ACARA MINGGU

DOHOT
MANGOJAKHON
Biv.LENNY MARLINA MARPAUNG
DI HKBP ADIAN NANGKA
RESORT ADIAN NANGKA
DISTRIK VI DAIRI

DI
MINGGU IV DUNG TRINITATIS
02 JULI 2023
 Ev:Psalmen 89:15-18  Ep: Mat.10:40-42
TOPIK :
MANGHANGOLUHON HATIGORAN DOHOT
ASI NI ROHA NI DEBATA
Niuluhon ni :
Praeses HKBP Distrik VI DAIRI

Pdt. Sampur Simanullang S.Th

I. Joujou mamuji Debata: U = Uluan R = Ruas
U: Huria ni Tuhanta, mauliate ma di Tuhan Debata namamasumasu hita
boi hita ro sian bagasta be tu parsaoran na badia dohot Debata di
parmingguonta sadari on.
H: Pinuji ma Debata di habadiaonNa i.
U: Sadarion ojakhononta inang Biv. Lenny Marlina Marpaung laho
mangobasi di huria on, na manghobasi na saleleng on Bibelvrouw
Fungsional HKBP Curup Resort Curup Distrik XV Sumatera Bagian
Selatan hombar tu SK No.:49/Bvr/SK/03/2023 tertanggal 27 Maret
2023, laos paborhaton Inang Rosdiana Br. Sihombing, STh., naung
mangurupi panghobasion di hurianta dibagasan na saton lobi on.
Marsangap ma Debata, jala tarpasupasu hita saluhutna.
H: Pinuji ma Debata na mamasumasu huriaNa gabe pasupasu tu liat
portibion.
U: Antong, tapasada ma rohanta marende ma hita.
1. Marende BE.No. 9: 1 – 2 “Hupuji holongni rohaMu” BL. 110
♫ Hupuji holong ni rohaMu, O Tuhan Jesus, Rajangki! Tu Ho hulehon ma
tondingku, ai i do pinangidoMi. Huhalupahon ma diringku, mamingkir
holong ni rohaMu.
♫ (Jongjong) Sai dilului Ho do ahu, au pe huhalungunhon Ho; Ditaiti
rohaMi rohangku, dibahen i hulehon do. Dipillit Ho hian tondingku, i
pe hutodo Ho, Tuhanku.
2. VOTUM – INTROITUS – TANGIANG:
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on. Amen.Mangasahon Debata sai hamonangan do ulahononta. Ngot
ma ho, ale parhinaloan! Tarsunggul ma ahu di buha siang ari.
Pujionku ma Ho di tongatonga ni angka bangso, ale Tuhan,
endehononku ma Ho di tongatonga ni angka marga.Haleluya!
H : (Mangendehon): Haleluya, Haleluya, Haleluya.
U : Martangiang ma hita.Ale Tuhan Debata, Parasiroha na sumurung!
Mauliate ma rohanami tu Ho, ala dijou Ho hami tu panghirimon di
hangoluan saleleng ni lelengna. Sai lehon ma TondiM tu rohanami,
asa margogo hami mangalo hisaphisap ni rohanami jala asa hulului
hami, angka na di banua ginjang i.
 Pargogoi ma hami manaluhon saluhut na naeng mangambat hami tu
hasonangan. Sai paganda haporseaon, panghirimon dohot
pamompomon ni rohanami, asa monang hami ro di ujungna, laho
manjalo tumpal i hami di joloM ala ni AnakMu, Tuhan Jesus Sipangolu
i. Amen. ( Hundul )
3. Marende BE.No. 183: 1 “Na jumpang au” BL. 105
♫ Na jumpang au na asi roha di au naung mago i hian, Tuhan Jesus
Parasiroha di au nalilu na hinan. Nuaeng hutandaTuhanki, Parasi roha
bolon i, Parasi roha bolon i.
4. P A T I K :
U : Tangihon hamu ma Patik ni Debata di Minggu IV Dung Trinitatis
sadarion, ayat bulanan bulan Juli, ima sian 5 Musa 7: 9. Dibahen i
tama ingkon botoonmu, Jahowa do Debatam, Ibana do Debata na
sintong jala na bonar, na pasintong padan dohot asi ni roha tu halak,
angka na manghaholongi Ibana dohot tu angka na mangaradoti
tonaNa, pola marriburibu sundut.
I do sahatna. Antong, rap mangido gogo ma hita sian Tuhan Debata!
S: Ale Tuhan Debata sai pargogoi ma hami mangulahon na hombar tu
PatikMi. Amen.
5. Marende BE.No. 681:1–2 “Ale Amang asi rohaM”BL. 681
♫ Ale Amang asi rohaM di au pardosa on. Unduk do rohangkon nuaeng
marsomba di joloM. Unang jujur, unang jujur angka dosangki.Sai
salpuhon, sai salpuhon sian rohaMi.
♫ (Jongjong) Amang sai pargogoi ma au di hasiangan on. TondiM
pasaor tu tondingkon pamalum rohangkon. Sai usehon, sai usehon
TondiMi tu au. Asa monang maralohon parungkilon au.
6. MANOPOTI DOSA:
U : Tatopoti ma dosanta martangiang ma hita!Ale Tuhan Debata,
Amanami, Pargogo na so hatudosan, Parasiroha mida hami na dangol
on! Na ro do hami tu joloM manopoti dosanami na godang i. Di
bagasan hajahaton do hami tubu jala ndang adong haporseaon di
bagasan rohanami hian, saluhut do hami manimbil sian angka
dalanMu. Mansai godang do pangalaosionnami di PatikMu. Alai ingot
ma hami, ale Tuhan, ala ni denggan ni basaM dohot asi ni rohaM. Sai
 unang paingotingot angka dosa ni haposoonnami dohot
pangalaosionnami; sai ingot ma hami hombar tu asi ni rohaM dohot
denggan ni basaM ala ni GoarMu. Ale Tuhan Jesus, marpamuati ma
rohaM di dosanami na godang i! Amen.
Bagabaga ni Debata taringot tu hasesaan ni dosa! Songon on do
Hata ni Tuhan Jahowa: Nunga pola hupasisi angka pangalaosim
songon ombun, jala songon ombun manorop angka dosam. Sai mulak
ma ho tu Ahu, ai Ahu do Sipalua ho. Hasangapon ma di Debata na di
ginjang!
S: Amen! (Hundul)
7. Marende BE. HKBP No. 690:1 “Hibul rohangku” BL. 690
♫ Hibul rohangku tu Tuhan Jesus, sude ngolungku di Tuhan Jesus.
Ihuthononku do Tuhan Jesus, ndang olo au sumurut be.
8. E P I S T E L:
U: Tangihonhamu ma Hta ni Debata Turpuk Epistel di Minggu IV Dung
Trinitatis sadari on i ma na tarsurat di Mateus 10: 40 – 42. Tajaha ma
marsorinsorin: Na manjangkon hamu, ……….
H: (manjaha responsoria)….
U: …………… I do sahatna. Martua do angka na tumangihon Hata ni
Debata jala na umpeopsa.
S: Amen.
9. Marende BE. No. 238:6-7“Ihuthon Au sudehamu” BL. 93
♫ Siparhamaol hosana i, i ma agoan hosa; Alai nasumeahon i, i do
pangoluhonsa; Na so mamorsan silang i na so tama di Au ma i.
♫ (Jongjong) Antong girgir ma hita be lao mangihuthon Jesus; Dagingta,
nang tondinta pe talehon ma tu Jesus; Ai namanjuaTuhan i ndang
dapot hasonangan i.
10. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu porsea di Debata Jahowa............ Amen. (Hundul)
11. TINGTING:
12. Mandok Hata na magang (Rosdiana Sihombing,S.Th)
13. Marende BE.No. 761:1....“Martua na porsea” BL. 761 (Pelean Ia, Ib)
♫ Martua na porsea, na hot di Tuhan i, bolong holso ni roha, dao nang
biar i. Holang sian na jahat, donok do Tuhan i, di angka na porsea, na
tinobusNa i.
♫ Maporus do dakdanak tu natorasna i,di tingki parmaraan, sihabiaran
i. Maporus tuTuhanta do na porsea i, HataNa i sinjata di paraloan i.
……..Musik………..
♫ Dung sahat tu Labuan angka parsolu i, sonang do dihilala dao
galumbang i. Sumonang na porsea di huta Sion i. Labuan salelengna
do hasonangan i.
14. JAMITA: PSALMEN 89: 15 – 18 (Pdt. S. Manullang – Praeses HKBP Distrik VI
Dairi)
15. Marende BE.No. 573: 1....“Puji Jesus Sipalua” BL. 573 (Pelean IIa & IIb)
♫ Puji Jesus! Puji Jesus Sipalua! Langit, tano, marolopolop ma. Haleluya!
Puji ma Tuhan Jahowa, tapasangap Goar ni Debata. Tuhan Jesus do
marmahani hita, Arianna nang bodarina pe. Puji! Hatindanghon ma
hamuliaonNa. Taendehon sangap di Debata.
♫ Puji Jesus! Puji Jesus Sipalua! Tapasangap ma TuhanDebata. Dolok
batu sihirimon ni rohanta, dipapatar di dolok Golgata. Haleluya diapul
do rohanta, dibaen denggan basa ni Debata. Puji ... ....Musik…..
♫ Puji Jesus! Puji Jesus Sipalua! Hosianna pangiar soaram. HarajaonNa
hot do ro di salelengna, Jesus Kristus anak ni Debata. Ai Ibana Raja ni
angka raja, na sun gogo gumomgom tano on. Puji ..
16. Pasahat Amplop Tu Jolo ima Tu Anggaran Huria
U : Nuaeng sahat ma hita na pasahathon Amplop, ima songon dalanta
laho mangurupi anggaran panghobasion ni hurianta. Disiala ni i ro
ma hita tu jolo laos ta endehon ma BE. No. 577 Puji Tuhan Debata
H : (Ro ma ruas tu jolo laos mangendehon BE No. 577 Puji Tuhan
Debata)
♫ Puji Tuhan Debata haleluya, Ale HuriaNa I haleluya. Nang
surusuruan I haleluya. Ita somba Tuhan I Haleluya.
 ♫ Ale parlangitan I, haleluya Pangiar soarami, haleluya. Tano
dohot laut I, haleluya. Pasangap ma Tuhan I, haleluya ---
Musik---
II. MANGOJAKHON INANG BIV. LENNY MARLINA MARPAUNG
1. Marende BE. NO. 730: 1 “ Sai patau ma au
Sai patau ma diringku ale Tuhan, Papatarhon hinauliMi Tuhan. Suru ma
tondiMi saor tu rohangki, Lao papatar HolongMu tu donganki
(Tingki marende laos ro ma tu jolo Inang Biv. Lenny Marlina
Marpaung / keluarga mangadop tu uluan / Praeses )
2. Praeses:
Hamu angka dongan ruas dohot Parhalado huria ni Tuhanta na di huria
on, di ari on, di Minggu sadari on paojakon do Inang Biv. Lenny Marlina
Marpaung na imbaru manghobasi di HKBP Adian Nangka Ressort Adian
Nangka on . Mardomu tusi tabege ma jolo surat haputusan ni Pimpinan
HKBP taringot tu penempatan nasida.
3. Manjaha Surat Keputusan ( Pdt.Maxdondo Debataraja,S.Th)
4. Praeses:
Hamu Inang Biv. Lenny Marlina Marpaung nunga dibege hamu Surat
Keputusan ni Pimpinan HKBP taringot tu penempatan muna gabe
Bibelvrouw di HKBP Adian Nangka Resort Adian Nangka Distrik VI Dairi
on.
Antong tabege ma jolo ulaon ni Bibelvrouw hombar tu Aturan dan
Peraturan HKBP 2002 dung amandamen III.
5. Manjaha A/P HKBP 2002 (Pdt.Maxdondo Debataraja,S.Th)
6. Praeses :
Hamu Inang Biv. Lenny Marlina Marpaung nunga dibege hamu Surat
Keputusan ni Pimpinan ni HKBP taringot tu penempatan muna gabe
Bibelvrouw di HKBP Adian Nangka Resort Adian Nangka on. Dohot
Aturan Peraturan HKBP 2002 taringot tu ulaon ni Bibelvrouw. Antong na
manungkun ma ahu nuaeng tu hamu, di jolo ni angka dongan na
marpungu dison dohot di jolo ni Tuhan Jesus Kristus, Raja jala nampuna
Huria i : Na olo do hamu paojakon gabe Bibelvrouw manghobasi di HKBP
Adian Nangka Resort Adian Nangka on? Na olo do hamu mamelehon
dirimuna mangaradoti angka ulaon i hombar tu na diaturhon di HKBP ?
Dok hamu ma alus muna.
7. Biv. Lenny Marlina Marpaung
Na olo do ahu, sai didongani asi ni roha ni Debata ma ahu
patupahon saluhutna i.
8. Praeses ( Huhut Masijalangan )
Marhitehite Goar Ni Debata Ama, dohot Goar ni AnakNa Tuhan Jesus
Kristus dohot Goar ni Tondi Parbadia:Ahu Praeses HKBP Distrik VI Dairi
atas goar ni Ephorus HKBP di Minggu sadarion tanggal 02 Juli 2023,
hupaojak ma hamu Inang Biv. Lenny Marlina Marpaung gabe
Bibelvrouw manghobasi di HKBP Adian Nangka Resort Adian Nangka
Distrik VI Dairi on. Didongani jala dipargogoi Tuhan i ma hamu
mangulahon ulaon i, bahen sangap di goarNa. Jala didongani Tuhan i ma
nang amang mandongani hamu.Amen.
9. Pasahathon Tu Huria (Bibelvrouw mangadophon Huria)
Praeses :
Hamu angka dongan Ruas dohot Parhalado Huria ni Tuhanta na di HKBP
Adian Nangka Resort Adian Nangka on, nunga hupaojak hami Biv. Lenny
Marlina Marpaung /keluarga di HKBP Adian Nangka Resort Adian
Nangka on.
Dibahen i, hupasahat hami ma nasida tu hamu HKBP Adian Nangka
Resort Adian Nangka on, jangkon hamu ma nasida di bagasan tangiang
huhut urupi hamu asa manjadi ulaon nasida jala marlas ni roha dohot
keluarga nasida di Ressort dohot huria on.
Ruas ni Huria :
Di bagasan roha mauliate tu Debata Ama dohot Tuhan Jesus Kristus Raja
ni Huria i dohot Tondi Parbadia hujangkon hami ama Inang Biv. Lenny
Marlina Marpaung /keluarga manghobasi di HKBP Adian Nangka
Ressort Adian Nangka on. Sai di pargogoi jala diurupi Tuhanta ma hamu
gabe pasupasu tu hurianta.
10. Martangiang ma hita (Praeses)
Ale Tuhan Debata Amanami marhitehite Tuhan Jesus Kristus Raja jala
nampuna huria i. Mauliate rohanami tu Ho jala pujionnami do goarMu, ai
 ndang dipaloas Ho huriaMi so marparmahan. Alai dipabangkit Ho do
naposoM Inang Biv. Lenny Marlina Marpaung manghobasi di HKBP Adian
Nangka Resort Adian Nangka on.
Asi ma rohaM lehon ma TondiM na badia i margogoihon nasida,
parsahalai, parbisuhi ma nasida, asa polin dibaritahon nasida hataMi.
Lehon hahipason, hatoguon dohot hiras ni roha mangaradoti sude ulaon di
HKBP Adian Nangka Resort Adian Nangka on.
Tumpahi ma saluhut na niula nasida, jala sai patubuma hataM na
binaritahon nasida asa marparbue, paboa siseanMu hami. Pasupasu ma
nang keluargan nasida. Hupangido hami tu Ho marhitehite AnakMu Tuhan
Yesus Kristus Tuhannami, Amen.
11. MANDOK HATA ( Singkat – Padat )
1. Hata patujolo sian Biv. Lenny Marlina Marpaung/Keluarga
2. Hata panjanghonon sian:
a. Mewakili Ruas HKBP Adian Nangka :
b. Mewakili Parhalado HKBP Adiang Nangka :
c. Mewakili Parhalado HKBP Resort Adian Nangka :
d. Pandita HKBP Ressort Adian Nangka :
3. Arahan Bimbingan sian Praeses HKBP Distrik VI Dairi
III. Pangujungi
1. Marende BE No. 716: 3 “Di na mamolus sandok ngolu on” BL.716
Ula na denggan tu halak sude, songon binaenNa tu ho. Ingot urupi luhut
na gale, gabe parholong ma ho. Bahen ma ahu parhiteanMu, pasupasuM
mabaor ma i. Ale Tuhanku patupama au, baen pasupasu tu dongan sude
2. Tangiang Pelean – Ale Amanami – Pasupasu – Amen 3x.

IV. Ramah Tamah

SELAMAT MELAYANI