TERTIB ACARA PARTANGIANGAN PAROMPUAN HKBP AEK KANOPAN

Kamis, 06 Februari 2020

1. Joujou tu Parsaoran dohot Debata

U : Punguan na marlas ni roha dibagasan goar ni Tuhan Jesus Kristus, tahilala do
denggan basa dohot panogunoguon ni Tuhanta manipat ari, bulan, dohot taon
boi hita tolhas sahat tu sadarion. Dipartangiangan Parompuan pamuhai di taon
2020 on. alani hu pasahat hami ma tu hita “ Selamat Taon baru” ma di hita
saluhutna
H : SELAMAT TAON BARU!
U : Ala ni i, marlas ni roha ma hita jala mandok mauliate tu Debatanta na
mangalehon ari na denggan tu hita, boi hita marpungu di acara Bona Taon
dohot partangiangan pamuhai ni punguan na tahaholongi on.
H : Mauliate ma ale Tuhan, disude denggan basa na nilehonMu tu hami, ala ni i,
hupuji hami ma goarMu na badia i.
U : Songon tanda las ni rohanta, taparade ma pujipujian tu Ibana, marende ma
hita.
2. Marende BE. No. 361 : 1 – 2 ”Na denggan situtu”
 Na denggan situtu do, mamuji Debata,
Jahowa na tumimbo, na sai tongtong basa,
denggan do paboahon manogot asiMi,
bodari mangendehon burjuM nang sintongMi
 Mardongan sipilliton na denggan situtu,
naeng ma tongtong pujion ni nasa na burju.
Ho, Tuhan Debatangku, ai las ni rohangki
do na tongtong binaenMu dipambahenanMi.
3. Votum
U : Marhitehite goar ni Debata Ama, dohot goar ni AnakNa Tuhan Jesus Kristus,
dohot goar ni Tondi Porbadia, na tumompa langit dohot tano on.
H : Amen
U : On ma pos ni rohangku, Kristus do naung umpungka ulaon na denggan
dibagasan hamu, jala patuluson ni i do i, sahat ro di ari ni Kristus Jesus.
1|Page
 H : Debata do na mamuhai, jala Debata do na paujunghonsa, mauliate ma di
Debata.
U : Jahowa do panondangi di ahu dohot hatuaonku, tung ise ma habiaranku?
H : Nang pe marhoronhoron parangan angka na manungkun ahu, ndang dihabiari
rohangku.
U : Sada do naung hupangidohon tu Jahowa saleleng mangolu ahu paidaidaonku
hinadenggan ni Jahowa dohot manghalomohonsa.
H : Tahaposi ma Jahowa, tapagomos jala tapatogu rohanta jala taparhanalom
Jahowa. Haleluya!
U : Martangiang ma hita! Ale Amanami jala Debatanami! Na mandok mauliate do
hami tu Ho sian nasa rohanami, ala dilehon Ho do ari na denggan di hami,
marhite i, boi hami marpungu di inganan on di bagasan acara Bona Taon di
taon 2020 dohot pamuhai Partangiangan Parompuan on. Na mangido do hami
nuaeng diadopanMu, sai lam pahot ma haporseaonnami, asa lam togu
panghirimonnami, patuduhon holong ni rohaM dohot asi ni rohaM, tarlumobi di
na laho mandalani saluhut ari-ari nami di taon 2020 on na so huboto hami dope
haujunganna. Sai dongani ma hami, asa lam marpos ni roha hami di Hata ni
AnakMu, Tuhan Jesus Kristus Tuhannami. AMEN
4. Marende BE. No. 690 : 1 – 2 “Hibul Rohangku”
 Hibul rohangku tu Tuhan Jesus, sude ngolungku di Tuhan Jesus.
Ihuthononku do Tuhan Jesus, ndang olo au sumurut be.
 Beta ihuthon ma Tuhan Jesus, ho na dijou do roham patulus.
Beta ihuthon ma Tuhan Jesus, sai unang ho sumurut be.

5. Sijahaon: Epesus 4 : 22 – 24
U : Hata ni Debata, turpuk patujolo ni Jamita dihita, i ma na tarsurat di Epesus 4:
22 – 24, ”Tanggali hamu ma jolma na buruk i, isara dipangalaho na jolo, ai laho
mago do i hinorhon ni angka hisaphisap sipaotooto.
H : Alai paimbaru hamu ma dirimuna dibagasan tondi ni rohamuna.
U : Jala solukhon hamu ma jolma na imbaru, na tinompa suman tu Debata,
dibagasan hatigoran dohot hapolinon na marhasintongan. I do sahat na.
Martua do halak na tumangihon hata ni Debata, jala na umpeopsa.
2|Page
 H : Amen
6. KOOR
7. Marende BE. No. 707 : 1 “Hagogoon dohot apulapul”
 Hagogoon dohot apulapul do dilehon Tuhan i tu au.
Ganup ari au ditogutogu, ganup tingki di ondingi au
Ai hombar tu lomo ni rohaNa do dilehon Tuhan i tu au
Ro marsorin arsak las ni roha, haporseaonku di patau.

 Ganup tingki Tuhan raphon ahu jala sai dipasupasu au

Sai ditogu au molo madabu, talu musu jala monang au
Ai pargogo na so hatudosan, Debatangku salelengna i
Mangalehon dame dohot tua, tu angka na bojok roha i.
8. Tangiang Pangondianon
9. KOOR
10. Marende BE. NO. 743 : 1 – 2 “O Tuhan togu-togu ma au”

 O Tuhan togu-togu ma au tu dalan lomo ni rohaMi,

Raphon Ho sonang mardalan au, Nang rahis maol sidalananki,
TondiMi baen manggohi au on, Margogoihon au naposoMon,
Pasangap Ho dingolungkon, Paima sahat tu surgo au on.
 Panghulingi ma au O Tuhan, Na rade tumangihon hataM,
Sai tumpahi ruasMu Tuhan, Na uasan nuaeng di hataM,
Sai patau ma au on naposoM, Manjou halak na dao sian Ho,
Ro di na so tumanda Ho, Muba gabe pangoloi di Ho.
11. Jamita
12. Marende BE. No. 706 : 1 – “Godang ni pasupasu i” P. Pelean

 Godang ni pasupasu i dilehon Tuhanhi,

tarlobi asiasiMi marhite AnakMi.
Jalo ma pujianhi, Jesus sipalua i.
Boi au bongot tu surgo i, marnida hasangaponMi.
 Tondong nang aleale i palashon rohangki,
3|Page
 Alai na umuli i boi au anakMi.
Jalo ma pujianhi, Jesus sipalua i.
Boi au bongot tu surgo i, marnida hasangaponMi.
 Ndang dung mansohot basaMi saleleng ngolungki.
Ho ma tongtong pujionhi, sangap di goarMi.
Jalo ma pujianhi, Jesus sipalua i.
Boi au bongot tu surgo i, marnida hasangaponMi.
13. Panutup
U : Antong, tapaujung ma partangianganta on, martangiang ma hita! Ale Tuhan
Debata, Amanami na di banua ginjang, mauliate rohanami ala dilehon Ho do tu
hami bohal ni hangoluannami. Saluhut basabasa naung hujalo hami, hulehon
hami gabe pelean tu adopanMu. Pasupasu ma i, asa gabe pelean halomoan
diadopanMu, Amen.
Antong, rap mangido ma hita di Tangiang Ale Amanami.
H : Ale Amanami na di Banua Ginjang ……. d.u. Amen.

4|Page