01. Tangiang na hohom mamuhai partangiangan pangapulion
02. Ende Panombaon BE 501: 1 + 3 “Sai Ditogutogu Jesus” 1. Sai ditogutogu Jesus tondingki na gale i. Asa unang be au ganggu di panoguonNa i. Maradian do rohangku, molo huhaposi i :;: Nang sitaonon dipasonggop, sai jonok do Tuhanki :;: 3. Sai di togutogu Jesus au di parhorsihan i. Paima sahat au tu surgo, i ma ingananNa i. Jala idaonku sogot panoguNa i di au :;: Pujionku haholongan ni Tuhanta di au :;: 03. Huhuasi Partangiangon (L-iturgis; S-ude) L: Marhitehite goar ni Debata AMA, ANAK, dohot TONDI PARBADIA, hupatupa hami partangiangan pangapulion on, pahothon roha nang pangkirimonnami di hangoluan nuaeng nang sogot. Parbadia i ma partangiangan on. Pangkulingi ma hami asa sindak panailinami, jala tiur rohanami. HataM do mandok: “Ai ianggo pungu dua manang tolu pe marhitehite GoarHu, sai dongananKu do nasida” (Mat 18: 20). Pinuji ma GoarMu! S: Haleluya, sai pinarbadia ma GoarMu! Haleluya, sai ro ma HarajaonMu. Haleluya, sai saut ma lomo ni rohaM di tongatonganami. Amen. L: Martangiang ma hita! Ale Tuhan Debata, tatap ma punguan on. Na marsiparsaoran dame do hami di bagas on, ala naung dialap Ho, Ama na hinaholongan ni rohanami, i ma Amanami JASIM TARIGAN (+) parbagas on, di ari Rabu, 19 Januari 2022 na salpu. Ho do Tuhan di angka na mate nang na mangolu, gabe huhaporseai hami: Ho do manogu Amanami i tu hatongtongon i asa martua ibana di Ho. Antong, ia marpungu pe hami nuaeng dison, ndada ni onjar ni hasomalan sambing; alai ala ni jujuan ni asi ni rohaM do. Loas ma hami manjalo pangapulion sian HataM na gok habasaon i. Ho ma na mamangkulingi keluarga Ny. Tarigan br Silalahi on, mambutbut arsak dohot habot ni roha. Singkati i gabe las ni roha dohot pangkirimon. Sai anggiat diajarhon sitaonon on tu hami hasatiaon dohot haporseaon na hot. Sungguli rohanami tongtong asa rade, marbisuk, marroha jala marpanghirimon. Tangihon ma tangiang pangidoannami on, na hupasahat hami marhitehite goar ni AnakMu, Jesus Kristus, Tuhannami. Amen. 04. Ende Panindangion BE 227:1 – 2 “Jesus Ngolu Ni Tondingku” 1. Jesus ngolu ni tondingku, Ho do haporusanki. Gok di Ho nama diringku ro di nasa langkangki. 2. Lam tangkas ma patuduhon tu au on pangkophopMi. Asa i huhalungunhon; hot ma au di lambungMi. 05. HATA APULAPUL sian PHJ/Parhalado
06. Ende Panindangion BE 227:3 “Jesus Ngolu Ni Tondingku”
3. Jangkon au baen siseanMu na girgir tu podaMi. Sai surdukhon
ma tanganMu, asa tong hutiop i. 07. HATA APULAPUL sian na mewakili Ama
08. Ende Panindangion BE 227:3 “Jesus Ngolu Ni Tondingku”
4. Tangkup au Jesus Tuhanku, tiop au mansai gomos. Asa unang
runsur pathu sian dalan na tingkos. 09. HATA APULAPUL sian na mewakili Ina
10. Ende Panindangion BE 227: 6 “Jesus Ngolu Ni Tondingku”
6. TondiMi sai tong paian di au on tinobusMi. Tung patau ma au
manean pinarbagabagaMi. 11. HATA APULAPUL sian na mewakili Remaja & Pemuda/i:
12. Ende Pangampuon BE 280:1+3 “Tongtong Tutu Na Denggan”
1. Tongtong tutu na denggan do pambaen ni Debatanta. Matua so
solsolan do sude do i marhata. Pos ma roham di Debatam, ihuthon ma Ibana, na bonar do rohaNa.
3. Diboto Debatanta i na denggan i di hita: na so tagamon baeon ni
na so ture di hita. Dibahen i di rohangki, denggan do unduk hita di Hata ni Tuhanta.
13. Hata Pangampuon / Hata mauliate sian hasuhuton:
14. Ende Manjangkon Jamita: BE. 707:1-3 “Hagogoon Dohot
Apul-Apul” 1. Hagogoon dohot apul-apul Do dilehon Tuhan i tu au, Ganup ari au ditogu-togu Ganup tingki diondingi au. Ai hombar tu lomo ni rohaNa Do dilehon Tuhan i tu au Ro marsorin arsak las ni roha Haporseaonhu dipatau.
2. Ganup tingki Tuhan raphon ahu Jala sai dipasu-pasu au.
Sai di togu au molo madabu, Talu musu jala monang au. Ai pargogo na sohatudosan, Debatangku salelengna i Mangalehon dame dohot tua, Tu angka na bojok roha i.
3. Songon Ama do tu anakkonNa Holong ni Tuhanta i tu au.
Ndang mansadi pangurupionNa Hombar tu padanNa na tu au. Debata Amanta na di ginjang I do haposanku sai tongtong. Di pangiringiring ni tanganNa, Dame, sonang do rohangkinon. 15. Jamita: Roma 8:18 Kevin Kassner Lbn Gaol, S.Th Sebab aku yakin, bahwa penderitaan zaman sekarang ini tidak dapat dibandingkan dengan kemuliaan yang akan dinyatakan kepada kita. - Ai hurajumi angka sitaonon di hasiangan on, hira na so adong do martimbangkon hasangapon sipapataron tu hita sogot. 16. Ende Pangkirimon BE 504: 1 - 3 “Ditogu Tuhan Jesus” 1. Ditogu Tuhan Jesus au, i do na mangapuli au. Di ganup dalan nang tung maol, tanganNa do tongtong huhaol. Ditogutogu Jesus au, tanganNa sai maniop au. Tongtong ma siseanNa au, paima boi tu surgo lao.
2. Holom pe angka dalan i di linggom hamatean i. Tiur pe angka ari
i, tung guru do di Tuhanki. Ditogutogu Jesus au, tanganNa sai maniop au. Tongtong ma siseanNa au, paima boi tu surgo lao.
3. Gomos ditiop tanganki, so tung na silap langkangki. Di nasa
parsorionki, Ibana haporusanki. Ditogutogu Jesus au, tanganNa sai maniop au. Tongtong ma siseanNa au, paima boi tu surgo lao. 17. Tangiang Panutup (Ale Ama Nami…) – Pasupasu:
Martua ma angka na mate di bagasan Tuhan i, olat ni on! Tutu,
didok Tondi i, mansohot ma nasida sian parungkilon-nasida, ai na mangihut ma tu nasida niulanasida i. (Pangungkapon 14: 13)
Tinggangkon hamu ma nasa na hinolsohon ni rohamuna tu Ibana,
ai disarihon do hamu! Torang ma rohamuna, dungo ma hamu, na maotaot do alomuna, sibolis i songon babiat na marauang mangalului sibondutonna. (1 Petrus 5:7–8)
Di tingki parasian do ho Hutangihon, jala di ari haluaon do ho
Huurupi. Nuaeng ma tongon tingki parasian; nuaeng ma ari haluaon i. (2 Korintus 6: 2)