ACARA BONA TAON 2024 PARTANGIANGAN

SILABAN -BORU-BERE- IBERE SUMBUL

SEKITARNYA
Sabtu,27 Januari 2024

Thema : Sai homa gabe partano batoanhu ( psalmen 31:36 )

Sub Thema : Marhite partangiangan ingkon lam marhaposan tu
jahowa marhite dinasa ulaonta dohot dalanta,ai ibana do
patigor angka dalanta

I. PANGARADEON:
1. Marende No. 697, 1 + 3
Molo Ho do huihuthon dame sonang rohangki
Sai horas jala martua nasa na hinophopMi
Ho tongtong ihuthononhu
Jesus na palua au
Ho sambing do oloanhu
Ala ni martua au

Hupelehon ma diringku mangihuthon lomoMi

Ndada be na olo salpu na manggohi rohangki
Ho tongtong ihuthononhu
Jesus na palua au
Ho sambing do oloanhu
Ala ni martua au

2. Responsoria U=ULUAN S=SUDE

U : Dihita namarsihaholongan, Punguan Silaban Boru,
Bere, Ibabere, sadari on tapatupa do partangiangan,
I ma dalanta laho mamuji dohot
pasangaphon Debata ala ni godang ni pasu-pasuNa
dohot asi ni rohaNa naung tajalo. Ala ni I,
taparade ma rohanta dibagasan unduk-serep ni roha
dohot toruk ni roha laho marsomba Debata.
S : Sude rap mangendehon Ende No.223 : 1 “Husomba
Ho Tuhan”
 “Husomba Ho Tuhan tangihon ahu, sangkapMu ma
tongtong pasaut tu ahu. Lam ganda baenonMi holong ni
rohangki, sai lam gandai holong tu Ho.”
U : Antong paboa naung sada rohanta laho umpungka
partangiangan on, jala paboa naung sada rohanta laho
marsomba tu Tuhan i, rap ma hita martangiang di
bagasan rohanta be laho mangido gogo sian Ibana, asa
tung di urupi hita laho patulushon partangiangan on.
(Hening …….. Martangiang di bagasan rohana be)
II. IBADAH
1. Marende No.753 : 1-2. “Dipardalanan Jesus dijolongku”
Di pardalanan Jesus dijolongku, Holong ni tanganMi
manogu au. Nang di ngolungku Ho do sombaonku,Tung
sonang mardalan raphon au.
Huboto do tangkas panoguonMu, di iring-iring Ho do
langkaki, sahat Ro di ujung ni pardalanku, togu ma au, jonok
tu lambungMi.
2 .VOTUM + INTROITUS + TANGIANG : (Jongjong ma hita
sude)
U : Marhite-hite goar ni Debata Ama dohot goar ni Anakna
Tuhan Jesus Kristus dohot goar ni Tondi porbadia,
namanompa langit dohot tano on. Mandok mauliate ma
hamu tu Jahowa ai pardenggan basa do Ibana, ai rodi
salelenglengna do asi ni rohaNa. Amen.
S : Puji ma Jahowa ale tondingku, jala unang tung
halupahon denggan ni basaNa sudena.
U : Ai Ibana do manesa dosam sudena Laos Ibana pamalum
angka sahitmu sudena.
S : Ari on do na jinadihon ni Jahowa, marolop-olop
jala marlas ni roha ma hita disi.
U : Ibana pamahap roham marhite-hite denggan
basa,mulak poso ho songon pidong rajawali.
S : Godang ma tongon angka na binaen ni Tuhan I tu
hita, ala ni i tama hita manghamauliatehon i saluhutna.
U: Sai ingot ma angka denggan ni basam ale Jahowa, dohot
asi ni rohaM, sian na robi do angka i.
S: Ndang na marujung hatuaon na sian Debata. Ndang na
hasudaan denggan ni basaNa, sai mulak rata do i ganup
manogot. Tung nabalga situtu do asi ni rohaNa i.
U: Puji ma Jahowa, hamu ale angka naniasianNa.
Jala endehon hamu ma barita ni habadiaon-Na i.
 S: Jahowa do Debata, jala Ibana manondangi Punguanta
“Silaban Boru,Bere, dohot Ibere” di Sumbul on, sahat ro di
salelengnilelengna.
U: Ai ise boi paganda ari-ari ni ngoluna, nanggo saasta pe
ganjangna? Antong ramoti ma dirim, asa unang lupa roham
di Jahowa Debatam.
S: Ale Debata mandok mauliate ma hami tu Ho, jala hupuji
hami goarMu, ala ni denggan ni basaM dohot asi ni rohaM tu
hami, diurupi Ho do hami. Sai Ho ma ale Jahowa pangalu-
aluan nami, arian dohot borngin. Ai sai natangihononMu do
angka tangiang nami. Ho ale Tuhan Debata sitangihon
tangiang i, marhite Jesus Kristus Tuhanmi.
U: MARTANGIANG MA HITA:
Mauliate ma hupasat hami tu Ho, O Debata Amanami, naung
marmuduhon dohot mamasu-masu hami angka na
marsihaholongan. Ai holan ala ni asi ni rohaM do umbahen
boi tolhas ngolunami sahat tu sadarion, sai asi ma roham di
hami, sai lam tambai ma di hami angka pasu-pasumi dohot
angka denggan ni basami, asa lam sada rohanami, masi-asi-
asian jala marsihaholongan marsipajolo-joloanan
mangulahon angka na denggan di punguan nami : “Silaban
Boru, Bere Dohot Ibere”. Na mangido do pe hami tu Ho, sai lam
tambai ma asi ni roham tu hami, tu pinompar nami jala lehon
ma tongtong hahipason dohot pos ni roha tujoloan on, lumobi
tahe dameM dohot holong ni roham di hami saluhutna.
Amen.
3. Marende No. 656, 1 + 2
Parhahamaranggion i, lam hot jala togu
Singkop ma hasadaon i, di Jesus i burju
Rap sauduran hita be marholong na tutu
Mardame, marlas roha ma di Jesus i tutu
Marsigantung tu Ho sasude
Holan Ho huihuthon ndang be diringkon
Togutogu ma tu na ture
Togu ma hasadaon i di ojahanNa i
Sada haporseaon i di Tuhan Jesus i
Ai sada pandidion i, ai sada Ama i
Sada ma hita Kristen i manomba Tuhan i
1. Epistel : Mateus 12:46-50 (Responsoria)
46: Jadi di na mangkatai dope Ibana dohot natorop i, nunga jongjong
 di duru inana rap dohot angka anggina, naeng mangkatai dohot Ibana.
47: Dung i adong ma na paboahon: Di balian an do inangmu dohot
angka anggim, naeng mangkatai dohot Ho!
48: Alai ninna ma mangalusi na paboahon i: Ise do goaron dainang,
jala ise do dohonon anggingku?
49: Jadi dipaherbang ma tanganna tu ginjang ni angka siseanna, huhut
ma didok: Angka on do dainang dohot anggingku!
50: Ai na mangulahon lomo ni roha ni Damang na di banua ginjang, i
do anggingku, i do ibotongku, i do dainang!

Martua do angka namanangihon hata ni Debata, na umpeopsa jala

na mangulahonsa. Amen.
4. Marende No.467:1-2
Asi ni rohaM hupuji ala Ho manobus au
Dipaias Ho rohangku, gabe soranganMu au

IngananMu rohanami, TondiMi manggohi i

Pangke dohot ngolunami gabe ulaulaMi
Sai ramoti ma rohangku, asa boi gohanMu au
Sai mabaor ma pasupasu nang marhite sian au
IngananMu rohanami, TondiMi manggohi i
Pangke dohot ngolunami gabe ulaulaMi
7. Jamita :
8. Marende No. 512 : 2-3 “Didalani Jesus tano”
Nunga monang di jabum hataNa i? Hata i dipangke ho sinjatami?I do
hapistaran na sumurung I Jumpang do mura sudena baenon ni
Haha anggi, ro hamu sude. Taarahon ma donganta be
Haha anggi, dao nang jonok be. Hara tu joloNa donganmu sude
Dongan pinalua ni Tuhanta i. Taondingi, taapoi na lilu i
Asa lam dame luatta lam ture. Itahaholongi ma donganta be
Haha anggi, ro hamu sude. Taarahon ma donganta be
Haha anggi, dao nang jonok be. Hara tu joloNa donganmu sude
9. Tangiang sian Hula-hula
10. Marende No. 763:1 “Molo Jesus Donganmi”
Molo Jesus donganmi las roham
Jesus i pangurupim, las roham
Hot haporseaonmi dohot pos ni rohami
Mardonganhon Jesus i las roham
Las roham, las roham
Mardonganhon Jesus i las roham
Marsinondang ma di ho, bintang panghirimon i
Mardonganhon Jesus i las roham
11. Tangiang sian boru/Bere ibere :
12. Marende No.792:1-5 “Pasu-pasu hamion Tuhan
(Huhut Papungu Pelean)
Pasupasu Hami o Tuhan. Sai usehon dameMi
Sai ampehon tanganMi Tuhan. Lehon tu au gogoMi
Di portibi on baen ma au Tuhan. Habaoran ni las ni roha
Tu na marsak i tu na dangol i. Gabe pangapuli i
Pasupasu Hami o Tuhan. Sai usehon dameMi
Sai ampehon tanganMi Tuhan. Lehon tu au gogoMi
Di portibi on baen ma au Tuhan. Monang maralohon dosa
Dibahen gogoMi talu musu i. Sibolis pangago i
Pasupasu Hami o Tuhan. Sai usehon dameMi
Sai ampehon tanganMi Tuhan. Lehon tu au gogoMi
Di portibi on baen ma au Tuhan. Sipatupa hadameon
Baen ma hataMi saor tu roha ni. Na masihosoman i
Pasupasu Hami o Tuhan. Sai usehon dameMi
Sai ampehon tanganMi Tuhan. Lehon tu au gogoMi
Di portibi on baen ma au Tuhan. Siradoti haholongon
Togutogu ma hami on Tuhan. Marparange na denggan
Pasupasu Hami o Tuhan. Sai usehon dameMi
Sai ampehon tanganMi Tuhan. Lehon tu au gogoMi
Di portibi on baen ma au Tuhan. Sipajongjong hatigoran
Pargogoi ma au raphon HuriaM. Patupahon na denggan
Pasupasu Hami o Tuhan
Sai usehon dameMi
Sai ampehon tanganMi Tuhan
Lehon tu au gogoMi
13. RESPONSORIA : “PANIMPULI”
U : Nuaeng naeng paujungonta ma partangiangan on, sai asi
ma roha ni Debata sai di dongani ma hita di sude pardalanan
ni ngolunta, dao ma mara dohot angka parsahiton sian hita,
sai lam tu sadana ma hita.
S :Sapala naung diasii Ho hami Tuhan, sai rap
dohot Ho
ma hami di ngolunami on, sai unang tinggalhon hami
punjung.
U :Molo tung adong sian tonga-tonganta na hurang
hipas
pamatangna, sai asi ma roha ni Debata, sai dipasupasu ma
angka ubat napinangkena asa tumibu hipas. Molo
tung adong na marsak, Debata ma na mangapuli. Sai
marhaposan tu Jahowa ma ho sian nasa roham jala unang
 marpangunsandean ho tu pingkiranMu sandiri.
S :Ai angka na marhaposan tu Jahowa, maruli
hagogoon
mardapot-dapot gabe marhabong ni lali laho manaek,
marlojongi nasida ndang olo loja, mardalani nasida
ndang olo mandate.
U: Antong sai pos ma rohanta, sai na donganan ni Debata do
hita. Debata do marporang laho humongkop hita asal ma
hohom hita. Mangasahon asi ni roha ni Debata ma hita
mandok :POS MA ROHANTA LAHO MANDALANI
TAON 2024” on, tung so tarhahua manang aha hita laho
mangagohon hosanta. Amen.
Antong rap ma hita mangidohon tangiang : “ALE
AMANAMI....”
S: “Ale amanami na di banua ginjang....dst
U: PASU-PASU
S : Amen...Amen...Amenn

III.Acara\Tahun baru mandok hata

SELAMAT TAHUN BARU 2024. TUHAN YESUS MEMBERKATI