Jamita tu Minggu Septuagesima, Tanggal 5 Pebruari 2023

MANGOLU DIBAGASAN HATIGORAN HOMBAR TU UHUM NI DEBATA

Evangelium: JAKOBUS 1 : 22 - 25
I. PATUJOLO NI TURPUK
Gabe Siulahon Hata i. Sada ondolan na mansai tangkas boi dapot hita di
surat Jakobus on jala na mansai arga dienet gabe parsiajaran i ma taringot tu
haporseaon ni halak Kristen na ingkon dipatuduhon di parulaon siganup ari. I do
umbahen didok di Jakobus 2: 17 "Haporseaon i pe songon i do Anggo so adong
pangulaonna, naung mate do hadirionna." Mangihuthon panangkasion dohot pangan-
tusion ni angka pande bisuk ni Padan Na imbaru, ndang apala maol antusan boasa
sahat panggurit ni surat Jakobus on tu ondolan sisongon i. Surat Jakobus on bongot
do tu horong ni 'surat-surat hatopan (umum, am) siala ndang ditujuhon tu sadasada
huria. I do umbahen didok di Jakobus 1:1, "Mandapothon na sampulu dua marga na
di parserahan." Ise do na sampulu dua marga on? I ma halak Jahudi na tongtong
marnida hajongjonganna sisada hasadaon dohot Israel na di Padan Narobi na
marnampunahon sampulu dua marga mangihuthon goargoar ni anak ni si Jakob. Tu
nasida ma ditongos surat on, i ma tu halak Jahudi naung gabe Kristen na marserak
sahat tu duru ni Jahudi.
Mangihuthon panulingkition ni angka pande bisuk, hapeahan ni turpuk on i ma
pangibulan Inni angka sipaingot na marpardomuan tu rumang ni ngolu siganup ari.
na disangkapi boi pangkeon nasida laho manambor-nambori haporseaon dohot ngolu
partondion ni ruas ni huria hatiha i. Angka hata sipaingot on tontu do dipasahat di
angka parpunguan di tongatonga ni huria. Songon sada sipaingot, ndang apala
angka ruhutruhut ni poda dohot pangajarion na dipaandar, alai gumodang do na
marhahonaan tu pangalaho ni ngolu siganup ari. ondolan ni surat on i ma hatandian
ni ngolu partondion na matoras na bolas jumpa jala idaonta di rumang ni ngolu ni
halak Kristen siganup ari. Pandohan "matoras' di son marlapatan do i ngolu na
singkop. Singkop ndada marlapatan ndang mardosa, alai lam matoras di ngolu
partondion. Ala ni i do angka naung matoras di ngolu partondion tongtong do i
mangarahon ngoluna tu Hata ni Debata huhut pasahathon ngoluna tongtong
dipaimbaru jala dibohali Tondi Parbadia.

II HATORANGAN NI TURPUK
Turpuk Jakobus 1: 19-27 Ondolanna i ma hataridaan ni haporseaon di
pambahenan manang parulaon di ngolu siganup ari (pembuktian iman dalam
perbuatan). Perikop on dibagi 3 do muse, i ma
1. Na jumolo eahan ni angka na manangihon hata ni Debata na sintong, ayat 19-21.
2. Joujou tu panghalapution mangulahon hata ni Debata, ayat 22-25.
3. Parsombaon na marisuang dohot parsombaon na mamolin, ayat 26-27
Lembaga Alkitab Indonesia (LAI) mambahen judul ni perikop on (Jakobus 1
19-27) Gabe Siulahon Hata i. Sian rumusan ni judul on adong ma dua hal naeng
idaonta : 1. Hombar do on tu ondolan ni poda ni surat ni si Jakobus on i ma
haporseaon na ingkon dipatuduhon marhite pambahenan di ngolu siganup ari. 2.
Hata 'gabe' patuduhon hinaringkot ni na tongtong marparhamaol ngolu na gabe
siulahon Hata i. Di bagasan angka pangantusion sisongon i ma naeng sigatanta
turpuk jamita on.

1. Ayat 22 Unang paotooto diri

Hata 'alai' dison patuduhon hubungan ni turpuk on dohot turpuk na di pudina.
Di Jakobus 1: 19-21 dipaandar do hinaringkot ni na manopa jala pasomalsomal diri
mangolu di hata ni Debata. Di Jakobus 1:19 didok, "Ganup jolma, girgir ma ibana
mananginangi, bangkol ma ibana manghatai, bangkol ma tarrimas," Sian pandohan
on boi idaonta hinaringkot ni na parade diri dohot tangkas laho manjalo dohot
manghangoluhon hata ni Debata. Boasa mansai ringkot on? Adong dua hal na
ingkon tangkas taingot jala na so boi halupahononta di usahonta mamparhamaol
ngolu manjalo dohot manghangoluhon Hata ni Debata. Parjolo, di Johannes 1:1
didok, "Di mulana i nunga adong Hata i, jala saor tu Debata do Hata i, jala Debata do
Hata i,". Aha naeng idaonta dison? Debata do Hata i Ala ni i, Hata ni Debata i ma
Debata sandiri na songkal jala na sun badia. Paduahon, hasahatan ni Hata i, i ma
hita jolma pardosa, na gale na metmet. Sian on naeng rimpunonta mandok: "Kita
tidak mungkin menguasai Firman Tuhan. Yang mungkin ialah kita dikuasai oleh
Firman Tuhan". Ndang adong dalanna hita manggolom Hata ni Debata. Na bolas
dapot hita í ma hita digolom Hata ni Debata Marpardomuan tu si, na ummampit nian
dohononta ndada 'I have the Word of God' alai 'I am belongs to the Word of God."
Ndada ahu nampuna Hata ni Debata, alai Hata ni Debata do na gabe parnampuna di
ngolungku. Marhite pandohan on idaonta ma pangigilon na tangkas asa dapot nian
toruk ni roha laho mamelehon gabe inganan parmianan ni Hata ni Debata. Adong ma
tolu naeng idaonta sian ayat 22 on.
a. Pandohan 'gabe siulahon hata i' dienet do marhite metafora sian
sasahalak na bongot tu bagas joro laho tumangihon hata ni Debata. Torop sian na ro
tu bagas ni joro hatiha i tumangihon pangajarion sian hata ni Debata dung i mulak tu
bagasna. Ulaon sisongon on dipatupa marulakulak saurdot tu pardalan ni partingkian.
Siala ulaon on diulahon mulahulak, ujungna gabe sada hasomalan. Hasomalan on
tongtong dipahembang, ujungna gabe sada rumang ni ngolu (pola hidup) Alai na
pinsang di roha ni panggurit ni turpuk on, hasomalan on holan di ruhut parduru
sambing, ndang tarida parbuena di ngolu siganup ari. Hata ni Debata na ditangihon
dibahen nasida holan na ringkot di utohutok nasida jala gabe sada na pasonang
rohanasida, alai tung so adong hataridaanna di ngolu siganup ari. Ala ni i diondolhon
di turpuk on 'gabe siulahon hata i. Marlapatan do on, hata ni Debata na ditangihon,
ingkon do marparbue di ngolu siganup ari.
b. Unang holan pananginangi. Bagas do naeng dohonon ni pandohan on. Di
ida panggurit ni turpuk on do sude gulmit ni ngolu, diihot jala dirahut gabe sisada
hasadaon. Asa, di na ro tu bagas joro manangihon hata ni Debata, ingkon do
marudut i tu na patuduhon parbuena di ngolu siganup ari. Ngolu na manangihon
dohot na mangulahon ingkon do sisada hasadaon. Na ditangihon dohot na diulahon
ingkon do saurdot. I do ngolu na sintong jala na singkop. Na marsahit do jolma molo
sai adong dapot bahirbahir di ngoluna, isarana ndang sada hata dohot parulaon. On
ma na ginoaran 'ngolu na bahir (keterpecahan kepribadian, splite personality). Borhat
sian pangondolhonon sisongoni ma didok di turpuk on 'unang holan pananginangi
".
c. Angka na paotootohon dirina'. Somalna donganna do dipaotooto.
Ragam usahona asa tartait donganna i tu na nidokna hape marpangait do hatana
Alai di turpuk on didok na paotooto diri do molo ndang saurdot panangihonon dohot
parulaon di hata ni Debata Ala dirina sandiri do na dipaotooto sasintongna tung so
adong do gunana jala tudos do i tu ulaon ni na hurang roha Molo dirina sandiri pe
nunga dipaotooto, lam beha ma mangigil asa unang paotooto dongan.
2. Ayat 23 Paberengbereng rupa di sorminan
On ma metafora na paduahon na dipangke di turpuk on. Tontu do sangkap ni
na manggurithon turpuk on mamangke metafora i ma asa hona do tu roha ni na
umbegesa jala ummura dilapati. Boasa pola tu sorminan? Hatiha i godang sorminan
na dipature sian angka batu na marhillonghillong. Siala ni hillongna tung tangkas do
sude haidahan sian sorminan i. Suang songon i ma molo niida diri niba sandiri di
sorminan, tung tangkas do boi idaon sahat tu gurat ni bohi na mansai metmet. Sian
pangalaho on dohononta ma, pabereng-bereng rupa di sorminan tudos do i tu na
mamereng diriniba sandiri Mansai marguna do sorminan on laho mamereng dirina
sandiri, binoto rumang ni bohiniba na sasintongna, binoto dia na humurang
sipatureon jala dia na palobihu sioruan. Sandok, marhite na mamereng diri niba
sandiri di sorminan sasintongna mansai godang do gunana.
Alai di ayat 23 on didok, "Ai pananginangi di hata i, anggo so diulahon,
tudos ma i tu halak na paberengbereng rupa ni bohina di sorminan." Boasa
dibahen tudosan sisongon i manang boasa dipartudoshon tu sorminan? Molo taida
rupa ni bohinta di sorminan, tarlumobi di sorminan na mansai denggan, sai hira na
bohinta sandiri do na taida disi. Hape sasintongna, ndada bohinta na taida disi alai
gombaran ni bohinta do. Asa, sai na paotootohon do sorminan i, taida sorminan i sai
hira na langsung marnida bohinta sandiri, hape gombaran ni bohinta do na taida.
3. Ayat 24: Ndang diboto be rupana
Boi do lupa na mamereng sorminan i, gabe maol dibedahon dia do bohi na
sasintongna jala dia do gombaran ni bohi. Ala ni i do lam tangkas didok di ayat 24 on,
"Ai dibereng do dirina, dung laho ma ibana, gabe ndang diboto be rupana". Boasa boi
masa sisongon i? Ala sasintongna holan gombaran do na ni idana i. Ala ni i do holan
salpu ibana sian jolo ni sorminan i, laos salpu do gombaran na ni idana i. Satongkin
sambing do na ni idana i, holan saleleng di jolo ni sorminan i do ibana. Tudos tu si ma
nang angka jolma na ro tu bagas joro manangihon hata i alai ndang diulahon.
Saleleng di bagas joro i ibana, ingot ma ibana di hata na binegena i. Alai holan salpu
sian i, laos ihut do salpu nang hata i sian ngoluna. Holan mamolus sambing, ndang
mian jala ndang marparbue

4. Ayat 25 Uhum haluaon.

 Ayat 25 on do sasintongna pangarimpunan ni turpuk on. Dohot jempek naeng
dohononna, martua do angka na manangihon hata ni Debata jala mangulahonsa di
ngolu siganup ari. Boasa didok martua? Ala tua na sasintongna dapot hita holan di
bagasan parsaoranta do dohot hata ni Debata. Laho mangondolhon on pola do di ida
panggurit ni turpuk on hata ni Debata songon sada uhum haluaon na sun denggan
(hukum yang memerdekakan dan yang sempurna). Sasintongna pandohan on adong
do hubunganna dohot patik manang uhum ni Debata na di Padan Narobi. Di Padan
Narobi mansai diondolhon do taringot tu hajongjongan ni patik dohot uhum ni Debata
na mangihot jala na mamboan tu haluaon. Di turpuk on idaonta ma muse uhum
haluaon i na sun denggan. Aha naeng idaonta dison? Panggurit ni turpuk on naeng
marnida hadosan ni parsitutuon mangulahon patik di Padan Narobi dohot hata ni
Debata di Padan Naimbaru. Naeng dohonon ni panggurit ni turpuk on Songon dia
parsitutuon mangulahon patik i laos songon i ma parsitutuon mangulahon hata
ni Debata.

III HAHONAAN NI TURPUK

Paandaronta ma turpuk on di Minggunta Minggu Septuagesima na
marlapatan pitupulu ari andorang so haheheon. Isara ni na mardalan, bongot ma hita
nuaeng tu sada pardalanan manuju tujuan na tontu, i ma silang ni Kristus
Marpardomuan tu si, di tongatonga ni hurianta somal do on tadok 'Minggu minggu
sengsara' manang mingguminggu di na marningot sitaonon ni Tuhan Jesus. Adong
ma opat na ingkon tangkas nian auhononta dalanta mambohali diri di Mingguminggu
sengsara on:
1. Gabe siulahon Hata i ma hita. Tarjou do hita saluhutna gabe siulahon hata i,
unang holan pananginangi sambing On ma nian dalanta mambohali diri dohot
tangkas asa taruli gogo mandalani pardalanan ni ngolu na gok parungkilon Lam
matoras jala magodang ma nian hita nian di bagasan parsaoranta dohot hata ni
Debata
2. Di poda ni hurianta, pandohan 'Hata i' (Firman, Logos) boi do idaonta di tolu
pangalapation
Jesus Kristus i, Anak ni Debata na gabe jolma. Bibel i, buku na badia i. Jamita. Di
mingguminggu sengsara on tangkas ma na tolu on tahangoluhon. Jesus Kristus do
na gabe dalan haluaon di hita. Tahangoluhon ma i marhite na mangulahon hataNa na
polin dijamitahon di tongatonga ni huria.
3. Lam tangkas ma nian tahangoluhon jamita i. Ala ni i tangkas ma hita nian
mar'eksegese' ndada mar'eissegese Mareksegese marlapatan do i polin mangaloas
hata i marsaringar jala mangula di rohanta
4. Di angka parsombaonta tu Debata, denggan ma nian tagoari na patolhason jamita
i hombar tu hapeahanna. Tadok ma: Parjamita, ndada 'Pembicara'. Tutu do hita na
manghatai marhite jamita, alai sasintongna Tuhanta do na manghatai marhite hita.
Asa sian pandohan na sintong naeng ma tongtong pajamothon asa holan goar ni
Tuhanta na marsangap marhite angka jamita na tapatubegehon. Amen.
 Minggu, 12 Februari 2023 (SEXAGESIMA)
HATUAON NI HALAK NA MANGOLU HOMBAR TU PATIK NI DEBATA
Evangelium: Mazmur 119 : 1 - 8
Huria ni Tuhanta Jesus, Dihasomalhon do di keluarga halak Batak molo
paborhathon ianakhonna laho marjalang, ditariashon do hata pasupasu, poda dohot
singotsingot asa gabe sitiopon jala siingoton ni na marjalang i. Hata pasupasu na
mardongan tona dohot poda sian keluarga, huhut do manggombarhon panghirimon ni
keluarga tu ianakhon na laho marjalang i, anggiat gabe hasea ibana disiala
diharinghothon mangulahon na denggan jala monang maradophon ragam gulmit
nang hamaolon di ngoluna. Songon na nidok ni umpasa, “pantun hangoluan, tois
hamagoaní”. Alani i sian mulana nunga ingkon diharinghothon na naeng marjalang i,
manghalomohon angka poda, manghaburjuhon ulaon angka parsiajaran, ingot di
angka tona, mangargahon angka parsaoran, marsihohot jala marsitutu mangulahon
na denggan. Asa “dapot na nijalahan, jumpang na niluluan”.
Angka dongan sahaporseon dibagasan Jesus, Adong opat tona
sihangoluhononta sian turpukta on, i ma:
1. Tudosan ni ngolu partondion : Molo pinatongon hasomalan na pinatorang di na
parjolo i, tu turpuk Psalmen 119:1-8, boi do i songon tudosan laho mangalapati barita
na disurathon di bagasan Psalmen bindu 119. Gabe turpuk patujolo/pengantar do
turpuk on tu 21 turpuk nari sahat tu ayat 176. Holan di ayat 1 dohot 2 do adong
tarsurat hata ‘martua’, na mamungka barita di Psalmen 119. Hata pasupasu do
pandohan “martua” i, songon formula berkat na pinasahat ni malim di bagas joro.
Laos i ma panomunnomuon di haroro ni angka na bongot tu bagas joro. Dijangkon
Jahowa do angka na pinilit-Na i bongot tu joroNa (ida-Psalmen 65:5; 84:5), unang
adong biar nang hatahuton pe.

2. Bagabaga Hatuaon : Amanami-inanami dohot anakkonnami dibagasan Jesus…

Tangkas do na nidokna ise do na martua. I ma, halak angka na daulat marpangalaho,
angka na marpangalahohon patik ni Jahowa dohot halak angka na mangaradoti
angka panindangionNa i, angka na mangalului Ibana sian nasa roha. Angka nasida
on do na manjalo bagabagaNa asa gabe martua binahen ni Jahowa. Atik pe
panindangion ni parpsalmen i do pandohan martua i alai porsea do ibana na
pasupasuon ni Jahowa do manang ise na manghalomohon patikNa jala na masihol
tu Jahowa. Nunga jumolo diparade Jahowa pasupasuNa i na laho lehononNa tu
ganup halak na patuduhon roha na marsitutu mangoloi Ibana. Tontu pasidingonna
ma angka dalan hageduhon (ay. 3), angka na so hombar tu patik dohot panindangion
ni Jahowa (ay. 1 dht 2). Naeng ma bagabaga i manambai pos ni roha asa marsihohot
mandalani ngolu siapari, atik pe mubauba do saluhut angka na masa di hasiangan
on. Di angka na marsitutu jala na marsihohot di haporseaon nang panghirimonna i do
na dapotan tua na sian Jahowa.
 3. Ramot Di Angka Ruhut Partondion : Angka dongan na hinaholongan… Ndang
tubu sandiri roha na pantun manang pangalaho na sintong. Sian pangajarion dohot
panogunoguon do i disuanthon tu bagasan roha nang pikirnan ni jolma. Jamita, poda,
tona, singotsingot na diajarhon jala dihatahon (lisan), manang angka hata ni Debata,
patik dohot aturan na tarsurat marlapatan do i manambai pangantusion dohot
parbinotoan. Songon na nidok ni apostel Paulus : “Ai nasa Surat i, sinihathon ni
Debata do; jala hasea mamodai, maminsang, pauliulihon, manogunogu di bagasan
hatigoran,” (2 Timoteus 3:16), songon i do dihaburjuhon parpsalmen on, marsihohot
di dalanNa jala mangaradoti aturanNa (Psalmen 119:5), mamparateatehon tonaNa
(ay. 6), mangguruhon uhum hatigoran (ay. 7) dohot mangaradoti angka aturanNa (ay.
8). Arga situtu do na manghaburjuhon marguru jala marsiajar sian patik, uhum nang
angka aturan na sian Debata. Hadedenggan (kwalitas) ni parngoluon pe arga situtu
dipanghilalaan ni parpsalmen i. Alani i, ndang tagamon tarurak manang dipermalukan
(ay. 6) ibana, ala singkop do ngoluna dibohali jala dihobasi.

4. Ringkot Situtu Pandonganion ni Jahowa. Hamu amang dohot hamu inang…

Toho do ringkot mangguruhon dohot mangulahon patik dohot ruhutruhut na
mangajarhon asa marpangalaho na denggan. Arga do nang mangaradoti uhum dohot
mangulahon poda dohot aturan na ditonahon manang na tarsurat. Alai parhitean
dohot ulaulaNa sambing do saluhutna patik, uhum nang angka ruhut i. Ai holan dalan
do i laho patuduhon hadirionNa di tongatonga ni hajolmaon. lobi sian i. Na rumingkot i
ma haradeon ni Jahowa di siganup tingki. Tudos tu masin ndang mangolu molo so
adong bahan bakar, manang lampu listrik ndang mangolu molo so tersambung tu
sumber energi, laos songon i do, saluhut angka ruhut, aturan tona, jamita, patik dohot
pangajarion i dang marlapatan i guruhonon jala niantusan molo ndang pangoluhon
haporseaon dohot panghirimon jala mambahen hita holang sian Debata Jahowa. I do
alana umbahen di pangujung ni turpuk on, didok parpsalmen do, “unang tung
tadingkon ahu situtu.” (ay. 8). Hirim situtu do rohana naeng sai tong mian Debata
raphon ibana. Pandonganion ni Jahowa do mambahen pos rohana nang sude angka
na porsea. Asa nang sisean ni Jesus pe pos do roha nasida borhat tu ganup luat di
portibi on disiala Tuhan Jesus Sipalua i do na mandok, “sai na dongananku do hamu
ganup ari, rasirasa ro ajal ni hasiangan on!” (Matius 28:20b).
Huria ni Tuhanta Jesus Kristus! Pangidoan ni parpsalmen di ayat parpudi
(8) paingothon hita asa manat mangalapati pandohan ‘martua’ na dibagabagahon di
ayat 1-2. Ndang ingkon angka na domu tu materi/mamon, pardagingon nang sangap
ni portibi on na paboahon/ membuktihon hatuaonta, manang na patuduhon na
dipasupasu Debata ngolunta. Molo tajaha jamita ni Tuhan Jesus di dolok na tarsurat
di Maateus 5:3-11, tarida do disi lam bagas jala torang do songon dia pangajarion na
manogu hita asa martua. Ngolu ni Tuhan Jesus sandiri gabe panindangion ni na
manggohi patik. Ala “Kristus do ujung ni patik i, laho mamintori nasa na porsea.”
(Roma 10:4). A m e n !
 Jamita tu Minggu Estomihi, Tanggal 19 Pebruari 2023
YESUS SANG RAJA MAHAMULIA
Evangelium: 1 PETRUS 1: 16 - 21
Firman Tuhan pada minggu ini, yang tertulis dalam 1 Petrus 1: 16-21,
menjelaskan bahwa Rasul Petrus sedang memberikan apologetikanya. Ia
sedang menghibur umat yang berada dalam kesusahan dan mengalami
banyak kesukaran. Petrus menguatkan mereka dengan memberikan ajaran-
ajaran inti dan paling prinsip tentang iman Kristen Penguatan oleh Petrus ini
juga bertujuan menjawab satu pertanyaan para pengajar palsu pada abad
pertama, pertanyaan yang hingga kini juga masih membingungkan banyak
orang Pertanyaan itu adalah: "Bagaimana kita tahu bahwa kedatangan Tuhan
Yesus Kristus sebagai Raja adalah benar? Apa dasar atau alasan yang kita
miliki sehingga membuat kita bisa yakin, memercayai dan menerima hal-hal
ini?"

Petrus adalah saksi mata. Dia termasuk ketiga rasul yang ikut
menyaksikan peristiwa Kristus dimuliakan di atas Gunung Tabor Berdasarkan
pengalaman mereka sendiri, ketiga rasul-saksi itu kini dapat meneguhkan apa
yang terjadi di gunung Merekalah saksi mata yang melihat sendiri cahaya
kemuliaan Kristus dan telinga mereka mendengar sendin suara Illahi dari
surga. Keterangan saksi mata jelas sah dalam perkara hukum. Pada ayat 17
dan 21 Petrus tidak memakai kata depan apo, melainkan hupo ketika
menunjukkan sumber suara Ilahi atau asal nubuat para nabi. Ketiga saksi
jelas mendengar suara dari dalam awan yang melambangkan kehadiran
Allah. Suara surgawi itu berbicara kepada Yesus yang dimuliakan. Itu suara
Allah Bapa, yang mengatakan hubungan akrab-Nya dengan Anak-Nya,
dengan maksud menghormati-Nya.

Kata "kemuliaan" (doxa) dipakai dua kali dalam pasal 1:17 untuk
menguraikan penghargaan Allah yang diterima oleh Yesus ("kehormatan dan
kemuliaan") maupun untuk memberikan uraian tentang Allah ("Yang
Mahamulia"). Jadi, kemuliaan Allah sendirilah yang menyinari Yesus.
Peristiwa Yesus dimuliakan di atas gunung adalah semacam theofani, yakni
penjelmaan Yesus duniawi sebagai Yesus ilahi. Khususnya dari peristiwa ini
terbuktilah kebesaran dan keagungan Kristus, yang mengambil bagiandalam
kemuliaan Allah dan yang adalah Anak yang teramat dikasihi oleh Allah Bapa
Tidak ada habis-habisnya kekaguman dan ketakjuban yang dialami Petrus,
Yakobus, dan Yohanes, yang tanpa diduga dan begitu langsung peristiwa
tersebut mereka lihat. Mereka dihadapkan dengan (dara) kemuliaan Kristus.

Tentu saja, bagi Petrus teramat penting bahwa objektivitas dan

keaslian kesaksian rasuli benar-benar dipercayai oleh semua pembaca. Kata
Petrus, pernyataan mereka ("kami" ketiga rasul) sebagai saksi berdasarkan
pengalaman mereka sendiri. "Kami ini tidak meneruskan informasi orang-
orang lain, tidak juga menceritakan "dongeng- dongeng isapan jempol
manusia yang cerdik (harfiahnya: mitos). Wahyu Allah bukanlah mitos,
pemberitaan mereka bukanlah "cerita bersambung Kesaksian rasuli itu
bukanlah hasil khayalan manusia, melainkan fakta-fakta yang mereka amati
dan alami sendiri Ketiga rasul menyampaikan fakta-fakta bukan kisah
khayalan. Inilah jawaban Petrus kepada lawannya atau yang meragukan
bahwa Yesus adalah Raja. Setelah meyakinkan para pembaca bahwa mereka
tak pernah menyebarkan hoaks, kemudian Petrus kembali menegaskan
bahwa nubuatan tentang Yesus oleh bimbingan Roh Allah, yang disampaikan
nabi Perjanjian Lama, telah digenapi.

Tak ada cara lain untuk mengatasi kesesatan, selain kembali kepada
firman Tuhan. Mari kita tekun mempelajari dan memperhatikan firman Allah
sehingga kita tidak gampang termakan oleh hoaks yang menyesatkan. Firman
Allah yang tertulis, yaitu Alkitab, bukanlah buku biasa karangan dari zaman
dahulu melainkan tulisan yang dilhamkan Allah oleh kuasa dan tuntunan Roh
Kudus dan diberikan kepada para rasul yang diperkenankan-Nya menjadi
saksi mata, menyaksikan tentang kebesaran Tuhan Yesus Kristus. Amen.
 Jamita tu Minggu Invocavit, Tanggal 26 Pebruari 2023
DEBATA MUAL NI NASA ASI NI ROHA
Evangelium: 2 Musa 33: 15-23
I. Patujolo
Godang do jolma sisaonari on sai holan mangasahon pingkiranna sandiri (rasio
dan logika) laho mangantusi jumotjot do jolma manghaporseai angka dia na boi diida
mata jala dia ma na boi mangalehon kepastian mendekati 100% di (secara duniawi).
Hape molo tatanda ise dirinta di adopan ni Debata, tung ingkon tatanda batas-batas
hajolmaonta mangantusi saluhut pambahenan ni Debata. Hamajuon mamboan jolma
songon pangalaho ni si Thomas sisean ni Jesus, tidak percaya jika tidak melihat
langsung, on ma mambahen sai jotjot hita mandao sian holong ni roha ni Debata molo ro
angka hasusaan bolon di ngolunta.
Secara kajian ilmu, ianggo Debata i ma unsur metafisika, sebuah unsur na so boi
didefenisikan dan dijangkau marhite rumus tetapi adalah sebuah kepastian. Metafisika,
ima unsur yang tidak terselami secara ilmiah, jala ndang boi diuraikan dohot
disederhanahon. Ala ni i ndang tardungdung jolma laho parnidaan dohot pamingkirion
sambing. Jadi molo songon i, mangantusi sangkap marhite aha do hita laho mangantusi
sangkap dohot lomo ni roha ni jala mangantusi pambahenan ni Debata na masa di
ngolunta on? ingkon tasulingkiti ma i marhite cara berpikir metafisik ai metafisk do
Debata, jotjot ma di goari on cara berfikir iman (haporseaon). Holan marhite haporseaon
do dapot rohanta laho mangantusi lomo ni roha ni Debata, jala haporseaon i do
pasauthon panghirimonta ditingki gok sitaonon songon na niadopan bangso Israel.
Marhite haporseaon do tangkas tahangoluhon, tahatindanghon na Debata do haroroan ni
pasupasu.
Sada pengalaman na mansai arga jala na badia do na masa di si Musa songon
na tarsurat di turpuk on. Molo tajaha tangkas di 2 Musa 33: 11 didok disi: "Dung i
manghatai ma Jahowa dohot si Musa adop bohi be, songon sada baoa na manghatai
dohot alealena." Manghatai si Musa dohot Jahowa Debata di undungundung parluhutan
(kemah pertemuan) na pinajongjong si Musa Langsung do Debata manghatai tu si Musa
(direct dialogue between God and Moses) taringot tu angka na masa dohot na naeng
pamasaon ni Debata tu bangso Israel. Di undungundung parluhutan i ma dipatolhas
Debata sangkapna tu bangso Israel. Di 2 Musa 33: 7 didok: "manang ise na naeng
mangalului Jahowa, ingkon ruar ibana tu undungundung parluhutan 1..". Alai tangkas ma
mangalului Debata dibagasan haporseaon na sintong jala polin.
II. Hatorangan ni Turpuk
Ayat 15-16: Pos ni roha dohot pasahathon diri di panogunoguon dohot pasupasu ni
Debata dibagasan pardalanan ni ngolu.
Sada panindangion na nionjar ni haporseaon dohot pos ni roha sian si Musa tu
Debata. "Molo so tongtong Bohimi manguluhon hami, unang nian togihon hami nangkok
sian on" (ayat 15). Tangkas do dihaporseai jala dihangoluhon si Musa dohot bangso
Israel na tangan ni Debata do manogunogu huhut mangiring- iring langka nasida mulai
haruar sian tano Misir Ndada ala ni gogo manang huaso ni bangso i sandiri umbahen na
boi nasida haruar sian Misir, manang ndada alani gogo manang huaso ni si Musa
manguluhon bangso i haruar sian parhatobanon ni Misir Alai ala gogo dohot huaso ni
Debata do na bangso na pinillit-Na i sahat tu inganan nasida naung pinarade ni Debata.
On do tiniop jala dihaporseai si Musa dohot tangkas, jala ala ni i do didok ibana molo so
Bohimi manguluhon hami, unang togihon hami nangkok sian on. Tangkas dipangidohon
si Musa, asa unang ditadinghon Debata bangso na pinillitNa i Jala sada bentuk
haporseaon na bulus pasahathon diri di panogunoguon ni Debata di pardalanan ni ngolu
bangso Israel.
Sian haporseaon na tangkas dohot pasahathon diri na hibul sian si Musa, diuduti
ibana ma panghataionna dohot Debata. Di ayat 16, dipatuduhon do sihol ni roha ni si
Musa naeng marnida Debata jala dihirim ibana do i ala haporseaonna na togu tu Debata.
Menarik jala mansai bagas do bentuk kalimat sungkun- sungkun na nihatahon si Musa tu
Debata di ayat 16 on Sungkunsungkun na di bagasan panindangion haporseaon
(pertanyaan di dalam dan berdasarkan Pengakuan Iman). Disungkun ibana Debata jala
dipangido tanda sian Debata, jala huhut dihatindanghon ibana haporseaonna,
dihatindanghon ibana asi ni roha dohot pasupasu ni Debata di bagasan ngoluna, jala
ndang holan tu ibana dohot do tu bangso Israel na hinaholongan huhut dipillit Debata.
Disungkun si Musa ma Debata: "Ai tung marhite sian aha ma dapot tandaon, paboa
naung jumpangan asi ni roha ahu maradophon Ho, ahu dohot parripem on? Nda marhite
sian na nidongananmu hami mardalan, paboa marhasurungan ahu dohot parripem on
maradophon nasa bangso angka na di atas tano on?" Tangkas do dihatindanghon si
Musa, hasurunganna dohot bangso Israel sian nasa bangso na adong di atas tano on.
Marhasurungan do halak na porsea, jala na olo pasahathon dirina tu Debata. Asa Debata
manogunogu huhut mangaramoti langkana. Ai Debata do haroroan ni pasupasu.
Ayat 17: Pasupasu dohot asi ni roha ni Debata tu angka na porsea jala mananda
Debata.
Di ayat 17 dialusi Debata ma si Musa" Nang hata on na nidokmu ondeng,
bahenonHu do i, ala naung jumpangan asi ni roha ho maradophon Ahu, jala Ahu
mananda ho pola ro di goar" Dipapos Debata do roha ni si Musa, na sai tongtong do
ramotanNa jala togutoguonNa ibana dohot bangso Israel mardalan sahat tu tano naung
nijanjihon jala pinarade ni Debata tu nasida. Didok Debata "Nang hata on na nidokmu
ondeng bahenonHu do i sada bentuk janji manang materai sian Debata na pinangido ni si
Musa tu Debata taringot tu ibana dohot bangso na jumpang jala ulahonon ni Debata do i
Tung na so jadi pasombuon ni Debata si Musa na porsea i dohot bangso na pinillit Na i
mardalan sandiri alai Debata do mangiringiring langka nasida. Songon pinangido ni si
Musa di ayat 15 "Bohi ni Debata do na tongtong manguluhon nasida." Di ayat 17 on
dipatangkas Debata do tu si Musa pamilliton ni Debata tu ibana, ala tangkas do ditanda
Debata si Musa, jala naung dapotan ası ni roha ni Debata si Musa Sahat tu goar si Musa
sandiri tangkas diboto Debata, alai disaluhutna i siala haporseaon na polin tu Debata do
umbahen na dipillit Debata si Musa. Ditanda Debata do angka na porsea jala na olo
pasahathon dirina tu Debata haroroan ni pasupasu.
Ayat 18: Sihol ni roha ni si Musa marnida hamuliaon ni Debata
Di ayat 18 on, sian roha biar mida Debata jala sian nasa haporseaonna dielek si
Musa do Debata: "Ua pataridahon ma tu ahu hamuliaonMi!" Molo di ayat 17 tangkas
do ditanda Debata si Musa pola diboto goarna jala holong ni roha ni Debata tu si Musa
dipatulus jala dilehon do na pinangidona. Di ayat 18 on idaonta ma tangkas do ditanda
jala dihaporseai si Musa Debata na dipuji huhut disomba ibana. Dihaporseai si Musa do
Debata ima hagogoonna jala Debata i ma na gok hamuliaon dohot huaso. Debata na
marmulia jala na sai tongtong manogunogu ibana manguluhon bangso Israel. Debata na
marmulia jala na sai tongtong mangiringiring langka na porsea jala na olo
marpangunsandean tu Ibana. Ala ni i ma sian nasa haporseaonna di pangido si Musa asa
dipataridahon Debata hamuliaonNa tu ibana. Sian haporseaonta do, tarbahen hita
mananda, marnida huhut manghaporseai hamuliaon dohot huaso ni Debata
Ayat 19-20: Hamuliaon ni Debata dohot pasupasu (asi ni roha) ni Debata tu angka
na niasian-Na
Dung i dialusi Debata ma si Musa, dialusi hombar tu na pinangido si Musa naeng
mamboto huhut mananda hamuliaon ni Debata. Dipatandahon Debata ma huaso dohot
hamuliaonNa tu si Musa (BACA AYAT 19). Dipabotohon Debata ma huasoNa dohot
hamuliaonNa tu si Musa Dipabotohon Debata ma huasoNa na sai tongtong mangaramot
nasida saleleng on. Di ayat 19 on tangkas do dibaritahon Debata do tu si Musa
hasurungan ni halak na martalup ni roha jala halak na niasian ni roha ni Debata. Didok
Debata: "martalup ni roha do Ahu sogot di halak naung tinalupan ni rohangku jala marasi
ni roha tu halak naung niasian ni roha ni Debata Marhasurungan do angka na porsea jala
pasahathon diri tu Debata. Alai tangkas do dipabotohon Debata tu si Musa hadirion ni
Debata si tompa portibi on dohot isina, jala dipabotohon Debata do keterbatasan ni si
Musa di hajolmaonna.
Di ayat 20 dipabotohon Debata ma tu si Musa: "Ndang tarbahen ho anggo tung
marnida apala Bohingkon, ai ndang tarbahen manang ise jolma hian marnida Ahu, laos
mangolu ibana." Ndang tarbahen hajolmaonta on marnida bohi ni Debata. Ndang
tarbahen angka na tinompa ni Debata marnida bohi ni Panompana (ciptaan tidak akan
bisa - tidak akan mampu melihat wajah yang menciptakan dia "creation will not be able
to see the face of the Creator"). Pardosaon ni jolma mambahen i ndang boi marnida
bohi ni Debata. Dison ma tangkas diondolhon turpuk on, holan marhite haporseaon do
jolma i mananda hagogoon, huaso dohot hamuliaon ni Debata. Haporseaon i do
hasurungan ni angka na porsea sian angka na so porsea. Martua ma angka na porsea,
atik pe so duida (Johannes 20: 29). Jala pasupasu dohot asi ni roha ni Debata tongtong
gabe jambar ni angka na porsea tu Ibana.

Ayat 21-23: Tangan ni Debata na gok huaso dohot pasupasu i do manogunogu na

porsea
Mansai arga situtu do di sihol ni roha ni si Musa naeng marnida hamuliaon ni
Debata. Diboto jala ditanda Debata do haporseaon dohot pangoloion ni si Musa tu Ibana,
ala ni i. Ahu sogot di halak naung niasian ni rohangku." Dipabotohon Debata ma huasoNa
dohot hamuliaonNa tu si Musa Dipabotohon Debata ma huasoNa na sai tongtong
mangaramoti nasida saleleng on. Di ayat 19 on tangkas do dibaritahon Debata do tu si
Musa hasurungan ni halak na martalup ni roha jala halak na niasian ni roha ni Debata.
Didok Debata "martalup ni roha do Ahu sogot di halak naung tinalupan ni rohangku jala
marasi ni roha tu halak naung niasian ni roha ni Debata." Marhasurungan do angka na
porsea jala pasahathon diri tu Debata. Alai tangkas do dipabotohon Debata tu si Musa
hadirion ni Debata si tompa portibi on dohot isina, jala dipabotohon Debata do
keterbatasan ni si Musa di hajolmaonna. Di ayat 20 dipabotohon Debata ma tu si Musa
"Ndang tarbahen ho anggo tung marida apala Bohingkon, ai ndang tarbahen manang ise
jolma hian marmida Ahu, laos mangolu ibana." Ndang tarbahen hajolmaonta on marnida
bohi ni Debata. Ndang tarbahen angka na tinompa ni Debata marnida bohi ni Panompana
(ciptaan tidak akan bisa- tidak akan mampu melihat wajah yang menciptakan dia
"creation will not be able to see the face of the Creator"). Pardosaon ni jolma mambahen
jolma i ndang boi marnida bohi ni Debata Dison ma tangkas diondolhon turpuk on, holan
marhite haporseaon do jolma mananda hagogoon, huaso dohot hamuliaon ni Debata.
Haporseaon i do hasurungan ni angka na porsea sian angka na so porsea. Martua ma
angka na porsea, atik pe so duda (Johannes 20 29) Jala pasupasu dohot asi ni roha ni
Debata tongtong gabe jambar ni angka na porsea tu Ibana.
III. Sipahusorhusoron/Perenungan
1. Di tongatonga perkembangan dohot hamajuon ni jaman si saonari on,
tantangan na mansai borat di haporseaonta ima sikap rasionalisme manang logika ni
hajolmaonta. Pada saat segala sesuatu diukur dan dibuktikan dengan rasio manusia,
logika manusia, otak manusia, teknologi ciptaan manusia, atau dapat dirasakan oleh
indera kedagingan manusia, pada saat itu pulalah iman kita diuji untuk percaya akan
segala kuasa dan berkat Tuhan dalam hidup kita Dipaingot turpuk on do hita,
dihagaleonta, pardosaonta, keterbatasanta songon daging (jolma) na lao busuk on, holan
marhite haporseaon i do tarbahen hita mananda huhut manghaporseai hamuliaon ni
Debata. Ndang tarbahen jolma laho marnida bohi ni Debata. Unang pangasahon gogom,
pingkiranmu sandiri manang hajolmaonmu di bagasan ngolunta on, alai tongtong ma
pangasahon Debata di sude gulmit ni ngolum.
2. Haporseaon i do bohal (dalan) ni jolma mananda hamuliaon ni Debata Antong
tiop gomos hapor- seaonmu, jala hatindanghon i di ganup tingki di bagasan ngolum.
Ajarhon huhut podahon i tu angka janakhonmu dohot tu sude keluargamu jala patuduhon
parbue ni haporseaonmi tu saluhut halak humaliangmu Tiop gomos Hata ni Debata, jala
tongtong puji Debata disaluhut pardalanan ni ngolum, asa lam tang huhut matoras
haporseaonmu jala hamuliaon ni Debata marmudumuduhon ho
3.Tarpasupasu do ngolu ni angka na porsea huhut na pasahathon diri tu Debata Tangan
ni Debata do na ampe huhut mamasumasu ngolu ni angka na porsea jala na sai tongtong
pasahathon dirina tu Debata. Impola Jamita Januari-Juni 201
3.Tarpasupasu do ngolu ni angka na porsea huhut na pasahathon diri tu Debata
Tangan ni Debata do na ampe huhut mamasumasu ngolu ni angka na porsea jala na sai
tongtong pasahathon dirina tu Debata. Tapasahat ma dirinta hibul gabe pelean na
mangolu tu Debata, asa Debata na mamasumasu huhut marmudumuduhon hita. Asa
Debata na tongtong mian di bagasan hita jala hita dibagasan Ibana. Bohi ni Debata ma
na sai tongtong manguluhon hita angka naung tinobusNa, anak haholongan ni rohaNa,
bangso naung pinillit ni Debata
4. Jou Debata di sude gulmit ni ngolum, jou Debata di parsorionmu/sitaononmu,
jou Debata di sude sihol ni rohamu, jou Debata di tongatonga ni ruma tanggamu
(keluarga), jou Debata di sude ulaonmu. Jou Debata sian nasa roham, sian nasa
haporseaon- mu, dohot di tangiangmu Pos ma rohanta tangihonon dohot alusan ni
Debata do i hombar tu partingkian ni Debata Invocavit Jouonna ma Ahu, jadi alusanhu
ma ibana. Amen.