IBADAH BONA TAON

PUNGUAN STM CINTA KASIH

PERUM ROSINTON RAYA
- BATAM -
Selasa, 01 Februari 2022

Tema:
“PELIHARALAH KASIH PERSAUDARAAN”
(HEBER 13:1)

TEMPAT:
GEDUNG SOPO MINI MARPINGKIR
HKBP DAME ROSINTON
1 by.St. J Siagian
01. Marende BE 585 : 1 - 2 “SOMBA MA JAHOWA”
 Somba ma Jahowa Debata ta, Amen Haleluya,
sigomgom langit, tano on rodi isi na, Amen Haleluya.
Beta hita laho marsinggang tu jolona Amen Haleluya,
na Songkal jala nabadia do Jahowa, Amen Haleluya.
Reff: Endehon Amen Haleluya, Endehon Amen Haleluya, (4x) …. (Jongjong)
 Pujima Jahowa Debata ta, Amen Haleluya,
parasi roha Nasumurung do Ibana, Amen Haleluya.
Taendehon ma goar ni Debata ta, Amen Haleluya,
Ala ni denggan nib asana na tu hita, Amen Haleluya.
Reff: Endehon Amen Haleluya, Endehon Amen Haleluya, (4x)

02. VOTUM – INTROITUS – TANGIANG (U: ULUAN ; R: RUAS)

U : Marhitehite Goar ni Debata Ama dohot Goar ni AnakNa Tuhan Jesus Kristus dohot
Goar ni Tondi Parbadia, na tumompa langit dohot tano on. Amen.
Ahu do Alpa, Ahu do Omega, bonana dohot ujungna, ninna Tuhan i, na adong dohot
naung adong hian dohot na ro. Pargogo na Sumurung. Ale Tuhan sai Ho do haporusan
nami marsundut-sundut!
R : Tagan so tubu dope angka dolok, jala tagan so adong dope ditubuhon tano on
dohot portibi on, nunga adong hian Ho, ale Debata, sian saleleng nilelengna
rodi saleleng nilelengna.
U : Ai sobokkon sadari nantuari naung salpu do na saribu taon ianggo di jolma, jala
songon sada gansi parjaga di borngin.. Haleluya..!
R : (Mangendehon): Haleluya… Haleluya,,, Haleluya…!
U : Martangiang ma hita: Ale Tuhan Debata!, sian asi ni rohaM do umbahen na sahat hami
tu taon na imbaru on; Ho do na mangaramoti hami di bagasan taon na salpu i. Tama
do hami sude anggota ni Punguan STM Cinta Kasih Perum Rosinton Raya on mandok
mauliate tu adopan Mu na Badia i ale Tuhan, saluhutna tung ala asi dohot denggan ni
basaM do naung patariparhon hami tu taon 2022 on. Pasupasu hami ro di angka
ulaon na denggan nahuula hami marhite-hite GoarMu, alai nagumodang,
pasupasuhon ma hataM na Badia i tu rohanami, asa partohap hami di harajaon Banua
Ginjang i , naung pinaradem diangka naporsea tu Ho.. Amen …(Hundul)…

03. Marende BE. 70: 2 “NAUNG SALPU TAON NA BURUK I”

 O Jesus sai asi rohaM, paian denggan ni basaM,
muse di taon naimbaru on di nasa huriaM tongtong,
muse di taon naimbaru on di nasa huriaM tongtong.

04. PATIK NI DEBATA.

U : Patik ni Debata di Partangiangan Bona Taon-ta sadari on ima sian 2 Korint 5: 17
songon on ma di dok disi: “Asa molo dibagasan Kristus halak, Natinompa naimbaru
ma i. Nunga salpu pangalaho narobi, gabe naimbaru”. Ima sahat na antong rap
mangido gogo ma hita tu Debata laho mangulahon na hombar tu patik na I.
U+R: Ale Tuhan Debata sai pargogoi ma hami mangulahon na hombar tu Patik Mi.
Amen.

2 by.St. J Siagian
05. Marende BE 223 : 1 “HUSOMBA HO TUHAN”
 Husomba Ho Tuhan tangihon au, SangkapMu ma tongtong pasaut tu au,
lam ganda baenon Mi, holong ni rohangki, sai lam gandai holong tu Ho. ..(Jongjong)
 Uju na lilu au dao sian Ho, sai di lului Ho au, laos jumping do,
Ala ni holong do, rohangki non di Ho, sai lam gandai holong tu Ho.

06. MANOPOTI DOSA

U : Ale Jahowa, disulingkit jala di tanda Ho do ahu, Sai di boto Ho do manang na
jongjong ahu, manang na dao, di antusi hodo pingkiranku. Manang mardalan
manang modom ahu, di uduti Ho do ahu, jala tangkas do di boto Ho angka dalanku,
ai dang adong nanggo sada hata di atas dilangku, tongon do ale Jahowa, diboto Ho
do sude na i.
R : Mangendehon BE. 68:2 “IHUTHON AHU SUDE HAMU”
 Di udut Hodo hosangki paidaida ahu, manang adong parbue ni, naniulam di
ahu, hape jotjot tarhirim Ho, parbue I dang olo ro.
U : Ale Jahowa Debata Amanami, parasi roha Nasumurung. Najongjong do hami sadari
on di Pesta Bona Taon STM Cinta Kasih on mangido asi-asiM di hasesaan ni dosa
nami nagodang i. aut sura jujuronMu saluhut pangalaosion nami naso ture di taon
nasalpu i tung so tagamon do tarbahen hami margogo dohot marhahipason di taon
on; patut do uhumon Mu hami nian ala ni pangalaosion nami i, hape buas do asi ni
rohaM paloashon hami taripar tu taon na Imbaru on. Mauliate ma di Ho jala asi ma
roham di hami nang di Bona ni Taon on, pargogoi hami mangalo dosa nami asa
unang hona uhum nanggo sada sian hami..
R : Mangendehon BE. 68:5 “IHUTHON AHU SUDE HAMU”
 O Jesus sai urupi ahu di taon na ro mamboan, parbue angka na sai tau,
padaohon hamagoan. Sai pargogoi ma au tongtong, pasangap Ho di
ngolungkon.
U+R: Ale Tuhan sai unang ma paingot-ingot angka dosa ni haposoonghu dohot
pangalaosionghu, sai ingot ma ahu, ale Jahowa hombar tu asi ni rohaM, jala ala
denggan ni basaM. Amen.
- - - - - - Hundul - - - - - -

07. Maarende Be. 649:1 “DIPASADA AMA I”

 Di pasada Ama i angka naporsea i, ni rahutan ni holong ni Kristus i marhite TondiNa i.

08. Manjaha Epistel.

U : Tajaha ma Epistel di Pesta Bona Taon ta sadari on, natarsurat di 1Petrus 1:22. Dohot
1 Johannes 4:11, Songon on ma di dok disi: “Paias hamu ma rohamuna,
marpangoloion di hasintongan, mangeahi haholongon na so marlaok di dongan, asa
masihaholongan situtu hamu sian nasa roha,
R : Hamu angka haholongan, anggo songon i holong ni roha ni Debata di hita, tama
ma nang hita masihaholongan.
U : Ima sahat na. Martua ma angka natumangihon hatani Debata jala naumpeopsa.
Amen.

3 by.St. J Siagian
09. Marende BE 789: 1 “LULUI HAMU HARAJAON NI DEBATA”
 Lului hamu harajaon ni Debata rap dohot hatigoranNa, TambahononNa ma ondeng tu
hamu, Haleluya, Haleluya
Reff: Haleluya!, Haleluya!, Haleluya!, Haleluya!, Haleluya!,

10. Tangiang Pangondianon:

11. Marende BE 763: 1 “MOLO JESUS DONGAN MI”

 Molo Jesus Dongan mi las roham, Jesus i pangurupim las roham.
Hot haporeaon mi dohot pos ni roha mi mardonganhon Jesus I las roham.
Las roham, las roham mardonganhon Jesus I las roham
Marsinondang ma di ho Bintang panghirimon I, mardonganhon Jesus I las roham.

12. JAMITA: Heber 13:1 (oleh Bpk. Pdt. J.T.P. Aruan, S.Th.)

13. Marende BE No. 66 : 1 - - - “DEBATA BAHEN DONGAN MI” . . .(huhut papungu pelean)
 Debata baen donganmi, lao mangula ulaonmu, baen Ibana haposanmu; sai paserep
rohami, Debata baen dongan mi, Debata baen dongan mi.
 Debata baen donganmi, molo Debata donganmu, dang tarbahen ho be lilu, sai ture do
langkami, Debata baen dongan mi, Debata baen dongan mi.
 Debata baen donganmi, sai na saut do ulaonmu, sai na tulus do sangkapmu, jala sonang
rohami, Debata baen dongan mi, Debata baen dongan mi.

14. Tangiang Pelean – Ale Amanami – Pasupasu..

----------------------------------------------------------------------------------------------------------

DALAN TU PELABUHAN TOPI TAO TIGARAS

JOLO BOLUSON HUTA SIBUNTUON I
SAI DI TUMPAHI TUHAN HITA ON HORAS-HORAS
DAPOT MA SASUDE NANILULUAN I . . .

SUSUNAN ACARA PESTA BONA TAON STM CINTA KASIH PERUM ROSINTON RAYA:
1. IBADAH - - - - - - - - > (JAM. 10.00-11.00)
2. KATA SAMBUTAN DARI KETUA PANITIA - - - - - - - - -> (JAM. 11.05-11.10)
3. LAPORAN PERTANGGUNGJAWABAN BPH & PEMILIHAN
BPH BARU - - - - - - - - > (JAM. 11.10-11.45)
4. MAKAN BERSAMA & LELANG - - - - - - - - - - - - - - -> (JAM. 11.50-12.30)
5. GONDANG UNING-UNINGAN/ TORTOR - - - - - - - - > (JAM. 12.35-17.00)
6. DOA PENUTUP - - - - - - - - > (JAM. 17.00)

Horas....Horas......Horas....

4 by.St. J Siagian