KESERAGAMAN PELAYANAN DAN PENATAAN JEMAAT

HKBP DISTRIK XIII ASAHAN LABUHANBATU

(Disesuaikan dengan Keputusan Rapat Pendeta HKBP sampai 2021)

KONFESSI DOHOT RUHUT PARMAHANION PAMINSANGON HKBP

 PANDIDION NA BADIA
1. Ingkon natoras (amangna dohot inang) ni dakdanak i do mamboan iananghonna tu bagasan pandidion,
asing ma molo sopot dakdanak i so marama, so marina na boi do sisolhotna mamboan.
2. Gereja harus datang mendoakan keluarga yang anak bayinya meninggal dunia sebelum dibaptis
3. Ndang sipasahaton Pandidion tu oanakhon ni na bali sian huria saleleng so dijangkon mulak tu huria na
bali i. Alai molo mansai posi sahit ni iananghon nasida i, pola matematene,pasahaton ni huria do
pandidion na hinipu tu dakdanak i
 PARGURU MANGHATINDANGHON HAPORSEAON
1. Angkup ni Padan na Robi, Padan na Imbaru dohot Kathekismus mansai denggan do ajarhonon tu angka
Parguru i angka na ringkot botoon ni angka parguru i na marhahonaan tu huria isara ni: Sejarah HKBP,
Aturan Paraturan, Konfessi nang RPP ni HKBP
2. Na ummotikna 100 hali parguruan ni angka Parguru i, dung i pe asa talup nasida manghatindanghon
haporseaon dung jolo mamolus ujian tertulis dohot ujian lisan niadopan ni natoras/wakilna.
3. Mansai denggan molo dipatupa huria dua horong Parguru i, ima na reguler (angka na marumur 14-18 taon)
dohot na irreguler (angka naung Mahasiswa manang parkarejo marumur 19 taon tu ginjang). Ingkon pulik
do ajaran ni huria horong na dua i jala ndang dos lelengna marguru. Lumeleng ma na reguler i sian na
irreguler.
4. Molo adong naeng marhasohotan sian hurianta manang sian huria na so sapoda dohot hita, manang sian
ugamo na asing, tarpatupa huria do tu nasida parguruan na jumempek andorang so manjalo pasupasu
parbogason nasida.
 PARTUMPOLON DOHOT PARBAGASON
1. Acara Tukar Cincin dipatupa di Ibadah Partumpolon
2. Perkawinan hanya diizinkan apabila pria dan wanita sudah mencapai umur 19 (sembilan belas) tahun.
Dalam hal terjadi penyimpangan terhadap ketentuan umur sebagaimana dimaksud, orang tua pihak pria
dan/ atau orangtua pihak wanita dapat meminta dispensasi kepada Pengadilan dengan alasan sangat
mendesak disertai bukti-bukti pendukung yang cukup. ( UU No.16 Tahun 2019 tentang Perubahan atas
Undang-Undang Nomor 1 tahun 1974 tentang Perkawinan ).
3. Na ginoaran na so sapoda dohot hurianta, i ma angka na manggoari dirina huria alai ndang dos
pangantusion dohot pangulahononta dohot nasida taringot tu sakramen. Ima angka huria na Pentakostal
dohot Karismatik, ndang sipatupaonta surat hatorangan sian hurianta tu huria na songon i. Sipabalionta do
ruasta molo masuk huria na songon i.
4. Alai marasing do hurianta maradophon Huria Roma Katolik domu ala adong na ginoaranna Joint
Declaration of Justification on Faith ni Lutheran World Federation (Federasi ni huria Lutheran saportibi)
dohot huria Katolik di taon 1999, i ma naung sisada haporseaon do hita rap dohot nasida taringot tu
Pamintorion ala Haporseaon (Pembenaran oleh Iman), hot do ingkon marguru nasida molo naeng masuk
tu hurianta, alai taringot tu parbogasan, tarlehon hurianta do surat hatorangan ni ruasta tu huria i jala molo
di huria Katolik do nasida manjalo pasupasu parbogason, rajuman ma ruasta i naung masuk tu huria
Katolik, alai ndang pola adong tingting parbalion tu nasida jala parbogason i pe ndang pola tingtinghononta
di hurianta.
5. Molo sirang sada ripe di Pengadilan, holan na manuntut parsirangon i do sipabalion, hot do
haruason/haparhaladoon ni dongan saripena na so satuju tu parsirangon i. Molo naeng mardongan saripe
muse na pasiranghon i, jolo ingkon marhasohotan do siniranghonna i, manang monding, asa tarjalo ibana
mulak tu huria jala talup mardongan saripe. Alai dao dumenggan do molo boi mardenggan muse
parsaripeon ni naung sirang i. Molo naeng mambuat boru manang muli na pasiranghon i, sijaloon ni huria
do surat panindangion/hatorangan sian keluarga ni na sirang i tinolopan ni pamarenta na tumoru di luat i.
6. Rajuman do naung sirang ripe molo nunga tangkas sada manang duansa nasida marbagas roharoha tu
halak na asing manang marmainan (berzinah) jala ingkon tangkas do adong pangokuan manang naung
tangkas diputushon pengadilan taringot tu parmainanon i jala tangkas ditingting bali parsala i. alai molo olo
do nasida nadua mardenggan jala masisesaan dosa ndang ingkon sirang nasida alai hot do padalanon

1
 uhum ni huria tu parsala i Jala boi do marhasohotan marhite pasupasu ni huria baoa manang boruboru na
lias sian parmainanon i atik pe ndang muli/mambuat boru donganna saripe hian
7. Molo dung sirang tungganeboru/tungganedoli na parpudi jala muli/mangoli muse tu na asing, manang
monding, jaloon ma halak i marguru manopoti, asa dijangkon mulak tu Huria. Sijaloon ni huria do surat
panindangion/hatorangan sian keluarga na sirang i tinolopan ni pamarenta na tumoru di luat i.

Sumber:
1. RPP HKBP
2. Kompilasi Daftar Keputusan Rapat Pendeta HKBP
3. Laporan Komisi Teologi HKBP 2021
4. Buku Keseragaman dan Pelayanan dan Penataan Jemaat HKBP Distrik XIII Asahan Labuhanbatu