PARTORDING NI PARMINGGUON

DI MINGGU XXIV DUNG TRINITATIS

 Ev: 5 Musa 8 : 7 – 18  Ep: Jakobus 1 : 22 - 25

TOPIK :
UNANG LUPA ROHAM DI JAHOWA

HURIA KRISTEN BATAK PROTESTAN (HKBP)

Efrata KM 20 Muara Fajar
Minggu, 19 Nopember 2023
01. Marende: BE No. 565 : 1 – 3 “Las Rohangku Lao Mamuji” BL. 565
♫ Las rohangku lao mamuji, Debata Parholong i.
Songon bunga na mangerbang, di na binsar ari i.
Arsak, dosa, haporsuhon, mago dibaen asiMi.
Las ni roha na manongtong, lehon di au Tuhanhi.
♫ Sude jadijadianMu, laut, tano, langit i.
Angka bintang dohot bulan, nang mata ni ari i.
Hauma, ladang, nang harangan, rura dohot dolok i.
Saluhutna mangendehon, sangap di Tuhanta i.
~~~~~ Jongjong ma Ruas ~~~~~
♫ Debata Parholong roha, na manesa dosangki,
Ndang tarbaen so las rohangku, lao mamuji asiMi
Sai ajari sude hami, mangulahon holong i,
Asa gok las rohanami, dibagasan Tuhan i.
02. Votum – Introitus – Tangiang :
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen.
Ise do na jadi nangkok tu dolok ni Jahowa, jala ise do na jadi jongjong
di hajongjongan ni habadiaonNa i ? Halak partangan na lidang dohot
na ias roha. Haleluya!
H : (Mangendehon): Haleluya, Haleluya, Haleluya
U : Martangiang ma hita! Ale Tuhan Debata, Pargogo na so hatudosan,
Amanami saleleng ni lelengna! Asi ni rohaM do na mangaramoti hami
sian nasailaon rasirasa nuaeng, jala asi ni rohaM do na mangalehon
Barita na Uli i, gabe hangoluannami. Sai asi ma roham, sai buhai ma
rohanami jala lehon TondiM na badia i, asa huantusi hami sude
panogunoguM dohot pambahenMu na balga i. Paian ma HataM di
bagasan rohanami, asa mardame jala sonang hami jala lam imbaru
rohanami marhitehite AnakMu, Tuhan Jesus Kristus Tuhannami.
Amen. (Hundul )
03. Marende: BE No. 701 : 1 + 3 “Tu Ho Do Ahu Marpadan” BL. 701
♫ Tu Ho do au marpadan, ya Jesus Tuhanhi.
Asa burju haposan, au di adopanMi.
Sai Ho ma mandongani, au di ulaonhi.
Ajari pargogoi, ma au di dalanhi.
1
 ♫ PadanMu ale Jesus, tu angka ruasMi.
Luhut do toguonMu, tu hasangaponMi.
Padanhu pe o Jesus, satia au tu Ho.
Sai pargogoi ma au, lao mangihuthon Ho.

04. P a t i k :
U : Tatangihon ma Patik ni Debata di Minggu XXIII Dung Trinitatis on, i
ma Patik V – X, songon on ma didok :
Patik Palimahon : Ingkon pasangaponmu do natorasmu, asa
martua ho jala leleng mangolu di tano na
nilehon ni Jahowa Debatam di ho.
Patik Paonomhon : Unang ho mamunu!
Patik Papituhon : Unang ho mangalangkup!
Patik Paualuhon : Unang ho manangko!
Patik Pasiahon : Unang ho olo manghatindangkon hata na so
tutu maralohon dongan jolma.
Patik Pasampuluhon : Ndang jadi haliangan ni roham bagas ni
donganmu, ndang jadi haliangan ni roham
dongan saripe ni donganmu, manang
naposona baoa manang naposona boruboru
manang lombuna manang hodana, manang
dia pe ugasan ni donganmu.
I do sahatna, Antong rap mangido gogo ma hita sian Tuhan Debata!
U+H : Ale Tuhan Debata, Sai Pargogo i ma hami mangulahon na hombar tu
PatikMi. Amin
05. K o o r : Punguan Ina Ester
06. Marende: BE No. 388 : 1 – 2 “So Ma Jolo Jala Pingkir” BL. 257
♫ So ma jolo jala pingkir, lao tu dia langkami?
Otik nai maho tarlombang, dibaen hatangkangonmi.
Mulak ma tu Tuhan Jesus, Sipalua tondimi.
Ndang ditulak Ho, na dangol, boan nasa dosami.
~~~~~ Jongjong ma Ruas ~~~~~
♫ Nunga leleng ho jadi sonang, guga nasa rohami.
Sai tarponjot dihilala ho di angka dalanmi.
Mulak ma tu Tuhan Jesus Sipalua tondimi.
Ndang ditulak Ho, na dangol, boan nasa dosami.
2
07. Tangiang Manopoti Dosa:
U : Tatopoti ma dosanta, martangiang ma hita: Ale Tuhan Debata,
Pargogo na so hatudosan jala Amanami! Hujou hami do GoarMu na
badia i, ala na targogot hami marningot dosanami. Sai marasi ni
roha ma Ho mida hami on. O Tuhan Jesus Kristus, Anak ni Debata na
gabe jolma ala ni hami, na mate jala na hehe sian na mate, na
manaek tu banua ginjang do Ho mangondihon hami ! Asi rohaM di
hami, sai patongtong ma di hami roha hamauliateon tu Ho. O Tondi
Parbadia, pangapul di na marsak roha, pamalum ma saluhut na
bernit, binahen ni dosanami ! Ro ma Ho mangingani hami, asa
marlas ni roha hami mangulahon lomo ni rohaM. Ho do parhitean ni
nasa asi ni roha, sai unang tulak hami. Sai tangihon ma hami, Ho ale
Debata, Ama, Anak dohot Tondi Parbadia! Amen.
Tabege ma bagabaga taringot tu hasesaan ni dosa: Ai ndang adong
imbar ni i; ai saluhut do pardosa jala hurangan maradophon
hasangapon ni Debata, alai angka na gabe pintor, binahen ni
basabasa marhite sian asi ni RohaNa, hinorhon ni panobusion na
marhitehite Kristus Jesus i, na pinajongjong ni Debata bahen
habangsa parasian marhitehite haporseaon di mudarNa.
Hasangapon ma di Debata na di ginjang !
U+H :Amen! (Hundul)
08. K o o r : Punguan Ina Kamis
09. Marende: BE No. 190 : 1 – 2 “Las Rohangku Situtu” BL. 69
♫ Las rohangku situtu, mida Jesus na lulu.
Manjalahi hajolmaon, ai Ibana paluahon.
Jolma manisia i, sian hamagoan i.
♫ Las rohangku situtu, mida Jesus na burju
Patupahon hangoluan, di au na di hamagoan
Tung saluhut dosangki, do disesa Jesus i.
10. E p i s t e l :
U : Tatangihon ma hata ni Debata Turpuk Epistel di ari Minggu on, i ma na
tarsurat di Jakobus 1:22–25. Tajahama marsingkat soring, songon on
ma didok:
Alai gabe siulahon Hata i ma hamu, unang holan pananginangi, angka
na paotootohon dirina.

3
 H : Ai pananginangi di hata i, anggo so diulahon, tudos ma i tu halak na
paberengbereng rupa ni bohina di sorminan.
U : Ai dibereng do dirina, dung i laho ma ibana, gabe ndang diboto be
rupana.
H : Alai na mamereng torus tu bagasan uhum haluaon na sun denggan i
jala mian disi, i ma na martua marhite sian pangulaonna i, anggo so
pananginangi na manghalupahon, siula ulaon i tahe ibana.
U : I do sahat na. Martua do angka na tumangihon Hata ni Debata jala na
umpeopsa. Amen!
11. Marende: BE No. 25 : 1 – 2 “Hatami Ale Tuhanku” BL. 181
♫ HataMi ale Tuhanhu, arta na ummarga i.
Sai paian di rohangku, unang jadi humiop i.
Molo jadi sitiopan, hata na badia i;
aha nama haojahan ni haporseaon i?
~~~~~ Jongjong ma Ruas ~~~~~
♫ Ale Jesus sai matahon, sai ramoti ma au on.
Asa panas haporseaon, di bagasan rohangkon.
Sai paringgas ma rohangku, mangoloi di hataMi
Asa mauas di podaMu, songon si Maria i.
12. Manghatindanghon Haporseaon:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on, rap ma hita mandok:
U+H : Ahu Porsea di Debata Jahowa….. d.u. (Hundul)
13. Tingting – Tangiang Pangondianon :
14. Marende: BE No. 690 : 1--- “Hibul Rohangku” BL. 690
(Papungu Pelean Ia, Ib)
♫ Hibul rohangku tu Tuhan Jesus, Sude ngolungku di Tuhan Jesus,
Ihuthononhu di Tuhan Jesus, Ndang olo au sumurut be.

♫ Sai Hutundalhon haportibion, Silang ni Kristus ma hudapothon.

Sai Hutundalhon haportibion, Ndang olo au sumurut be.
----------Musik-----------
♫ Tung so adong pe na olo dohot, Alai rohangku sai marsihohot,
Tung so adong pe na olo dohot, Ndang olo au sumurut be.

4
 ♫ Beta ihuthon ma Tuhan Jesus, Ho na dijou do, roham patulus.
Beta ihuthon ma Tuhan Jesus, Sai unang ho sumurut be.
----------Musik-----------

15. J a m i t a : 5 Musa 8 : 7 – 18

16. Marende: BE No. 186 : 1--- “Tongtong Tutu Na Denggan Do” BL. 173
(Papungu Pelean II dohot Pasahathon Pelean Bulanan)
♫ Jahowa do haposanhi, na mangapoi rohangku.
Na patiurhon dalanhi, bulus dibaen langkangku.
Sonang tongtong rohangkinon, binaen ni Debatangku
PatikNa melakukan lomongku.

♫ Na tau haposan situtu do Ho, o Debatangku

Ai Ho do na tongtong burju, mambaen hangoluanhu
Na gogo Ho sai tulus do, sinangkap ni rohaMu
Pasaut na pinungkaMu.
------Musik-------
♫ Ndang dung dihalupahon Ho, sude na holong roha
Di Ho ai sai dapotsa do, na tau apulapulna
Tung sonang do dibahen Ho, na sai tongtong porsea malua sian jea.

♫ Sai tatap sitiruonMi, binaen ni Tuhan Jesus.

Andorang na di Golgata, mudarNa dan lao durus.
Sai pos disi rohaNa i, ditiop do AmaNa sai tiru ma Ibana.
------Musik-------

17. Panimpuli: Tangiang Pelean – Tangiang Ale Amanami – Pasupasu