Acara Minggu, Pesta Ultah 77 Taon

dohot Pesta Gotilon

HKBP Malang
Minggu, 5 November 2023

“Pasangap ma Jahowa marhite hamoraon dohot dagingmu”

I. ACARA PROSESI (INTROITUS) :

 Persiapan di Ruang Konsistori
 Barisan Prosesi : jongjong ruas huhut Manghuling musik BE No 435 : 1.....
 Jongjong ma sude Parhalado, Panitia di jolo.
U : Uluan, H : Huria, P : Parmusik

U : Huria ni Debata na dihaholongan ni Tuhanta Yesus Kristus, hami saluhut

Pelayan FullTimer rap dohot Parhalado, pasahathon tabe ma tu sude hamu
ruas ni huria: Asi ni roha ma di hamu, jala dame na sian Tuhanta, ima na
mangaramoti hita saluhutna. Dibagasan sadarion tung tama do hita mandok
mauliate tu Debata, disaluhut pandonganion dohot pangaramotion ni
Debata di sude pardalan ni ngolunta. jala dipaloas Debata huria-Na,
patupahon Ulangtahun ni hurianta HKBP Malang on na pa 77 taonhon
dohot Pesta Gotilon. Saluhutna i tung asi ni roha ni Debata do i tu hita.

H : Mauliate Tuhan, marolop-olop do hami manghalashon denggan ni basaM. Ho do

mual ni pasupasu jala Debata parasiroha na mandongani parngoluan nami.

U : Nuaeng pe pataridahononta ma parsombaonta, panindangionta, dohot las ni

rohanta di pasu-pasu ni Jahowa naung tajalo, marhitehite budaya ha-
Batakonta. Antong amang pangual pargonsi: Alu-aluhon ma jolo tu Debata
Ama, na manompa langit dohot tano on, dohot nasa isina, ima Tuhan
Jahowa, Ama na hutanda hami di bagasan goarni AnakNa Jesus Kristus.
P : Manghuling taganing......
U : Alu-aluhon ma tu Tuhan Jesus Kristus, Anak ni Debata na sasada i, na
paluahon hami sian dosa dohot hamatean marhite mudarNa na badia i .
P : Manghuling taganing......
U : Alu-aluhon ma tu Tondi Porbadia na ruar sian Ama i dohot sian AnakNa
Tuhan Jesus Kristus, na pajongjong huria na badia i, gabe taruli hami di
asinirohaNa marhite huria HKBP Malang on.
P : Manghuling taganing......
U : Nunga dialu-aluhon hamu be tu Debata Ama, AnakNa Tuhan Jesus Kristus,
dohot Tondi Parbadia. On pe Amang panggual pargonsi, na marmula do
nasa na adong, jala Debata do haroroan ni saluhutna! Didok do di 1 Musa 1 :
1 Dimulanimulana di tompa Debata langit dohot tano on. Nuaeng bahen
damang ma jolo gondang mula-mula laos padomu ma dohot gondang
somba-somba i, asa jolo marsomba hami tu jolo ni Tuhan, Debata Jahowa na
sasada i, na tumompa langit dohot tano on, dohot tu AnakNa Tuhan Jesus
Kristus naung mate humophop hita jala mulak mangolu, dohot tu Tondi
Porbadia na mangalehon las ni roha dohot ngolu na imbaru na so ra suda i”.
P : Manghuling gondang mulamula laos manortor ma ruas di inganan na be.
U : Nunga Husomba hami be Tuhan Jahowa marhite tangan, simanjujung,
dohot roha. Didok do di Markus 16 : 15 Laho ma hamu tu liat portibi on,
 jamitahon hamu ma barita nauli i tu saluhut na tinompa. Nuaeng pe amang
panggual pargonsi, naeng liathononnami ma Kristus silehon pasu-pasu,
songon panindangion nami tu portibion, alani: bahen damang ma gondang
liat-liat i, asa mangaliat hami manghalashon jala manghamauliatehon pasu-
pasu ni Debata naung sahat tu hami be.
P : Manghuling gondang liatliat laos manortor ma ruas di inganan na be.
U ; Tu hita saluhut na liat na lolo, nunga taliathon tortorta pataridahon
panindangionta taringot tu denggan basa ni Jahowa di Pesta Ulang Tahun
Pa-77 taon dohot Pesta Gotilon on, jala nunga tapatuduhon parsombaonta tu
Jesus Kristus si lehon pasu-pasu tu ngolunta. Ibana do Raja na mamasu-
masu boni ni angka na taula, jala laos Ibana do silehon hangoluan di hita.
Antong taparade ma naueng rohanta laho pasahat pamujionta tu Debata
sitolusada i marhite parmingguonta. Marende ma hita sian BE. No. 585: 1 – 2
( hundul ma Panitia dohot Parhalado tu hundulanna be )
II. ACARA IBADAH
1. Marende BE 585 : 1-2 “Somba ma Jahowa”
 Somba ma Jahowa Debatanta, Amen Haleluya. Sigomgom langit tano on ro di isina,
Amen Haleluya. Beta hita lao marsinggang di JoloNa, Amen Haleluya. Na songkal
jala na badia do Jahowa, Amen Haleluya. :;:Endehon Amen Haleluya, Endehon Amen
Haleluya, Endehon Amen Haleluya, Endehon Amen Haleluya:;: … jongjong…
 Puji ma Jahowa Debatanta, Amen Haleluya. Parasi roha na sumurung do Ibana, Amen
Haleluya. Taendehon ma goar ni Debatanta, Amen Haleluya. Alani denggan ni basaNa
na tu hita, Amen Haleluya. :;:Endehon Amen Haleluya, Endehon Amen Haleluya,
Endehon Amen Haleluya, Endehon Amen Haleluya:;
2. Votum + Introitus

U : Marhitehite Goar ni Debata Ama dohot Goar ni AnakNa Tuhan Jesus

Kristus dohot Goar ni Tondi Parbadia na manompa langit dohot Tano on.
Amen. Saluhut silehonlehon na denggan dohot nasa ulibasa na mauliutus,
na ro sian banua ginjang do i, sian Ama ni angka hatiuron, ndang adong
anggo di Ibana parsorinon manang halinu ni pangkusoran. Haleluya.
H : (mangendehon: Haleluya-Haleluya-Haleluya)
U : Martangiang ma hita : Ale Tuhan Debata, Amanami na di banua ginjang.
Ho do haroroan ni sude denggan basa na marragamragam i. alani
pasupasuM do umbahen marparbue sude na niula ni tangannami jala
diparmudu Ho do hami na tinompaM, asa unang rapar. Dibahen i
marpungu hami nuaeng mandok mauliate sian nasa rohanami tu Ho. Sian
tanganMu do sude hujalo hami, nasa na denggan tu dagingnami dohot tu
tondinami. Jala asinirohaM do mangaramoti hami. On pe sai jalo ma
 hamauliateon ni rohanami. Angkup ni i sai lehon ma TondiM tu hami, na
mamuhai dohot na patiurhon mata ni rohanami, asa huida hami sude na
denggan, sude na uli na pinatongonMi tu hami, asa ringgas rohanami
mamuji dohot pasangaphon Ho marhite Tuhan Jesus Kristus Tuhannami.
Amen. … hundul …
3. Koor Lansia
4. Marende BE No. 574 : 1 “ Puji Ma Debata”
 Puji ma puji ma Debata, na ni ain na do umpuji Debata. Nunga sesa dosami. Malum
dohot rohami. Puji ma, puji ma Debata. Na ni ain na do umpuji Debata.
5. Patik

U : Patik ni Debata di Minggunta sadari on, ima na tarsurat di Lukas 21 : 36

“Alai dungo ma hamu tongtong mardongan tangiang, asa margogo hamu
pasiding saluhut na aneng masa i, laho jongjong di jolo ni Anak ni jolma i”.
Antong nunga tabege be patik ni Debata, Antong rap mangido gogo ma
hita tu adopan ni Debata lao mangulahon na hombar tu PatikNa i.

H :
Ale Tuhan sai pargogoi ma hami mangulahon na hombar tu PatikMi.
Amen
6. Marende BE. No. 686 : 1 - 2 “Ramun do au ”
 Ramun do au di joloM i gok dosangki urasi au. O Jesus birubiru i dison do au patau ma au.
(Jongjong)
 Na ro do au tu joloM i, gale do au urupi au. O Jesus ala mudarMi dison do au patau ma au.

7. Manopoti Dosa.

U : Dibagasan unduk dohot serep ni roha, ro ma hita tu adopan ni Debata.

Tatopoti ma dosanta tu Amanta Debata, jala tapangido ma hasesaan ni
dosanta, dibagasan goar ni Tuhan Jesus Kristus Parasi roha i. Jumolo ma
hita martangiang pribadi (musik) Martangiang ma hita: Ale Debata
amanami na badia jala na gok asi ni roha, manang na piga hali hami ro tu
adopanMu, huparhatopot hami do sude angka dosa nami na godang i.
Tung mansai jotjot do hami manirpang sian dalanMu, ndang mangulahon
lomo ni roham. Unang ma pabali hami sian adopanMu ale Jahowa, ala ni
dosa dohot hajahaton nami. Alai marpamuati ma rohaM di hami. Nuaeng
ro hami tu joloM mangido asi ni rohaM: Sai sesa ma sude dosa nami jala
unang paingot-ingot sude dosa nami na godang i. Amen. Huria ni Debata
naung manopoti dosa, baga-baga ni Debata, taringot tu hasesaan ni
dosanta: Songon on do hata ni Tuhan Jahowa: Nunga pola hupasisi angka
pangalaosim songon ombun, jala songon ombun manorop angka dosam.
 Sai mulak ma ho tu Ahu, ai Ahu do sipalua ho. Hasangapon ma di Debata
na di Ginjang.
H : Amen ………….hundul …………

8. Koor Serafim
9. Marende BE NO. 443 : 1 “ Dung Tuhan Jesus”
 Dung Tuhan Jesus nampuna au, songgop dameNa,biarhu lao. Taripar gogo ngoluNa i,
na sa dosangku naung sae do i. Tabaritahon holongNa i. Didia Tuhan tudoshon i. Tuk
manumpahi tarlobi da, sasada Jesus pinuji ma.
10. Epistel : Roma 12 : 1 – 2
U : Na huapoi ma hamu, ale angka dongan, marhitehite asi ni roha ni Debata ;
pasahat hamu ma dagingmuna bahen pelean na mangolu, na badia, na
hinalomohon ni Debata, ima hadaulaton ni na marroha.
H : Jala unang gabe sarombang hamu dohot portibi on; alai gabe imbaru ma hamu,
dung muba pingkiranmuna, asa tau hamu manimbangi lomo ni roha ni Debata,
ima na uli, na hinalashonna dohot na sun denggan
U : Ido sahatna. Martua do na tumangihon hata ni Debata jala na umpeopsa.
H : Amen.
11. Koor Ina Kamis
12. Marende BE.No. 690 : 1 -2 “Hibul Rohangku”
 Hibul rohangku tu Tuhan Jesus, sude ngolungku di Tuhan Jesus. Ihuthononku do
Tuhan Jesus, ndang olo au sumurut be.
Sai hutundalhon haportibion, silang ni Kristus ma hudapothon. Sai hutundalhon
haportibion, ndang olo au sumurut be. ……………jongjong…………
13. Manghatindanghon Haporseaon
U : Antong rap dohot donganta sahaporseaon di sandok portibion,
tahatindangkon ma haporseaonta i…
H : Ahu porsea….du — hundul —
14. Tingting
15. Mandok hata Ketua Panitia
16. Mangulosi angka ruas ni huria (Dijou ma angka goar na manjalo ulos tu
ruas ni huria na marumur 77 Taon sian Sektor 1 – 6) ---Manghuling ma
music-------
Ro ma tu jolo laos dipasahat ma tu ruas ni huria. Dung simpul i hundul ma sude
ruas ni huria i tu hundulanna be.
17. Marende, BE. N0. 733 : 1- 2 “ Dulo Ma Au On O Tuhan” ( Pel Ia, Ib )
 Dulo ma au on o Tuhan bege anggukkon. Ro do Ho tu angka dongan topot ma au on.
Jesus Tuhan bege anggukkon. Ro do Ho tu angka dongan topot nang au on.
  Tu adopanMi o Tuhan marsomba au on. Sai asi rohaM o Tuhan, jangkon ma au on.
Jesus Tuhan bege anggukkon. Ro do Ho tu angka dongan topot nang au on.
........musik.........
 Denggan ni basaM, O Tuhan, papos rohangkon. Mandapothon Ho O Tuhan pahisar
au on. Jesus Tuhan bege anggukkon. Ro do Ho tu angka dongan topot nang au on.

Ho do siapuli roha ni na marsak i. Ho soada tudosanNa, Ho haposanki. Jesus Tuhan
bege anggukkon. Ro do Ho tu angka dongan topot nang au on.
18. Jamita : Poda 3 : 9 – 10
19. Marende BE No 754 : 1….Gok Lasni roha do au ( P. Pel. II)
 Gok las ni roha do au di ngolungkon. Di ngolungkon di ngolungkon. Gok las ni roha
do au di ngolungkon tongtong di rohangkon. Mauliate gok las ni roha.maringan
HolongMi Tuhan di au.Mauliate gok las ni roha maringan HolongMi Tuhan di au
 Mardame jala sonang do rohangkon, di ngolungkon, di ngolungkon Mardame jala
sonang do rohangkon tongtong di rohangkon. Mauliate gok las ni roha.maringan
HolongMi Tuhan di au.Mauliate gok las ni roha maringan HolongMi Tuhan di au
..............musik.............
 Gok do holong ni Jesus di ngolungkon, di ngolungkon, di ngolungkon. Gok do holong
ni Jesus di ngolungkon,tongtong di rohangkon. Mauliate gok las ni roha.maringan
HolongMi Tuhan di au.Mauliate gok las ni roha maringan HolongMi Tuhan di au
 Ndang hona uhum be au di ngolungkon, di ngolungkon, di ngolungkon. Ndang hona
uhum be au di ngolungkon,tongtong di rohangkon. Mauliate gok las ni
roha.maringan HolongMi Tuhan di au.Mauliate gok las ni roha maringan HolongMi
Tuhan di au.

III. ACARA PESTA GOTILON.

U : Hamu ruas ni huria na hinaholongan ni Tuhanta Jesus Kristus! Nuaeng
sahat ma hita tu acara Pesta Gotilon di hurianta on, laho manghalashon
dohot manghamauliatehon denggan basa ni Jahowa. Sai jongjong ma hita
di Uluan manatapnatap dompak Tampahan. Sai jumpang ma angka na ni
luluan, jala dapot hita ma tutu angka na jinalahan.
H : Mauliate ma di Ho Tuhan, naung mangalehon parbue ni angka ulaonnami.
Hupasahat hami ma i bahen pelean na hushus di joloM.
U : Didok hata ni Debata do di 5 Musa 26 : 2 : Ingkon buatonmu ma sian
patumonaan ni sandok parbue ni tano i, na dapot ho sian tanomi, naung
nilehon ni Jahowa, Debatam tu ho, jala pamasuhonmu do i tu bagasan
ampang, jala boanonmu do i tu inganan sipilliton ni Jahowa, Debatam
bahen inganan di Goarna. Ingkon burju do lehononmu parpuluan sian
 nasa gogo ni tano, boni sinaburhonmi, sian saluhut na tubu di tanomi
ganup taon. Antong! Ingot hata ni Debata di Maleakhi 3 : 10 Taruhon
hamu ma sintong parsampuluan i tu bagas parpeopan, asa adong bohal di
bagasan jabungku, jala unjuni hamu ahu taringot tusi, ninna Jahowa
Zebaot, manang so ungkaponku di hamu angka pandiloan ni langit, jala
mangusehon tu hamu gabe maradu marlobilobi. Nuaeng pe tapuji ma
Tuhan Debata marende ma hita BE 373 : 1
H : Mangendehon BE. No. 373:1 Mangula hita jolma ( ditingki marende ro ma tu jolo
sude parhalado marbaris )
Mangula hita jolma manabur boni i, Alai anggo jadina di Debata do i
Dilehon las ni ari, nang nambur udan pe Tongtong di panumpakNa marguru
sasude. Nasa ulibasa ro sian Debata, I pe Ibana puji ma huhut haposi da

PASAHATHON PELEAN / SILUA PESTA GOTILON.

U : Nuaeng sahat ma hita tu na pasahathon Pelean Pesta Gotilon manang
siluanta, i ma tumpakta tu huria ni Tuhanta. I ma parbue ni panandaonta
di pasupasu ni Debata naung tajalo di ngolunta. Taingot ma: “Na
manaburhon otik, otik do gotilonna, jala na manaburhon managam
pasupasu, mangalap pasupasu di na manggotil. Ganup ma ni onjar ni
rohana, unang ma sian muruk manang sian na so tarjua, ai dihaholongi
Debata do na las roha mangalehon.”
H : I do tutu. Na manaburhon managam pasupasu jala mangalap pasupasu di na
manggotil. Ro do hami manaruhon ganup ni onjar ni rohanami. Las do rohanami,
ai dihaholongi Debata do na las roha mangalehon. Ro ma hami tu alamanMi
pasahathon peleannami na tama di joloM. Jalo ma i Tuhan, gabe pelean na hushus
di harajaonMu.
U On: On pe Huria ni Tuhanta na marlas ni roha sadari on. “Sapala pantis, pantis
ni Sigalangan. Sapala naeng mangalehon tumpak, sai unang ma
diparalangalangan. Ai marasar silogologo di tombak ni Simamora, Sai
horas ma Ama dohot Ina Ruas ni Huria HKBP Malang on marroha jala
mamora tumpahon ni Tuhanta.” (manghuling taganing) Nunga saor
Tuhanta tu hita. Sahala Patik Uhum, tondi do sipangajari. Manumpak ma
parsaoranta na di jolo, manghorasi ma dohot parsaoranta na di pudi.
Nuaeng pe ro ma hita tapasahat siluanta, marende ma hita BE 848 :
1...Dison adong Huboan Tuhan. ( ro ma tu jolo pasahathon siluana)
1. Dison adong huboan Tuhan, parbue ni ngolungku. Na so tardok nian. Sadia ma
argana Tuhan Molo sai ni rajuman sude denggan basaM. Jalo ma Tuhan sai las ma
rohaM.
2. Dison adong huboan Tuhan tondingku na girigir Mangoloi di HataM. Pasaorhon
ma HataM da Tuhan Manogu tondingki mangihuthon lomoM. Jalo ma Tuhan sai
las ma rohaM. (Musik)
 3. Dison adong huboan Tuhan pamatang na hipas. Baen pelean di joloM. Sai pangke
ma au on da Tuhan,Na tau ulaulaM na hasea di joloM. Jalo ma Tuhan, sai las ma
rohaM.
4. Dison adong huboan Tuhan hosa nang gogongki Tau pelean di joloM. Patau
pasingkop ma i da Tuhan, Asa marguna au manghobasi huriaM. Jalo ma Tuhan, sai
las ma rohaM. (Musik)
5. Dison adong huboan Tuhan, arta sinamothon So sadia i nian. Parbadiai ma i tung
singkop, Asa ture sintong lao pauli huriaM. Jalo ma Tuhan sai las ma rohaM.
6. Huingot do tonaM da Tuhan, ingkon taruhononku Parsampuluan i. Ai
ungkaponMu do da Tuhan PandiloanMi mangusehon basaM. PasupasuMi, usehon
ma godang (Musik)
7. Huingot do hataM da Tuhan saor do pasupasu Di halak na bojok. Asal ma
disombahon Tuhan Ngoluna i singkop baen pelean di joloM. Jalo ma Tuhan, sai las
ma rohaM
8. Tanganku na metmet da, Tuhan, na so hea mansari Dope au on Tuhan; Rohangku
ma hulehon, Tuhan Na boi pelehononku gabe las ni rohaM, Jalo ma Tuhan, sai las
ma rohaM. (Musik)
9. Huingot do hataM da, Tuhan, ingkon sarihononhon AnggiM na metmetan;
Ampehon ma tanganMu sangkan, Itak na otik i unang suda nian, Jalo ma Tuhan,
sai las ma rohaM.

U :
Hamu angka dongan, nunga taida jala tahalashon pasu-pasu ni Debata
marhite parbue ni na taula di pesta gotilon sadarion. Songon ni dok ni
umpasa ma dohonon: Langit di atas ni simanjujung, tano sai ni degehon;
Manumpak ma Debata, sahat hita matua bulung, dilehon tua dohot
hadameon. Horas ma tondi madingin, pirma tondi matogu; sai Tuhanta
ma namangiring-iring asa leleng hita mangolu.
H : Janghon ma Tuhan pelean sian parbue ni na huula hami gabe pelean na hushus
di adopanMu. (sude ruas mangendehon BE.No.435 : 1 – jongjong-)
Marolopolop tondingki, ai naung di tobus Jesus i
Hamu sude bege ma i, sai las rohangku mandok i.
Sonang ni tingki i, dung jumpang Jesus Tuhanki
Tondi na mangajari au, tarbaen marlas ni roha au
Sonang ni tingki i dung jumpang Jesus Tuhanhi.

Panutup: Tangiang Pelean+ Tangiang Pesta Gotilon + Ale Amanami +Pasupasu