ACARA PARTANGIANGAN BONA TAON

DOHOT

LAUNCHING TAHUN OIKUMENE INKLUSIF

HKBP DISTRIK XIII ASAHAN LABUHAN BATU

HKBP PROAKTIF MENGHADIRKAN KEBAIKAN ALLAH

BAGI SEMUA (MATIUS 5 : 45)

DI GEREJA HKBP KISARAN KOTA

KAMIS, 11 JANUARI 2024

Pukul 11.00 WIB

1
I. PANGARADEON
1. Sude na martugas marpungu di konsistori laho mangarade diri.
2. Prosesi mamongoti bagas joro (huhut diiringi musik/organ BE. 247).
3. Tingki prosesi sude ruas jongjong diingananna be.

1. Pangaradeon Diri. U : Uluan, H : Huria, S : Sude

U: Huria ni Tuhanta, tama do hita mandok mauliate tu Debata pardenggan basa
i, ai dilehon do tu hita gogo dohot hahipason, boi hita marpungu di bona ni
taon 2024 di Bagas Joro on, mamuji dohot pasangaphon goarNa na badia i.
Ibana do na pataruhon hita tolhas tu taon na imbaru on. Antong, taparade ma
dirinta laho marsaor dohot Ibana.
H: Hupuji hami ma Ho Tuhan, ai denggan ni basaM sambing do na
padomuhon hami, umbahen na boi hami marsaor di tingki on,
manghalashon denggan ni basaMi.
U: Masuk ma hita tu partangianganta, na manogihon hita laho mamuji Goarna
na Badia i.
H: Olophon ma Jahowa ale sandok tano on. Ai asi ni rohaNa do manodo
hita gabe anakhonNa. Marlas ni roha ma naposomon, Ale Tuhan! Ai
nunga ro Ho manopot hami marhite parsaoran na Badia. Buha ma roha
dohot pingkirannami laho manjalo hangoluan na pinatupaMi Tuhan.
U: Tahobasi ma rohanta marsaor tumangihon hataNa, ro be ma hita mardongan
las ni roha mangoloi Ibana. Marende ma hita!

2. Marende BE. No.70 : 1 – 2 Naung Salpu Taon Na Buruk i

 Naung salpu taon na buruk i, Ho ma hupuji Tuhanki. Ai diramoti Ho
tongtong, tondingku dohot dagingkon. Ai diramoti Ho tongtong,
tondingku dohot dagingkon
…ayat 2 jongjong…
 Jesus sai asi rohaM, paian denggan ni basaM. Muse di taon na’mbaru
on di nasa huriaM tongtong. Muse di taon na’mbaru on di nasa huriaM
tongtong.

2
3. Votum.
U: Marhitehite Goar Ni Debata Ama, dohot Goar ni Anakna Tuhan Jesus
Kristus, dohot goar ni Tondi Parbadia na tumompa langit dohot tano on.
H: Amen
U: Pinuji ma Debata ala asi ni rohaNa, ai pardenggan basa do Ibana,
mambahen boi hita marpungu di bagas joro on, laho mamongoti taon
naimbaru taon 2024 on.
H: Ditompa Ibana do saluhutna marhite hataNa na Badia i, arian dohot
borngin pe disarihon Debata do hita, sian Jahowa sitompa langit dohot
tano on ro pangurupion paluahon hita.
U: Nabadia, na badia, na badia do Jahowa Zebaot, gok hamuliaonNa do liat
portibion. Ida ma, na ro ma Ibana di bagasan ombun. Idaon ni nasa mata
do Ibana.
H: Sai pujionku do angka pambahenan ni Jahowa, ai ingotonku do
halongangan angka na binahenNa i sian na robi. Jala sai marhusari do
ahu taringot tu angka pambahenanMu sudena, jala sai hutangkasi do
angka jadijadianMu.
U: Ale Debata, habadiaon do parhitean ni dalanMu. Tung debata dia ma
marhatimbulhon songon Ho, ale Debata. Halleluya! Ale tondingku, puji
ma Jahowa!
S: Mangendehon : Haleluya, haleluya, haleluya.
U: Martangiang ma hita. Ale Tuhan Debata, pargogo na so hatudosan! Holan
ala asi ni rohaM do, umbahen boi hami marpungu di joloM, marsada ni
roha martangiang tu Ho. Nunga dipapungu Ho hami, laho mandok
mauliate tu Ho di denggan ni basaM dohot asi ni rohaM na mangaloas
hami taripar tu taon 2024 on. Sai asi ma rohaM, sai paimbaru ma
rohanami, asa parsaorannami gabe parsaoran na ginohan ni TondiM, Tondi
Parbadia. Sai bahen ma taon 2024 on gabe taon lasniroha dohot olopolop
di hami saluhutna. Ale Tuhan pasaut ma bagabagaMi, tangihon ma
pangidoannami, lehon ma na tau hangoluannami. Lehon ma di hami
saleleng di hasiangan on parbinotoan di hasintonganMi, dohot di
hangoluan salelenglelengna marhitehite AnakMu, Tuhan Jesus Kristus,
Tuhannami. Amen. (hundul)
3
4. Marende BE. No. 66:1+3 Debata baen donganmi
 Debata baen donganmi! Lao mangula ulaonmu, baen Ibana haposanmu, sai
paserep rohami. Debata baen dongami, Debata baen donganmi.
 Debata baen donganmi! Sai na saut do ulaonmu, sai na tulus do
sangkapmu, jala sonang rohami. Debata baen dongami, Debata baen
donganmi.
5. Manjaha Hata ni Debata Psalmen 121 : 1 - 7
U: Tajaha ma hata ni Debata di hita ima na tarsurat di Psalmen 121 : 1 – 7.
Ende hananangkok. Sai mangaranapi do matangku dompak angka dolok:
Sian dia do ulaning ro pangurupion tu ahu?
H: Sian Jahowa sitompa langit dohot tano on sambing, ro pangurupion
ianggo tu ahu.
U: Ndang tagamon loasonNa tarsulandit patmu, ndang tagamon nok mata ni
sijaga ho.
H: Ida ma, ndang olo nok mata, jala ndang olo modom ianggo sijaga
Israel.
U: Jahowa do sijaga ho, Jahowa do parlinggomanmu di lambung ni tanganmu
siamun.
H: Ndang tagamon doiton ni mata ni ari ho arian, manang bulan pe
bornginna i.
U: Sai jagaon ni Jahowa do ho sian nasa parmaraan, sai jagaonNa do tondim.
Ima sahatna, martua do angka na tumangihon hata ni Debata jala na
umpeopsa.
S: Amen.
6. Koor:
7. Marende BE. No. 501 : 1 – 2 Sai Ditogutogu Jesus
 Sai ditogutogu Jesus tondingki na gale i, asa unang be au ganggu
dipanoguonNa i, maradian do rohangku, molo Huhaposi i nang sitaonon
dipassonggop sai jonok do Tuhanki. Nang sitaonon di pasonggop, sai jonok
do Tuhanki. (Jongjong)
 Sai diiringiring Jesus au na gale situtu. Ditungkoli do langkangku,
diparmudu au burju. Molo loja au mardalan, nang maheu tondingki.

4
 LehononNa aek na tio sian batu mamak i. LehononNa aek na tio sian batu
mamak i.
8. Renungan Situasional - Panghirimon tu ari marsogot
U: Huria ni Tuhanta, molo tauji mangarimangi pardalanan dibagasan taon
naung salpu i, godang situtu do angka na masa manipat angka ari.
Mardalan hita dibagasan ngolu na gok hamaolon, biar rohanta mangadopi
sude angka na masa. Adong dope hasonangan di ari marsogot? Manang na
ingkon mangolu do hita dibagasan hatahutan!
H: Ale Tuhan, asi ma rohaM, togu ma hami dipardalanan ni ngolunami.
U: Molo taida angka na masa di na humaling hita dohot di bangsonta Negara
Indonesia on; masa do angka bencana alam, hagaoron, kekacauan, ndada
holan i tahe: torop dope ruas ni huria na dao sian tongatonga ni parsaoran
di huria. Mandao sian hasadaon, dame, las ni roha. Alanii, tapangido ma:
H: Ale Tuhan, asi ma rohaM, togu ma hami saleleng dihasiangan on.
U: Gabe sorminan na arga ma taon naung salpu i laho mangeahi taon 2024 on,
asa lam marsada hita laho patupahon angka na denggan ditongatonga ni
bangso Indonesia on. Patupahon kerjasama na denggan ditongatonga ni
masyarakat dohot pamarenta, laos songon i ditongatonga ni huria. Marsada
ma pangula ni huria dohot ruasna, laho patupahon las ni roha ditongatonga
ni huriaNa. Ai saluhutna do hita tarjou gabe siulahon na denggan.
H: Pataua ma hami Tuhan jala marsangap ma goarMu marhite
panghobasion nami.
U: Taon 2023 naung salpu nunga tabolus taon Profesionalis Dalam
Penatalayanan na manjou hita mangula secara professional laho
pahinsathon panghobasionta di Huria dohot di masyarakat. Nuaeng,
Hurianta HKBP menotophon di taon 2024 on gabe Taon Oikumene
Inklusif. Parsidohot do HKBP laho mewujudkan keadilan, perdamaian,
dan keutuhan ciptaan dalam semangat saling menghormati perbedaan
marhite ulaon dialog dohot kesatuan marhite pambahenan.
H: Ale Tuhan lehon ma tu hami roha na rade asa proaktif manghobasi
saluhut halak dibagasan ulaon hadameon di portibi on, paluahon angka
na tarhurung, mangaradoti nasa natinompa jala tutu ma HKBP gabe
pasupasu.
5
 U: Tabege ma Hata ni Debata mamuhai orientasi ni ulaonta di Taon
Oikumene Inklusif on na tarsurat di Rom 12:13-17, Antoi hamu ma na
hasea di angka na badia! Haringkothon hamu ma partamueon!
H: Pasupasu hamu ma angka na paburuburu hamu; pasupasu ma antong,
unang bura i!
U: Marlas ni roha ma hamu rap dohot angka na marlas ni roha, jala tangis ma
hamu rap dohot angka na tangis!
H: Sada ma rohamu sama hamu: Unang hatimboon pingkiri hamu, alai
patutoru hamu ma rohamu tu haserepon; unang parbisuk hamu di
rohamu!
U: Unang baloshon hamu na jat alo ni na jat; ringkoti hamu ma na denggan di
jolo ni halak saluhutna!
Di Ho ma Tuhan hasangapon ro di salelengnilelengna.
U+H : Amen. (hundul)
9. Tangiang Pangondianon
10. Koor Bersama : Lagu Tahun Oikumene Inklusif HKBP (Jongjong)
(teks dipudi acara)
11. Marende BE. No. 309 : 1 + 4 Raphon Tuhan Jesus i
 Raphon Tuhan Jesus i pungka ulaonmu. Ingkon tu Ibana i
parguruhononmu. Baen Ibana donganmi hehe dohot modom. Dege ma
bogasna i, rohami pahohom.
 Hupasahat ma antong saluhut langkangku. Tu Tuhanku na tongtong mian
dirohangku. Manang aha pe hubaen Ho hupangasahon. Ale Tuhan tulus
baen saluhutna Amen!
12. Jamita pinatolhas Pdt. Dr. Deonal Sinaga
(Kepala Departemen Koinonia HKBP)
13. Marende BE. No. 753 : 1.... Dipardalanan Jesus Dijolongku (P. Pelean)
 Dipardalanan Jesus dijolongku. Holong ni tanganMi manogu au. Nang di
ngoluku Ho do sombaongku. Tung sonang mardalan raphon Ho. Huboto do
tangkas panoguonMu, diiringiring Ho do langkangki. Sahat ro di ujung ni
pardalanku, Togu ma au jonok tu lambungMi.
 Sipata lilu haporseaonku, nililianan ni portibion. Alai dung Ho hutatap o
Tuhanku, margogo do au on dingolungkon. Huboto do… (Musik)
6
  Patogu ma Tuhan haporseaonku, Asa polin tu Ho manghirim au, Tu surgo i
patulus pardalanku, TondiMi maringan ma di au. Huboto do…

14. Tangiang Panutup

II. Launching Tahun Oikumene Inklusif
III. Pasahat Selamat Taon Baru (Diatur tersendiri)
IV. Bimbingan Arahan Praeses HKBP Distrik XIII Asahan Labuhan Batu.

7
 Lagu Tahun Oikumene Inklusif HKBP Oikumene

Intro : (serungling) (Terompet)

Taon Oikumene iklusif HKBP proaktif menghadirkan kebaikan Allah

Jauhkan disk’riminasi dan juga rasis agar terjaga kedamaian
Jauhkan disk’riminasi dan juga rasis untuk kebaikan bersama

Khotbah Yesus waktu di bu-u-u-kit harus mengasihi musuhmu

Agar sempurna kehidupanmu seperti Allah Bapa-a-a
Agar sempurna kehidupanmu seperti Allah Bapa

Oikumene mempersatukan umat manusia di bumi

Oikumene selalu membebaskan orang tertindas dan termarginal
Kita semua, saling mengasihi sesama manusia-a-a-a
Apapun pun ajarannya kita wujudkan keutuhan ciptaan Tuhan

Intro : (Seruling) (Terompet)

Khotbah Yesus waktu di bu-u-u-kit harus mengasihi musuhmu

Agar sempurna kehidupanmu seperti Allah Bapa-a-a
Agar sempurna kehidupanmu seperti Allah Bapa

Oikumene mempersatukan umat manusia di bumi

Oikumene selalu membebaskan orang tertindas dan termarginal
Kita semua, saling mengasihi sesama manusia-a-a-a
Apapun pun ajarannya kita wujudkan keutuhan ciptaan Tuhan

Oikumene mempersatukan umat manusia di bumi

Oikumene selalu membebaskan orang tertindas dan termarginal
Kita semua, saling mengasihi sesama manusia-a-a-a
Apapun pun ajarannya kita wujudkan keutuhan ciptaan Tuhan