PARTORDING NI ACARA UJUNG TAON PARHURIAON

PARNINGOTAN DI ANGKA NAUNG MONDING

======================================================

MINGGU 24 NOPEMBER 2019

HKBP DISTRIK VI DAIRI

DEBATA NA SANGAP
MANGUHUMI SALUHUT BANGSO
======================================
EV : Habakuk 3:1-6
Ep : Mateus 13:47-50
====================
HKBP DISTRIK VI DAIRI
Jalan Gereja No 1 Sidikalang, Dairi
1) Tata Ibadah Minggu Ujung taon Parhuriaon/Parningotan di angka naung monding
01. Joujou Tu Parsombaon: U - Uluan, H: Huria
U: Hamu angka dongan na hinaholongan ni Tuhan Jesus Kristus. Sadari on nunga sahat
hita tu Minggu Ujung Taon Parhuriaon. Huria ni Tuhanta, andorang so tapungka
parsombaonta tu adopan ni Jahowa, tama do jumolo botoonta, ia parminggunta
sadari on, ndada parmingguon hasomalan sambing . Hombar tu Kalender taon
parhuriaon, minggu sadarion digoari do minggu ujung taon parhuriaon.
Dipasunggulhon kalender taon parhuriaon i do, na ingkon sahat do hita tu tingki
parujungan, ima ari ni Tuhan i. Na ingkon marujung do saluhut na tinompa ni
Tuhan i, nang hita jolma manisia. Angkup ni i, laos digoari do minggu sadari on
Minggu parningotan di angka na monding, laho pasunggulhon tu hita asa
mangarade hita tu ari parujungan i marhite haporseaon dohot panghirimon na
togu di Kristus i, ai holan Debata na sangap i do na manguhumi bangso
H: Pinuji ma Debata naung pasahathon hita tu Ujung Taon Parhuriaon on.
U: Laos di ari Minggu sadari on patupaonta do parningotan ni angka na monding di
na sataon parhuriaon on.
R: Pinuji ma Debata na tongtong mangaramoti jala margogoihon hita mamolus
rura partangisan on.
U: Huria na hinaholongan ni Tuhan Jesus Kristus martangiang na hohom ma hita di
bagasan rohanta be tapangido ma tu Debata asa diungkap roha nang pingkiranta
jala di parbadiai, asa tau hita marparsaoran dohot Ibana di parsaoran na badia on.
(martangiang na hohom – manghuling musik angonangon sian BE.No.695 sa-
ayat)
U: Tapangiar ma soaranta manghatindanghon hasonangan do jambarta, molo Ibana
do sai talului jala asi ni rohaNa sai tapahusor di pingkiranta marhite ende sian
BE.No.834:1-2
02. Marende: BE. 834: 1 – 2 “Namasihol do rohangku” (BL. 834)
♫♪♫ Na masihol do rohangku tu na sonang i Tu inganan ni Tuhanta i, tano
on ro di sude Na pangisina i susa sai susa rohangki Marolopolop
rohangki di surgo di na sonang i, Soada na hurang sabam sonang rohangki,
Molo dung sahat au tusi.
_____________Musik_____________ (Jongjong)
♫♪♫ Ai andigan idaonku haholonganki, Raphon Jesus ale-alengki,
Haholongan na badia sian Jesus i, Sonang sai sonang rohangki.
Marolop-olop ………
03. VOTUM - INTROITUS – TANGIANG
U: Marhitehite Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia na tumompa langit dohot tano on. Amen. Songon
on do hata ni Tuhan Jesus : Na monang i do siparulosan dohot angka ulos na
saksak, jala ndang sesaonKu goarna sian pustaha hangoluan, jala parhatopotonku

2) Tata Ibadah Minggu Ujung taon Parhuriaon/Parningotan di angka naung monding

 do goarna di jolo ni Damang dohot di jolo ni angka surusuruanNa.
HALELUYA!
H: (Mangendehon) Haleluya! Haleluya! Haleluya!
U: Martangiang ma hita ! Ale Tuhan Jesus, Tuhan ni angka na mate dohot angka na
mangolu! Ho do nampuna hami, manang mangolu manang mate pe hami. Nang pe
mardalan hami di rura nilinggoman ni hamatean, ndang huhabiari hami be
hamatean, ai Ho do dongannami. Ndang tartiop hamatean manang tanoman be
hami, ai Ho do Tuhannami naung humophop hami, jala Ho nampuna hami. Ro
hami nuaeng tu Ho mangido: Sahat tu Ho ma tondinami dohot dagingnami, asa di
Ho hami manang na mangolu manang na mate pe. Sai tiop ma tangannami, urupi
hami marhitehite panghophopMi, asa sahat hami tu hangoluan na so ra suda. Amen
(Hundul )
04. Marende : BE No. 544 : 1 “Molo ro Panjouni Tuhan” (BL.419)
♫♪♫ Molo ro panjou ni Tuhan, molo salpu tingki on,
Molo binsar bintang sipaias i, Jala sahat ma tu ginjang angka na tinobus i,
Dohot au dibaen Tuhanta lao tusi.
Molo jouon ni Tuhanta angka goar di pustaha, dibaen asi ni rohana,
alusanku : O Tuhanku, au dison.
05. P a t i k : Konfessi HKBP Bindu 15
U : Patik di hita di Minggu Ujung Taon Parhuriaon dohot Parningotan ni angka na
monding sadari on i ma sian Konfessi HKBP Bindu 15. Songon on ma
pandohanna: Tahatindanghon jala tahaporseai do: hamatean i do ujung ni
ngolu ni jolma di portibi on, maradian ma ibana sian sandok ulaonna.
Adong haluaon di angka na porsea paboa Jesus Kristus naung hehe i do
pangoluhon jolma sian na mate.
H : Martua do na mate di bagasan Tuhan i na satia ro di ujung na.
U : Dipatupa huria do parningotan di angka na monding laho padungohon
haporseaonta marningot ajalta sandiri huhut pahothon panghirimon di
hamonangan ni Kristus manaluhon hamatean, songon i nang panghirimon di
banuaginjang sambulo ni tondinta dohot di hadodomu ni na porsea i dohot
Tuhan Debata sahat tu na ro Jesus Kristus di na paduahalihon. Marhite poda on
taondolhon do panghirimon di haluaon ni jolma sian angka na mate di bagasan
Jesus Kristus.
H : Taalo do pikiran na mandok boi na mangolu manjalo pasupasu sian na
mate.
U : Taalo do pikiran na mandok paboa na adong pardomuan ni na mate dohot na
mangolu marhite tangiang manang mendoakan arwah-arwah. Taalo do pikiran
na mandok ingkon pajongjong tugu laho pasangaphon na monding, dalan
pangalapan pasupasu tu pinomparna. Jala marhite poda on tatulak do sude
rumang ni na pinodahon ni ugamo hasipelebeguon lumobi poda taringot tu tondi

3) Tata Ibadah Minggu Ujung taon Parhuriaon/Parningotan di angka naung monding

 na mandok tading do tondi ni na mate i, jala tondi ni na mate i gabe begu dohot
sumangot.
H : Di parningotan ni na monding siparateatehononhon do mandok mauliate
tu Debata.
U : Di na marningot ulaon na denggan uju di ngoluna, alai ndang na mangigil
pasupasu dohot tanda siarsiaran sian na monding i. I ma sahatna. Antong rap
mangido gogo ma hita tu Debata laho mangulahon na hombar tu patikNa i.
H : Ale Tuhan Debata sai pargogoi ma hami mangulahon na hombar tu
patikMi. Amen
06. Koor :
07. Marende: BE No. 528: 1 + 3 “Tu dia ho” (BL.362)
♫♪♫ Tudia ho, dung mate ho, alusi ma, alusi ma!
Jempek tingkim, ujung na ro Tu dia ho dung mate ho,
Dung mate ho, dung mate ho, sai pingkir ma, tudia ho?
(Jongjong)
♫♪♫ Lilu do ho di dosami, mago do ho, mago do ho.
Unang be togang, mulak, ro! Tu dia ho, dung mate ho?
Dung mate ho …..
08. MANOPOTI DOSA:
U: Di naung sahat hita tu Ujung taon Parhuriaon on, tama do unduk rohanta
marrujiruji: nunga tahangoluhon ngolu na manongtong na nilehon ni Tuhan Jesus
i? Atik na sai lalap do hita holan mangalului na ringkot di ngolu parsatongkinan
on? Dibagasan serep ni roha tatopoti ma dosanta, martangiang ma hita. Ale
Tuhan Debata, Pargogo na so hatudosan, Parasiroha na sumurung, Ama ni Tuhan
Jesus Kristus Sipangolu hami.
H: Hami halak pardosa na dangol on, ro tu jolo ni habangsa habadiaonMi
manopoti jala manganggukhon dosanami.
U: Nunga dibasabasahon Ho tu hami ngolu na manongtong i marhitehite Jesus
Kristus (Joh 3:16), gabe na tinompa na imbaru hami dibagasan Kristus, asa
tarulahon hami ulaon na denggan (Eps 2:10) dohot patupahon parasinirohaon tu
saluhut halak.
H: Alai di pardalanan ni ngolunami, sipata dope hami dirajai roha diri, gabe
maol hupatupa hami ulaon parasirohaon sian ias ni rohanami.
U : Laho manarihon angka na mauas male, na buro, na marsangkot bulung, na
marsahit, na tarhurung. Tuhan, urupi ma hami paubahon rohanami, ala ni Tuhan
Jesus Anak haholongan ni rohaM Sipangolu hami, dohot ala ni GoarMu na badia
i. Ale Tuhan asi ma rohaM di hami halak na dangol on, Amen.
U : (mangendehon) BE. No. 688:3 “Tuhan Jotjot do ”
4) Tata Ibadah Minggu Ujung taon Parhuriaon/Parningotan di angka naung monding
 Nuaeng na ro do au sumomba Ho/ pasahat ngolungki Tuhan tu Ho/ Tuhan
lehon ma roha na holong urupi au.
H: Bagabaga ni Debata taringot tu hasesaan ni dosanta: Songon on do
panghaholongi ni Debata di portibi on, pola do AnakNa na sasada i dilehon, asa
unang mago ganup na porsea di Ibana, asa hangoluan na saleleng ni lelengna di
ibana. Hasangapon ma di Debata na di ginjang
H: Amen ---hundul---

09. Koor :
10. Marende BE No. 354 : 1 “Sai tong maima ima do” (BL.134)
♫♪♫ Sai tong maimaima do Rohanta i di Jesus
Ibana haluaon do Di angka naung tinobus
Rodo muse Tuhanta i Mardongan hasangapon i
Sai ro ma Ho, o Jesus Sai ro ma Ho, o Jesus
11. E P I S T E L : Mateus 13:47-50 (Responsoria)
U: Tabege ma hata ni Debata turpuk di ari minggu on ima na tarsurat di Mateus
13:47-50 Tudos do muse harajaon banua ginjang i tu jala na sinampakkon tu laut,
gabe marragamragam dapotsa.
H: Jadi dung gok, ditait ma tu darat, dung i hundul ma nasida mamilliti na
denggan, mandabuhonsa tu ingananna; alai dipambolongkon do anggo na so
hasea.
U: Songon i do masa sogot di ajal ni hasiangan on: Borhat do angka surusuruan i
manirangkon angka parjahat sian tongatonga ni angka partigor.
H: Dung i dabuonna ma nasida tu liang pamurunan i; disi ma masa
angguhangguk dohot na patungoripon.

U: Ima sahatna! Martua do na tumangihon hata ni Debata jala na umpeopsa.

R: Amen.
12. Koor :
13. Marende BE No. 504 : 2 + 3 “Di Togu Tuhan Jesus” (BL.344)
♫♪♫ Holom pe angka dalan i, dilinggom hamatean i,
Tiur pe angka ari i, tung guru do di Tuhanki,
Reff : Ditogu togu Jesus au, tanganNa sai maniop au,
Tongtong ma siseanna au, paima boi tu surgo lao. (Jongjong)
♫♪♫ Gomos ditiop tanganki, sotung na silap langkangki.
Di nasa parsorionki, Ibana haporusanki.
Reff : Ditogutogu…
5) Tata Ibadah Minggu Ujung taon Parhuriaon/Parningotan di angka naung monding
14. MANGHATINDANGHON HATA HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibion. Rap ma hita mandok!
R : Ahu porsea . . . (Hundul)

15. Koor:
16. TINGTING:
17. TANGIANG PANGONDIANON:
18. Marende BE No. 851 : 1 - “Sangap di Jahowa” (BL.851) (Pasahat Pelean
IA/IB)
♫♪♫ Sangap di jahowa na sun timbul i, Balga ni holongNa ndang tarasam i,
Di lehon AnaklNa na sasada i, manobus hita jolma pardosa i
Puji ma Debata ale manisia, Las roham las roham somba ma Debata
Dapothon Jahowa na sun timbul i,Marhite AnakNa Tuhan Jesus i
_____________Musik_____________
♫♪♫ Tung so hasuhatan do basaNa i, Marhite AnakNa ni lehonna i.
MudarNa durus do di hau silang I, Rara pe dosanta ias dibaen i.
Puji ma Debata ………
_____________Musik_____________
Balga situtu pambaenMi Debata. Tung so hasuhatan holong ni rohaM.
Tu jolma pardosa asi do rohaM, Di ungkap Ho dalan lao tu banuaM.
Pujima…….
19. Parningotan Di Angka Na Monding:
(ni uluhon ni Parjamita sian inganan parjamitaon)
U : Hamu angka dongan sahaporseaon na hinaholongan ni Tuhan Jesus Kristus.
Molo tapatupa pe sadari on parningotan ni angka na monding ndang na
mangarungkari sidangolon parningotan on. Alai marhite parningotan ni angka
na monding on naeng ingotonta hita pe na ingkon marujung do di tingki na be
songon angka donganta naung parjolo monding i. Ndang sihabiaran be sorop ni
hamatean i ai nunga dipatunduk Tuhan Jesus Kristus marhitehite haheheonNa
sian na mate. "Jo hamatean, didia hamonanganmi? Jo hamatean, didia
soropmi?" Alai dosa do sorop ni hamatean, jala patik i do gogo ni dosa i. Alai
mauliate ma di Debata, na pamonang hita marhitehite Tuhanta Jesus Kristus!
R : (mangendehon) BE. No. 334:1 “Nasa Jolma Ingkon Mate” (BL.186)
♫♪♫ Nasa jolma ingkon mate, ingkon mago sibuk i.
Na mangolu ingkon mate, asa tung dengganmu muse.
Daging on do gabe bangke jala i’ngkon do malangke.
Asa sogot bangkit i, tu hasangaponna i.

6) Tata Ibadah Minggu Ujung taon Parhuriaon/Parningotan di angka naung monding

U : Ingot ari hamamatem, i do na naeng sunggulhonon ni parpunguan on tu hita.
Ndang parmianan na hot portibi on di hita, ingkon tadinghononta do saluhutna
na adong di portibi on, surgo i do parmianan na hot ro di saleleng ni lelengna di
angka na porsea di Ibana.
R : (mangendehon) BE. No. 334:3 “Nasa Jolma Ingkon Mate”(BL.186)
♫♪♫ Jesus Kristus nunga mate, ala ni mangolu au.
Singkop tua diparade, i pe las rohangku lao.
Manadinghon pardagangan, mandapothon hasonangan.
Mandapothon Jesushi, ai malungun au tusi.
U : Ingot ari hamamatem. Paingothon hita nuaeng ma tingki parasian na nilehon ni
Debata. Nuaeng ma tingki di hita laho paubahon roha marhitehite na mananggalhon
sian ngolunta angka pangalaho na so hinalomohon ni Debata. Ndang taboto
manang sadihari hamatean i manopot hita; songon panangko borngin do haroro ni
Tuhan i mangalap angka na porsea i. Alani i dungo ma hita jala martangiang asa
monang hita sahat ro di ujungna. Marsihohot jala so mubauba ma hita, jala lam
sumurung ma tongtong di bagasan ulaon ni Tuhan i, ai taboto do: Ndang magopo
halojaonta di bagasan Tuhan i.
R : (mangendehon) BE. NO. 334:7 “Nasa Jolma Ingkon Mate”(BL.186)
♫♪♫ Ai idaon ni matangku hasangapon i sude.
Hatigoran do uloshu, na pasangap au muse.
Pinarsanggul hamonangan, jongjong au di hasonangan,
Maradophon Debata sai tongtong: Haleluya.
U : Ingot ari hamamatem. Paingothon hita asa mamparhaseang tingki na nilehon ni
Debata tu angka ulaon na denggan, ulaon na hinalomohon ni Debata. Antong,
binsan sadihari dope, taulahon ma na denggan di saluhut halak, alai gumodang
ma tu donganta sahaporseaon!
R : (mangendehon) BE. No. 802:1 “Pangke Tingkim Saonari”(BL.802)
♫♪♫ Pangke tingkim saonari, dapothon ma Tuhan i.
Unang godang sidalian, ingot jempek ngolumi.
Nunga rade hasonangan, di surgo i, di surgo i.
Unang adong nanggo sada, na so parjambar disi.
U : Nuaeng tajaha ma goar-goar ni donganta sahuria na monding di bagasan sataon
parhuriaon on. (dijahahon ma goar ni na monding di bagasan sataon
parhuriaon):
R : (mangendehon)BE. No. 347:1+3 “Sai Masipaidaan” BL.11 – jongjong-
♫♪♫ Sai masipaidaan do na porsea i.
Dung sahat be langkana tu hasonangan i,
tu hasonangan i, tu hasonangan i.
♫♪♫ Sai masipaidaan ma hita on muse

7) Tata Ibadah Minggu Ujung taon Parhuriaon/Parningotan di angka naung monding

 di lambung ni Tuhanta dung monang hita be,
Dung monang hita be, Dung monang hita be. HUNDUL
20. J A M I T A: Habakuk 3:1-6
21. Marende : BE No. 837 : 1 – “Sada huta tung mansai uli” (BL.837) (Pasahat
Pelean II)
♫♪♫ Sada huta na mansai uli, Sambulo ni tondita do i,
Bagas ni Debata Ama i, Diparade di na monang i
Sogot di surgo i, sai pajumpang do hita disi sogot di surgoi,
Sai pajumpang do hita disi _____________Musik_____________
♫♪♫ Hita dohot donganta di san, rap marende mamuji Tuhan,
ndang adong hasusaan di san, salelengna di surgo sonang,
Sogot di surgo i ………
_____________Musik_____________
♫♪♫ Debata Ama parholong i, sai puji on salelengna i,
na marmuduhon ngolunta i, denggan basaNa sai hot do i,
Sogot di surgo i ………
22. TANGIANG PANGUJUNGI:
U: Martangiang ma hita. Ale TUHAN, Debata na sian na hinan jala na mangolu ro
di salelelengna. Huingot hami sadari on angka na mate sian hami, naung
pajolohon tu lambungMu. Nunga rungka do rohanami sadari on marningot
ajalnami, dohot haheheon ni daging di ari sogot. Ndada na mandele hami di ari
parningotan on, alai na malungun do hami di sambulo ni tondinami. Nunga torop
dongannami naung nialapMu; tai sipaingot do ujung ni langka nasida di hami, bai
panghirimon mida Tuhan Jesus di ujung ni langkanami be. Sai sungguli ma
ruhanami mambaen tiruan na denggan di angka pinomparnami. Sai apuli ma na
marsak roha dohot ankga na matean, asa unang mangandungi jala mandele
nasida. Sai taiti ma rohanasida mamereng dompak ginjang, sai lehon TondiM tu
hami asa tangkas dihatindanghon tu hami, naung dohot do hami anakMu jala
panean di arta na di banua ginjang. Sai padao ma ganggu ni roha sian hami, asa
hot haporseaonnami maniop Tuhan Jesus sipangolu I, andorang hubolus hami
rura linggoman hamatean i. molo homur matanami be, uangkap ma mata ni
rohanami asa tangkas niida dalan tu hasonangan i. molo hollang dilanami, so
binoto be manghuling, pargogoi hami marhitehite tondiMi, asa tarjouhon hami:
Ale Amanag, sahat tu tanganMu ma tondingku, sai patiur hian rohanami, asa
hobas langkanami, jala sonang hami lao mate di bagasan Tuhan Jesus Kristus
Tuhannami. Amen.
23. TANGIANG : PELEAN – ALE AMANAMI – PASUPASU- AMEN3X

Memento Mori
8) Tata Ibadah Minggu Ujung taon Parhuriaon/Parningotan di angka naung monding