PARTORDING NI PARTANGIANGAN

PABORHAT PARSINGKOLA MANGADOPI

UJIAN DI PARSINGKOLAAN
SIAN TINGKAT SD/SMP/SMA/SMK

Di :
HKBP PARBUBU RESSORT PARBUBU
Minggu, 06 Maret 2022
1. JOUJOU MARSAOR DOHOT DEBATA
U: Di hamu ruas ni huria tarlumobi ma angka ianakhon na naeng mangadopi ujian
diparsingkolaan. Molo pe adopanmuna ujian, ndada sihabiaran i, ala nunga tangkas
di parsiajari hamuna di parsingkolaan. Dalan doi dipatupa pamarentanta laho
mangevaluasi hatauonmuna dohot marnida parsitutuonmuna na marsiajar saleleng
on. Alani i pasahat hamu ma ngolumuna tu Debata, asa Debata ma na mangalehon
bisuk dohot mangajarajari hamu saluhutna. Tama ma hita mandok mauliate tu
Debata ala dipaloas dope hita pajumpang dohot patupa partangiangan di punguan on.
Alai unang ma mansohot pamujionta tu Debata di na mamungka dohot paujunghon
ganup ulaonta.
R: Mauliate ma di Ho Tuhan ala diparmudumudu Ho do ngolunami, boi pajumpang di
bagasan las ni roha, jala unang ma mansohot asi ni rohaM tu hami sahat ro di
salelengnilelengna.
U: Antong, tanda ni mauliate ni rohanta di pandonganion dohot pangaramotion ni
Debata di ngolunta, tapuji ma Debata marhite Ende sian BE. 569:1 + 3
2. MARENDE BE. 569:1 + 3 “O Debata Tung Longang”
1. O Debata tung longang do rohangku, Molo hubereng na tinompaMi,
Saluhut bintang, hilap dohot ronggur, manghatindanghon hasangaponMi,
Reff: Marende au Tuhan mamuji Ho, O, Debata, sangap do Ho.
Marende au Tuhan mamuji Ho, O, Debata, sangap do Ho.
1. Molo huingot balga ni holongMu, Marhite Jesus na tarsilang i.
Anak sasadaMi O Debatangku, dilehon Ho manobus jolma i.
Reff: Marende au ...d.u.
3. VOTUM – INTROITUS – TANGIANG
U : Mangasahon Goar ni Debata Ama, AnakNa Tuhan Yesus Kristus dohot Tondi
Porbadia ma hita mangula ulaon on, Amen. Songon on do Hata ni Tuhan Jahowa;
manang ise na mamelehon pujipujian dohot hamauliateon, i do na pasangap Ahu
jala mambahen dalan, asa hupatuduhon tu ibana hatuaon ni Debata.
R : Ditimbang rohanami do, ale Debata, asi ni rohaM diparsitongaan ni parsaoran i.
Suman tu goarMu do baritaM, ale Debata, ro di ujung ni tano on, gok hatigoran di
siamunMi. Timbul do Jahowa jala pujion situtu do di bagasan huta ni Debatanta,
di atas dolok habadiaonNa i.
U : Halomohon Jahowa, jadi lehononNa ma tu ho na pinangido ni roham. Pasahat ma
dalanmu tu Jahowa jala haposi Ibana, asa Ibana paturehon. Pahohom ma roham
maradophon Jahowa jala Ibana paimaima. Sai marhaposan tu Jahowa ma ho, jala
ulahon na denggan. Ai holong do roha ni Jahowa mida uhum jala ndang
tadinghononNa anak na niasianNa.
R : (Mangendehon) BE. 262 : 1 “Jahowa Tuhanki”
1. Jahowa Tuhanki, Ho mual ni na denggan,
Sitompa sasude, silehon hangoluan
Sai lehon ma di au, pamatang na hipas,
 Maringan ma di au, baen roha na ias.
U : Martangiang ma hita! Ale Tuhan Debata, sai togutogu jala rajai ma rohanami
marhitehite tondiM i, asa olo hami manangihon dohot manjalo hataM. Sai pahot
ma hataM di bagasan rohanami, asa lam imbaru jala lam badia rohanami di
bagasan holong na masihaholongan. Sai urupi ma sude ianakhon ni huriamon, asa
marsitutu nasida mangadopi ujian jala lehon ma bulus ni roha, konsentrasi, jala
padao ma angka parsahiton sian nasida, asa boi hipas jala hiras nasida mangadopi
ujian i. Ale Tuhan, pargogoi ma nang na toras nasida di na laho mandasdasi dohot
paborhathon ianakhon nasida tu ujian i, asa tulus saluhutna na sinangkapan nasida,
ganda ma las niroha nasida jala tangkas ma dihajongjonghon nasida huaso dohot
hagogoonMi, asa lam marhaposan hami tu AnakMu, Tuhan Jesus Kristus, asa
jumpang hangoluan saleleng ni lelengna. Amen.
4. MANJAHA EPISTEL : I Korintus 3: 10 – 20.
U: Hamuna angka dongan sapunguan, tajaha ma hata ni Debata na naeng mambohali
hita tu ngolu siapari, tarlumobi ma mambohali hamu angka ianakhon na naeng
ujuan, ima na tarsurat di 1 Korintus 3: 10-20
R: Hombar tu asi ni roha ni Debata na nilehonna i tu ahu, hupauli ojahan i songon
binahen ni pande bagas na bisuk; na asing do muse pajongjong bagas i. Alai ganup
ma mamatahon, manang beha pangulaonna disi.
U: Ai ndang tarpauli ojahan na asing, dungkon ni naung ojak i, i ma Jesus Kristus i.
R: Asa molo dipauli di atas ojahan i manang sere, perak, batu na arga, hau, lamlam
manang durame:
U: Gabe patar do na niula ni ganup. Ari sogot i do paullophonsa, ai papataron ni api ma
i; asa api i do mangunjuni, manang beha ulaon ni ganup.
R: Molo hot ulaon na pinaulina i, jaloonna do upa.
U: Molo soksohanna niulana i, luangan ma ibana; malua do nian anggo ibana, alai
songon na nienet sian api nama.
R: Ndang diboto hamu; Joro ni Debata hamu, jala Tondi ni Debata maringanan di
bagasan hamu?
U: Agohonon ni Debata do na mangagohon joro ni Debata, ai na badia do joro ni
Debata; i ma hamu.
R: Unang adong na paotootohon dirina. Molo adong dietong na bisuk di tongatonga
muna di portibi on, gabe na oto ma ibana jolo, anggiat gabe bisuk muse.
U: Ai anggo di jolo ni Debata haotoon do habisuhon ni portibion, ai tarsurat do:
“Ditangkup do angka na bisuk di bagasan angkalnasida.”
R: Jala muse: “Diboto Tuhan i do, na so marniula pingkiran ni angka na bisuk!”
U: Martua ma na tumangihon Hata ni Debata jala na umpeopsa. Amen.
4. MARENDE BE. 467: 1 “ASI NI ROHAM HUPUJI”
1. Asi ni rohaM hupu ji ala Ho manobus au.
Di paIas Ho rohangku, ga-be soranganMu Au.
IngananMu rohanami. TondiMi manggohi i.
Pangke dohot ngolunami gabe ulaulaMi.
5. RENUNGAN :
6. MARENDE BE. 814 : 1, 2 “SAI AJARI”
1. Sai ajari au Tuhanku di na martangiang au,
patuduhon tu rohangku sangkap ni roham di au.
Songon na binaen ni Jesus, na manaon humophop au,
Unang lomo ni rohangku, lomo ni roham ma saut.
2. Nasa na mauliutus dipatupa Ho di au,
panolopi do tondingku di sangkapmu na tu au.
Mangauhon pambaenanMu di na marsitaonon au,
Unang lomo ni rohangku, lomo ni roham ma saut.
7. TANGIANG : Mewakili Natoras
8. MARENDE BE No. 716: 3 “DI NA MAMOLUS SANDOK”
3 Ula na denggan tu halak sude, songon binaenNa tu ho,
Ingot urupi luhut na gale, gabe parholong ma ho
Bahen ma ahu parhiteanMu pasupasuM ma baor ma I
Ale Tuhan hupatupa ma au baen pasupasu tu dongan sude.
9. TANGIANG : Sian Uluan ni Huria
ACARA PABORHATHON : (jongjong angka naeng ujian)
U : Ahu Uluan ni huria HKBP Parbubu paborhathon hamuna ianakhonnami
parsingkola na naeng mangadopi ujian di tingki na naeng ro on. Sai diparbisuki
Debata ma hamu, dilehon Tuhan i ma di hamu hahipason, pingkiran na torang,
dohot las ni roha di na mangadopi ujian hamu. Sai tulus ma na sinangkapan ni
rohamuna jala marsihohot ma hamu tu Tuhan i ai di Ibana do hasangapon ro di
saleleng ni lelengna. Amen.
10. MARENDE BE. 691: 1 + 3 “Hupasahat ma tu Jesus” (PP)
1. Hupasahat ma tu Jesus saluhutna ngolungki,
Roha nang pambaenanku saluhutna tingkingki
Hupasahat ma tu Jesus saluhutna diringki,
Hupasahat ma tu Jesus saluhutna ngolungki.
2. Mauliate ma rohangku, ala au hinophopMi,
Pujionku ma goarMu, salelengna i.
Hupasahat ma tu Jesus saluhutna diringki,
Hupasahat ma tu Jesus saluhutna ngolungki.
11. TANGIANG PANUTUP
MANDOK HATA BORHATBORHAT :
1. Mewakili Natoras
2. Parhalado Huria
3. Pembagian Telor dalan manambai gogo ni angka na lao ujian Sikola
4. Maju ma natoras tu jolo laos di jalang angka ianakhon.
SELAMAT MENEMPUH UJIAN TUHAN MEMBERKATI.