ACARA PARTANGIANGAN BONA TAON

PUNGUAN SAPANGANAN
POMPARAN
OP. TUAN SIRIMBANG SIMBOLON
TANGERANG JAYA

Minggu, 29 Januari 2023

 A. IBADAH
( P : Paragenda ; H : Huria)
P : Horas ma dihita sudena, Tama hita PUNGUAN SAPANGANAN POMPARAN
OP. TUAN SIRIMBANG TANGERANG JAYA mandok mauliate tu Debata
Amanta pardengganbasa i, ala boi hita taripar tu taon 2023 on. Diramoti do hita
na sai laon, mamolus ragam ni hamaolon dohot las ni roha nang arsak pe,
tongtong do di parmudumudu jala di pargogoi jumpa marhagaleon hita. Alani i,
pos ma rohanta unang ganggu mandalani taon 2023, sai ramotanNa do hita
ganup, Tuhan manjaga hita. Antong tapuji ma Debata na sangap na marmulia i.
Las ma rohanta, marende ma hita !

1. Marende BE No565:1+4 “Las Rohangku lao mamuji”

Las rohangku lao mamuji Debata Parholong I,
Songon bunga na mangerbang di na binsar ari i.
Arsak, dosa, haporsuhon mago dibaen asiMi.
Las ni roha na manongtong lehon di au Tuhanki.
Rap ma hita mangendehon, sangap di GoarNa I,
Tapangiar soaranta lao mamuji Tuhan i.
Sun do holong ni rohaNa na so marnamontok I,
I do pasadahon hita salelenglelengna i.

2.Votum – Introitus
P : Marhitehite goar ni Debata Ama, dohot goar ni AnakNa Tuhan Jesus Kristus,
dohot goar ni Tondi Porbadia na tumompa langit dohot tano on.
H : Amen.
P : Sai mangaranapi do matangku dompak angka dolok: Sian dia do ulaning ro
pangurupion tu ahu ?
H : Sian Jahowa sitompa langit dohot tano on sambing ro pangurupion ianggo tu ahu.
P : Ndang tagamon loasonNa tarsulandit patmu, ndang tagamon nok mata ni si Jaga
ho. Sai jagaon ni Jahowa do ho sian nasa parmaraan, sai jagaonNa do tondim. Sai
jagaon ni Jahowa do ho laho ruar dohot laho bongot olat ni on ro di saleleng ni
lelengna. Haleluya!
Martangiang ma hita :
Ale Tuhan Debata Amanami, mauliate ma hu pasahat hami tu Ho sian nasa roha
nami, husomba hami jala pujion nami ma goarMi ala asi ni rohaM dohot
hagogoonMi. Dialusi Ho do hami diari pangalualuan nami jala dipapir Ho tondi
nami, gabe margogo rohanami.
H : Ale Tuhan sijaga hami, mauliate ma dipangaramotionMu di taon 2022 naung salpu
i, ndang tarasam godang ni holongMu, ndang habilangan godang ni pasupasu naung
hujalo hami, mauliate ma di ho Tuhan, unang alang asi ni roham, ramoti ma hami
na marpungu on, ramoti ma hami di na mandalani taon 2023 na binasabasahonMon.
-2-
 P: Pasupasu ma hami PUNGUAN SAPANGANAN POMPARAN OP. TUAN
SIRIMBANG TANGERANG JAYA laho mamaritahon asi ni roham manogotna
i dohot hasintonganmi bornginna i. Pasupasu ma Tuhan angka na ni ula ni
tangannami na marragam i, asa gok las ni roha hami mandalani ariari ni
ngolunami, huhut sai togutogu hami jumpa masa angka hamaolon di pardalanan
ni ngolunami be. Pujionnami ma ho Tuhan marhite Yesus Kristus Tuhannami.
Amen.

2. Marende Huria BE 70 : 1-3 “Naung salpu taon na buruk i”

Naung salpu taon na buruk i, Ho ma hupuji Tuhanki
Ai diramoti Ho tongtong tondingku dohot dagingkon
Ai diramoti Ho tongtong tondingku dohot dagingkon
Jesus sai asi rohaM, paian denggan ni basaM
Muse di taon na’mbaru on di nasa huriaM tongtong
Muse di taon na’mbaru on di nasa huriaM tongtong
4.Epistel :
U : Epistel di partangianganta borngin on tarsurat di 2 Korint 1 : 3 - 11. Tajaha
ma marsingkat sorin. Pinuji ma Debata, Ama ni Tuhanta Jesus Kristus, Ama
Parasiroha situtu jala Debata, Sipangapul na sumurung!
H : Ai diapul do hami di bagasan saluhut haporsuhonnami, asa tarapul hami angka
dongan na di bagasan ragam ni haporsuhon, hinorhon ni apulapul na binasabasahon
ni Debata tu hami.
U : Ai muba do godang ni haporsuhon ala ni Kristus songgop tu hami; laos
hombar tusi do sumurung pangapulon tu hami hinorhon ni Kristus.
H : Alai porsuk pe huahap hami, bahen pangapulon dohot haluaon di hamu do; ba
tarapul hami, bahen pangapulon di hamu do, ai dibahen do hamu marhabengeton di
sitaonon, angka na sapangalaho dohot na huta on hami.
U : Jala hot do pangkirimonnami taringot tu hamu, ai on do huboto hami: Songon
naung gabe partohap hamu di angka sitaonon, laos songon i do nang di
apulapul.
H : Ai naeng do tangkas botoonmuna, ale angka dongan, haporsuhon na mangonai tu
hami di luat Asia: Tung na sorat situtu do hami, lobi sian na tartaon, pola saep do
rohanami di ngolunami.
U : Nunga putus hosanami, ditimbang rohanami; asa unang dirinami huhaposi
hami, tung Debata do, na manungguli angka naung mate.
H : Saut do hami dipalua, laos paluaonna do sian hamatean na sai jorbut i. Tu Ibana do
mangkirim rohanami, paluaonna do nang tu joloan on.
U : Dohot ma hamu mangurupi tumangiangkon hami, anggiat torop dongan
mangkamauliatehon asiasi na tu hami, ala torop naung mangkongkop
hami.Ima sahatna. Martua ma angka na tumangihon hata ni Debata jala na
umpeopsa. Amen.

-3-
5. Marende.BE.No.70:2-3 O Jesus sipangolu ahu
O Jesus sai asi rohaM, paian denggan ni basaM
Muse di taon na’mbaru on di nasa huriaM tongtong
Muse di taon na’mbaru on di nasa huriaM tongtong
Sai tong paian hataMi Na mangapuli roha i
Alai pangago sasude Padao ma sian hami be
Alai pangago sasude Padao ma sian hami be

6. Tangiang Pangondianon :

7. Marende sian BE.826 : 2 “Gohi Au Tuhan”

Gohi au Tuhan marhite HataMi
Gohi au Tuhan marhite HataMi
Na mauas do tondingku O Tuhan di HataMi
Gohi au Tuhan marhite HataMi.

8. Jamita :

9. Marende BE.No.691:1..“ Hupasahat Ma tu Jesus

( Papungu Pelean )
Hupasahat ma tu Jesus saluhutna ngolungki,
Roha nang pambaenanku saluhutna tingkingki
Hupasahat ma tu Jesus saluhutna diringki,
Hupasahat ma tu Jesus saluhutna ngolungki.
Pangkeonku ma tanganku, mangula lomoNa I,
Langka nang simanjojakku mangihuthon Tuhanki.
Hupasahat ma tu Jesus saluhutna diringki,
Hupasahat ma tu Jesus saluhutna ngolungki.
10. Tangiang Pelean – Ale Amanami – Pasupasu

B. RAMAH TAMAH.

-4-