PARTORDING NI PARMINGGUON

DI MINGGU LETARE
(MARLAS NI ROHA MA HAMU)
Jesaya 66:10.a.

Ev. Johannes 9 : 35 - 41 Ep. Psalmen 5 : 8 - 13

TOPIK :

LAS NI ROHA DI ANGKA NAUNG JUMPANGAN

JESUS

HURIA KRISTEN BATAK PROTESTAN (HKBP)

MINGGU, 19 MARET 2023
01. Marende BE HKBP No. 125 : 1 - 3 “MARLASNIROHA HITA ON” BL. 82

 Marlas ni roha hita on mamuji Debata

Ai asi ni rohaNa i do bongot tu rohanta i
Umbaen nuaeng mardomu i dison sadari on, dison sadari on

 Dibaheni manggogo be ma hita on sude

Mamuji Tuhan Jesus i parasiroha godang i
Sibaen las ni rohanta i, nuaeng nang sogot pe, nuaeng nang sogot pe
…….Musik…….
 (Ruas Jongjong) Alai taingot ma huhut mambaen sangap tongtong
Barita ni Tuhanta i marhite parangenta i
Di jolo ni donganta i di atas tano on di atas tano on

02. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia na tumompa langit dohot tano on. Amen.
Marlas ni roha ma hamu rap dohot Jerusalem jala marolopolop mida
ibana sude hamu, ale angka na holong roha di ibana! Marlas ni roha
situtu ma rap dohot ibana sude hamu, ale angka na marsak roha mida
ibana nasailaon! Las do rohangku di angka na mandok tu ahu: beta hita
manopot bagas ni Jahowa!. Haleluya!
H : (Mangendehon): Haleluya, Haleluya, Haleluya!
U : Martangiang ma hita! Ale Tuhan Jesus, Sasada Ho do Sipangolu
padomuhon jolma dohot Debata! Hupuji hami GoarMi, jala hudok hami
mauliate tu Ho ala ni saluhut na binahenMi, patupahon hangoluannami.
Sai dongani ma hami marhitehite asi ni rohaM, asa hupingkiri hami
tongtong na tinaonMu dohot hamamateM, asa huarsakhon hami
dosanami jala asa tubu di hami haporseaon na sintong, jala asa marroha
haholongon hami huhut mandok mauliate tu Ho, asa olo hami
mangihuthon Ho ro di hamatean. Ale Tuhan Jesus, di Ho ma tama
pujipujian di tongatonga ni saluhut Huria, naung tinobusMu marhitehite
mudarMu na badia i, olat ni on ro di salelenglelengna. Amen.
(Hundul ma hita)

1
03. Marende BE HKBP No. 588 : 1 - 2 “TASOMBA TONGTONG” BL. 588
 Tasomba tongtong na sun gogo i,
Tadok ma antong songkal Tuhan i,
Partanobatoan Haporusan i
Gok Hamuliaon habangsaNa i

 Baritahon ma huasoNa i,
Sondang na tiur do ulosNa i
Angka ombun dibaen huretaNa i,
Api na marjimbur suruanNa i

04. PATIK: V - X
U : Tatangihon ma Patik ni Debata di minggu LETARE sadari on, i ma
PATIK V – X. Patik Palimahon : Ingkon pasangaponmu do natorasmu
asa martua ho, jala leleng mangolu di tano na nilehon ni Jahowa
Debatam di ho.

H: Patik Paonomhon : Unang ho mamunu!

U : Patik Papituhon : Unang ho mangalangkup!

H: Patik Paualuhon :Unang ho manangko!

U : Patik Pasiahon : Unang ho olo manghatindanghon hata na so tutu

maralohon dongan jolma.

H: Patik Pasampuluhon : Ndang jadi haliangan ni roham bagas ni

donganmu, ndang jadi haliangan ni roham dongan saripe ni
donganmu, manang naposona baoa manang naposona boruboru,
manang lombuna manang hodana, manang dia pe ugasan ni
donganmu.

U: Ima sahatna. Antong, rap mangido gogo ma hita sian Tuhan Debata!

U+ H : Ale Tuhan Debata, sai pargogoi ma hami mangulahon na hombar tu

PatikMi. Amen
2
05. Marende BE HKBP No. 424 : 2 + 4 “SOARA NI TONDI” BL.284
 Marunduk ni roha topoti sude,
Pambaenmu na torbang, jengkelmu sude,
Pasahat tu Jesus sandok dirimi.
Sai tong pasunggulhon pangkophopNa i

 (Ruas Jongjong) Tarsor ho mardosa, manurut lomom,

Tung unang datdati, sai alo langkam.
Dompakkon Tuhanmu, Pargogo do i,
Manesa, pamalum sude dosami.

06. MANOPOTI DOSA:

U : Tatopoti ma dosanta di adopan ni Debata, martangiang ma hita : Ale
Tuhan Debata, Amanami, Pargogo na so hatudosan, Parasiroha mida
hami na dangol on! Na ro do hami tu joloM manopoti dosanami na
godang i. Di bagasan hajahaton do hami tubu jala ndang adong
haporseaon di bagasan rohanami hian, saluhut do hami manimbil sian
angka dalanMu. Mansai godang do pangalaosionnami di PatikMu.
Alai ingot ma hami, ale Tuhan, ala ni denggan ni basaM dohot asi ni
rohaM. Sai unang paingotingot angka dosa ni haposoonnami dohot
pangalaosionnami; sai ingot ma hami hombar tu asi ni rohaM dohot
denggan ni basaM ala ni GoarMu. Ale Tuhan Jesus, marpamuati ma
rohaM di dosanami na godang i! Amen
Bagabaga ni Debata taringot tu hasesaan ni dosanta : Songon on
do Hata ni Tuhan Jahowa: Nunga pola hupasisi angka pangalaosim
songon ombun, jala songon ombun manorop angka dosam. Sai mulak
ma ho tu Ahu, ai Ahu do Sipalua ho. (Jes. 44, 22). Hasangapon ma di
Debata na di ginjang!
H : Amen. (Hundul)
07. Marende BE HKBP No. 458 : 2 - 3 “BARITA NA UMMULI I” BL.309

 Ai ndang adong di rohangki na so hinilalaNa

Ditanda hagaleonhi, nang pe so dung marsala

3
 Hujalo hamonangan i, ai Tuhanki na basa i do donganki

 Ibana haporusanki di godang ni dosangku

MudarNa do mamuri au, ditobus do hosangku
Tuhanku gabe singkathi, dibahen i pujionki basaNa i

08. E P I S T E L : PSALMEN 5 : 8 - 13
U : Tabege ma hata ni Debata Epistel di Minggu LETARE sadari on, ima
na tarsurat di PSALMEN 5 : 8 - 13. Alai ianggo ahu, sian godang ni
asi ni roham sai bongotanku do bagasmu, marsomba dompak bagas ni
habadiaonMi, mangkabiari Ho.
R : Ale Jahowa, sai togu ma ahu marhitehite hatigoranMu ala ni
angka na mangonggop ahu, sai pahornop ma dalanMu di
jolongku.
U : Ai ndang pos roha di hatanasida i, sai hamagoan do tahi ni rohanasida
di bagasan, godung na talak do tolonannasida i,
R : Torui ma nasida, ale Debata, sai ambalhon ma tahi ni rohanasida
i, ambolongkon ma nasida ala hinadeak ni pangalaosionnasida i,
ai dompak Ho do nasida manenganenga.
U : Sai marlas ni roha ma sude angka na marhaposan tu Ho, sai marendei
ma nasida ro di salelenglelengna ala ni ondinganMu nasida, sai
marolopolop ma mida Ho angka na holong roha di GoarMu.
R : Ai Ho do, ale Jahowa, mamasumasu na tigor marroha i, songon
lombulombu do dihaliangkon Ho asi ni rohaMi tu ibana.
U : Ido sahatna. Martua do angka na tumangihon Hata ni Debata jala na
umpeopsa.
H : Amen.

09. Marende BE HKBP No. 758 : 2- 3 “JAHOWA PANGURUPI” BL 758

 Jahowa las ni roha saleleng ngolumi,
Ibana haroroan ni nasa na uli
Ai disarihon Jesus sude naringkot i,

4
 Halashon panoguon ni Jesus Tuhanmi.

 (Ruas Jongjong) Jahowa pandongani di na porsea i

Ibana patuduhon nang sidalananmi
Asa marolop-olop ho di ujungna i,
Ibana do donganmu nuaeng nang sogot i.

10. MANGHATINDANGHON HAPORSEAON :

U : Tahatindangkon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H : Ahu porsea di Debata Jahowa….. d.u. (Hundul)

11. TINGTING
12. Marende BE HKBP No.565 : 1--- “LAS ROHANGKU LAO MAMUJI” BL
565 (Pelean Ia,Ib)
 Las rohangku lao mamuji, Debata Parholong i,
Songon bunga na mangerbang, di na binsar ari i.
Arsak, dosa, haporsuhon, mago dibaen asiMi.
Las ni roha na manongtong, lehon di au Tuhanki.

 Sude jadijadianMu, laut, tano, langit i,

Angka bintang dohot bulan, nang mata ni ari i.
Hauma, ladang, nang harangan, rura dohot dolok i,
Saluhut na mangendehon, sangap di Tuhanta i.
…….Musik…….
 Debata Parholong roha, na manesa dosangki,
Ndang tarbaen so las rohangku, lao mamuji asiMi
Sai ajari sude hami, mangulahon holong i,
Asa gok las rohanami, dibagasan Tuhan i.

 Rap ma hita mangendehon, sangap di GoarNa i,

Tapangiar soaranta, lao mamuji Tuhan i.
Sun do holong ni rohaNa, na so marnamontok i,
I do pasadahon hita salelenglelengna i.

5
13. JAMITA: JOHANNES 9 : 35 – 41. “Las ni roha di angka naung jumpangan
Jesus”
14. Marende BE HKBP No. 787 : 1… “INGKON MONANG HITA” BL. 787
(Pelean II)

 Ingkon monang hita, Ingkon monang hita

ingkon monang di ujungna.
Naporsea do au di Debata, ingkon monang hita.

 Ala hatigoran, ala hatigoran,

Hita monang diujung na
Na porsea do au di Debata, ingkon monang hita.
…….Musik…….
 Kristus do donganta, Kristus do donganta
Kristus do pamonang hita.
Na porsea do au di Debata, ingkon monang hita.

 Rap masihaposan, rap masihaposan

Rap masihaposan hita.
Na porsea do au di Debata, ingkon monang hita.
…….Musik…….
 Masitangiangan, masitangiangan
Masitangiangan hita.
Na porsea do au di Debata, ingkon monang hita.

 Rap masiurupan, rap masiurupan

Rap masiurupan hita.
Na porsea do au di Debata, ingkon monang hita.
…….Musik…….
 Dame ma di hita, dame ma di hita
Dame ma tongtong di hita.
Naporsea do au di Debata, ingkon dame hita

15. TANGIANG PELEAN :

U : Tatangianghon ma peleanta. Ale Debata, Amanami na di banua ginjang,
Ho do haroroan ni saluhut silehonlehon na denggan dohot nasa ulibasa na
6
 mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga ni
HuriaM dohot di portibi on. Buhai ma rohanami marhitehite TondiM, asa
lam hutanda hami godang ni silehonlehonMi tu hami, asa lam girgir hami
mandok mauliate tu Ho, marhitehite Jesus Kristus Tuhannami. Amen.
H : (Mangendehon) BE HKBP No. 204 : 2 “NDANG TADINGHONONHU
HO” BL. 73
 Nasa na nilehonMi, tondi ro di pamatanghu
Hosa dohot gogongki, ro di saluhut artanghu
Hupasahat i tu Ho, na so unsatonhu do.
U : Ale Amanami na di banuaginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami! Unang
hami togihon tu pangunjunan! Palua ma hami sian pangago!

H : (Mangendehon): BE. HKBP NO. 841 : 1 “Ai Ho Do Nampuna

Harajaon” BL. 841

 Ai Ho do nampuna harajaon, dohot hagogoon

Ro di hasangapon, saleleng ni leleng na, Amen.
U : Tangiang Pasupasu
H : (Mangendehon) BE. HKBP NO. 845 : 1 “Amen (3x) HKBP” BL. 845
Amen, Amen, Amen.

========

SELAMAT ARI MINGGU