Hatorangan ni Turpuk

Damang dainang na gabe ondolan jamita di minggu ta sadarion ima Rap patupahon hadumaon manang
mewujudkan kesejahteraan bersama. Hombar songon hata na bisuk na mandok : Idia tano sidegeonmu,
disi do langit na ingkon sijujungonmu. Artina didia ngolum diarahon manang dipapaek, ingkon huta i ma
na gabe ngolu-ngolum, unang ramuni jala unang sega i. Asa molo dengan huta i, dengan ma antong
ngolum. Laos sada panjoun ni Debata ma on tu hita halak Kristen : Asa idia adong inganan na so adong
hangoluan, siala disi adong halak Kristen, gabe adong ma hangoluan dihuta i manang diinganan i, laos
ido carana rap patubuhon hadumaon. (molo hu ida sian jolo on pardompakan ni ina on sahira na
tarhapit huida, ro sian jabu pojot, sahat tu gareja tambah pojjot, dang adong senyum na patuduhon bohi
na duma). Songoni do bangso Israel uju tarbuang nasida tu Babel ditongos panurirang Jeremia surat na
marisi hata ni Debata tu sandok bangso Israel na tarbuang tu Babel, ima :

1. Dipauli jala diingani nasida ma angka bagasna di Babel, Artina di suruh Debata nasida paulihon bagas
asa adong inganan parlinggom-linggomanna, asa adong inganan parsaoran nasida, lapatanna tartaban
do nian nasida alai dang tarhurung, tarbuang do nian nasida alai dang mali-ali.

2. Dipungka ma angka porlak nasida di Babel jala dipangan ma parbuena. Lapatanna asa adong bohal
nasida di ngolu siganup ari. Mangula nasida asa adong panganon na dang na laho tu tuan na songon
hatoban. Alani i tartaban do nasida alai dang diparhatoban.

3. Buat hamu ma porompuan bahen jolmamu asa tumubuhon anak dohot boru tu hamu. Paorohon
hamu anakmuna jala boruhon hamu boru muna asa tumubuhon anak dohot boru nasida asa unang
moru bilangan muna disi.lapatanna tartaban pe nasida alai na ikkon marpinopari unang marhinamago.

4. Ringkoti hamu hasonangan di huta habuangan muna i. Tangianghon hamu nasida tu Jahowa ai molo
marhasonangan huta i marhasonangan ma dohot hamu. Didok Debata tu nasida saleleng di Babel dope
nasida, ikkon mangulahon na denggan laho pasahathon na positif. Gabe halak na boi mangalehon
pengaruh na denggan tu angka jolma, unang holan mangaloshon tingki. Damang dainang i do bukti ni
hita namangolu di portibion, ialah hidup kita menjadi berguna bagi orang lain (baut orang Jepang dan
talenta ni halak cina). Angkup ni parenta on mangalehon ajaran tu halak Jahudi laho paturehon partalian
tu halak Babel jala manggogohon pardamean dohot hadumaon. Alani i ikkon sada do rohani saluhut
jolma na sahuta dohot panggomgom ni luatta. Marsiatusan mambahen na denggan patupahon
hadameon dohot hadumaon. Alana jonok do marsiattusan tu marsiatukan artina molo dang sejalan
pikiran ta jotjot do i marsiatukan. Didok Debata muse tu nasida ingkon dohot nasida manangianghon
huta dohot partogi ni bangso i. Asa marhasonangan nasida di si, ai molo marhasonangan huta i,
marhasongan ma nang nasida.

Molo nta sungkun tahe : Aha ma bahenonhu disituasi na maol, na danggol, disituasi na sahira tarbuang
hita siala angka hahurangan na adong dingolu nta? Sungkun-sungkun sisongoni ma na nialusan hata ni
Debata nta sadarion. Hamaolon na ro tu ngolu nta ndada asa tu paningkotan hita lao. Alai hamaolon na
ro ditonga-tonga ngolu, asa nta haholongi hadumaon, asa marsitutu hita patubuhon hadumaon ditonga-
tonga hamaolon i. Boha carana ngolu nta duma, molo hita sandiri manghagigihon inganan na nta ingani,
boha carana ngolu nta duma molo nta hagigihon bagas na nta ingani? Boha ma carana ngolu nta on
duma, molo dang olo hita mangula bahen asa adong panganon nta? (iman Tomat)

Songon di turpuk on di pabotohon ingkon 70 taon ma lelengna nasida di habuangan i, dung i pe ro

Jahowa mangebati dohot paluahon nasida (ay. 10-11). Songoni nang masa di hita nuaeng “kita tidak
tahu pandemi covid-19 ini akan terjadi dan sampai kapan berakhir”. Akan tetapi kita tidak boleh
berhenti selama masa-masa sulit, kita harus melakukan kebiasaan hidup baru sehari-hari. Bagaimana
kita mampu bersyukur kepada Tuhan ditengah-tengah kesulitan, datang kepada Tuhan berdoa sehingga
kita dimampukan untuk menyesuaikan diri dan terus maju. Rap patubuhon hadumaon, tangi ma hita di
soara ni Debata. Songon ondolan jamita nta di mingguon rap patubuhon hadumaon, alani i boha ma
carana asa sude hita manjalo hadumaon i? Narumingkot, bolongkon egoisme dohot individualisme alana
nuaeng nga godang jolmaon berjalan sendiri, pergi sendiri, hidup menyendiri, dan mampus sendiri.
manusia adalah makhluk sosial yang membutuhkan orang lain. Alani i Marsaor ma hita tu sude halak
dihumaliang nta di bagasan hasintongan Kristus Jesus, asa marhitehite parsaoran nta tubu hadumaon
ditongatonga luat nta be na nta ipahi.

Ta mulai ma mamungka hadumaon sian cara mardame hita sian situasi na masa tu hita. Unang alo
situasi na masa tu hita, asa unang gabe tu pandelean, alai nta jalo ma angka na masa, huhut nta
tangianghon asa marpanghirimon hita diangka na masa i. Asa adong gogo jala semangat, lao patupahon
na dengan, na duma ditonga-tonga situasi na maol, rap dohot dongan humaliang nta, na marasing sian
sian hita. Unang sogohon na adong di ho, alai hamuliatehon asa boi gabe pasupasu tu ho. Unang
arsakhon angka tano manang bagasmu, nang pe dang hutam i, alai hamuliatehon ma i sude, asa gabe
pasupasu tanomi dohot bagasmi, gabe tau pansarianmu lao sipanganonmu. Amen...i do sahat na
taendehon Pasu-Pasu Hatami