HAMU PARBEGU ” BL.
84
♫♪♫
Jesus Sondang ni tondingku na patiur sasude. Sai palua ma rohangku
sian dosa sasude. Taiti dohot rohangkon tu na tiur i tongtong.
♫♪♫
HapapatarMi TuhanHu ingkon manondangi au. Asa tong sonang
rohangku nang pe di na mate au, Manang aha pe na ro hasonanganhi do
Ho.

2
4. PATIK:
U : Tatangihon ma Patik ni Debata di Minggu II Dung Epiphanias i ma
Kolosse 1 : 12. “Mandok mauliate ma hamu di Ama i, naung patauhon
hamu, manjalo tohap na di bagasan hatiuron i, siteanon ni angka na badia
i!
Antong, rap mangido gogo ma hita sian Tuhan Debata!
U+H : Ale Tuhan Debata sai pargogoi ma hami mangulahon na hombar tu
PatikMi. Amen.
5. Marende BE. HKBP No. 518 : 1 - 3 “MARSINONDANG DIBAEN
JESUS” BL. 355
♫♪♫
Marsinondang dibaen Jesus asi ni rohaNa i. Jala hita do disuru asa ta
paboa i. Tapagalak palitonta, tapatiur dalan i. Ai torop dope na lilu, sai
hatop ma mulak i.
♫♪♫
Nang au on na dao na jolo, di na holom lilu au. Alai sondang ni Tuhanhu
do mamboan mulak au. Tapagalak palitonta, tapatiur dalan i. Ai torop
dope na lilu, sai hatop ma mulak i.
(Jongjong)
♫♪♫
Haholomon manghuphupi toropan di tano i. Tung torop
manghalungunhon sondang tu dalanna i. Tapagalak palitonta, tapatiur
dalan i. Ai torop dope na lilu, sai hatop ma mulak i.

6. MANOPOTI DOSA:
U : Tatopoti ma dosanta martangiang ma hita! Ale Tuhan Debata,
Pargogo na so hatudosan jala Amanami! Hujou hami do GoarMu na
badia i, ala na targogot hami marningot dosanami. Sai marasi ni roha ma
Ho mida hami on: O Tuhan Jesus Kristus, Anak ni Debata na gabe jolma
ala ni hami, na mate jala na hehe sian na mate, na manaek tu banua
ginjang do Ho mangondihon hami! Asi rohaM di hami, sai patongtong
ma di hami roha hamauliateon tu Ho. O Tondi Parbadia, pangapul di na
marsak roha, pamalum ma saluhut na bernit, binahen ni dosanami! Ro
ma Ho mangingani hami, asa marlas ni roha hami mangulahon lomo ni
rohaM. Ho do parhitean ni nasa asi ni roha, sai unang tulak hami. Sai
tangihon ma hami, Ho ale Debata, Ama, Anak dohot Tondi Parbadia!
Amen.

Bagabaga ni Debata taringot tu hasesaan ni dosa! Ala ni

pangalaosionta do umbahen na tartullang Kristus, jala binahen ni
3
 hajahatonta do Ibana mabugang. Ampe tu Ibana pinsangpinsang
parhitean ni hasonanganta, jala binahen ni bugangNa malum itahilala.
Hasangapon ma di Debata na di ginjang!
U+H : Amen

7. Marende BE. HKBP No. 161 : 1 + 5 “TANGIHON

ANGGUKANGGUKHON” BL. 133
♫♪♫
Tangihon anggukanggukhon, asi rohaM Jahowa. Mansai tarponjot
rohangkon dibaen godang ni dosa. Tung sura dibaloshon Ho, luhut na
sala dompak Ho. Tung ise tartahansa.
♫♪♫
Nang pe nania dosangki, godang pe hajahaton. Gumodang asiasiMi, na
gogo paluahon. Jahowa sai asi rohaM, palua nasa huriaM. Sian sude
dosana.

8. E P I S T E L:
U : Hata ni Debata turpuk di Minggu Paduahon Dung Trinitatis sadari on,
tarsurat di Johannes 1 : 29 - 42. Torang ni arina i diida si Johannes ma
Jesus ro tusi, jadi didok ma: On do Birubiru ni Debata, na mamorsan
dosa ni portibi on!
H : Ibana do na hudok i: Sian pudingku ro sada halak, naung jumolo
adong asa ahu; ai parjolo hian do Ibana.
U : Ahu pe, ndang hutanda Ibana; alai asa tandap Ibana di halak Israel,
umbahen na ro ahu mandidihon aek.
H : Dung i dihatindangkon si Johannes ma, ninna ma: Huida do Tondi i
tuat songon darapati sian banua ginjang i jala mian di Ibana!
U : Ahu pe, ndang hutanda Ibana jolo. Alai Ibana na marsuru ahu
mandidihon aek, I do mandok tu ahu: Ia tusi diida ho tuat Tondi i jala
mian di Ibana, Ibana do sididihon Tondi Parbadia.
H : Asa nunga huida jala huhajongjonghon: Ibana do Anak ni Debata.
U : Marsogotna i jongjong muse si Johannes disi dohot siseanna dua halak.
H : Jadi di na niidana i Jesus mamolus, ninna ma: On do Birubiru ni
Debata!
U : Jadi dibege siseanna na dua i ma hatana, gabe diihuthon ma Jesus.
H : Dung i humusor ma Jesus, diida ma nasida na mangihuthon Ibana,
jadi ninna ma mandok nasida: Aha do na niluluanmuna? Jadi didok
nasida ma mandok Ibana: Rabbi (na mandok: Guru) didia do Ho
sorang?

4
 U : Jadi didok ma mandok nasida: Ro ma hamu, asa diida hamu! Dung i ro
ma nasida, diida ma parmiananNa; laos rap ma nasida dohot Ibana
sadarina i. Tar di pungkul opat ma i.
H : Si Andreas, dongan saama ni si Simon Petrus do na sada sian na dua
i, na umbege hata ni si Johannes dohot mangihuthon Ibana.
U : Dung i pajumpang ma ibana jumolo dohot si Simon, donganna saama,
jadi didok ma mandok ibana: Nunga jumpang hami Messias i (astuanna:
Kristus)
H : Laos ditogihon ma ibana tu Jesus. Alai dibereng Jesus ma ibana
huhut ma didok: Si Simon, anak ni si Jonas do ho; si Kepas ma ho
goaron (astuanna: Batu mamak, Petrus)
U : I do sahatna. Martua do angka na tumangihon Hata ni Debata jala na
umpeopsa.
U + H : Amen.

9. Marende BE. HKBP No. 695 : 1 + 4 “JESUS TUHANHU DI HO MA AU

ON” BL. 695
♫♪♫
Jesus Tuhanhu di Ho ma au on asa mangihut tu Ho au tongtong. Gohi
rohangku ingani au on, sonang di Ho tongtong. O Tuhan togu ma au, o
Tuhan togutogu ma au. Gohi rohangku ingani au on sonang di Ho
tongtong.
(Jongjong)
♫♪♫
Na marhaposan tu Jesus tahe sai na martua ibana muse. Sonang ibana
di portibi on nang di surgo inon. Jolma na bonar burju jolma na bonar
huhut burju. Sonang ibana di portibi on nang di surgo inon.

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu porsea di Debata Jahowa…. d.u
(Hundul)
11. TINGTING:

12. Marende BE. HKBP No. 774 : 1 .... “TUNG MABAOR SIAN HO”
BL. 774 (Pelean Ia, Ib)

5
 ♫♪♫
Tung mabaor sian Ho mual hangoluan i. Ai torop pe batang aek angka
dolok dohot rura. Nang pe langit dohot tano Ho do na manompa i. Ho do
na manompa i, Ho do na manompa i, Ho do na manompa i.
♫♪♫
Ai Huboto do tangkas hagogoonMi Tuhan. Ho do na so hatudosan na
tongtong Ho pasangapon. Las rohangku pasangaphon ro marsomba tu
joloM. Ro marsomba tu joloM, ro marsomba tu jolom, ro marsomba tu
joloM.
---Musik---
♫♪♫
Tung tarapul rohangki mingot denggan basaMi. Ndang tarasam be
argana ndang marbatas nang godangna. Disondangi do rohangku lao
mamereng holongMi. Lao mamereng holongMi, lao mamereng
holongMi, lao mamereng holongMi.
♫♪♫
Huhilala holongMi na manogu rohangki. Unang loas au be lilu
manandinghon Ho Tuhanhu. Pandang i do tujuonhu saleleng di
ngolungki. Saleleng di ngolungki, saleleng di ngolungki, saleleng di
ngolungki.
---Musik---

13. J A M I T A: Jesaya 49 : 1 - 7
14. Marende BE. HKBP No. 75 : 1 -- “NAUNG BINSAR DO PANONDANG
I” BL. 206 (Pelean II: Pusat)
♫♪♫
Naung binsar do Panondang i na mangatasi sasude na olo
marsinondang. Sondangan ni do sasude na di na holom i dope malungun
di na torang. Jesus, tulus ma sangkapMu sondanganMu nasa jolma. Asa
unduk di Debata.
♫♪♫
Ho do mangapul rohangkon o Raja ni portibi on saleleng au mangolu.
Sai Ho ma parjambaranhi ndang olo au lohotan ni sude na olo salpu. Tu
Ho, ro do au na lea na porsea di HataMu. Mangidohon panumpakMu
---Musik---
♫♪♫
Tung ise pasonanghon au manang tu dia pe au lao sasada Ho huboto.
Panghilalahon holong ni rohaM di au na bojok i, na pogos jala oto.
Unang loas au be lilu hinophopMu do tondingku. Ingkon Ho do
tioponhu.
♫♪♫
Las do rohangku mida Ho o Jesus Kristus na dung ro mamboan
hangoluan. Naeng pujionhu Ho tongtong saleleng au di tano on nang di

6
 banua ginjang. Sangap, sangap di GoarMu, Ho Rajangku huendehon
hamuliaonMu Tuhan.

15. Tangiang Pelean – Tangiang Ale Amanami - Tangiang Pasupasu:

(Jongjong)
U : Tatangianghon ma peleanta! Ale Debata, Amanami na di banua ginjang!
Ho do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti
asa huparhaseang hami pelean on, patimbulhon harajaonMu di
tongatonga ni huriaM dohot di portibi on. Buhai ma rohanami
marhitehite TondiM, asa lam hutanda hami godang ni silehonlehonMi tu
hami, asa lam girgir hami mandok mauliate tu Ho, marhitehite Jesus
Kristus Tuhannami. Amen.
H : (Mangendehon) BE. HKBP No. 204 : 2 “NDANG TADINGHONONHU
HO” BL. 73
♫♪♫
Nasa na nilehonMi, tondi ro di pamatanghu. Hosa dohot gogongki,
ro di saluhut artangku. Hupasahat i tu Ho, na so unsatonhu do.
U : Ale Amanami na di banua ginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami!
Unang hami togihon tu pangunjunan! Palua ma hami sian pangago!
H : (Mangendehon): BE. HKBP No. 841 : 1 “Ai Ho Do Nampuna
Harajaon” BL. 841
♫♪♫
Ai Ho do nampuna harajaon, dohot hagogoon, ro di hasangapon,
saleleng ni lelengna. Amen
U : Tangiang Pasupasu.
H : (Mangendehon ) BE. No. 845 : 1 “Amen (3x) HKBP” BL. 845
Amen, Amen, Amen.