HKBP RESORT RAMBE DISTRIK III HUMBANG Senin, 01 Januari 2024 Topik : DENGGAN DO SALUHUTNA DIBAHEN DEBATA DI TINGKI HALEHETANNA (DIA MEMBUAT SESUATU INDAH PADA WAKTUNYA)
1) Pangaradeon Parhalado di Konsistori
2) Prosesi Parhalado. Prosesi Parhalado rap dohot Pandita/Uluan sian konsistori mamasuhi gareja Dung sahat di jolo Barisan Prosesi, jongjongma di langgatan mandompakhon ruas. 3) Joujou tu Parsaoran: Pdt : Hami Parhalado Pasahathon Selamat Tahun Baru ma tu hita saluhutna. H : Selamat Tahun Baru ma tutu nang tu hamu Parhaladonami. Pdt : Tama do hita mandok mauliate tu Debata Pardenggan Basa i, na paloashon hita bongot tu Tahun Baru 2024 on. Diramoti jala dipaimbaru do hita tongtong marhite HataNa Na badia i naung suan dibagasan rohanta, asa anggiat imbaru roha dohot pingkiranta. Gomos ma hita martangiang tu Tuhantai asa hipashipas hita mandalani taon on, dipadao angka mara dohot nasa ragam ini sahit sian hita. H : Imatutu, sai angka silasniroha ma jaloonta di taon 2024 on. Pdt : Alani, Tapuji ma Tuhanta dibagasan HatimbulonNai, marende ma hita Sian BE HKBP No. 70: 1-3 “Naung Salpu Taon Na Buruk i” (Ditingki manghuling musik mulak ma Parhalado tu ingananna)
4) Marende BE. HKBP No. 70 : 1 – 3 “Naung Salpu Taon Na Buruk I”
1. Naung salpu taon na buruk i, Ho ma hupuji Tuhanhi. Ai diramoti Ho tongtong tondingku dohot dagingkon. Ai diramoti Ho tongtong tondingku dohot dagingkon 2. O Jesus sai asi rohaM, paian denggan ni basaM. Muse di taon na’mbaru on di nasa huriaM tongtong. (Musik) Muse di taon na’mbaru on di nasa huriaM tongtong (Jongjong) 3. Sai tong paian hataMi na mangapuli roha i. Alai pangago sasude padao ma sian hami be. Alai pangago sasude padao ma sian hami be. 5) Agende : Votum, Intoritus, Tangiang (U: Uluan – R : Ruas – S: Sude) U : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia, na tumompa langit dohot tano on. R : Amen. U : “Ahu do Alpha, Ahu do Omega, bonana dohot ujungna ninna Tuhan i, na adong dohot naung adong hian dohot na ro. Pargogo na sumurung. Haleluya! H : (Mangendehon) BE. HKBP No. 852 : 1 “Haleluya HKBP” 1. Haleluya Haleluya U : Martangiang ma hita! “Ale Tuhan Debata. Sian asi ni rohaM do umbahen sahat hami tu taon na imbaru on; Ho do na mangaramoti hami di bagasan taon na salpu i. Sai asi ma rohaM, sai unang tulak hami nuaeng, sai dongani ma hami di bagasan taon na imbaru on. Pasupasu hami ro di angka ulaon na denggan na hula hami marhitehite GoarMu. Alai na gumodang, pasupasuhon ma HataM na badia i tu rohanami, asa gabe imbaru rohanami, asa tarpamasuk Ho hami tu banua ginjang di hasusuda ni bohal nami. (Hundul) R : Amen. 6) Marende BE. HKBP No. 66 : 1 – 2 “Debata Baen Donganmi” 1. Debata baen donganmi lao mangula ulaonmu Baen Ibana haposanmu sai paserep rohami. Debata baen donganmi Debata baen donganmi. 2. Debata baen donganmi molo Debata donganmu. Ndang tarbahen ho be lilu sai ture do langkami. Debata baen donganmi Debata baen donganmi. 7) Agenda : Patik I-X dohot Lapatanna (U: Uluan – R : Ruas – S: Sude) U : Patik ni Debata di Minggu Taon Baru on, i ma Patik I – X. Patik I: “Ahu do Jahowa Debatam, ninna Debatanta. Ndang jadi marangkup Ahu bahenonmu Debatam”. R : Patik II “Ndang jadi ganaonmu jala ndang jadi sumanonmu manang aha na di banua ginjang dohot na di banua tonga on, ro di na di bagasan aek na di toru ni tano, ianggo tung gabe si sombaon manang sioloan” U : Patik III “Ndang jadi dohonon Goar ni Debata, ianggo so ture dalanna, ai hona uhumNa do sogot angka na marsineang di GoarNa”. R : Patik IV “Ingot hamu ma pabadiahon ari Minggu i. Di na onom ari ma ula hamu nasa siulaonmu; alai anggo ari papituhon i, ari paradianan ni Jahowa Debatam do i. Ndang jadi ho mangula anggo di na sadari i, manang anakmu pe manang borum, manang naposom lahilahi manang naposom boruboru, ro di pinahanmu, ro di isi ni huta ni halak pe na mangebati hutam. Ai di na onom ari do ditompa Debata langit dohot tano dohot laut dohot nasa isina, dung i maradian do Ibana di ari papituhon i. Dibahen i do umbahen na dipasupasu Debata Jahowa ari paradiananNa i jala diparbadiai”. U : Patik V “Ikkon pasangaponmu do natorasmu, asa martua ho jala leleng mangolu di tano na nilehon ni Jahowa Debatam di ho”. R : Patik VI “Unang ho mamunu!” U : Patik VII “Unang ho mangalangkup!” R : Patik VIII “Unang ho manangko!” U : Patik IX “Unang ho olo manghatindanghon hata na so tutu maralohon dongan jolma.” R : Patik X “Ndang jadi haliangan ni roham bagas ni donganmu, ndang jadi haliangan ni roham dongan saripe ni donganmu, manang naposona baoa manang naposona boruboru manang lombuna manang hodana, manang dia pe ugasan ni donganmu” U : Boha pandok ni Debata taringot tu patik na sampulu i ? R : On do: Ahu do Jahowa Debatam, ninna Debatanta. Pargogo na so hatudosan jala Parrimas. Siluluhon dosa ni amaama tu pinomparna, ro di sundut patoluhon, ro di sundut paopathon, pinompar ni angka na sogo roha di Ahu; Alai asi do rohangKu di angka na marriburibu, angka na marholong ni roha di Ahu na so mangalaosi PatikHi. U : I do sahatna. Antong rap mangido gogo ma hita tu Tuhanta Debata. S : Ale Tuhan Debata, sai pargogoi ma hami mangulahon na hombar tu PatikMi. Amen. 8) Marende BE. HKBP No. 171: 1 - 2 “Tandai Ma Au” 1. Tandai ma au sungkapi ma dohot rohangku. Uji ma au pamanat huhut ma dalanhu. Olo ditanda Ho au Debata. (Jongjong) 2. Asi ma rohaM, taringot tu pangalahongku. Olo tutu, jotjot do na lilu dalanku. Sesa dosangku sude Debata. 9) Agenda : Manopoti dohot Baga Haseaan ni Dosa P : Tatopoti ma dosanta, martangiang ma hita: Ale Amanami jala Debatanami na di banua ginjang. Parasiroha na sumurung mida hami. Huparhatutu jala hutopoti hami do dosa dohot pangalaosionnami na godang i. Tatap ma hami marhite asi ni rohaM, jala sesa ma dosanami saluhutna, ala ni panghophop ni Anak haholongan ni rohaM, Tuhan Jesus Kristus, Sipangolu hami. AMEN. Bagabaga ni Debata taringot tu hasesaan ni dosa. Munsat pe angka dolok, jala humuntal angka robean, alai anggo parasi ni rohangKu na so tupa munsat sian ho, jala padan ni hadameonHu na so tupa humordit, ninna Jahowa siasii ho. Hasangapon ma di Debata na di Ginjang ! (Hundul) S : Amen. 10) Marende BE. HKBP No. 68: 1, 3 “Masilelean Angka Taon” 1. Masilelean angka taon ro di ujungna sogot. O Jesus lehon parrohaon na naeng tongtong marningot. Di halalao ni aringki huhut manimbang ujung ni i 3. Ra naung tarrimas Debata marnida pambaenanhu. Ra naung didok tinaba ma hau on na so dihangKu. Ndang olo marparbue i tu aha be hasea i 11) Manjaha Turpuk (U: Uluan – R : Ruas – S: Sude) P : Hata ni Debata turpuk ni ari Taon Baru on, tarsurat di Jakobus 4 : 13 -17 (Marosrinsorin) E hamu, didok hamu do: Sadari on manang marsogot laho ma hami tu huta adui, asa disi hami sataon martigatiga jala mangomoomo. R : So adong diboto hamu na masa marsogot; ai aha do hosamuna! Suman ma hamu tu timus na tarida satongkin, dung i gabe so haidaan be. P : Singkat ni i ma nian dohononmuna: Molo na lomo roha ni Tuhan i, mangolu ma hami, jala bahenonnami ma on dohot an. R : Hape ditengatengahon hamu do hata manggang muna; na jahat do nasa panenganengaon sisongon i. P : Antong, na umboto mambahen na denggan, gabe ndang diulahon, na mardosa ma ibana disi. Ido sahatna. Martua do angka na tumangihon Hata ni Debata jala na umpeopsa. S : Amen. 12) Marende BE. HKBP No. 64 : 2, 4 “Naung Moru Do Muse Sataon” 2. Aut alusanhu Debatangku ra tung maila au disi. Marningot salpu ni rohangku ro di sude ulaonhi. Ai dosa do binaen ni tangan gok dosa nang rohangku pe. Nang pat nang mata nang pamangan luhut marsala do hape. 4. (Jongjong) Ndang dapot bilanganhu dosa naung huulahon nasailaon. Huhut ndang harajuman basa ni Tuhan Jesus na sai laon. Ndang dibaloshon Ho Tuhanhu tu au hombar tu dosangki. Sai dipalambas Ho rohaMu marnida pangalahongki. 13) Agenda : Manghatindanghon Haporseaon 14) Sungulsunggul : 15) Mandok Hata Selamat Taon Baru 16) Papungu Pelean IA-IB - Marende BE. HKBP No. 65 : 1... “Majumpang Taon Imbaru On” 1. Majumpang taon imbaru on di au dibahen Jesus. Dibaen rohaNa di au on basaNa dipatulus, Ibana do manogu au saluhut jea dipadao. Mambaen las ni rohangku 2. Dibahen i hupuji Ho o Jesus Debatangku. Ai ndang hea mangulon Ho mambaen partuaonku. Rohangku (Musik) panuratan ni godang ni denggan basaMi. Ai Ho do pangurupi 3. Ipe dohot tu jolo on Ho pangasahononhon. Marjea pe portibi on martua au dohonon. Ai las rohangku marsak pe mangolu au lao mate pe . Ho do hatuaonku 4. Di Ama di AnakNa pe di Tondi Porbadia. Ma hasangapon sasude ho jolma manisia. Tolopi ma pamujingkon haposi ma haposanhon . Ai sai tongtong rohaNa 17) JAMITA: Parjamita 3 : 1 – 15 18) Papungu Pelean II + Marende BE HKBP No. 69 : 1... “Jesus Sai Urupi Hami“ 1. Jesus sai urupi hami Dohot di taon baru on. Paimbaru gogonami Mangihuthon Ho tongtong. Pasupasu ma muse Na porsea sasude 2. Pingkiranku ulaonku Tau pasangap Ho ma i. Dungo manang modom ahu Ho tongtong di lambungki. Nang (Musik) lao ruar masuk pe Ho ma donganki muse 3. Taon parasinirohaon Baen di au sandok taon on. Lam pahot ma hasesaan Ni dosangku di au on. Holan Ho do Jesuski Tuk pasaehon dosangki. 4. Sai apuli ma rohangku Dohot holong ni rohaM. Jala jalo tangianghu Ala denggan ni basaM. Jea sasude (Musik) padao Asa unang marsak au 5. Sai pagomos ma rohangku Manundalhon dosa i. Lam paganda ma ringgashu Mangulahon patikMi. Asa unang rohangkon lalap di portibi on 19) Agenda : Panutup (P: Parjamita – R : Ruas – S: Sude) P : Tatangianghon ma peleanta. Ale Debata, Amanami na di banua ginjang! …d.u. Amen. R : (Mangendehon) BE. HKBP No. 204 : 2 “Ndang Tadinghononhu Ho” 2 Nasa na nilehonMi tondi ro di pamatanghu Hosa dohot gogongki ro di saluhut artangku Hupasahat i tu Ho na so unsatonhu do P : Ale Tuhan Debata, na so marmula, na so marpansohotan, Debata na manongtong ro di saleleng ni lelengna. Na so olo suda do angka taonMu, jala ndang marparbolatan angka ariariM; alai jempek jala na gabur salpu do taonnami dohot ariarinami. Nunga salpu muse sada taon sian ariarinami, alai ndang salpu ianggo asi ni rohaM. R : Dibahen i hupuji hami Ho marhitehite Tuhan Jesus Kristus Tuhannami, ala ni godang ni asi ni rohaM na pasahat hami tu bona ni taon on. Mansai godang do denggan ni basaM hujalo hami manipat taon na salpu i, jala huingot hami do i sadari on. On pe mauliate ma rohanami tu Ho, ala dipangolu jala diramoti Ho hami, dilehon Ho sipanganon dohot paruloson di hami jala dipasupasu Ho na niula ni tangannami. P : Angkup ni i dilehon Ho do hasonangan tu luatnami, jala dipalua Ho do hami sian parmaraan, jala diramoti Ho do hami di hagogotan. Tongtong do dilehon Ho Barita na Uli i manondangi hami asa sanga hami paubahon rohanami. Angkup ni i dilehon Ho do apulapul tu na marsak, tu na matean, asa unang mandele nasida. R : Molo huingot hami sude pambahenannami di taon na salpu i, na maila do hami nuaeng maradaphon Ho, ala jotjot magopo ariarinami dohot asi ni rohaM hubahen hami. On pe binsan disalpuhon Ho nuaeng taon naung salpu i sian hami, salpuhon ma sude pambahenannami na hurang i, jala sesa sude dosanami. Sai huphupi ma pambahenannami na hurang i, marhitehite asi ni rohaM. Diebati Ho do hami manipat na sataon i, jala diida Ho do lan na so marparbue na denggan di tongatonganami. Sai unang jolo taba, sai pasombu ma hami mangolu, anggiat marparbue na denggan hami tu joloan on. P : Huparhatopot hami do sude asi ni rohaM jala di bagasan haserepon dohot unduk ni roha do hami nuaeng mangido tu Ho: Sahat tu Ho ma hami sude. Sai togutogu jala ramoti ma hami on sude. Sai togutogu jala ramoti ma hami di bona ni taon on, songon i ganup ari, asa pujionnami Ho di taon na ro on. R : Patuduhon ma ganup ari tu hami dalan sidalananami dohot ulaon siulaonnami. Sai pasupasu ma hami jumpa marpungu di bagasMon, di parsikolaan, songon i dohot di bagasnami be. P : Sai tumpahi sude parjamita, pangajari dohot na paturehon na marsahit, songon i dohot na pinasahat tu nasida. Sai ramoti ma na manggomgomi hami. Tatap ma saluhut na tarsosak, na pogos, na dangol, na so marama, na so marina, na nileaan ni halak. Unang loas nasida hona rupa, alai patuduhon ma tu nasida asi ni rohaM na so mansohot i, asa rap marlas ni roha hami sogot di hasonangan di lambungMu di inganan na hot, ala ni AnakMu, Tuhan Jesus Kristus, Tuhannami. Amen. Ale Amanami na di banua ginjang! …d.u! R : (Mangendehon) BE. HKBP No. 841 : 1 “Ai Ho Do Nampuna Harajaon” 1 Ai Ho do nampuna harajaon dohot hagogoon Ro di hasangapon salelengnilelengna Amen P : Tangiang Pasupasu R : (Mangendehon) BE. HKBP No. 845 : 1 “AMEN (3X) HKBP” 1 Amen Amen Amen