ACARA PARTANGIANGAN TAON NA IMBARU

PUNGUAN TOGA PURBA BORU BERE

SIPEAPEA-SIDIKALANG-PAHIEME
Minggu, 15 Januari 2023

1. Marende No. 70 : 1 – 2 “Naung Salpu Taon Na Buruk i”

Naung salpu taon na buruk i, Ho ma hupuji Tuhanki
Ai diramoti Ho tongtong tondingku dohot dagingkon
Ai diramoti Ho tongtong tondingku dohot dagingkon
O Jesus sai asi rohaM, paian denggan ni basaM
Muse di taon naimbaru on di nasa huriaM tongtong
Muse di taon naimbaru on di nasa huriaM tongtong
2. Joujou Mamuji Debata : (U= Uluan, S= Sude)
U: Selamat Taon Baru ma di hita!
S: Selamat Taon Baru ma tutu.
U: Tapuji ma Amanta Debata, dohot anakNa Tuhan Jesus Kristus rap dohot
Tondi Parbadia naung mangaramoti hita mandalani Taon 2022 na salpui,
jala na paloashon hita mamasuhi Taon 2023 on.
S: Sai parrohai ma hami mamilangi angka ariari nami, asa dapotan roha na
bisuk hami.
U: Mandok mauliate ma hamu di Jahowa, ai pardenggan basa do Ibana, ai ro
di salelenglelengna do asi ni rohana i. Haleluya!
Martangiang ma hita: Ale Tuhan Debata, Pardenggan basa jala Parasiroha,
mauliate ma di denggan ni basaM dohot di pangaramotionMu saleleng di
taon 2022 na salpui. Godang do hahurangan dohot pangalaosion nami
maradophon Ho nang maradophon dongan nami jolma. Marpamuati ma
roham di hahurangannami i ale Debata. Asi ma rohaM di hami. Mauliate
ma rohanami tu Ho ala diloas Ho hami bongot tu taon na imbaru 2023 on.
On pe, tondiMi ma namandongani hami, asa tarbahen hami mandalani taon
na imbaru on. Ho ma na manjoloani langkanami asa Ho huihuthon hami.
Dibagasan Goar ni Tuhan Jesus Kristus, jalo ma tangiang dohot pujipujian
nami on. Amen.
3. Marende No. 64 : 1 – 2 “Naung Moru Do Muse Sataon”
Naung moru do muse sataon huhut lam suda bohalhi
beha do au na sai laon ture do pangalahongki
lam ganda haporseaonku nang holong ni rohangku pe
di Jesus dohot Debatangku nang di donganku sasude
 Aut alusanku Debatangku ra tung maila au disi
marningot salpu ni rohangku ro di sude ulaonki
Ai dosa do binaen ni tangan Gok dosa nang rohangku pe
Nang pat nang mata Nang pamangan Luhut marsala do hape
4. Manjaha Turpuk sian: 2 Korintus 5 : 16 – 21
U: Turpuk di partangianganta ima na tarsurat di 2 Korint 5 : 16 – 21. Ala ni i,
ndang hutanda hami be manang ise mangihuthon pardagingon; jala nang pe hutanda
hami najolo Kristus mangihuthon pardagingonna, ndang be hutanda hami anggo
nuaeng.
S: Asa molo di bagasan Kristus halak, na tinompa na imbaru ma i. Nunga salpu
pangalaho na robi, gabe na imbaru.
U: Sudena i sian Debata do; ai Ibana do padengganhon hita tu dirina marhite Kristus,
jala dilehon do tu hami tohonan pardengganan i.
S: Ai di bagasan Kristus do Debata, gabe dipadenggan do portibi on tu dirina, ai ndang
dijujur tu nasida dosanasida, jala dipajongjong do di tongatonganami hata
pardengganan i.
U: Onpe, partonaan ni Kristus do hami, ai na mangapoi do Debata marhite sian hami.
Singkat ni Kristus do hami mangelehelek: Sai olo ma hamu padengganon tu
Debata!
S: Ai on do dipatupa Debata: Humongkop hita gabe dosa Ibana, na so tumanda dosa,
asa gabe hatigoran ni Debata hita di bagasan Ibana.
U: Ido sahatna, Martua do natumangihon Hata ni Debata jala na umpeopsa. Amen.
5. Marende No. 68 : 1 + 5 “IHUTHON AU SUDE HAMU”
Masilelean angka taon Ro di ujungna sogot
O Jesus lehon parrohaon Na naeng tongtong marningot
Di halalao ni aringki Huhut manimbang ujung ni
O Jesus sai urupi au, di taon na ro mamboan.
Parbue angka na sai tau padaohon hamagoan.
Sai pargogoi ma au tongtong pasangap Ho di ngolungkon.
6. Renungan:
7. Marende No. 69 : 1 + 3 “Ungkap Bahal Na Ummuli”
Jesus sai urupi hami Dohot di taon baru on
Paimbaru gogonami Mangihuthon Ho tongtong
Pasupasu ma muse Na porsea sasude
Taon parasinirohaon Baen di au sandok taon on
Lam pahot ma hasesaan Ni dosangku di au on
Holan Ho do Jesuski Tuk pasaehon dosangki
8. Tangiang Pangondianon:
9. Marende No. 63 : 1 “Jesus Ho do Sai Tongtong”
Jesus Ho do sai tongtong Dihaposi rohanami
Nang di taon na’mbaru on Ingkon Ho do dongannami
Tanda hot do padan i Dibagasan mudarMi
10. Mandok Hata Sian:
1. Dongan Tubu
2. Boru-Bere
11. Marende BE.753 “Dipardalanan Jesus Di Jolongku” Papungu Pelean
1. Dipardalanan Jesus dijolongku, Holong ni tanganMi manogu au
Nang di ngoluku Ho do sombaongku, Tung sonang mardalan raphon au.
Huboto do tangkas pangouonMu, Diiringiring Ho do langkangki
Sahat ro di ujung ni pardalanku, Togu ma au jonok tu lambungMi,

2. Sipata lilu haporseaonhu, Ni lilianan ni portibi on

Alai dung Ho hutatap o Tuhanku, Margogo doau dingolungkon
Huboto ………
3. Patogu ma Tuhan haporseaonku, Asa polin tu Ho manghirim au,
Tu surgo I patulus pardalananku, TondiMi maringan ma di au.
Huboto do ………

12. Tangiang Pelean dohot Panutup

U: Tatangianghon ma Peleanta: Ale Tuhan Debata Amanami, haroroan ni
saluhut pasupasu na mauliutus, godang do hujalo hami asi ni rohaM di
ariari naung hubolus hami di taon na salpu i. Mauliate ma di Ho apala di
bona ni taon on hu pasahat hami pelean nami tu Ho, sai jalo mai gabe
pelean na hushus di adopanMu. Pasupasu ma na niula ni tangannami be
nang di taon naimbaru on, jala ajari hami manghamauliatehon saluhutnai
marhite parange nang pambahenan nami. Ungkap rohanami asa sai
ringgas hami pasahat pelean tu Ho hombar tu asi ni rohaM naung hu jalo
hami, marhite Kristus Jesus Tuhan nami. Amen. Rap ma hita mandok
Tangiang Ale Amanami!
S: Ale amanami..............................

MARSIJALANGAN HUHUT PASAHATHON

“SELAMAT TAHUN BARU”