SERMON HKBP sa-RESSORT NEGERI LAMA

JUMAT, 04 November 2022

DI HKBP SEI ABAL

ACARA KEBAKTIAN
01. Marende BE No. 9: 1,32 “Hupuji Holong Ni Rohamu”
 Hupuji holong ni rohamu, o Tuhan Jesus Rajangki.
Tu Ho hulehon ma tondingku, ai i do pinangidoMi.
Huhalupahon ma diringku, mamingkir holong ni rohaMu.
 Huhilala ingkon marTuhan, ingkon mangolu au di Ho,
Ndang jumpang au be hangoluan, aut unang dipatupa Ho,
Sai Ho do paradiananku, sai gok di Ho nama langkangku.
02. Votum - Introitus
Uluan : Di bagasan Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Porbadia, Amen!
Puji ma Jahowa di bagasan habadianNa i, puji hamu ma Ibana di
hajanghajang ni hagogoonNa i!
Huria : Puji ma Jahowa mardongan soara ni sarune, puji ma Jahowa mardongan
arbap dohot sordam.
Uluan : Puji ma Jahowa mardongan tali sajak dohot panortoron na marliat, puji
ma ibana mardongan hasapi dohot tulila.
Huria : Puji ma Jahowa mardongan ogung panggora dohot mardongan ogung
panonggahi.
Uluan : Sude nasa na marhosa ingkon mamuji Jahowa. Halleluya!
Martangiang ma hita!
Ale Tuhan Debata, Pargogo na so hatudosan. Na marpungu do hami
dison parhalado ni hurian HKBP se-Ressort Negeri Lama mangido asi ni
rohaM. Sai pasada ma rohanami, asa tongtong marsiaminaminan jala
marsitungkoltungkolon laho mangulahon angka ulaon na denggan di
tongatonga ni angka parsaorannami, tarlumobi di tongatonga ni huriaM
HKBP Ressort Negeri Lama on. Ho ma na mangurupi jala na patulushon
lomo ni rohaM di tongatonga ni huriaM, marhitehite Tuhan Jesus Kristus
Tuhannami. Amen!
03. Marende BE. No. 015 : 1 “Aut Na Saribu Hali Ganda”
 Aut na saribu hali ganda saringar ni soarangki,
Naeng nasa gogo bahenonku, mamuji Debatanta i.
Paboa las ni rohangki, hinorhon ni pambaenNa i.
1
04. Manjaha Turpuk (Kolose 3:12-17)
Uluan: Tajaha ma marganti sorin…
Uluan: Martua do angka na tumangihon Hata ni Debata jala na umpeopsa. Amen
05. Marende BE. No. 123 : 1“Ale Dongan Na Saroha”
 Ale dongan na saroha, manjalahi dame i,
Dompak Jesus tapasada holong ni rohanta i.
Ai Ibana do ulunta, hita do ruasNa i,
Tuhan Jesus do gurunta, hita siseanNa i.
06. Tangiang Pangondianon
07. Marende BE. No. 743 : 1 – 2 “O Tuhan Togu-togu”
 O Tuhan togu-togu ma au tu dalan lomo ni rohaMi
Raphon Ho sonang mardalan au, Nang rahis maol sidalananki
TondiMi baen manggohi au on, Margogoihon au naposoMon
Pasangap Ho di ngolungkon paima sahat tu surgo au on.
 Panghulingi ma au o Tuhan, na rade tumangihon hataM
Sai tumpahi ruasMu Tuhan, Na uasan nuaeng di hataM
Sai patau ma au on naposoM, Manjou halak na dao sian Ho
Ro di na so tumanda Ho, muba gabe pangoloi di Ho.
08. Jamita
09. Marende No. 121 : 1… “Jesus Raja Ni Huria”
 Jesus, Raja ni huria. Na porsea na badia, pasupasu ma au on.
Sai sungguli ma rohangku, mangihuthon Ho Rajangku,
Pargogoi ma au tongtong, pargogoi ma au tongtong!
 Lehon Tondi Parbadia saor tu roha ni huria, di sandok portibi on.
Asa tong sada rohana, nang marserak pe ruasNa,
Pasangaphon Ho tongtong, pasangaphon Ho tongtong.
 Sai pauli huriaMu asa lomo ni rohaMu, jumpang Ho di ruasMi.
Angka na serep marroha, na magigi mida dosa.
Ho ditiru sasude, Ho ditiru sasude!
12. Tangiang Panutup: Ale Amanami + Tangiang Pasupasu

BAHAN SERMON EVANGELIUM MINGGU XXI DUNG TRINITATIS,

RESSORT NEGERI LAMA MINGGU, 06 NOVEMBER 2022
2 TESALONIKA 2:13-17
MARSIHOHOT DI BAGASAN PODA NI JESUS KRISTUS
(BERDIRI TEGUH DALAM AJARAN YESUS KRISTUS)
Patujolo
Turpuk 2 Tesalonik 2 on secara umum manaringoti haroro ni Tuhan Jesus
Kristus paduahalihon dohot hasasahatta tu iIbana. Andigan jala sadihari ma i masa, jala
songon dia huria mangadopi i?. Marpardomuan tusi ma isi ni surat apostel Paulus na
2
paduahon on, jala tung apala i ma na sai disonson di roha ni ruas ni huria Tesalonik.
Disosohon apostel i do, di na dapot ari ni Tuhan I, marsihohot ma nasida dibagasan
poda ni Jesus Kristus, sotung gabe mabiar manang gabe so marroha manang gabe
lilunasida dipaotooto. Tesalonik ima sada kota pusat perdagangan ujui, jala huria na di
Tesalonik i, dipillit jala dijou Debata huhut diparbadiai asa paluaonNa. Debata do na
mamillit nasida, ndanda nasida jumolo mamillit Debata. Ala naung dipillit, dijou jala
diparbadiai, naeng ma nasida manontong maniop poda nasintong nanung nijalo nasida,
poda na hinatahon (“lisan”) manang na tarsuratpe (“tertulis”).
Hatorangan ni Turpuk
Parjolo, ala dipillit Debata hamu sian mulana, asa saut hamu malua
Nunga dipillit Debata nasida sian mulana. Pamilliton i ndanda marojan tu
hapatutton nasida umbahen dipillit, alai marojahan tu asi dohot holong ni roha ni
Debata do. Ia hita jolma sai tapareahi do mamillit na dumenggan. Tujuan ni debata di
pamilliton i, ima asa taruli di haluaon, marhite tondi na pabadiahon dohot haporseaon
dibagasan hasintongan. Dipillit jala dipalua nasida, ai nunga jumolo
Debatamanghaholongi nasida. Dibahen i, ingkon tapasomalsomal mangolu dibagasan
hasintongan marojahan tu Hata ni Debata; ndanda pasintongsintong hasomalan
dibagasan haporseaon na marlaok, manang hasintongan ni diri sandiri, alai hombar tu
lomo ni roha ni Debata do. Di ngolunta siganup ari pe, ndada pasintongsintong
hasomalan, alai pasomalsomalhon mangolu jala marparange dibagasan hasintongan ni
Tuhan i ma.
Paduahon, marsitiopan ma hamu tu angka poda na huajarhon hami tu hamu (Ayat
15)
Adong do na mangajarhon poda haliluon tu huria Tesalonik songon na tarsurat
diayar 2 ima “ nunga dapot ari ni Tuhan I”. Panghorhon ni poda haliluon i, dang di
haringhothon nasida be mangula ulaon siganup ari, jala gabe diula nasida nasa lomo ni
rohana. Boi tangkas tajaha di 3:11, “ Ai tarbege do tu hami, adong do deba sian hamuna
na so maradat parangena, angka naso mulaulaon, naso siulaon do tahe di jama”. Khusus
turpuk 2 Tesalonik 2:13-17 on, ima laho manogunogu huhut patoguhon roha ni ruas ni
Huria Tesalonik asa unang pola gabe lilu dibagasan panomunomuon i. Songon sada
naung pinillit ni Debata sian mulana jala dipalua marhite haporseaon. Dibahen i, na
rumingkot ndanda paimahon dohot umboto sadihari ma ombasna, alai asa tung
masihohot do nasida jala tongtong marhaporseaon dibagasan poda ni Jesus Kristus,
nang pe boi masa do godang angka na maolna so haantusan, sahat ro di pangaleleon
dohot disitaonon ala haporseaon i.
Dijolo ni turpuk on nunga jumolo dipaingot Ibana huria i asa unang jalojalo
nasida mabiar gabre so marroha. Unang ma nasida lilu bahenon ni tondi ni portibi,
manang bahenon ni angka parhata manang angka surat pe (na dihatahon manang na
tarsurat; baik lisan maupun tertulis). Unang ma dipaotooto manang ise pe nasida
3
binahen ni angka pangago i ( ayat 2-4). Diparatarata do on tu nasida, songon naung
nilumbahononna hian tagan rap ditongatonga nasida dope apostel i (ayat 5).
Diparatarata asa anggiat lam imbaru jala rata muse poda nasintong i diroha ni ruas ni
huria Tesalonik. Mangalo poda haliluon on ma gabe diondolhon Apostel Paulus di 3:10
“ naso ra mangula unang ma ibana mangan”. Ima poda haliluon na masa di huria
Tesalonika. Asa unang lam rarat haliluon i, ditongos Apostel Paulus ma surat on tu
huria Tesalonika na mandok: marsitiopan ma hamu tu angka poda na huajarhon hami
tu hamu. Apostel Paulus mangajarhon asa unang mura nasida dilindak-lindak
pangajarion na mamaboan nasida dao sian hasintongan.
Poda haliluon on sipata marrumanghon angka pandohan songon Teologi Sukses
namangajarhon molo mangihuthon Tuhan Jesus pasti sukses dalam arti mamora diarta,
marpangkat natimbo, dohot lan angka na asing. Jala nasintong ima Teologi Salib
songon na diajarhon jala naung dihangoluhon Tuhan Jesus ima Teologi salib. Teologi
Salib lapatan na rade mangihuthon dalan ni Kristus mangulahon hasintongan. Ingkon
tongtong satia mangihuthon Jesus manang aha pe na masa , lasniroha manang arsak.
Teologi Salib dang namarlapatan gabe so adong kesuksesan manang dang na
marlapatan gabe so boi mamora dohot marpangkat, boi do sukses jala denggan do molo
mamora alai dang gabe kesuksesan i gabe ukuran mutlak ni pasupasu ; dang boi
kesuksesan na diportibion gabe tujuan ni ngolu ni na porsea.
Sipahusorhusoron
Disosohon apostel Paulus do ringkot ni namarsihohot di poda hasintongan na
marojahan tu Hata ni Debata. Boi doi lam taparata, molo sai tapaimbaru angka na
naung tatangihon marhite sipareon, ringgas manangihon jamita rupani, nang
marhitehite sian na manjaha na tarsurat i. Taida dison bahan lisan dohot tulisan tung
mansai efektif manogunogu hita marsihohot dibagasan Tuhan i. Molo sai ringgas hita
manangihon Hata ni Debata , suang songoni manjahai angka barita na Uli i, laos i do
dalanta mangarata-ratai haluaon na tajalo i, lumobi mangolu dibagasan haluaon i.
Marhite i gabe lam marsihohot ma hita di poda ni Tuhanta Jesus. Ndang mura-mura be
munggil haporseaonta.
Pangarade: CBvr. Winda S Sinaga, S.Ag

Bahan Sermon Evangelium HKBP Resort Negari Lama

Minggu XXI Dung Trunitatis, 13 Nopember 2022
Naeng Ro ma Ari ni Jahowa
Maleakhi 3:19-24 (Alk:Maleakhi 4:1-6)
I. Patujolo Ni Turpuk
Buku Panurirang Maleakhi ima buku parpudi di di Bibel Padan Na Robi, alai godang do barita
na pinasahat na tu hita angka na porsea. Maleaki lapatanna “ na si nuru ni Debata”. Lapatanna
ia barita na pinasahat ni panurirangon ndang sian dirina alai sian Debata do barita i. songon na
4
si nuru ni Debata ibana, satia do ibana diparsuruan i. Sian sejarah ni ngoluna, dipabotohon
ibana do halak Jahudi na tinggal di Jehuda dung sidung uhum ni Debata tu bangso Israel di
habuangan i. Jala dison ma tingki panurirang I mangula jala barita na binaritahon ibana ima asa
porsea bangso I muse tu Debata, alai dibagasan hasatiaon tu padan naung dipabotohon Debata
tu bangso I (Mal 2:4-5). Angka pamujion dibagas joro unang ma dipuka sian roha na so ias, ai
ndang dihalomohon Debata tangiang dohot pamujian na so tutu. Unang ma mar Debata sileban
(Mal. 2:10-12), unang ma adong na sirang parsaripeonna (2:13-16), unang ma manangko
hepeng ni bagas joro nang parpuluhan pe i, ai Debata do nampuna I sude. Jala on do na
binaritahon ni panurirang Maleaki asa unang diboan nasida bangko-bangko ni hajolmaon molo
tung mulak nasida sian habuangan Babel tu Jerusalem. Asa mangolu ma nian bangso I songon
bangso naung pinillit ni Debata, asa diari haroro ni Tuhan I, gabe ari las ni roha I di dibangso I
nang di sude angka na porsea tu Debata. Songon barita na pinasahatna di turpuk on, diari
haroro ni Tuhan I marlas ni roha ma sude angka na porsea di Ibana.
II. Hatorangan Ni Turpuk
1) Jambar ni Halak na porsea di Haroro ni Tuhan i
Diayat 19 I mansai tangkas do dipaboa panurirang Maleaki taringot jambar ni halak na
mangulahon hajahaton. Pola do ditudoshon songon durame na hona tutung na so adong be
tading manang aha. Lapatanna ia angka na so olo paubahon rohana sahat di ari haroro ni Tuhan
i, uhum do na gabe jambarna. Ingkon hona uhum ni Debata do angka na mangalo tu Debata jala
ndang tagamon adong na tading. Alai, molo angka na porsea I, ima na mabiar tu goar ni Debata
Jahowa, nasida na tigor rohana, na so marroha pangansi, nasida na marholong ni roha, jala
nasida na pasangap Debata. Songon parbinsar ni mataniari hatigoran I dipeop rohana jala
dipamalum Debata do angka habongna na loja mangulahon patik i. Bahwa akan ada pemulihan
yang diberikan Allah bagi orang setia pada kebenaran Allah. Pemulihan yang dilakukan oleh
Allah memberikan sukacita yang besar bagi orang percaya. Songon na digombarhon dibagasan
turpuk on ima songon anak ni lombu na haruar sian bara. Las ni roha bolon do na jumpang hita
diari haroror ni Tuhan I molo satia hita di Debata. Orang percaya yang telah dipulihkan Allah
akan menginjak-injak orang berdosa yang sudah menjadi abu. Hatuaon do na dipadanhon
Debata tu angka na porsea di Ibana alai uhum do dijalo ni halak na so satia dipatik dohot uhum
ni Debata.
2). Siparadeon Manomunomu ari ni Tuhan i. Aha do na masa di ari ni Tuhan I jala
andigan do tingki haroro ni ari ni Tuhan i? On do na jotjot gabe sungkun-sungkun di hita. Alai
dibagasan turpuk on didok panurirang Maleakhi do, andorang so ari ni Tuhan i, na ro ma
sahalak panurirang ima si Elia na gabe patujolo ni haroro ni Debata. Haroro ni panurirang Elia
martudutudu ma on tu Johanes Pandidi di Padan Na Imbaru (Mat. 11:7-14) ima na mamboan
barita ni hasintongan ni Debata. Jala ibana do na gabe sitotas dalan di haroro ni Jesus Kristus tu
portibion (mempersiapkan jalan bagi Mesias ). Jala ari ni Tuhan i na dibaritahon panurirang
Maleaki nunga masa i di haroro ni Kristus tu portibion marhite hatutubuNa jala na ro ma Ibana
5
muse paduahalihon. Alai, taingot ma ari ni Tuhan holan Debata do na umbotosa. Alani do,
saleleng maimaima bangso I, nang angka na porsea ingkon do tongtong diparade dirina laho
manomu ari ni Tuhan I, ima na pinasahatna diayat 24 i. Marhite angka panghobasion ni
panurirang na mamboan soara hamubaon ni roha tu angka bangso asa mulak mananda Tuhan I,
jala ndang hona uhum di ari na parpudi i. disoarahon do asa tongtong mangarade angka na
porsea managam haroro ni Tuhan I marhite na mansohot mangulahon na jat alai mulak tu Dalan
ni Debata.
III. Sipahusor-husoron
Ndang adong na umboto andigan haroro ni Tuhan I alai manang sadihari pe I, ingkon
do rade hita manomu ari ni Tuhan i. Haroro ni Tuhan I na paduahalihon ido na tapaima sahat tu
bagasan tingki on. Jala laos I do disoarahon turpuk on tu hita angka na porsea tu Ibana asa di
namanagam hita di haroro na I, ingkon barani do hita manaluhon hajahaton ni portibion
(Rom.12:2). Alani do, marhite turpuk on dijou do hita asa managam ari ni Tuhan I dibagasan
ulaon dame dohot las ni roha. Dipaingot Debata do hita asa mulak mandapothon Tuhan I. Ari ni
Tuhan I ima mangalehon panghirimon asa unang tubu angka biar ni roha tu angka
namangulahon na denggan, jala tu angka na mangulahon hajahaton naeng marhamubaon ni
roha. Alani, tatagam ma haroro ni Tuhan dibagasan panghirimon dohot haporseaon tu Debata.
Ai parasiroha do Debata marhitehite Jesus Kristus AnakNa I naung ro tu portibion. Amen.

Pangarade: CBvr. Samsuryati Masnia Purba, S.Ag

Bahan Sermon Evangelium HKBP Resort Negeri Lama

Minggu, 20 Nopember 2022 (Ujung Taon
Parhuriaon)
Ev : 1. Korint 15 : 50 – 58 Ep : Parjamita 8 : 9 –
17 Tema : Dipamonang Debata Hita
Marhite Jesus Kristus.
1.Digoari do sadari on Minggu ujung taon parhuriaon, i ma na gabe pangujungi ni sada
taon bolon kalender parhuriaon. Jala di minggu ujung taon parhuriaon on namarningot
hita di angka donganta naung marujung ngolu, ndang na naeng mangarukari
sidangolon. Alai, naeng nian lam tangkas jala bagas pangantusionta taringot tu lapatan
ni hamatean hombar tu Hata ni Debata, jala naeng nian lam tahargahon ngolu na
pinasahat ni Tuhan i tu hita ganup. Saleleng mangolu hita diportibi on naeng
marsihohot so mubauba di bagasan haporseaon di Asi ni Roha ni Debata. Dipatorang si
6
Paulus do haheheon ni Jesus i nang taringot tu haheheon ni angka naung mate. Ringkot
situtu do dipatorang si Paulus ala barita haheheon ni Jesus do gabe ojahan ni
haporseaon ni ruas ni huria. Ai songon na didok si Paulus: “Alai anggo so dipahehe
Kristus i, mangopo ma haporseaonmuna (1.Korint 15;17).
2.Asa ummura diantusi nasida taringot tu haheheon Jesus dohot haheeon ni jolma
naung mate i, dilehon do angka tudosan marhite na masa di ngolu si ganup ari, ima
marhite hasomalannasida uju manabur boni. Boni naung mate i do muse disuan tu tano.
Alai dung disuan boni i gabe tubu ma suansuanan na imbaru. Andorang so ditanom
nunga mate boni i alai dung ditanom gabe marhangoluan ma, marhite suansuanan na
imbaru. Alai rumang ni na ditanom i marasing do sian rumang ni na tubu i muse, alai
laos i do i. Marhite huasoNa, dilehon Tuhan i do hangoluan dohot rumang na imbaru tu
boni naung ditanom i. Marasing do badan parbanua ginjang dohot badan parbanua toru.
Tarsabur di habusuhon alai dipahehe di hatongtongan…. Tarsabur di di badan parhosa
alai dipahehe di badan partondi (15: 1-49). Dung i di turpuk jamita sadari on
dipasingkop apostel Paulus ma hatorangan i laho mangalusi sungkunsungkun “ Boasa
ingkon dipauba badan parhosa i tu badan partondi” marhite na nidokna: “Ndang
tarbahen sibuk dohot mudar manean harajaon ni Debata jala ndang tartean na olo busuk
i hatongtongan i” (ayat 50). Sibuk dohot mudar na martudutudu tu badan parhosa
(badan parbanua tonga on) ndang tarbahen masuk tu harajaon ni Debata, nda ingkon
dipauba do gabe badan partondi (badan parbanua ginjang) na dibagasan hatongtongan.
Alai molo naeng sahat jala gabe panean hita di harajaon ni Debata ingkon hatongtongan
i do manoluk na olo busuk i. Jala na boi masa do i marhite haheheon ni Jesus.
3.Dipasahat si Paulus do musa dison sada hahomion, dipapatar do na buni hian: “
Ndang saluhut hita monding alai saluhut do hita paubahonna” (ay51) . Nanidokna,
ndang sude jolma i mate sahat tu hari haroro ni Jesus paduahalion i, ima dipanghuling
ni sarune na parpudi. Antong molo ndang sude mate, boha ma angka na na so mate
dope sahat tu hari parpudi i? Tutu ndang saluhut badan pardagingonta i mate sahat ro di
haroro ni Tuhan Jesus paduahalion i alai saluhut do dipauba, asa jumpang badan
partondion i. Dinahona huhum Ibana di hau pinarsilang i jala jala sahat Ibana tu
hamatean i, alai ndang tartiop hamatean i Ibana (1.Korint 15; 55 “Jo hamatean, didia
hamonanganmi? Jo hamatean, didia soropMi?”). Nungamonang Ibana, talu do
hamatean dohot sibolis i. Ai marhite haheheon ni Jesus i nunga tarbondut hamatean jala
nunga soluk hamonangan. Ndang marhuaso be hamatean i ala nunga ditaluhon Jesus.
Dibagasan huasoNa do Ibana paubahon angka na porsea asa sahat tu nasida
7
hatongtongan i, jumpang ma ngolu na imbaru di bagasan badan partondi. Hatorangan
na pinasahat si Paulus i, asa naeng tangkas tantusi jala tahaporseai barita haheheon i.
Haheheon ni Jesus i do ojahan ni haporseaonta dohot panghirimonta. Hamonangan ni
Jesus i gabe ojahan ni hamonangan maralohon portibi on. HaheheonNa i gabe ojahan di
haheonta di ari sogot i.
4.Tahamauliateon ma dipambahenan ni Debata disaluhut ngolunta. Dinadipalua jala
dipamonang hita maralohot sorop hamatean i. Asa marhite haheheon unang be ganggu
hita laho mangihuthon Jesus. Molo tung pe godang siboluson dohot hamaolon na
ingkon siadopan ni halak na porsea laho mambaritahon barita na Uli I, unang mandele
jala maporus hita. Baliksa tahe dipangidohon do tu asa: Parjolo, marsihot jala
somubauba. Dipangidohon do tu hita asa tongtong satia, unang sumurut, manang
mabiar manang mandele molo tung pe ingkon mangadopi ragam hamaolon sahat tu
parungkilon alani haporseaonta tu Tuhan i. Taingot ma tongtong, Tuhan na monang do
Tuhan na tasomba i. HamonanganNa i do na patauhon hita monang maralohon sibolis,
parungkilon. “Unang ho mabiar, ai dapotan asi ni roha do ho sian Debata”. Laos
jongjong pe angka jolma martahi na roa maradophon hita. Pos rohanta, ramotanNa do
hita asa unang marmara di ngolunta on. Paduahon, Lam sumurung ma tongtong di
bagasan ulaon ni Tuhan i. Haheheon ni Jesus i ma na gabe ojahan ni angka na porsea, ai
barita las ni roha do barita hamonangn ni Jesus i. Marlas roha be ma hita alani i. Alai
ndada holan i. Naeng huhut marhiras ni roha hita laho mambahen marlupuk barita
haheheon ni Tuhan i, asa lam sar, lam marsaringar, lam mangerbang barita hamonagan
ni Jesus i tu liat portibi on.
5.Ganup na monang dibagasan Kristus, sumurung ma di bagasn ulaon ni Tuhan i.
Sumurung ma ibana di haburjuon, di holong ni roha, di lambas dohot resep ni roha,
dohot di angka ulaon na denggan jala sipujion, ima parbue ni pangantusion na sintong
dohot haporseaon na tangkas di pambahenan ni Kristus na manghamonanghon ganup
na porsea marhite ulaon, sitaonon, hamatean dohot haheheonNa. Di Minggu Ujung
Taon Parhuriaon on dipaingot hata ni Tuhanta do hita di denggan basa ni Debata
marhitehite Jesus Kristus na manghamonanghon hita di pardalanan ni ngolu on.
Hamatean i pe ndang sihabiaran be, ai nunga talu hamatean ala naung hehe Kristus. Ala
ni i, saleleng ni ngolunta, naeng ma hita hot so mubauba di bagasan Tuhan i, jala naeng
ma hita marhobas sian nasa roha patupahon na ummuli songon parbue ni hamonanganta
di bagasan Kristus Jesus.
Pangarade: CBvr. Thessa Lonika Sitorus, S.Ag
8
 Bahan Sermon Minggu Advent, I tanggal 27 November 2022
HKBP Negeri Lama Ressort Negeri Lama
Topik: “ Raja Ni Hadameon Na Naeng Ro I
Turpuk: Jesaya 11:1-10
I. Patujolo
Buku Jesaya on ima buku na ginurithon ni si Jesaya bin Amos di taon 700 SM. Ia
buku on marisihon sada panjouon tu bangso Juda asa marhamubaon ni roha jala mulak
tu dalan ni Debata dungkon mangulahon dosa. Panghobasion ni si Jesaya aktif selama
60 taon. Jala bukuon ima poda na tung mansai posi situtu do tu bangso Juda, Israel
nang angka bangso na adong di humaliangna asa marhamubaon ni roha sian angka
ulaon haramunon naso hombar tu hata ni Debata. Ragam angka dosa na niulana ima,
angka ulaon naso bermoral nang mangulahon parsombaon tu Debata sileban. Umbahen
I do, haporseaon na lam merosot nang ginjang ni roha nang angka ritual ni haugamaon
na niulani nasida gabe manghorhon dosa. Alani hatangkangon nasida, jugul na jala
tarbarita songon bangso na tegar tengkuk ujungna tarbuang Israel tu pembuangan babel.
Gombaran na mansai borat I, ima hau na tinaba na marlapatan ndang marguna be jala
nunga diharapkan mate. Tongon di Babel do dipasahat si Jesaya barita on. Lungun
situtu di hilala naung lengse Jerusalem dohot bagas joro na badia na pinajongjong ni
Raja Salomon a tarbarita i. Nunga maheu be luhut nasida ala naung mago sude na tau
sihalashononna. Ditaon 586 andorang so hatutubu ni Kristus do masa dibahen raja
babel, Nebukadnezar. Alai alani asi ni roha ni Debata, adong do masa depan. Masa
depan na nidok na diturpuk on ima panghirimon namarharoron sian Debata. Jala
terpancar sian haroroni mesias I, Jesus Kristus Sipalua I, ido na naeng sinurangkonon ni
Panurirang Jesaya marhite turpuk on. Jesus naung di utus Debata songon sipalua ni
jolma I marhamubaon huhut marparange naimbaru. Ada damai sejahtera dan sukacita
dalam iman kepada Tuhan Jesus (Roma15:13).
II. Hatorangan ni Turpuk
1. Dibagasan turpuk on diayat 1 Tunas sian tungko ni si Isai. “ tunas dohot
tubis na marisihon makna na luar biasa jala panghorhonna pe luar biasa”
Dung ruar sada tunas sian tungko ni si Isai. Isai ima natoras ni si David, jala marparbue
sada tubis na tubu sian urat ima Jesus baru ma asa tarida gombaran na mansai uli,
mansai indah ima dunia baru, masa depan na marpanghirimon ala memang secara
9
langsung diperintah sang tunas naimbaru ima Jesus Kristus. Hata heber “ Netzer”
(tunas) ima urat ni hata sian hata Nasaret. Jesus marharoroan sian Nazaret ( Mat 2:23)
na marlapatan halak Nazaret na diharapkan gabe pemimpin ni portibion na dipulihkan
tu kesejahteraan, kebenaran, kebaikan. Hot do habangsa ni si David di adopan ni
Jahowa. Nang pe hira naung mago harajaon i sian pomparanna ala naung tartaban luhut
nasida alai dilumbahon do tu nasida na ingkon ruar sada tunas sian tungkona jala
marparbue sada tubis na tubu sian uratna. Nang pe naung marumpak harajaon i alai
ndang laos mago ai martumbur do muse sada tunas sian i. Tunas na ruar i ma pahothon
harajaon ni si David. Nang pe naung tarrimas Jahowa mamereng pangalaho ni angka
raja na manghunduli habangsa ni si David, alai ndang gabe disosa Jahowa asi nirohaNa
tu nasida. Nuaeng na gabe tandi i ma Jahowa sandiri pajongjonghon harajaon i.
2. Disonggopi Tondi ni Jahowa
Ndada holan huaso alai dohot do nang sahala harajaon i marhuraja di hadirion ni Raja i.
Tondi ni Jahowa do na songgop tu ibana i do na sai marniula na manghamham: (a)
manggohi hadirion, paiashon daging nang tondi; manguluhon ngoluna; (b)
mamparbisuhi dohot mangajari; (c) mananda na masa di ngolu ni jolma; (d)
mangalehon panuturion mananda na sintong; (e) huaso laho manguhum dibagasan
hatigoran; (f) pangantusion di ngolu partondion laho mangulahon na hombar tu lomo ni
roha ni Jahowa; (g) biar mida Jahowa di sude panggulmiton. Tangkas do di padan na
robi barita taringot tu raja na disonggopi Tondi ni Jahowa. Pandonganion ni Jahowa do
apala lapatanna disi. Molo so didongani Tondi ni Jahowa sahalak raja sursar do
pingkiran dohot pambahenanna songon na masa di ngolu ni si Saul. Alai, raja David
dohot Salomo, ala didongani Tondi ni Jahowa nasida, marhasil do sude
panghobasionna songon sada raja na manggomgomi di tonga ni bangso. Asa, molo di
ibana do Tondi i, marlapatan ma, Jahowa do na mangarajai ngoluna, pambahenanna pe
ingkon sai hombar ma tu lomo ni roha ni Debata. I do umbahen ndang adong biar di
angka naung sinonggopan ni Tondi ni Jahowa tung ise pe diadopi marparkaro laho
manghajongjonghon hatigoran.
3. Patupa ngolu na marhasonangan
Dung di bagasan hasintongan parsaoran ni jolma ginomgoman ni Raja i,
hasonangan ma na ingkon daionnasida. Ndada holan parsaoran di hajolmaon alai dohot
do nang di sude na tinompa ni Debata. Hira so siat do nian tu pingkiran pinaboa ni
panurirang i, songon dia tagamon boi rap manjampal lombu dohot babiat? Na somal
lombu do dipangan babiat, ai i do sipanganonna. Songon dia muse manggompang
babiat di lambung ni hambing? Sude pandohan di ayat 6-8 ndada nipi manang holan
anganangan sambing. Di porlak Eden, di panompaon ni jolma na parjolo i nunga hea
masa i. Ndang masiallangan angka na tinompa i. Sonang do luhut masilului
sipanganonna. Molo didok manjampal na marlapatan manggagat duhut manang ramba
10
angka na tubu di porlak i do sude. Nang jolma na parjolo i pe sian parbue ni hau do
sipanganon ni nasida. Asa singkop do diparade Debata di angka na tinompaNa i. Alai
dung madabu tu bagasan dosa jolma i, gabe hurangan ma nasida. Pangalaosion di tona
ni Jahowa do mambahen jolma i sai mauas jala male ala ndang sian hata ni Debata be
hangoluannasida.
III. Refleksi / Panimpuli
Ndang terasa nunga sahat hita tu minggu Advent na I na paingothon hita asa boi
merefleksikan diri ia Jesus songon sira dohot panondang tub utu portibion laho manirai
portibion na naung hambar, tawar laho mangalehon hasonangan nang panghirimon na
mangolu tu manisia i. umbahen I do, tajangkon ma hatutubunai ima paradehon rohanta,
pingkiranta, dohot dirinta laho manjangkon haroroNai tu tonga-tonga ni keluarganta,
huhut diparngoluonta siganup ari. Ia Mesias na pinarbagabaga ni angka panurirang di
padan na robi, i ma Tuhan Jesus Kristus. Ibana do Raja, naung ro manopot pardangolan
ni portibi on. Ibana do anak ni si David naung manghamonanghon hamatean marhite
haheonNa laho manobus pardosa. Ibana do Anak ni Debata na gabe jolma ro laho
pahothon hatigoran dohot hasintongan. Pardengganan do diboan Ibana tu portibi on.
Dung masa hadameon i di tano on, ndang adong be sihabiaran. Di ayat 9 didok „ndang
adong be na manjahati di dolok habadiaonku“, martudutudu tu Jerusalem manang Sion
do i. Disi do bangso i ro marsomba mamboan angka pelean tu adopan ni Jahowa. I do
di pangantusion ni halak Israel. Alai di angka na porsea di Jesus Kristus, ndang holan
Sion be inganan habadiaon ni Jahowa. Didia pe tahe jolma i dung dijanghon Mesias,
Raja hadameon i, ndang be manjahati roha nang pingkiranna.

Pangarade: CBvr. Mona Afrilia Sinaga, S.Ag

WARTA SERMON
1. Sermon Ressort
Sermonta na mangihut, Jumat 4 November 2022 Jam 10.00 WIB di HKBP Cinta
Bangun.
2. Roster Parhusoron Marjamita sa Ressort Negeri Lama, Minggu 09 Oktober
2022
a) Pendeta Ressort Nasib Nainggolan S. Si tu HKBP
b) Bibelvrouw Novalisna Malau A. Md di HKBP HKBP Negeri Lama
c) Pendeta Roni Nainggolan S. Th tu HKBP Sei Sitorus
d) Pendeta Rio Siburian S. Th tu HKBP Sei Kelapa
e) C. Pdt. Ridho Silalahi S. Th tu HKBP Sei Abal
f) C. Bvr. Desy Manullang S. Ag tu HKBP Parsaoran Bunut
11
 g) C. Bvr. Mona Sinaga S. Ag tu HKBP Sei Udang
h) C. Bvr. Samsuryati Purba S. Ag tu HKBP Malindo
i) C. Bvr. Thessa Sitorus S. Ag tu HKBP Sipege
j) C. Bvr. Winda S. Sinaga S. Ag tu HKBP Cisadane
3. Sinode Godang Amandemen: Senin 24-27 Oktober 2022 di Seminari
Sipoholon, Tarutung.
4. Pesta Puncak Tahun Kesehatian Distrik XXVI Labuhan Batu Di HKBP Kota
Pinang, 5-6 November 2022
Rangkaian Acara:
- Seminar Parhalado sa-Distrik, Sabtu 5 November 2022 maringanan di Kota
Pinang HKBP Kota Pinang. Borhat do 10 halak parhalado HKBP sa-Resort
Negeri Lama mandohoti pembinaan i.
- Pesta Puncak Tahun Kesehatian sa-Distrik XXVI Labuhan Batu 2022 Minggu,
6 November 2022 borhat do 25 halak mewakili hurianta HKBP sa-Resort
Negeri Lama mandohoti ulaon i di HKBP Kota Pinang.
5. Marpelean tu Jolo
Tu minggu, 16 Oktober 2022 marpelean tu jolo do hita sa-resort Negeri Lama, laho
mangurupi donganta na mengalami musibah gempa manang lalo na masa di
Tapanuli Utara (Surat Terlampir).
6. Sinode Distrik XXVI Labuhan Batu
Dibulan November 2022 patupaon ni HKBP Distrik XXVI Labuhan Batu do
Sinode Distrik di Rantau Prapat. Tanggal menyusul.
Rincian Biaya Pesta Puncak Tahun Kesehatian Distrik XXVI Labuhan Batu
1. Tumpak ganup Resort sa-resort Negeri Lama Rp. 1.000.000,-
2. Ulos Kehormatan, godangna 2 ulos, Rp.1.000.000/ulos total Rp. 2.000.000,-
3. Silua 5 porsi ganup resort x Rp. 200.000,- total Rp. 1.000.000,-
4. Registrasi Pembinaan Parhalado untuk 10 orang Rp. 500.000,-
5. Perongkosan peserta na mandohoti pembinaan parhalado untuk 10 orang
Rp. 2.000.000,-
6. Perongkosan peserta na mandohoti Pesta Puncak Tahun Kesehatian
Distrik XXVI Labuhan Batu untuk 25 orang Rp. 2.000.000,-
7. Mangalelang 2 kali angkat x Rp. 500.000,- total Rp. 1.000.000,-
8. Tagam-tagam di pardalanan Rp. 500.000,-
9. Pungu sude Rp. 10.000.000,-
7. Dalan manggohi biaya na di ginjang i, mardalan ma proposal dohot taken list sian
distrik tu ganup huria, marhite angka parhalado ni huria na sa-resort on.

8. Setoran tu Ressort Tahun 2022

Anggaran Tahun 2022:
HKBP Negeri Lama : Rp. 42.000.000
12
 HKBP Cinta Bangun : Rp. 7.410.000
HKBP Sei Mambang : Rp. 12.103.000
HKBP Sei Abal : Rp. 7.904.000
HKBP Cinta Makmur : Rp. 12.350.000
HKBP Sei Kasih : Rp. 2.470.000
HKBP Habinsaran : Rp. 5.928.000
HKBP Jetun : Rp. 6.422.000
HKBP Kampung Binje : Rp. 7.904.000
HKBP Sei Kelapa : Rp. 14.326.000
HKBP Sei Sitorus : Rp. 8.151.000
Oikumene PT. Soctfindo : Rp. 3.458.000
HKBPPardomuan Nauli : Rp. 2.470.000
Oikumene Cisadane : Rp. 5.434.000
HKBP Negeri Baru : Rp. 4.940.000
HKBP Sei Udang : Rp. 7.163.000
HKBP Sei Pege : Rp. 6.422.000
HKBP Malindo : Rp. 12.350.000
HKBP Parsaoran Bunut : Rp. 7.410.000
HKBP SUJ Putat : Rp. 3.211.000

Setoran Naung masuk:

HURIA Januari-Juli Agustus Septembe Okto Novembe Desember Jumlah
r ber r
Negeri 42.000.000
Lama
Cinta 2.500.000
Bangun
Sei
Mambang
Sei Abal 4.000.000
C.Makmur 9.000.000
Sei Kasih
Habinsaran 5.750.000
Jetun
K.Binje 1.500.000 5.000.000
Sei Kelapa 8.000.000
Sei Sitorus 5.000.000
Soctfindo 2.700.000
P.Nauli 1.000.000
13
Cisadane 5.434.000
Negeri Baru 2.000.000
Sei Udang 7.163.000
Sei Pege 4.000.000
Malindo 12.350.000
Bunut 3.000.000
Putat 700.000

14