 Ev: Mateus 16: 21 – 28  Ep: Jeremia 2: 4 – 13

TOPIK:
MANSOADAHON DIRI, MAMORSAN SILANG
JALA MANGIHUTHON JESUS

MINGGU, 28 AGUSTUS 2022

1
1. Marende BE. HKBP No. 27: 1 – 3 “Debata do manggomgomi” BL. 86
♫
Haleluya! Ari Minggu, ari na dumenggan i. Molo iba lao marpungu dohot
dongan Kristen i; Ari na sumurung i, las ni rohangki do i.
♫
Maradian do tondingku di na jumpang Minggu i; Nasa arsak ni rohangku,
Hulonongkon do disi. Tu bagasan roha ni Jesus Kristus Tuhanki.
………Musik………
♫
(Jongjong) Na huula ganup ari hutundalhon do disi. Asa tarpasarisari au
ngolu ni tondingki; Arta na ummarga i, jumpang au di Minggu i.

2. Votum
U: Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on.
Amen! Dihorhon haporsuhonnami na satongkin jala na neang i do
hasangapon na sumurung, na lumobi hamuliaon na salelenglelengna tu
hami, hami angka na so tumailihon angka na tarida angka na tumailihon
angka na so tarida; ai na martingki do anggo angka na tarida, alai na
salelenglelengna do angka na so tarida. Haleluya!

U&H : Mangendehon: BE. HKBP No. 852: 1 “HALELUYA (3x) HKBP”

♫
Haleluya, Haleluya, Haleluya.

U : Martangiang ma hita! Ale Tuhan Debata, Pargogo na so hatudosan

jala Parasiroha na sumurung! Dipangido rohaM, naeng mangolu jala
martua hami sogot; nunga ragam dalanna dibahen Ho manungguli
rohanami, asa hutanda hami hatuaon sogot. Dibahen i hupaserep hami
ma nuaeng rohanami mangido sian Ho: Sai lehon ma TondiM na badia i
tu hami, asa porsea hami di holong ni rohaM di hami. Sai hutangihon
hami ma soaraM, na mangapoi hami di tingki parasirohaon nuaeng, asa
sampang hami tu hangoluan, na pinaradeMi di hami marhitehite Tuhan
Jesus Kristus, Tuhannami. Amen.
Hundul!.

3. Marende BE. HKBP No. 657 : 1 – 2 “Uli na i HuriaMi” BL.657

2
 ♫
Ulina i HuriaMi na pinapungupunguMi, marpungu do sudena i mamuji
Ho Tuhan na sangap i. Tangiang nang endena i na pasangaphon GoarMi.
Sai topot ma HuriaMi na pinapungupunguMi. Tumpahi ma HuriaMi,
tumpahi ma HuriaMi.
♫
Huria ni Tuhanta i, hinophop ni mudarNa i. Pahot tongtong pingkiranmi
maniop Tuhanmi parholong i. Sai unang olo talu ho, bahenon ni sibolis i;
Sai pangidohon ma gogo tu Raja ni Huria i; Tumpahi ma HuriaMi,
tumpahi ma HuriaMi.

4. Patik :
U : Patik ni Debata di hita di Minggu XI Dung Trinitatis sadari on, ima
Patik palimahon sahat tu pasampuluhon. Patik palimahon: Ingkon
pasangaponmu do natorasmu asa martua ho jala leleng mangolu di tano
na nilehon ni Jahowa Debatam di ho.
Patik paonomhon, Unang ho mamunu
Patik papituhonhon, Unang ho mangalangkup
Patik paualuhonhon, Unang ho manangko
Patik pasiahon, Unang ho olo manghatindanghon hata na so tutu
maralohon dongan jolma.
Patik pasampuluhon, Ndang jadi haliangan ni roham bagas ni
donganmu, ndang jadi haliangan ni roham dongan saripe ni donganmu,
manang naposona baoa manang naposona boruboru, manang lombuna
manang hodana, manang dia pe ugasan ni donganmu.
U: Ima sahatna, antong rap mangido gogo ma hita sian Tuhan Debata!
U&H: Ale Tuhan Debata! Sai pargogoi ma hami mangulahon na hombar
tu PatikMi. Amen.

5. Marende BE. HKBP No. 677: 1 + 4 “Mansai lambok“ BL. 677

♫
Mansai lambok Tuhan Jesus manjou, manjou ho dohot au. Ida Ibana
paima haroromu, mulak ma ho dohot au. Ref.: Antong sai ro ma ho, angka
na sorat sai ro ma ho. Mansai lambok Tuhan Jesus manjou. Pardosa
mulak ma ho.

3
 ♫
(Jongjong) Dijangkon Jesus do angka parjahat, mulak ma ho dohot au.
Dosam sudena ias sesaonNa, muba ma ho dohot au. Ref. Antong ...

6. TANGIANG MANOPOTI DOSA:

U : Martangiang ma hita! Ale Tuhan Debata, na badia jala na bonar. Parasi
jala Partalup ni roha jala na basar do Ho! Sai marpangulahi ma rohaM
mida hami. Dibahen i sai sesa ma sude dosanami! Ndang adong na
hupangasahon hami dungkon ni asi ni rohaM; hatigoran na pinatupa ni
AnakMu do na hupangasahon hami tu joloM. Dibahen i pasonang jala
apuli ma hami angka na hinophop ni Tuhan Jesus Kristus, Tuhannami.
Amen.
Tabege ma bagabaga ni Debata taringot tu hasesaan ni dosanta: Ala ni
pangalaosionta do umbahen na tartullang Kristus, jala binahen ni
hajahatonta do Ibana mabugang. Ampe tu Ibana pinsangpinsang
parhitean ni hasonanganta, jala binahen ni bugangNa malum itahilala.
Hasangapon ma di Debata na di ginjang!

H: Amen. -Hundul-

7. Marende BE. HKBP No. 131: 2 - 3 “Batang aek usehononku” BL. 87

♫
Sai lambas dope na hasang ala hona toru i; Israel dope na jalang sian
Mesiasna i. Nang sipelebegu pe na mansai torop dope.
♫
Sai tangihon, ale Jesus, pangidoannami on, sangkapnami ma patulus: Gok
ma baen portibi on. Dohot hasangaponMi; Sai pararat hataMi!

8. Epistel:
U: Hata ni Debata Epistel di minggunta sadari on tarsurat di Jeremia 2: 4
– 13 tajaha ma marsorinsorin! Tangihon ma hata ni Jahowa, hamu ale
pinompar ni si Jakkob dohot sude marga ni pinompar ni Israel.
H: Boti hata ni Jahowa: Tung aha ma na so uhum jumpang angka
ompumuna di ahu, umbahen mandaodao nasida sian ahu, jala
diihuthon Debata na so hasea, gabe so gabeak ia nasida.

4
 U: Jala ndang didok nasida: Didia do Jahowa, na manogihon hita ruar sian
tano Misir, na manogunogu hita di halongonan, di tano na tungil, jala
na marlombang, di tano hasang, jala linggoman ni hamatean, di tano na
so binolus ni halak, jala ndang adong jolma maringan disi.
H: Dung i hupatolhas hamu tu tano na lunak, asa dipangan hamu
parbuena dohot gogona, hape ro hamu mangaramuni tanongku,
gabe hagigian partalianku dibahen hamu.
U: Ndang didok angka malim: Didia do Jahowa? Jala ndang ditanda
angka na mangaradoti patik i ahu, jala marbalik do angka parmahan
sian ahu; jala angka panurirang manurirangi marhitehite Baal, jala
diihuthon nasida do angka na so margogo mangurupi.
H: Dibahen i ndang tarjua ahu be so mambadai hamu, ninna Jahowa,
ro di ninimuna sai badaanku do.
U: Ai tung topot hamu ma angka pulo ni halak Kitim, jala tingkir hamu
disi; jala suru hamu ma tu Kedar pamanathon situtu, jala ida hamu,
manang dung masa sisongon i disi.
H: Tung adong ma bangso na pasambarhon Debatana, atik pe so tutu
Debata? Alai anggo bangsongku, tung dipasambar do
hamuliaonna tu na so margogo mangurupi.
U: Longang ma hamu angka banuaginjang alani, jala manonditnondit,
tarsonggot situtu tahe, ninna Tuhan Jahowa.
H: Ai dua do jea binahen ni bangsongku: Ahu, mual ni hangoluan
ditadingkon nasida, laho mangkali di nasida sumursumur, sumur
angka na marruang, na so marisi aek.
U: I ma sahatna: Martua do angka na tumangihon hata ni Debata jala na
umpeopsa.
H: Amen.

09. Marende BE. HKBP No. 678 : 1 – 2 “Pauba roham” BL. 678
♫
Pauba roham tu Jahowa, pauba roham tu Debatam. Pauba roham tu
Jahowa, pauba roham tu Debatam.
♫
(Jongjong…) Marhaposan ho tu Jahowa, marhaposan ho tu Debatam.
Marhaposan ho tu Jahowa, marhaposan ho tu Debatam.
5
10. Manghatindanghon Haporseaon:
U : Tahatindangkon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H: Ahu porsea di Debata Jahowa……d.u. (Hundul)

11. Tingting

12. Marende BE. HKBP No. 719: 1 … “Hubege soaraM O Jesus“ BL. 719
(P.Pelean Ia,Ib)
♫
Hubege soaraM O Jesus, hubege soaraM O Jesus. Hubege soaraM O
Jesus, na manjouhon, ihuthon ma Au. Ref.: Togu au Jesus Tuhanku,
iringiring ma langkangku, patuduhon ma dalanmu asa unang unang lilu
au.
♫
Hupasahat ma diringku, hupasahat ma diringku, hupasahat ma diringku,
mangihuthon Jesus Tuhanki. Ref.: Togu au Jesus Tuhanku, iringiring ma
langkangku, patuduhon ma dalanMu asa unang unang lilu au.
………..Musik………..
♫
Pargogoi ma au Tuhanku, pargogoi ma au Tuhanku, pargogoi ma au
Tuhanku, lao mamorsan silang na tu au. Ref.: Togu au Jesus Tuhanku,
iringiring ma langkangku, patuduhon ma dalanMu asa unang unang lilu
au.

13. JAMITA: Mateus 16: 21 – 28 “Mansoadahon Diri, Mamorsan

Silang Jala Mangihuthon Tuhan Jesus ”
14. Marende BE. HKBP No. 238 : 1 … “Ihuthon Au sude hamu” BL.93
(Pelean II )
♫
Ihuthon Au sude hamu! Didok Tuhanta Jesus. Sai soadahon dirimu,
hatangku ma patulus; Alai bolongkon ma sude parulanmu na so ture.
♫
Sai Au panondang di hamu di dalan hangoluan. Naeng unang lilu be
hamu, dao dohot hamagoan. Au parhitean di hamu tu hasonangan situtu.
………….Musik…………..

6
 ♫
Hupatuduhon di hamu, sipasidingonmuna; sude geduk ni rohamu,
sipaubaonmuna; Ai naeng ias ma tondimu di na lao suda bohalmu.
♫
Na serep roha do Au on huhut holong rohangKu
Lambok rohangKu ai tongtong na lambok do hatangKu
Tongtong Hutatap Debata i pe Au on ihuthon ma.
…Musik…
♫
Ndang tarpatupa hami i, dipingkir rohamuna
Unang mabiar ala nii, ai Au do donganmuna
TaluhononKu musu i, sai pos ma rohamu disi.
♫
Siparhamaol hosana i, i ma agoan hosa
Alai na sumeahon i , i do pangoluhonsa
Na so mamorsan silang i na so tama di Au ma i.
…..Musik….
♫
Antong girgir ma hita be lao mangihuthon Jesus
Dagingta nang tondita pe talehon ma tu Jesus
Ai na manjua Tuhan i ndang dapot hasonangan i.

15. PANGUJUNGI: Tangiang Pelean- Tangiang Ale Amanami- Tangiang

Pasupasu
U: Tatangianghon ma peleanta! Ale Debata, Amanami na di banua ginjang,
Ho do haroroan ni saluhut silehonlehon na denggan dohot nasa ulibasa
na mauliutus. Hupasahat hami ma sian na nilehonMi tu hami,
peleannami tu Ho. Sai jalo ma i gabe uap na hushus di joloM. Pasupasu
ma i jala ramoti asa huparhaseang hami pelean on, patimbulhon
harajaonMu di tongatonga ni huriaM dohot di portibi on. Buhai ma
rohanami marhitehite TondiM, asa lam hutanda hami godang ni
silehonlehonMi tu hami, asa lam girgir hami mandok mauliate tu Ho,
marhitehite Jesus Kristus Tuhannami. Amen!
H : (Mangendehon) BE.HKBP No. 204 : 2 “Ndang Tadingkononhu Ho”
BL.73
♫♪♫
Nasa na nilehonMi, tondi ro di pamatangku.
Hosa dohot gogongki, ro di saluhut artangku.
Hupasahat i tu Ho, na so unsatonhu do.
7
U: Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa tu
hami! Unang hami togihon tu pangunjunan! Palua ma hami sian
pangago!

H : (Mangendehon) BE.HKBP No. 841: 1 Ai Ho do Nampuna Harajaon

BL. 841
♫♪♫
Ai Ho do nampuna harajaon dohot hagogoon ro di hasangapon
saleleng ni lelengna. Amen!
U : Tangiang Pasupasu.
H : (Mangendehon) BE. HKBP No. 845 : 1 “Amen (3x) HKBP”
BL. 845
♫
Amen, Amen, Amen.