Tata Ibadah Minggu XVI Dung Trinitatis

Topik :“Dipasuang Jahowa Hinadenggan ni Ngolu ni Jolma I”

Ev: 1 Musa 8:15-22 Ep: Pilipi 1:21-30
HKBP Maranatha Sipinggol-pinggol Ressort Pematangsiantar II
Minggu, 24 September 2023

Perayaan Bersama Masa Penciptaan

(Season of Creation) HKBP 2023
“Biarlah Keadilan dan Kedamaian Mengalir”
Pamuhai :
U: Huria na hinaholongan ni Tuhanta Tuhan Jesus ! Selamat Ari Minggu ma di hita
saluhutna naung pungu di parpmingguan on, di parmingguon parningotan
diparmulaan panompaon ni Debata di portibi on sinondangan ni tema: “Paloas ma
Mian Hatigoran dohot Hadameon”. Tapatupa do Acara Parningotan Panompaon ni
Debata Jahowa taon 2023 on di sandok portibion. Ala ni i tamasuhi ma parsaoranta
rap dohot Tuhanta, marende ma hita!

1. Marende BE. HKBP No. 192: 1 - 3 “O TUHAN JESUS RAJA NI SUDE NA”
♪ O Tuhan Jesus, Raja ni sudena, tubu sian Ama I. Haholonganku, sisombaonku,
sasada Ho do Tuhanki.
♪ Tombak denggan do, hauma pe denggan do, na rumatarata i. Jesus dumenggan,
Jesus gumodang, sibaen las ni rohanta i
♪ Bulan tiur do, bintang pe torang do, nang mata ni ari pe. Jesus tumiur, Jesus
tumorang, sumurung sian i sude.
2. VOTUM – INTROITUS – DOA:
P :Marhitehite Goar ni Debata Ama dohot Goar ni AnakNa, Tuhan Jesus Kristus
dohot Goar ni Tondi Parbadia, na tumompa langit dohot tano on. Amen.
Nunga dipabotohon Ibana tu ho, ale jolma, manang aha na denggan jala manang
aha na niluluan ni Jahowa sian ho, i ma na mangulahon uhum sambing dohot
holong ni roha di habasaon, jala marpangalaho haserepon, maradophon
Debatam.
 J : (Menyanyikan): BE. HKBP No. 852 : 1 “HALELUYA HKBP (3x)” BL. 852
Haleluya, Haleluya, Haleluya.
P : Martangiang ma hita. Ale Tuhan Debata, Amanami na di banua ginjang!
Hupangido hami tu Ho, sai lehon ma tu hami Tondi ni hasintongan dohot dame,
asa tangkas huboto hami nasa lomo ni rohaM, jala urupi ma hami mangulahon i
sian nasa gogonami marhitehite AnakMu, Tuhan Jesus Kristus Tuhannami.
Amen
3. Marende BE. HKBP No. 569: 1 – 2 ”O DEBATA TUNG LONGANG DO ROHANGKU”
♪ O Debata tung longang do rohangku, Molo hubereng na tinompaMi,
Saluhut bintang, hilap dohot ronggur, Manghatindanghon hasangaponMi,
Reff.. Marende au Tuhan mamuji Ho, O, Debata, sangap do Ho.
Marende au Tuhan mamuji Ho, O, Debata, sangap do Ho.

♪ Di ladang di adaran dohot tombak, Marende pidong tung mansai sonang.

Punsu ni dolok, sunge dohot rura,Mamaritahon sangapMi Tuhan.
Reff…Marende au Tuhan mamuji Ho,…..
4. PATIK:
U: Hamu dongan na hinaholongan Tangihon hamu ma Patik ni Debata di Minggu
sadarion, ima na tarsurat di Konfessi HKBP tahun 1996 pasal 5 taringot tu
Kebudayaan dohot Lingkungan Hidup :
Tahaporseai jala tahatindanghon do :
Ditompa Debata do jolma nang inganan parmianan dohot inganan pangulaonNa
di portibi on (1 Musa 2:5-15). Ibana do nampouna sude, na mangalehon hangoluan tu
suder na tinompaNa i. Inganan pangulaon ni jolma ima darat, laut dohot hajanghajang
(langit, ruang angkasa). Dilehon debata do huaso tu jolma i laho paulihon portibi on di
bagasan tanggungjawab na gok.
Dilehon Ibana do parhataan, uninguningan, parhinaloan, kesenian, dohot
parbinotoan songon ulaula ni jolma, songon i aturan laho mamuji Debata dalan laho
pauliulihon dohot pajagarhon parsaoran ni jolma asa lam patar marbungaran harajaon
ni Debata marhite kebudayaanna. Alai situlahan do kebudayaan na marlaok
hasipelebeguon dohot na maralo tu hata ni Debata. Ulaon ni Jesus Kristus paluahon
jolma i, nasa na tinompa i songon i portibi on sandiri (Kol 1:15-20, Roma 8:19-33).
Marhite on : Tahatindanghon do tanggungjawab ni jolma pangoluhon sude na tinompa
ni Debata (melestarikan) asa boi ibana mangula, hipas, dohot marhasonangan
(sejahtera) (Psalm 8:4-10).
Taalo do angka usaho na manegai lingmkungan marhite na manutungi dohot manabai
hau di tombakl manang harangan (Ulangan 5:20, 19-20). Taalo do angka usaho na
mangalitohi aek dohot auangauang (udara) nang aek panirisan (limbah) na marisi rasun
sian angka pabrik-pabrik, marhite na so manganturehon halalaho ni aek panirisan i
dohot pencemaran udara, pola tahe manegai aek siinumon dohot parhosaon ni jolma
(polusi/pencemaran lingkungan), paheba Psalm 104:1-23, Pangungkapon 22:1-2.
Ima sahatna. Antong rap mangido gogo ma hita laho mangulahon na hombar tu
PatikNa i

U+ H:Ale Tuhan Debata sai pargogoi ma hami mangulahon na hombar tu PatikMi,

Amen
5. MARENDE HURIA, BE. HKBP No. 741: 1, 2 NANG RO PE HABAHABA
♪ Nang ro pe habahaba i Tuhan do pangondianmi,
Nang pe humuntal tano i Tuhan do pangondianmi.
Ai Jesus do partanobatoan i di tano on di tano on,
Ai Jesus do partanobatoan i, dolok partahananta i.
♪ Arian dohot borngin i, Tuhan do pangondianmi.
Maporus nasa biar i, Tuhan do pangondianmi.
Ai Jesus do partanobatoan i di tano on di tano on,
Ai Jesus do partanobatoan i, dolok partahananta i.

6. TANGIANG MANOPOTI DOSA – BAGABAGA HASESAAN NI DOSA

P: Dibagasan unduk dohot serep ni roha, tatopoti ma dosanta di adopan ni Debata.
Ale Tuhan Debata, Amanami Parasiroha. Na marpungu do hami martangiang tu
adopanMu.
Ndada ala ni hasintongannami, alai ala ni asi ni rohaM na godang i do. Asi ma
rohaM, marpamuati ma rohaM mida dosa nami na godang i. Sai sungguli ma
roha dohot pingkirannami, asa hutinggalhon hami nasa pangalaosionnami na
godang i asa mangolu hami dibagasan Jesus Kristus Tuhannami.
H: Ale Tuhan Debata Sitompa langit dohot tano, jotjot do hami lalap maradophon
angka na tinompaM na asing i. Mansai jotjot hami lalap holan mamingkirhon
jolma sambing. Asi rohaM, sai sesa ma dosa nami na so manjagahon hinauli ni
natinompaMi.
P: Ale Debata, Ho do mual ni hangoluan di sude na tinompaMi. Lehon ma
hadameon tu saluhut natinompaMi.
H: Ale Tuhan Debata, pangalaho hamongkuson ni jolma ido na gabe bonsir ni
hasesega ni natinompaMi, angka hau nunga lam suda, laut, sunge nunga digohi
angka na rotak, angka pahanpahanan pe ndang adong be hasonanganna,
portibion pe nunga lam tu mohopna. Asi ma rohaM, sai sesa ma dosa nami na
so manjagahon hinauli ni natinompaMi.
P: Ale Tuhan Debata, Ho do mual ni hangoluan di sude na tinompaMi. Pasuang ma
hangoluan di saluhut natinompaMi.
H: Ale Tuhan Debata, jotjot do ro angka mara di na humaliang hami, logo ni ari,
dolok na masursur, mohop ni ari, aek magodang, dohot lan na asing. Sudena i
ala ni hajahaton dohot halanggusonnami. Asi ma rohaM, sai sai sesa ma dosa
nami na so manjagahon hinauli ni natinompaMi.
P: Antong, tabege ma bagabaga ni Debata taringot tu hasesaan ni dosanta. Songon
on do Hata Ni Tuhan Jahowa: Nunga pola Hupasisi pangalaosim songon ombun,
jala songon ombun manorop angka dosam. Sai mulak ma ho tu Ahu, ai Ahu do
Sipalua Ho. Hasangapon ma di Debata na di Ginjang.
H: Amin!
7. MARENDE HURIA BE. No. 372: 1, 3 ROHANGKU SAI HALASHON MA (BL. 99)
♪ Rohangku sai halashon ma, sude na sian Debata luhut denggan basaNa, sai tatap
hauma i sude, nang porlak dohot tombak pe na uli do rupana, na uli do rupana.
♪ Nang angka bungabunga pe na’ndul ummuli sasude Sian na hinadenggan, ni si
Salomo raja i, Ido paganda sangap ni Tuhanta na di ginjang, Tuhanta na di ginjang.

8. EPISTEL : Pilippi 1: 21 – 30
U: Tabege ma Hata ni Debata turpuk ni ari Minggu on, ima na tarsurat di Pilipi 1:21-
30 : Ai Kristus do hangoluan di ahu, jala laba nang hamatean.
H: Alai anggo marparbue ulaonki hinorhon ni ngolu ni daging on, gabe ndang
huboto, manang dia pillitonku.
U: Duansa do manosak ahu: Malungun do ahu borhat, asa rap dohot Kristus; ai
dumenggan situtu do i.
H: Alai rumingkot do mian di bagasan daging ala ni hamu!
U: Jala mangkaposi i, huboto ma: Mian do ahu jala tinggal rap dohot hamu sude,
laho patimbul jala pahinsa haporseaonmuna,
H: asa lam sumurung pamujimuna di Kristus Jesus marhite sian ahu, di na ro ahu
muse tu hamu.
U: Asal tu barita na uli ni Kristus ma pahombar hamu parsaoranmuna, asa huida di
hamu, di na ro i ahu, manang hubege taringot tu hamu, tagan padaodao dope,
paboa na hot hamu jongjong di bagasan hasadaon ni tondi jala rap marungkil,
marsada ni roha mangkaporseai barita na uli.
H: Tung unang ma olo hamu pambibiaran ni angka alo di agia aha pe; tanda ni
hamagoanna ma i di nasida, alai di hamu tanda ni haluaon do, jala sian Debata
do i.
U: Ai pola diasinirohahon tu hamu, marsitaonon humongkop Kristus, ndada holan na
mangkaporseai Ibana.
H: Jala di hamu do nuaeng parungkilon, naung niidamuna di ahu najolo, jala na
binegemuna nuaeng taringot tu ahu.
U: I ma sahatna, Martua do angka na tumangihon Hata Ni Debata jala naumpeopsa.
H: Amen

9. MARENDE HURIA, BE. HKBP. No. 123: 1, 2 ALE DONGAN NA SAROHA (BL. 180)
♪ Ale dongan na saroha, manjalahi dame i.
Dompak Jesus tapasada, holong ni rohanta i.
 Ai Ibana do ulunta, hita do ruasNa i.
Tuhan Jesus do gurunta, hita siseanNa i.
♪ Sai pasada ale Tuhan, angka na porsea i.
Asa masihaholongan, songon na pinatikMi.
Dibagasan hasintongan, i do pinangidoMi.
Sai padomu angka dongan, na tutu sinondangMi
10. Manghatindanghon Haporseaon
U: Tahatindanghon ma haporseaonta i songon na hinatindanghon ni donganta
sahaporseaon, rap ma hita mandok:
H: Ahu porsea di Debata Jahowa, du ....

11. TINGTING

12. MARENDE HURIA, BE. No. 214 : 1... SONANG DI LAMBUNG JESUS (BL. 161)
Pasahat Pelean I a dohot I b.
♪ Sonang di lambung Jesus, sonang na ro tusi. Unang be ho mabiar, lao
mandapothon i. Tongtong dijouhon Jesus, sai ro ma ho tu Au, tadingkon
haholomon, jala haposi Au. Sonang di lambung Jesus, sonang na ro tusi. Unang
be ho mabiar, Lao mandapothon i.
♪ Sonang di lambung Jesus, rap hita lao tusi. Inganan na ummuli, do di
lambungNa i. Ai nunga diparade hasonanganta i, asa marhasonangan na ro tu
Jesus i. Sonang di lambung Jesus, rap hita lao tusi, inganan na ummuli, do di
lambungNa i.
♪ Jesus haholonganku, Jesus haposanki. Saleleng au mangolu, dohot di tingkingki.
Ndang be huhabiari, angka pangago i, ai diramoti Jesus, au hinophopNa i. Jesus
haholonganku Jesus haposanki, saleleng au mangolu, dohot di tingkingki
(Pasahat Pelean I a dohot I b.)

13. JAMITA 1 Musa 1: 8: 15 – 22

14. MARENDE HURIA, BE. No. 766: 1 ... PADAN NA ULI (BL. 766) pasahat pelean II
 ♪ Padan na uli "Ho ndang hulupahon", ndang pola mabiar au di ngolungki.
Nang pe holom do dalan sibolus on, ro do hatiuron sian langit i.
Ref.: Ho tung so huhalupahon, Au do manogihon, Au do mangondihon.
Ho tung so huhalupahon, Au do margogoihon, pos ma rohami.
♪ Padan na uli "Ho ndang hulupahon", i do huhaposi las ma rohangki.
Tondong nang dongan ndang tarpangasahon,
Holan Tuhan Jesus haporusanki.
Refr. Ho tung so ...
………Musik……….
♪ Molo diungkap surgo tu tondingku, salpu ma luhut na hangalutonki.
Tarbege ma soara ni Tuhanku, "Na poso, haposan, bongot ho tusi."
Refr. Ho tung so ...

15. PARSURUON : (Jongjong)

Parjamita: Huria ni Tuhanta, sai dipasupasu Debata ma roha nang pingkiranmuna
laho manjalo aek hangoluan dohot hadameon na sian Tuhanta i
Huria: Amen, sai pargogoi ma hami, Ale Tuhan
Parjamita: Sai dipasupasu Debata ma ngolunta gabe mual hangoluan laho mamboan
hasintongan dohot hadameon tu angka donganta nang saluhut na
tinompa na dibagasan parungkilon.
Huria: Amen, sai pargogoi ma hami Ale Tuhan
Parjamita: Mardalan ma hita rap dohot donganta sahaporseaon songon pamatang ni
Kristus pasahathon haulion na sian Debata tu sandok portibion.
Huria: Amen, sai pargogoi ma hami Ale Tuhan.
Parjamita: Tatangianghon ma peleanta. Ale Debata, Amanami na di banua ginjang!
Ho do haroroan ni saluhut silehonlehon na denggan dohot nasa ulibasa
na mauliutus. Hupasahat hami ma sian na nilehonMi tu hami, peleannami
tu Ho. Sai jalo ma i gabe uap na hushus di joloM. Pasupasu ma i jala
ramoti asa huparhaseang hami pelean on, patimbulhon harajaonMu di
tongatonga ni huriaM dohot di portibi on. Buhai ma rohanami
marhitehite TondiM, asa lam hutanda hami godang ni silehonlehonMi tu
 hami, asa lam girgir hami mandok mauliate tu Ho, marhitehite Jesus
Kristus Tuhannami. Amen.
Huria: (Mangendehon) BE. HKBP No. 204 : 2 “NDANG TADINGHONONHU HO”
BL 73
♫♪♫
Nasa na nilehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, na so unsatonhu do.

Parjamita: Ale Amanami na di banua ginjang! Sai pinarbadia ma GoarMu! Sai ro ma

harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami!
Unang hami togihon tu pangunjunan! Palua ma hami sian pangago!
Huria: (Mangendehon): BE HKBP No. 841 : 1 “AI HO DO NAMPUNA
HARAJAON” BL 841

Parjamita: Tangiang Pasupasu

Huria: (Mangendehon ) BE No. 845 : 1 “AMEN, AMEN, AMEN” BL 845

Amen, Amen, Amen