0 penilaian0% menganggap dokumen ini bermanfaat (0 suara)
229 tayangan1 halaman
1. Sermon membahas tentang membangun persekutuan yang saling mengasihi berdasarkan tiga ayat Alkitab dari Kisah Para Rasul.
2. Persekutuan yang sehat dicirikan oleh persatuan rohani, kebersamaan, dan pembagian karunia rohani.
3. Persekutuan gereja harus terus tumbuh seperti tumbuhnya manusia, dengan makanan rohani dan kasih Tuhan.
Deskripsi Asli:
Judul Asli
4. Sermon Ev. Ulaon ni Apostel 4, 32-37 (Minggu Quasimodogeniti, 11 April 2021)
1. Sermon membahas tentang membangun persekutuan yang saling mengasihi berdasarkan tiga ayat Alkitab dari Kisah Para Rasul.
2. Persekutuan yang sehat dicirikan oleh persatuan rohani, kebersamaan, dan pembagian karunia rohani.
3. Persekutuan gereja harus terus tumbuh seperti tumbuhnya manusia, dengan makanan rohani dan kasih Tuhan.
1. Sermon membahas tentang membangun persekutuan yang saling mengasihi berdasarkan tiga ayat Alkitab dari Kisah Para Rasul.
2. Persekutuan yang sehat dicirikan oleh persatuan rohani, kebersamaan, dan pembagian karunia rohani.
3. Persekutuan gereja harus terus tumbuh seperti tumbuhnya manusia, dengan makanan rohani dan kasih Tuhan.
Tempat : HKBP Bagan Batu Kota Jamita tu : Minggu Quasimdogeniti, 11 April 2021 Topik : Pajongjong Parsaoran na masihaholongan (MEMBANGUN PERSEKUTUAN YANG SALING MENGASIHI) ==================================================================================
1. PATUJOLO. o Songon goarna i, ia Buku Ulaon ni Apostel i ma na mamaritahon ulaon ni angka apostel ni Jesus do on mamaritahon Barita Nauli. Ia rumang ni na binaritahonnasida na marbona do i sian Haheheon ni Tuhan Jesus sian na mate. Lapatanna nionjar ni Haheheon ni Tuhan Jesus do umbahen na barani jala marsitutu angka sisean i marbarita nauli. Aut so alani i, rumar do jamita i, jala rumar do nang haporseaonta (1 Korint 15: 14,17). Jadi mansai tangkas do panghorhon ni haheheon ni Jesus umbahen na borhat nasida marbarita nauli. Jala i do unok ni Barita Nauli : Haluaon di bagasan Kristus Jesus marhite hamamate dohot haheheonna. o Alai laos boi goaron do buku Ulaon ni Apostel on buku na mamaritahon taringot tu Ulaon ni Tondi Pabadia. Ai Tondi Parbadia i do na manogihon angka sisean dohot torop halak na ginohan ni Tondi Iigabe borhat marbarita nauli. Jala songon i do sahat tu sadari on. Tondi Parbadia i do na tongtong mangula jala marturasi di roha ni torop halak umbahen sahat Barita Nauli nang tu hita on. Hombar do i tu bagabaga ni Tuhanta Jesus di Tona ParsuruonNa di Mateus 28 : 18- 20 i, i ma na ginoran Amanat Agung Tuhan Jesus. Tondi Parbadia do na manjou, mamillit, mambohali, margogoi ro di na manjoloani langka ni angka na porsea laho marbarita nauli. o Alani i laos boi do rajuman buku Ulaon ni Apostel on songon sejarah ni Huria Bona (Sejarah Gereja Mulamula) na mamaritahon angka ulaon habalgaon ni Debata marhite angka na porsea. Barita (sejarah) taringot tu panggulmiton ni ngolu ni angka na porsea, rumang ni ngolu partondionna dohot hatotoras ni poda haporseaon na jumpang di huria i. Turpuk jamita on ma na patuduhon deba sian panggulmiton ni ngolu parhuriaon dohot partondion ni angka na porsea na parjolo i na jumpang di angka parsaoran si ganup ari 2. Dihangkam na tolu ulaon panjouon ni huria do, i ma : Koinonia, Marturia dohot Diakonia, sude panggulmiton ni ngolu ni angka na porsea i. Nang di turpuk on mansai nalnal jala tangkas do i, i ma . o Saroha saoloan.(sehati sejiwa) Molo marpungu nasida (marsaor = bersekutu) papatarhon na saroha-saoloan do nasida mangoloi Debata. Lapatanni i ala pangoloion nasida tu Kristus do umbahen na pungu nasida. Ndang adong motivasi na asing, so holan ala pangoloion (parsombaon = ibadah) tu Debata. Ndang na mangoloi jolma nasida, jala ndang ala na ringkot (kepentingan) ni sadasada halak nasida umbahen pasaorhon dirina tu huria i. Alani i molo gabe muba pangoloion i, gabe pangoloion tu jolma nunga manimbil be i. Ndang talup na songon i bongot tu parsaoran nabadia, i ma huria i. Ia suhatsuhat ni na saroha i ma ngolu partondion, i ma na martangiang nasida sian sada ni roha (1:14) songon hasadaon na digombarhon di Efesus 4 :4-6 i. Mangoloi Debata sian nasa ROHA, ATEATE dohot GOGO. o Tondi Hatopan (kebersamaan). Dipatuduhon (ditampilkan/diperagakan/dilakonkan) nasida sada rumang ni ngolu na tandi jala asing daina sian na somal di na humaliang. Rumang ni kebersamaan na mansai marasing sian hasomalan na masa di na humaliang. Marhite hasomalan na imbaru i do nasida marbarita nauli. Marhite pola hidup sehari-hari i do bersaksi taringot tu na nihaporseaan nasida. Boi ma dohonon : Marbarita nauli marhite pangalaho = Menginjili melalui pola hidup sehari-hari. Jadi ndang mangasahon parbinotoan dohot huaso nasida marbarita nauli alai marhite pola/gaya hidup do. Tondi hatopan do na mangkehei hiras ni roha/semangat di nasida o Marhagogoon situtu. Hiras dohot sada ni roha i do na mangalehon gogo di angka sisean i laho manghobasi ngolu partondion ni huria i. Jala unok ni ulaon marbarita nauli, i ma HAHEHEON NI JESUS. Ingkon i do na gabe ondolan ni ulaon marbarita nauli asa tongtong polin huria i mangoloi Kristus. Molo gabe morot do sian i, pasti do manghorhon angka ulaon na gabe partuktuhan di huria i. Molo gabe lipe orientasi ni huria, gabe mara ni partondion do panghorhonna. o Marsilehonlehon sian bulus ni roha. On do hasurungan ni angka naporsea. Ingkon gabe tanda manang parbuae ni haporseaon do silehonlehon. Manang aha pe dilehon manang dipatupa di tonga ni huria i, ingkon hataridaan ni haporseaon na marparbue do i. Ai angka naung dapotan asi ni roha do hita. Silehonlehoin ni Debata do haluaonta i. I do umbahen ungkap roha ni ruas i sahat tu na ‘manggadis golatna’ bahen tu na ringkot pauliulihon punguan i, i ma pamatang ni Kritus (ay 34, 37). Ndang na so adong hak parnampunaon (bnd. Martampuk bulung marbona sangkalan), alai hak parnampunaon i, ndang diihoti roha diri (egoism) na mansai hapal. Sai girgir do manarihon jala sai rade mangurupi. 3. Songon posoposo na imbaru tubu. Songon ngolu ni hita jolma na imbaru tubu, mansai ringkot do pangaradotioan na tangkas, asupan makanan na sehat jala na menopang pertumbuhan. Laos songon i do nang ngolu partondionta. Na ditubuhon paduahalihon do hita marhite haheheon ni Tuhan Jesus. Alani ingkon radot do di ngolu partondionna, marhite : Na pauliulihon parsaoran na togu (intim) dohot Debata (Bona ni ngolu); Na tongtong mangharingkothon sipanganon partondion na ‘sehat’ jala na ‘rutin’ (manongtong), i ma HATA NI DEBATA asa jumpang haporsseaon dohot ngolu partondion (spiritualitas) na mangolu, hisar jala hiras. I ma na manghorhon haporseaon na terus bertumbuh gabe lam magodang.