HURIA KRISTEN BATAK PROTESTAN (HKBP)

ACARA PARTANGIANGAN UJUNG TAON

(PARSIRANGAN NI TAON)

Minggu, 31 Desember 2017

Natal Umum HKBP 1

 HURIA KRISTEN BATAK PROTESTAN (HKBP)
ACARA PARTANGIANGAN UJUNG TAON
(PARSIRANGAN NI TAON)
MINGGU, 31 DESEMBER 2017
==============================================
======================
I. PANGARADEON DI KONSISTORI.
II.IBADAH.
01.Joujou tu Parsaoran:
U : Huria ni Tuhanta! Di Ujung ni Taon 2017 on, tapatupa
do parsaoranta tu Debata, ala nunga dipataru Ibana
hita sahat ro di ombas on. Na tama situtu do hita
mandok mauliate tu Debata, alani dibagasan serep ni
roha, tahalashon ma parsaoranta di tongatonga ni
bagas joroNa.
R : Tu Debata sambing do marhuraja rohangku, sian
Ibana ro hatuaonku.
U : Ndang hapalang asi ni rohaNa dohot denggan
denggan basaNa naung tajalo, Ibana do na
marmudumuduhon hita, laos Ibana do na mangaramoti
hita, boi hita dibagasan hahipason mamolus angka
tingki diganup ulaonta.
R : Alai anggo ahu, sai endehononku do
hagogoonMu, ai Ho do partanobatoanku jala
haporusanku di arihagogotanku.
U : Antong asa bongot hita tu parsaoran na badia rap
dohot Debata di tongatonga ni huriaNa, jumolo ma hita
martangiang dibagasan rohanta be dalan pahibulhon
roha dohot pikiranta.
(Martangiang na hohom, manghuling musik BE.No.815
sa ayat)
U : Itadapothon ma tujolo ni Debata marhitehite puji-
pujian, itaolophon ma Ibana marhitehite soara ni
ende! Marende ma hita:

Natal Umum HKBP 2

02. Marende BE. No. 15 : 1, 2, 4 ”Aut Na Saribu Hali
Ganda” BL.103
♫♪♫
Aut na saribu hali ganda saringar ni soarangki.
Naeng nasa gogo bahenonku mamuji Debatantai.
Paboa las ni rohangki hinorhon ni pambaenna i.
♫♪♫
Tung sura sahat soarangku tu ujung ni portibion
Naeng nasa jolma haraonku mamuji Debata tongtong
Tama do nasa hosangki hubaen pasangap Tuhani.
----------------Musik---------------------

Mauliate ma rohangku, di Ho o Debata tongtong

♫♪♫

(Jongjong)
Dibaen sude denggan basamu, naung nilehonmu di
au on
Ai dipatongon ho tongtong, sude na ringkot di au on

03. Votum – Introitus - Tangiang: (U: Uluan R:

Ruas)
U : Marhitehite goar ni Debata Ama, dohot goar ni AnakNa
Tuhan Jesus Kristus dohot goar ni Tondi Parbadia na
tumompa langit dohot tano on.
R : Amen.
U : Gok di Jahowa do tano on ro di isina, portibi on dohot
pangisina. Ai Ibana do paojakkonsa di atas ni angka laut,
jala dipahot di atas ni angka batang aek.
R : Ise do na jadi nangkok tu dolok ni Jahowa? Jala ise
do na hum jongjong sogot di hajongjongan ni
habadiaonna i?
U : Halak partangan na lidang dohot na ias roha, parroha na
so paihuthon na so hasea, jala na so olo margana laho
mangansi.
R : I ma halak na maruli pasupasu sian Jahowa, dohot
hatigoran sian Debata ni hatuaonna i.
U : I ma sundut ni angka na usouso di Ibana, angka na
mangalului bohim, Jakkob. Haleluya.
Natal Umum HKBP 3
 R : (Mangendehon)Haleluya! Haleluya! Haleluya!
U : Martangiang ma hita:
Ale TuhanDebata, Amanamina di banuaginjang!
Mandokmauliate do hamitu Ho, alani godang ni asi dohot
holong ni rohaM di hami; ai dibasabasahon Ho do AnakMu
nasasada i tu hami na di pardangolan on, asa malua hami
marhitehite Ibana sian dosa dohot sian hamatean
salelengnilelengna. Molo laho salpuhononnami ma sada
taon i ma taon 2017, hupangido hami tu Ho, sai sondangi
ma rohanami na holom i marhitehite Tondi Parbadia i;
angkup ni i sai parrohai ma hami, asa huboto hami
mandok mauliate tu Ho, asa tarapul situtu rohanami di
hagogotan dohot di pangunjunan marhitehite asi ni
roham, AnakMu, Tuhan Jesus Kristus Tuhannami. Amen.
(Hundul)
04. Marende BE. No. 9 : 6 ” Hupuji Holong Ni RohaMu”
(BL. 110)
♫♪♫
O, Jesus, uhir ma goarMu, torang, bagas tu rohangkon.
Asa tarsurat di jolongku, holong ni rohaMi tongtong.
Hatangku ro di parangengku ingkon dipuji do goarMu.

05. Patik:
U : Tangihon hamu ma hata ni Debata patik di hita
sadarion, i ma na tarsurat di 1 Raja-raja 8 : 60 -
61 songon on ma didok disi:
Asa tung saluhut bangso ni tano on mananda,
paboa Jahowa do Debata, jala dungkon ni Ibana
ndang adong. Jala ingkon sun daulat rohamuna
tu Jahowa, Debatanta i, asa marparange di bagasan
angka patikna.
R : Jala mangaradoti angka tonana suman songon
sadarion.
U : Antong rap mangido gogo ma hita tu Tuhan Debata
laho mangulahon patikNa i.
R : Ale Tuhan Debata, sai pargogoi ma hami
mangulahon na hombar tu PatikMi. Amen!
Natal Umum HKBP 4
06. Marende BE. No. 722 : 1 – 2 “Tu joloMi Tuhanku”
♫♪♫
Tu joloMi Tuhanku huboan diringkon.
Palua ma tondingku, sian saluhut dosangkon.
Jesus Ho do Tuhanku, Jesus Ho do Rajangku,
Tu tanganMu ma, O Tuhan hupasahat daging tondingkon.
♫♪♫
Tu jolo ni Tuhangku, marsinggang au hohom. (Jongjong)
Tangihon tangiangku, asi ma rohaM di au on,
Jesus do na umboto, saluhut na rumingkot.
DameMi na manongtong, lehon ma tu au on naposoM.

07. Manopoti Dosa: (U:Uluan; I: Ina; N: Naposbulung;

A: Ama)
U : Tatopoti ma dosanta, martangiang ma hita:
Ale Tuhan Debata, Pargogo na so hatudosan jala
Amanami! Hujou hami do goarMu na badia i, ala na
targogot hami marningot dosanami. Sai marasi ni roha
ma Ho mida hami on. Asi ma roham di hami, ale Debata,
hombar tu denggan ni basaM.
I : Saisesa ma angka pangalaosingku hombar tu
godang ni asi ni roham.
U : Ale Tuhan Debata, na badia jala na bonar. Parasi jala
Partalup ni roha jala na basar do Ho! Sai marpangulahi
ma rohaM mida hami. Dibahen i sai sesa ma sude
dosanami!
N : Ias situtu ma ahu buri sian hajahatonku, jala paias
ma ahu sian dosangku.
U : Ndang adong na hupangasahon hami dungkon ni asi ni
rohaM; hatigoran na pinatupa ni AnakMu do na
hupangasahon hami tu joloM.
A : Ai huboto do angka pangalaosingku, jala sai tong
do sonson dijolongku angka dosangku.
U : Dibahen i pasonang jala apuli ma hami angka na
hinophop ni Tuhan Jesus Kristus, Tuhannami. Amen.

Natal Umum HKBP 5

 R : Mangendehon BE. No. 171 : 2 ”TANDA I MA AHU”
Bl. 49
♫♪♫
Asi ma rohaM, taringot tu pangalahongku.
Olo tutu, jot-jot do na lilu dalanku.
Sesa dosangku, sude Debata.
U : Bagabaga ni Debata taringot tu hasesaan ni dosa:
Molo tung adong manang ise na mardosa, adong do
pangondianta di Ama i, i ma Tuhan Jesus Kristus na tigor
roha i. Jala Ibana do pardengganan taringot tu dosanta,
alai ndada holan taringot tu dosanta, dohot do taringot
tu dosa ni saluhut portibi on.
Hasangapon ma di Debata na di ginjang.
R : Amen.(Hundul)
08. Marende BE. No. 605 : 3 ”LAS MA ROHAM” (BL. 605)
♫♪♫
Bura binaen ni dosa i, marujung ma disi,
Ai nunga ro Mesias i, mamboan dame i,
Mamboan dame i, mamboan, mamboan dame i.
09. Epistel: (U=Uluan; Ba= Baoa; Br=Boru-boru).
U : Tabege ma hata ni Debata turpuk dibagasan sadarion i
ma na tarsurat di Lukas 2 : 22 - 40, marsingkat sorin
ma hita manjaha:
Asa dung gok angka ari pangiasannasida mangihuthon
patik ni si Musa, diboan nasida ma Ibana tu huta
Jerusalem, pasahathon Ibana tu Tuhan i.
Ba : Songon na tarsurat di bagasan patik ni Tuhan
i: "Nasa baoa, buhabaju ni inana, hadohoan ni
Tuhan i do goaron!"
U : Huhut mamelehon pelean, songon na niaturhon di
bagasan patik ni Tuhan i: Dua anduhur tabu manang dua
anak ni darapati.
Br : Jala adong ma sada halak di Jerusalem, na
margoar si Simeon, halak na bonar jala daulat, na
maimaima di pangapul na tu Israel; na niinganan
ni Tondi Parbadia do ibana.

Natal Umum HKBP 6

U : Jala nunga dipabotohon Tondi Parbadia i tu ibana, na so
idaonna hamatean, ia so jolo diida Kristus ni Tuhan i.
Ba : Gabe ro ibana tu joro i didasdas Tondi i;
tongon ma diboan natorasna Jesus, Posoposo i, tu
bagasan, laho mambahen tu Ibana mangihuthon
adat na niaturhon ni patik i.

U : Jadi diabing si Simeon ma Posoposo i, dipuji ma Debata,

ninna ma:
Br : Paluaonmu ma nuaeng, ale Raja, naposomon
di bagasan dame, songon na nidokmi.
U : Ai nunga diida matangku haluaon na sian Ho i, na
pinaradem di jolo ni bangso sudena, bahen panondang
sumondangi angka parbegu, bahen hasangapon ni
Israel, bangsomi!
Ba : Jadi longang ma roha ni amana dohot inana
umbege hatana i, na taringot tu Posoposo i.
U : Jala dipasupasu si Simeon ma nasida, laos ninna ma
mandok si Maria, inana i: Na pinajongjong do on, bahen
partinggangan dohot parhehean di torop sian Israel jala
bahen tanda na hona gaga, (ho pe, podang do
manorushon roham muse), asa gabe patar pingkiran ni
roha ni torop halak.
Br : Jala adong do boruboru panurirang sada na
margoar si Hanna, boru ni si Panuel, sian marga
Aser. Nunga na tuatua nasida, na marsinonduk
mangan najolo pitu taon lelengna, dung
marhamulian.
U : Na mabalu do nasida, marumur ualupulu opat taon.
Ndang meret nasida sian joro i, sai marpuasa jala
martangiang mangoloi Debata, arian dohot borngin.
Ba : Dohot do nasida ro di na sangombas i mamuji
Debata jala dibaritahon do Ibana tu saluhut na
mangkasiholi haluaon ni Jerusalem.

Natal Umum HKBP 7

 U : Asa, dung dipasidung nasida saluhutna i hombar tu na
pinatikkon ni Tuhan i, mulak ma nasida tu Galilea, tu
Nasaret, hutanasida i.
Br : Ia Dakdanak i, lam magodang do, lam
margogo huhut marroha situtu, laos didongani asi
ni roha ni Debata Ibana.
U : I ma sahatna. Martua do angka na tumangihon Hata ni
Debata jala na umpeopsa. Amen.
10. Marende BE.No.802 : 1 + 3 ”Pangke Tingkim
Saonari” (BL.802)
♫♪♫
Pangke tingkim saonari, dapothon ma Tuhan i,
Unang godang sidalian, ingot jempek ngolumi.
Reff: Nunga rade hasonangan, di surgo i, di surgo i,
Unang adong nanggo sada, naso parjambar disi.

Molo taida donganta, na sai marungkil tongtong,

♫♪♫

(Jongjong)
Unang pasombu sai suda, togu urupi antong.
Reff : Nunga rade ………

11. Manghatindanghon Haporseaon

U : Tahatindanghon ma haporseaonta i, songon na
hinatindanghon ni donganta sahaporseaon di sandok
portibion, rap ma hita mandok:
H : Ahu Porsea di . . . . Amen. (Hundul)

12. Barita jujurtaon :

13. Tangiang Pangondianon
14. Marende BE. No. 612 : 1-5 ”Sai Paherbang Ma
HabongMu”
P. Pelean Ia + Ib
♫♪♫
Sai paherbang ma habongmu angka pardisurgo i,
Baritahon nunga tubu Sipalua jolma i.
Reff : Beta hita lao manomba Raja Sipalua i.
♫♪♫
O parmahan na manjaga dorbia di Efrata,
Nunga dame hita jolma saor dohot Debata.
Reff : Beta hita………
Natal Umum HKBP 8
 ----------------Musik---------------------
♫♪♫
O parroha sian purba, sai jalahi Raja i,
Boan pelean na arga, tu Raja nasorang i.
Reff : Beta hita………
♫♪♫
O hamu na nabadia, na di hasiangan on,
Debatanta gabe jolma, tuat tu portibion,
Reff : Beta hita………
----------------Musik---------------------
♫♪♫
Saluhutna na tinompa, marmulia baen tongtong,
Debata sitolu sada na marmuduhita on.
Reff : Beta hita………
15. Jamita: Psalm 148 : 11 – 14.
16. Marende BE. No. 806 : 1 ... ”Aha Pe Masa
Dingolumon” P. Pelean II
♫♪♫
Aha pe masa dingolumon Tuhan manjaga ho,
HolongNa do mangondihon ho Tuhan manjaga ho.
Reff: Tuhan manjaga ho las pe roham marsak pe ho,
Sai diramoti ho Tuhan manjaga ho.
♫♪♫
Sai disarihon do ngolumi, Tuhan manjaga ho,
Sai ditangihon tangiangmi, Tuhan manjaga ho.
Reff: Tuhan manjaga ho ………
----------------Musik---------------------
♫♪♫
Molo borat siporsanonmi, Tuhan manjaga ho,
Tung pe golap parnidaanmi, Tuhan manjaga ho.

Reff: Tuhan manjaga ho ………

17.Pujipujian dohot Panindangion denggan basa ni
Debata:
U : Alai anggo hita na sian arian, marroha na torang ma
hita, tasolukkon ma haporseaon dohot haholongon
songon baju partahanan jala tajujung ma pangkirimon
ni roha di haluaon! Tapuji ma Debata.
Puji ma Jahowa, ale tondingku, jala nasa rohangku di
bagasan mamuji goarna na badia i.
R : Puji ma Jahowa, ale tondingku, jala unang tung
halupahon denggan ni basana sudena.

Natal Umum HKBP 9

U : Ibana do manesa dosam sudena, Ibana pamalum
angka sahitmu sudena.
R : Ibana paluahon ngolum sian hamagoan, Ibana
martumpalhon tu ho denggan basa dohot asi ni
roha.
U : Ibana pamahap roham marhitehite denggan basa, asa
mulak poso ho, songon pidong raja wali.
R : Jahowa do patupahon angka pambahenan
hatigoran, jala dipatingkos uhum tu sude angka
na ni rupa.
U : Ibana do pabotohon angka dalanna tu si Musa, tu
angka anak ni Israel angka pambahenna i.
R : Parasi roha jala pardengganbasa do Jahowa,
lambat tarrimas jala parasi roha godang.
U : Ndang tongtong Ibana manorui, jala ndang gotos
rohana saleleng ni lelengna. Ndang dibahen tu hita
hombar tu angka dosanta, jala ndang dibaloshon tu
hita hombar tu angka hajahatonta.
R : Ai songon dao ni langit sian tano on do gogo ni
asi ni rohana di angka na mangkabiari Ibana.
U : Songon dao ni habinsaran sian hasundutan dipadao
Ibana sian hita angka pangalaosiontai. Songon asi ni
amaama tu angka anakna asi ni roha ni Jahowa di
angka na mangkabiari Ibana.
R : Ai diboto Ibana do tompanta, diingot do orbuk
hita.
U : Songon duhutduhut do ariari ni jolma na gale i,
marbunga ibana songon bunga di ladang. Ai dibolus
alogo ibana, jadi ndang disi be, jala ndang tartanda be
ingananna i. Alai anggo asi ni roha ni Jahowa sian
salelenglelengna do ro di salelenglelengna di angka na
mangkabiari Ibana, jala hatigoranna marnini marnono.
Di angka na mangaradoti padan binahenna i dohot
patupahon angka patikna i.

R : Marende BE. No. 574 : 1 – 2 “ Puji ma Debata”

♫♪♫
Puji ma puji ma Debata, na ni ainNa do umpuji Debata.
Nunga sesa dosami, malum dohot rohami.
Natal Umum HKBP 10
 Puji ma puji ma Debata, na ni ainNa do umpuji Debata.
♫♪♫
Olophon-olophon Tuhan i, hatindangkon denggan ni
basaNa i.
Sai arahon donganmi, ro tu sipalua i.
Olophon-olophon Tuhan i, hatindangkon ma denggan
basaNa i.
18. TangiangPelean + Tangiang Ale Amanami +
Pasupasu - Amen - Amen - Amen. (Agenda
HKBP)

Natal Umum HKBP 11