ACARA PARTANGIANGANGAN BUHABUHA IJUK

SA-RESSORT DAME
(HKBP Dame, Bethania, Sintanauli, Reminiscere)
Ev : 2 Korint 4 : 14 Ep : Rom 6 : 3 - 11
HUASO HAHEHEON NI JESUS / KUASA KEBANGKITAN YESUS
Minggu, 04 April 2021 (Pukul 05.00-Selesai)

1. PANGARADEON.
2. JOUJOU TU PARSAORAN TU DEBATA
U : Di hita angka dongan naung hinokkop ni Tuhan Jesus Kristus, na marpungu do hita nuaeng
dibagasan sadari on ima di partangiangan Buhabuha Ijuk, marningot hamonangan ni Tuhan
Jesus manaluhon hamatean. Asa marningot ma nang hita, naung dipamonang do hita sian
hamatean hinorhon ni akka dosanta i. Antong marhite naung hehe Ibana, pasahaton nami ma
tabe tu hita saluhutna “Selamat Paskah ma di hita”.
H : Nunga talu hamatean dibaen Tuhan Jesus i. Selamat Paskah ma di hita saluhutna.
U : Antong marlas ni roha ma hita marhite ende pujipujian marende ma hita.
3. MARENDE BE NO. 96 : 1 - 2“Nunga Talu Hamatean”
Nunga talu hamatean, dibaen Tuhan Jesus i.
Ai na hehe do Ibana songon na nidokNa i.
Haleluya, haleluya, nunga hehe Jesus i.
Haleluya, haleluya, nunga hehe Jesus i
--------Jongjong---------
Ia angka boruboru Lao do tu tanoman i
Ndang disi be Tuhan Jesus Nunga hehe sian i
Haleluya, haleluya Nunga hehe Jesus i
Haleluya, haleluya Nunga hehe Jesus
4. VOTUM – INTROITUS – TANGIANG.
U : Marhitehite Goar ni Debata Ama dohot Goar ni AnakNa Tuhan Jesus Kristus, dohot Goar ni
Tondi Parbadia na tumompa langit dohot tano on.
H : Amen.
U : Di Tuhanta Debatanta i do hatuaon, dohot hasangapon, dohot hamuliaon, dohot hagogoon.
Na pahehehon Tuhan Jesus, i do na pahehehon hita sogot, ala ni Tuhan Jesus. Haleluya!!

1
 H : (Mangendehon) Haleluya! Haleluya! Haleluya!
U : Martangiang ma hita! Ale Tuhan Jesus Tuhananmi! Mauliate ma rohanami tu Ho, ala
ditaluhon Ho do dosa dohot hamatean marhite hamamate dohot haheheonMu. Unang laos be
hami mabiar mida hamatean i, ai Ho do Ulunami, ruasMu do hami, jala nunga dipaunsat Ho
hami sian haholomon tu hatiuron, sian hamatean tu hangoluan ala haheheonMu. Sai pargogoi
ma hami, mamuji, mangoloi jala pasangaphon Ho dibagasan haporseaon na mangolu, ro di
hasusuda ni bohalnami. Amen.
--------hundul---------
5. MARENDE BE. No. 94: 1-2 ”Ale Tondingku Naung Hehe”
Ale tondingku, naung hehe Tuhanmu,
Nunga ditaban do banuatoru,
Las ma roham, ai martua ma ho:
Rap dohot Jesus mangolu ma ho!
Rap dohot Jesus mangolu ma ho!
Talu sibolis dibahen Tuhanta,
Nang hamatean, nang dosa sudena.
Sai dihalashon rohanta ma i.
PangoluonNa do hita sude!
PangoluonNa do hita sude!
6. EPISTEL : ROM 6 : 3-11
U : Na so diboto hamu do on: Sude hita, nasa naung tardidi tubagasan Kristus Jesus, tubagasan
hamateanna do hita tardidi?
H : Antong, naung tartanom do hita rap dohot Ibana marhitehite pandidion i tubagasan
hamatean, asa marparange hita di bagasan ngolu na imbaru, songon Kristus naung hehe
sian angka naung mate hinorhon ni hasangapon ni Amana.
U :Ai anggo nunga sanghambona hita dohot Ibana, di na rap mate hita dohot Ibana i, suang
songon i ma hita nang taringot tu haheheon.
H : Ai taboto do: Nunga tarsilang hadirionta na buruk raphon Ibana, asa pinasohot daging
pardosaon, asa unang be hita mangadop di dosa.
U : Ai dung mate jolma, lias do ibana sian dosa.
H :Alai molo naung mate hita rap dohot Kristus, dihaporseai rohanta, rap mangolu ma hita
dohot Ibana.

2
 U : Ai taboto do, na so mate be Kristus, dung mulak mangolu sian na mate; ndang dirajai
hamatean i be Ibana.
H :Ai mate pe Ibana, sahali do i, ala ni dosa; ia mangolu nuaeng, di Debata do i.
U : Suman tusi ma rajumi hamu dirimuna songon naung mate di dosa i, alai mangolu di Debata
di bagasan Kristus Jesus. Ima sahatna. Martua ma na tumangihon Hata ni Debata, jala na
umpeopsa. Amen
7. MARENDE BE. No. 89: 6 “Ate di dia Soropmi”
Marlas ni roha hita on di ari haheheon
Ai tua nang di tano on di surgo pe dilehon.
Dison tahirim i dope disi pe idaonta be
Suman tu Jesus hita.
8. SUNGGULSUNGGUL + TANGIANG PANONDIANON
9. MARENDE  BE 90 : 1-2 “ Sai Tapuji Debatanta”
Sai tapuji Debatanta Ale hajolmaon i
Ai naung hehe do Tuhanta Sian hamatean i
Dipasidung Jesus i UlaonNa sasude
Patupahon haluaon Di saluhut hajolmaon
Anggo utang ni dosangku Digarari Jesus i
I do haporseaonku Di na tinaonNa i
Nunga tulus patik i Nunga mintop rimas i
Di na hehe i Ibana Ro di au hangoluanNa
10. JAMITA: 2 KORINT 4 : 14
11. MARENDE BE No.93:1... "Pesta Paskah, Hatuaon"               (Papungu pelean)
Pesta Paska hatuaon, Pesta Paska haluaon
Sian hamatean i, sian hamatean i
Tuhan Jesus do pasuang hangoluan, Hasonangan
Tu saluhut jolma i.
       Talu ho banua toru, ndang tarbahen tiopanmu,
Raja Siparngolu i  Raja Siparngolu i
       Hamatean, hamagoan na so pola habiaran,
Nunga talu i sude.
--- Organ ---
Tuhan Jesus do na monang, Tuhan Jesus do pasuang

3
 Las ni roha  dame pe, las ni roha dame pe
Dongan golom ma hataNa naporsea di Ibana,
Ndang tarbahen mago be.
Sai tapuji ma Tuhanta na pabongot tu rohanta,
Roha pangkirimon  i, roha pangkirimon  i
Ia mate pe donganta sogot ingkon idaonta
Saluhut di surgo i.
12. PARSURUON

U :Hamu angka dongan nunga tangkas taboto na so mate be Kristus, dung mulak mangolu sian
na mate. Ia mangolu Ibana nuaeng, di Debata do i. Ai on do dipatupa Debata: humophop
hita gabe dosa Ibana, na so tumanda dosa, asa gabe hatigoran ni Debata hita dibagasan Jesus
Kristus. Nunga tarida asi ni roha ni Debata, sibahen haluaon ni saluhut jolma.
H : Tapatuduhon ma na marsitutu hita marhaposan tu Debata Jahowa asa sandok marsangap
Debata, Sipalua hita.
U : Tuhanta Jesus Kristus naung mangalehon diriNa ala ni dosanta, asa diroro hita sian
hasiangan na jahat on, mangihuthon roha ni Debata Amanta. Jadijadian ni Debata do hita,
angka na tinompa dibagasan Kristus Jesus, asa marulaon na denggan hita; ai angka i do
dipature Debata hian, asa taparangehon i.
H : Mardongan biar dohot lomos ni roha taulahon ma haluaonta dibagasan Kristus Jesus!

13. TANGIANG PELEAN – TANGIANG ALE AMANAMI – PASUPASU.

Parhalado HKBP Sa-Ressort Dame Mengucapkan

“Selamat Paskah”
Editor : C.Pdt. Nazar M. E. Naingggolan, S.Th.