ACARA IBADAH

PASAHATHON SULANGSULANG PAHOMPU

Kel. B.Sihombing/ A.br. Situmeang
HKBP Moria Palas Ressort Philadelpia Palas
Sabtu, 16 September 2023
U=Uluan ; H=Huria ; Kel=Keluarga
1. PANGARADEON: (Martangiang na hohom)
2. JOUJOU MARSOMBA TU DEBATA
U : HALELUYA! Mandok mauliate ma hamu di Jahowa, ai na basa do Ibana, ai
ro di salelenglelengna do asi ni rohana i. Ro be ma hamu marpungu
marsomba tu Ibana di bagasan las ni roha dohot olopolop.
H : Nunga dison hami ale Tuhan pungu angka na marsihaholongan,
manghalashon naung gok pasupasuM, patupahon ulaon adat pasahathon
sulangsulang pahompu sian keluarga besar Sihombing tu hulahula nasida
marga Situmeang.
U : Pangido hamu ma sai na lehononNa do tu hamu; lului hamu ma sai na
jumpangan do hamu; tuktuhi hamu ma sai na ungkaponNa do di hamu!
H : Beta ma hita manungkap marsomba, marsinggang ma hita tu adopan ni
Jahowa. Ai Ibana do Debatanta jala hita bangso pinarmahanNa.
U : Alani, tapatupa ma ulaon on mardonganhon Debata, jala tapungka di
bagasan dame sahat tu na marujung dibagasan las ni roha. Tapuji ma
Debata, Marende ma hita!
3. MARENDE BE. 14 : 1 + 5 “Puji Hamu Jahowa Tutu” BL. 57
Puji hamu Jahowa tutu, Pardengganbasa Parasiroha salelengna i
Pardengganbasa i, Parasiroha i
Somba hamu Jahowa burju, marhapantunon ma hita di Tuhanta Debata.
Burju tasomba ma Tuhanta Debata
4. VOTUM – INTROITUS
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on.
H : Amen!
U : Ida ma! Denggannai dohot sonangna i, molo tung pungu sahundulan
angka na marhahamaranggi dohot angka na masihaholongan.
H : Ai disi do diparbaga Debata Jahowa pasupasu hangoluan sahat ro di
salelenglelengna.
U : Ari on do na jinadihon ni Jahowa, marolopolop jala marlas ni roha ma
hita disi.
 H : Ale Jahowa sai manumpak ma Ho, ale Jahowa sai Ho ma mambahen
manjadi.
U : Pinasupasu ma na ro marhitehite goar ni Jahowa, dohot angka na sian
bagas ni Jahowa. Haleluya ! Martangiang ma hita !
Ale Tuhan Debata Amanami marhitehite Jesus Kristus Tuhannami.
Mauliate rohanami tu Ho ala dilehon Ho hahipason, hiras ni roha dohot
sihol ni roha di hami lumobi sadari on naung marpungu hami angka na
masihaholongan, mamuji goarMu. Pungu do hami nuaeng dison mandok
mauliate tu adopanmu disude denggan basaMu dohot asi ni rohaM di
hami. Nunga dilehon ho pasupasuM tu hami, di hagabeon, di hamoraon,
di hasangapon, alani unang alang asi ni rohaM. Sai jalo ma Tuhan
pujipujian dohot pangidoannami tu Ho secara khusus di dongannami
Kel. B.Sihombing/ A.br.Situmeang , marhite ulaon adat sulangsulang
pahompu sipatupaon nasida sadari on. Ale Tuhan Jesus ! Lehon ma di
hami parsaoran di bagasan dame dohot sada ni roha laho
manghangoluhon lomo ni rohaM diulaonnami sadarion. Asa lam tangkas
tarida di hami dohot di humaliangnami roha na marsiurupan dohot na
marsihaholongan. Alani ale Tuhan, patau ma hami mangido asi ni rohaM
sadari on. Sai lehon ma di hami hahipason dohot ganjang ni umur,
lumobi haporseaon tu Ho. Hupasahat hami tangiangnami on mangasahon
goar ni AnakMu Tuhan Jesus Kristus Tuhannami. Amen!

5. MARENDE BE. 122 : 1 + 4 “Ida Hinadenggan ni” BL. 13.

Ida hinadenggan ni angka na saroha i
Parpambaenan na burju nang hatana pe tutu
Diparbaga Debata tu na marsaroha da
Pasupasu na godang ima roha na sonang
6. MANJAHA TURPUK: PSALM 103 : 1 – 5
U : Puji ma Jahowa ale tondingku, jala nasa rohangku dibagasan mamuji
GoarNa na badia i.
H : Puji ma Jahowa ale tondingku , jala unang tung halupahon denggan ni
basana sudena.
U : Ibana do manesa dosam sudena, Ibana pamalum angka sahitmu sudena.
H : Ibana paluahon ngolum sian hamagoan, Ibana martumpalhon tu ho
denggan basa dohot asi ni roha.
 U : Ibana pamahap roham marhitehite denggan basa, asa mulak poso ho
songon pidong rajawali. I do sahatna. Martua do angka na tumangihon
hata ni Debata jala na umpeopsa. Amen!
7. MARENDE No.753: 1 “Dipardalanan Jesus di jolongku”
Dipardalanan Jesus di jolongku, holong ni tanganmi manogu au.
Nang di ngolungku Ho do sombaonku, tung sonang mardalan raphon Ho.
Reff : Huboto do tangkas panoguonMu,
Di iringiring Ho do langkangki,
Sahat ro di ujung ni pardalanku,
Togu ma au jonok tu lambungMi.
8. Tangiang Pangondianon : ( Sian Hulahula )
9. MARENDE BE. 4 : 3 “Sai Puji Debata” BL. 148.
Dibahen i tama pujion ni rohanta, Tuhanta Debata.
Nang Jesus pe AnakNa, nang Pangondian i.
Naung ro tu hita on manggonti Jesus i pujion do tongtong.
10. Jamita:

11. MARENDE BE. 467 : 1 – 2 “Asi ni rohaM hupuji” BL. 315. (PP)
Asi ni rohaM hupuji ala Ho manobus au.
Dipaias Ho rohangku gabe soranganMu au.
IngananMu rohanami TondiMi manggohi i,
Pangke dohot ngolunami gabe ulaulaMi
Sai ramoti ma rohangku, asa boi gohanMu au,
Sai mabaor ma pasupasu nang marhite sian au.
IngananMu rohanami …d.u.

Naeng huhatindangkon hami hagogoonMi tongtong,

Paluahon na mardosa, nang parjahat na bolong.
IngananMu……..
Sai papulik rohanami gabe pangoloi di Ho.
Asa marsahala hami lao mangkatindangkon Ho.
IngananMu……..

13.Manghamauliatehon Pasupasu ni Debata

U : Godang ma tongon na binahen ni Jahowa tu hita. Alani sai tongtong rap
marhiras ni roha ma hita.
Kel. : Huparhatopot hami do nunga godang pasupasuM naung hujalo hami di
parngoluannami. Alani i mauliate ma rohanami di Ho jala urupi ma hami
mamangke i tu lomo ni rohaM asa gabe pasangaphon Ho i tongtong huhut
gabe pasupasu di hami dohot tu humaliangnami.
H : PasupasuM na arga do i Tuhan di hami : hasadaon ni roha, dame, satahi
saoloan dohot na masiurupan na di huta nang na di tano parserahan pe
lumobi di ari sadari on boi pungu hami manghamauliatehon saluhut
denggan ni basaM, marhite ulaon adat pasahathon sulangsulang pahompu
keluarga Sihombing tu hulahula nasida marga Situmeang sadari on.
U : Mansai godang dope pasupasuM naung pinasahatMu tu hami na so
hagoaran hami jala na so habilangan hami. Tung saluhutna i
huhamauliatehon hami tu Ho ale Jahowa Debata Amanami marhitehite
Jesus Kristus Tuhannami.
H : Alani, Ale Tuhan, sai parrohai ma hami mamilangi angka ariarinami, asa
dapotan roha na bisuk hami! Amen.
U : Antong Tapasahat ma dirinta, tondinta dohot ulaon sadari on gabe pelean
na arga di Debata. Tangiang Pelean – Tangiang Ale Amanami –
Tangiang Pasupasu – Amen!