OJAHAN: SANGKAP HATUAON /RANCANGAN DAMAI SEJAHTERA

1. Votum (Jongjong Huria)

U : Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi
Parbadia na manompa langit dohot tano on, ....................... Amen. Rap ma hita mandok tangiangtai:
U+H : Ale Jesus Tuhanami, bereng hami na dison: PinarmahanMi do hami saluhutna na dison; sai asi
rohaM di hami; sai pangolu hami on, Amen. (Hundul Huria)

2. Marende BE. Suplemen No. 581:1-2 “Sangap Di Jahowa”

♪ Sangap di Jahowa na sun timbul i, Balga ni holongNa ndang tarasam i, Di lehon AnakNa
na sasada i, manobus hita jolma pardosa i. Refrein: Puji ma Debata ale manisia, Las
roham las roham somba ma Debata Dapothon Jahowa na sun timbul i, Marhite AnakNa
Tuhan Jesus i
♪ Tung so hasuhatan do basaNa i, Marhite AnakNa ni lehonna i. MudarNa durus do di hau
silang i, Rara pe dosanta ias dibaen i. Refrein: Puji ma Debata ale manisia..

3. Ayat/Tangiang
U : Tongon tahe denggan basa dohot asi ni roha mangihutihut ahu saleleng ahu mangolu, jala
dung mulak ahu masuhanku ma bagas ni Jahowa salelenglelengna

H : Sai parroha i ma hami mamilangi angka ariarinami, asa dapotan roha na bisuk hami
U : Martangiang ma hita: Ale Tuhan Debata, Amanami na manontong ro di salelenglelengna!
Mauliate ma hupasahat hami tu Ho,ala saluhut denggan ni basaM na nilehonMu di hami
manipat na sataon on. Disarihon jala dipasingkop Ho do saluhut na ringkot di ngolunami. Ho
do bonaNa dohot ujungNa. Na marsalpuan do angka taon nami, alai na hot ro disaleleng ni
lelengNa do asi ni rohaM. Mauliate ma hudok hami tu Ho, ala dipaloas Ho do hami taripar tu
ujung ni taon 2021 on. Ale Tuhan, hatindanghon hami do, godang do pasupasuM na hujalo
hami sian Ho nang pe hubolus hami ragam ni parungkilon na manosak di ngolunami on. Ale
Tuhan, sai pahot ma haporseaonnami di Ho, asa dibagasan sinondang ni TondiM hami
manalpuhon taon 2021 on, huhut manjalo sada taon sibasabasahononMu di hami, i ma taon
2022. Dibagasan Tuhan Jesus Kristus, martangiang hami tu Ho. Amen,
U : Singkat Ni Patik : Kolose 3:13 “Masipauneunean jala masisesaan dosa ma hamu, jumpa
marpanghurangi na sada dompak donganna, songon panesa ni Kristus di hamu, songon i ma
nang hamu. Rap ma hita mangido Gogo:
U+H : Ale Tuhan Debata, …………..Amen.

Marende BE. No. 443:1 “Dung Tuhan Jesus” (ES=Do)

 ♪ Di ho ngolungku Las rohangki jumolo Jesus siluami. Pangiringinmu, tolongmu i. Mangalo
dosa nang rohangki. Tabaritahon holongna i. Di dia Tuhan, tudoshon i. Tuk manumpahi,
tarlobi da, sasada Jesus pinuji ma. Jongjong Huria
5. Manopoti Dosa/Bagabaga Hasesaan ni Dosa
U : Tapaunduk ma rohanta tu adopan ni Debata laho manopoti angka dosanta. Ale Tuhan
Debata Jahowa Parasi roha jala Pardenggan basa na sumurung. Tongon di Ujung Taon
2021 on, Na ro do hami tu adopan-Mu marhatopothon jala mangankuhon saluhut dosa dohot
pangalasionnami di hataM. Jotjot do hami manadingkon dalan-Mu na tigor i.
U+H : (Mangendehon Ende. 182 : 4)
♪ Alani tungki rohangku, jongjong diadopanMi. Sai asi rohaM Tuhanku, sesa nasa dosangki.
U : Ale Tuhan Debata, Pargogo na so hatudosan, Parasi roha na sumurung, Ama ni Tuhan Jesus
Kristus Sipangolul hami. Hami, halak pardosa na dangol on ro tu jolo ni habangsa habadiaonMi
manopoti jala manganggukhon dosanami.
H : Sai dirinami sandiri do na huhaposi hami umbahen jotjot hami madabu tu ulaon na maralo tu
hataM. Mansai jotjot huarsahi hami Ho marhitehite pingkiran dohot hata dohot pambahenannami
na roa i
Naposo: Ndang huhaholongi hami Ho sian nasa rohanami dohot sian nasa ateatenami dohot sian nasa
tondinami dohot sian nasa gogonami; nang dongannami, ndang doshon dirinami hubahen hami.
Ina : Dibahen i tama do rimasanMu jala uhumanMu hami tu hamatean saleleng ni lelengna i. Alai na
maporus ma hami nuaeng tu asi ni rohaMi mangido sian nasa roha mangido hasesaan ni
dosanami .
Ama : Sai urupi ma hami paubahon rohanami ala ni Tuhan Jesus Kristus, Anak haholongan ni rohaM,
Sipangolu hami dohot ala ni GoarMu na Badia i. Ale Tuhan, sai asi ma rohaM di hami halak na
dangol on. Amen.
U : Tabege ma hata bagabaga ni Debata taringot tu hasesaan ni dosanta : Songon sintongna mangolu
Ahu, ninna Tuhan Jahowa, tung na so lomo do rohangKu mida hamatean ni parjahat, na lomo do
rohangKu mida hamumulak ni parjahat i, tumadinghon dalanna, asa mangolu ibana. Hasangapon
ma di Debata na di ginjang.
U+H : AMEN Hundul Huria
6. Marende BE. Suplemen No. 681 : 2 – 3 “Ale Amang Asi Roham”
♪ Amang sai pargogoi ma au di hasiangan on. TondiM pasaor tu tondingkon pamalum rohangkon.
Sai usehon, sai usehon TondiMi tu au. Asa monang maralohon parungkilon i.
♪ Mauliate ma di Ho, O Tuhan Debata,/ Sai jalo ma au on, muse tu surgo banuaM.
Asa sonang, asa sonang raphon Ho disi,/ Pujionku ma goarMu salelengna i.
7. Epistel
U : Hata ni Debata na gabe Epistel di hita di PARTANGIANGAN UJUNG TAON 2021
borngin on di enet sian Epesus 5:13-16; tajaha ma marsorinsorin: “Alai gabe patar do i
saluhutna, tinoruan ni na tiur i; ai nasa naung dipapatar, tiur ma i!
 H : Dibahen i, ninna do: “Tarsunggul ma ho na tarpodom, jala hehe ma sian angka na mate;
gabe sondangan ni Kristus ma ho!”
U : Antong, manat ma hamu mamereng manangkasi parulaonmuna; songon angka na marroha,
unang ma songon angka na hurang roha!
H : Parhaseang hamu ma tingki, ai ari hasusaan do nuaeng.
U : Martua ma na umbege jala na umpeop hata ni Debata, Amen.
8. Marende BE. Suplemen No. 743:1-2 “O Tuhan Togutogu ma au”
♪ O..Tuhan togu-togu ma au, tu dalan lomo ni rohaMi, Raphon Ho sonang mardalan au, nang rahis
maol sidalananki, TondiMi baen manggohi au on, Margogoihon au naposoMon, Pasangap Ho
dingolungkon, Paima sahat tu surgo au on.
♪ Panghulingi ma au O Tuhan, Na rade tumangihon hataM, Sai tumpahi ruasMu Tuhan, Na uasan
nuaeng di hataM, Sai patau ma au on naposoM, Manjou halak na dao sian Ho, Ro di na so
tumanda Ho, Muba gabe pangoloi di Ho.
9. Jamita: Jeremia 29:10-14
10. Marende BE. Suplemen No. 763:1 “Molo Jesus donganmi”
♪ Molo Jesus donganmi las roham, Jesus i pangurupi, las roham, Hot haporseaonmi dohot pos ni
rohami Mardonganhon Jesus i las roham. Refrein : Las roham, las roham mardonganhon Jesus i
Las roham, marsinondang ma di ho, bintang pangkirimon i mardonganhon Jesus i las roham. .
13. Jujur Taon Parhuriaon Dohot Parhepengon
14. Marende BE. No. 316:1 “Sai Marlas Ni roha hita”
♪ Nunga lao muse sadari Jesus sian bohalhon Sai paingot au saonari Manang burju rohangkon
Jala tudu ma sude Na hubaen na so ture Asa sae annon dosangku Jala sonang ma
rohangku.

15. Mandok Hata sian

16. Mandok Hata Sian
17. Marende BE. No. 149:3 “Ho Tongtong Ihuthononhu”
♪ Manang aha pe na masa, las ni roha arsak pe, Tioponku Ho na basa na marholong roha pe. Tung
saleleng au mangolu, nang dung suda bohalhon. Ingkon Ho, o Sipangolu, pujionku sai tongtong.
18. Mandok hata
19. Mandok Hata
20. Marende BE. No. 476 : 1 “Ndada Au Guru Di Au”
♪ Ndada au guru di au be, Jesus do nampuna au Las rohangku dung hu bege, Jesus si
pangolu au Ndang be au, guru di au, Jesus na humophop au, nampuna au, Tung saleleng
au mangolu, Jesus do nampuna au
21. Mandok Hata Diuduti Dohot Tangiang Sian Parhalado
22. Marende BE. Suplement No. 753 : 1…. “Dipardalanan Jesus Di Jolongku” (Papungu Pelean)
 ♪ Dipardalanan Jesus di jolongku holong ni tanganMi manogu au. Nang di ngolungku Ho do
sombaonhu, tung sonang mardalan raphon Ho. Ref. Huboto do tangkas panoguonMu,
diiringiring Ho do langkangki. Sahat ro di ujung ni pardalanhu, togu ma au jonok tu
lambungMi

♪ Sipata lilu haporseaonhu, nililianan ni portibi on. Alai dung Ho hutatap, o Tuhanhu, margogo
do au on di ngolungkon. Ref. Huboto do ... d.u.
♪ Patogu ma Tuhan haporseaonhu, asa polin tu Ho manghirim au. Tu surgo i patulus
pardalanhu, TondiMi maringan ma di au. Ref. Huboto do ... d.u.
23. Penutup
U : Hamu angka dongan, tongkinnari salphuhononta ma taon 2021 jala bongot ma hita tu taon
2022. Didok hata ni natuatua: Nilangka tu jolo, tinailihon tu pudi. Ala naeng mangalangka ma
hita tu jolo, tama do jo tatailihon tu pudi, ima pardalananta manipat na sataon bolon on. Molo
tatailihon pe tu pudi, asa dapot bisuk do hita sian angka na tabolus i, ai ido guru di hita
mangalangka tu jolo tu taon 2022 sibongotonta.
H : Godangnai na masa di negaranta na mambahen tarsonggot jala mabiar hita, isarana: sahit na
jorbut Covid 19, bencana alam, lalo, hagoran, parmaraan dohot lan nasing
U : Di na marpungu hita tongon di ujung taon 2021 on, tarsingot do rohanta dipardalanan ni bangso
Israel ruar sian tano Mesir mandapothon tano Kanaan, huta bagabaga ni Debata. Songon i do
hita hira na mardalan sian “Mesir” ni ngolunta tu huta ni Debata ima sambulo jala bona pasogit
ni tondinta di Surgo hasonangan i. Tabolus parhorsihan, hapogoson, parsahiton, perungkilon;
adong na paet huhut margantisorin tu na tonggi, dohot lan na asing na mambaen hita
marsiakbagi. Alai, taingot ma songon pangaramotion ni Debata tu bangso Israel, songon i do
nang hita diramoti, diparmudumudu, disarihon Debata sian bona ni taon 2021 sahat tu ujung ni
taon 2021. Disaluhutnai tadok ma mauliate tu Debata.
U+H : (Mangendehon BE. No. 15:4)
♪ Mauliate ma rohangku di Ho o Debata tongtong. Dibaen sude denggan basaMu naung
nilehonMu di au on. Ai dipatongon Ho tongtong sude na ringkot di au on
U : Dipaingot Tuhanta do tu hita apala ari parpudi ni taon on, tagan so tajangkon taon na imbaru
tongkin nari marhite pandohan: SANGKAP HATUAON/RANCANGAN DAMAI SEJAHTERA
H : Unang meret hata ni Debata sian pamanganta, sai tapingkiri ma i arian dohot borngin, asa
tapausorusor, taradoti, jala taulahon, asa maruntung hita di angka dalanta, jala marmulia
parulaonta.
U : Antong tadalani ma taon na naeng ro ima taon parasinirohaan, na so pola piga jom nari be
lehonon ni Debata tu hita dibagasan pos ni roha. Nian ndang taboto aha naeng masa sogot tu
ngolunta alai pos ma rohanta di pangurupion ni Tuhan i. Ibana ma tabaen donganta lao
mandalani taon naimbaru i, asa sonang rohanta.
U+H : (Mangendehon BE. No. 66:1 “ Debata baen donganmi”)
 ♪ Debata baen donganmi! Lao mangula ulaonmu, baen Ibana haposanmu; sai
paserep rohami. Debata baen donganmi! Debata baen donganmi.
U : Tangiang Pelean + Tangiang Amanami + Pasupasu

SELAMAT TINGGAL TAHUN 2021 DAN SELAMAT MEMASUKI TAHUN BARU 2022