PARTORDING NI PARMINGGUON

MINGGU VI DUNG TRINITATIS

MINGGU HASITOLUSADAON NI DEBATA

Ev. Hosea 1 : 2 - 9 Ep. Kolose 2 : 6 -19

TOPIK :
DEBATA NA SATIA DI BAGASAN HOLONGNA

HURIA KRISTEN BATAK PROTESTAN (HKBP)

MINGGU 24 JULI 2022
01. Marende BE. HKBP No. 11 : 1 - 2, 5 “AHA MA ENDEHONONGKU”
Bl. 185
 Aha ma endehononhu, asa pujionku Ho.
Ale Tuhan Debatangku, sai urupi au gogo.
Ai ndang tarpajojor ahu, asi ni rohaM di ahu.
Ala ni hupuji Ho tung marribu hali do.
 Sai sungguli ma rohangku, mangendehon gogoMi.
Dohot asi ni rohaMu, ro di habasaronMi.
Ai i do dihatindanghon tondi dohot pamatangku.
Ala ni hupuji Ho tung marribu hali do.
…Musik…
 (Jongjong) Sai patogu ma rohangku pasangaphon goarMi,
Dohot haporseaonku, asa tu gandana i.
Sai pamasuk ale Tuhan, tondingki tu hangoluan.
Mangendehon sangapMi salelenglelengna i.

02. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Porbadia na tumompa langit dohot tano
on. Amen. Nunga tibu hian diida rohangku Jahowa, ninna Ibana do:
Haholongon salelenglelengna Hubahen manghaholongi ho, dibahen i
Hutaiti ho marhitehite denggan basa. Haleluya!
R : (Mangendehon) BE. HKBP No. 852 : 1 ”HALELUYA HKBP (3X)
BL. 852
Haleluya, Haleluya, Haleluya!
U : Martangiang ma hita ! Ale Tuhan Debata, Pargogo na so hatudosan,
Amanami saleleng ni lelengna! Asi ni rohaM do na mangaramoti hami
sian na sai laon rasirasa nuaeng, jala asi ni rohaM do na mangalehon
Barita na Uli i, gabe hangoluannami. Sai asi ma rohaM, sai buhai ma
rohanami jala lehon TondiM na badia i, asa huantusi hami sude
panogunoguM dohot pambahenanMu na balga i. Paian ma HataM di

1
 bagasan rohanami, asa mardame jala sonang hami jala lam imbaru
rohanami marhitehite AnakMu, Tuhan Jesus Kristus Tuhannami. Amen.
(Hundul)
03. Marende BE. HKBP No. 202 : 1 + 5 “HUHAHOLONGI HO
GOGONGKU” BL. 102
 Huhaholongi ho gogongku, huhaholongi ho tongtong
Marhitehite pambaenanku, nang sian nasa rohangkon
Ai Ho do sumondangi au ro di na mate au
 Mauliate ma rohangku, di Ho na manondangi au
Hupuji Ho, ale Tuhanku, dibaen na tinangkupMu au
Hisar do tondingki dibaen, hutanda Ho nuaeng.

04. PATIK:
U : Tatangihon ma Patik ni Debata di parmingguonta sadari on, i ma na
tarsurat di buku 5 Musa 10 : 12. Songon on ma hatana : Nuaeng pe,
ale Israel, aha do na pinangido ni Jahowa, Debatam sian ho, nda asal
marhabiaran ho tu Jahowa, Debatam, jala marparange ho di saluhut
dalanNa, huhut marroha haholongon mida Ibana dohot mangoloi
Jahowa, Debatam sian nasa roham dohot sian nasa ateatem! I do
sahatna. Antong rap mangido gogo ma hita sian Tuhan Debata!
R : Ale Tuhan Debata, sai pargogoi ma hami mangulahon na hombar
tu PatikMi. Amen.
05. Marende BE. HKBP No. 423 : 1 - 2 “NA RO BORNGINNA I” BL.
283
 Na ro ma borngin i, arian nunga salpu,
O Jesus Tuhanki, patiur ma rohangku,
Ai hatiuron do na di bagasan Ho.
(Jongjong)
 Godang na so ture, hubahen ulaonku,
Dibilang Ho sude, tarsurat di bukuMu.
Molo hupingkir i, huuhum diringki.

2
06. MANOPOTI DOSA:
U : Tatopoti ma dosanta, martangiang ma hita : Ale Debatanami, na
marasiroha jala na badia, Amanami, marhitehite Tuhan Jesus Kristus!
Manang piga hali hami ro tu joloM, huhilala hami, ringkot do asi ni
rohaM di saluhut hami halak pardosa. Ala ni i do umbahen na
hupaserep hami dirinami sadari on di joloM, jala huparhatopot hami,
tung na jotjot do hami manimbil sian angka dalanMu na badia songon
birubiru na lilu. Sai unang pabali hami sian joloM ala ni dosanami i, ai
ndang dihalomohon rohaM hamatean ni angka pardosa, alai
hamubaon ni rohana do lomo ni rohaM, asa mangolu.
R : Sesa ma saluhut hageduhonnami dohot pangalaosionnami
marhitehite pangulunami na sasada i, AnakMu Tuhan Jesus
Kristus. Sai pahot ma asi ni rohaM di hami marhitehite
panindangion dohot hagogoon ni Tondi Parbadia asa tarapul
situtu rohanami manjou Ho, asa pantun, tigor jala daulat hami
marpangalaho, bahen hasangapon di GoarMu na badia i. Amen.
U : Tabege ma bagabaga ni Debata taringot tu hasesaan ni dosa!
Songon on do Hata ni Tuhan Jahowa: Nunga diarsahi Ho Ahu marhite
sian angka dosam, jala nunga dilojai ho Ahu marhite sian angka
hajahatonmu. Ahu tutu, Ahu sandiri manalesei angka pangalaosim ala
ni hadirionKu, jala ndang be Hupaingotingot angka dosam.
Hasangapon ma di Debata na di ginjang!
R : Amen.
(Hundul)
08. Marende BE. HKBP No. 260 : 1 + 4 “HOLAN JESUS DO
HUBAHEN” BL. 40
 Holan Jesus do hubaen donganku
Ai Ibana pasonangkon au
Ingkon sai tongtong tiur langkangku
Molo raphon Jesus i au lao
3
 Molo raphon Jesus i au lao.
 Jesus do tongtong haporusanku
Arta dohot hangoluanki
Nang tondingku nang pe pamatangku
Hupasahat tu tanganNa i
Hupasahat tu tanganNa i.

09. E P I S T E L : KOLOSE 2 : 6 - 19
U : Hata ni Debata turpuk Epistel di Minggu VI dung Trinitatis sadari on,
ima na tarsurat di KOLOSE 2 : 6 – 19.
On pe, songon panjangkonmuna di Kristus Jesus, Tuhan i, songon i
ma hamu marparange di bagasan Ibana!
R : Gabe marurat jala pinauliuli ma hamu di bagasan Ibana, togu
marhaporseaon, hombar tu na niajarhon tu hamuna; lumobi ma
hamu marroha mauliate!
U : Jaga ma hamu, so tung diago deba hamu marhitehite hata bisukbisuk
dohot hata lensem na so marimpola, hombar tu tonatona ni jolma,
mangihuthon sisiasia ni hasiangan on, ndada mangihuthon Kristus.
R : Ai di bagasan Ibana do maringanan sandok gok ni hadebataon
marrupahon daging.
U : Di bagasan Ibana sahat nang tu hamu hagogokna i; Ibana do ulu ni
nasa hamuliaon dohot panggomgomion.
R : Laos di bagasan Ibana do hamu tarsunat, ndada binahen ni
tangan, laho mananggal pamatang na mardaging on, binahen ni
parsunaton na sian Kristus, i do.
U : Ai rap tartanom do hamu dohot Ibana, di na tardidi i hamu; laos di
bagasan Ibana do rap hamu dipahehe, di na gabe porsea hamu di
hagogoon ni Debata, na pahehehon Ibana sian angka na mate.
R : Asa hamu, naung mate di bagasan angka pangalaosion dohot di
bagasan sibuk na so tarsunat i, raphon Ibana do hamu dipahehe,
di na sinesana i nasa pangalaosionta.
4
 U : Disesa do surat tangan i na dompak hita, i ma angka patik na
maralohon hita; dipadao do i, dilohothon tu silang i.
R : Dipupusi do angka hamuliaon dohot panggomgomion, patar do
dipatotondurhon nasida, dipaebangkon do nasida na talu i.
U : Onpe, unang ma diuhumi halak hamu siala sipanganon manang
siinumon, manang siala pesta, manang poltak ni bulan, manang ala ni
ari Sabbat pe.
R : Halinu ni angka na naeng ro do i; alai Kristus i do nampuna
badan.
U : Tung unang ma hamu dilesanlesani halak, na giot paulaula na serep
jala sumomba angka surusuruan, ditengatengahon do na niidana di
bagasan tondina, pinaburnang ni roharoha ni dagingna.
R : Alai ndang diparsigantungi Ulu i, ai sian I lam magodang,
marguru tu Debata, sandok pamatang i, na niurupan jala
pinadomudomu ni angka urat dohot ihotihot.
U : Ido sahatna. Martua do angka na tumangihon Hata ni Debata jala na
umpeopsa.
R : Amen.
10. Marende BE HKBP No. 760 : 1 + 3 “JESUS DO ALEALENGKU” BL.
760
 Jesus do alealengku soada tudos ni i, aleale na sumurung i di au.
Hasoloan ni rohangku Tuhan haposanki, Sipalua na mamorsan
dosangki.
Na mangapuli au di sitaononki, mangurupi au di hagogotan i.
Jesus do alealengku soada tudos ni i, aleale na sumurung i di au.
(Jongjong)

 Tung na so tadingkononNa di hapunjungan au

Jesus do haposanki di ngolungki
Nang ro api habahaba, manahop ngolungki
RamotanNa ndang marmara au disi
5
 Nang pe di pangunjunan, punjung sasada au
Tuhan Jesus do na margogoihon au
Jesus do alealengku soada tudos ni i
Aleale na sumurung i di au

11. MANGHATINDANGHON HAPORSEAON :

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
R : Ahu porsea di Debata Jahowa…..
(Hundul)
12. TINGTING
13. Marende BE HKBP No. 150 : 1… “NDANG AU NAMPUNA AU”
BL. 125 (Pelean Ia, Ib)
 Ndang au nampuna ahu; hulehon diringkon
Tu Tuhan i, Rajangku, sigomgom tano on
Ai dibagasan Jesus au, diida Debatangku,
na pasonangkon au.
 Ndang au nampuna ahu, dung mate Jesus i
Dihophop do tondingku, disesa dosangki
Tongtong ma hupasahat au, mangunduk tu Tuhanku,
na lambok roha i.
…Musik…
 Ndang au nampuna ahu, dung na tardidi au
Di goar ni Tuhanku, na mangulosi au;
Naung domu au tu Jesus i rap dohot huriaNa,
ginomgomanNa i.
 Ndang au nampuna ahu, ndang tarhasiphon au
Sai Jesus do artangku, ndang be maila au
Torop pe manginsahi au, direhe pe Tuhanku,
sai Jesus do di au.
…Musik…
 Sai i do dohononku: “Ndang au nampuna au”
Sai Jesus tioponku, paima sahat au;
6
 Ndang lupa au di Jesus i, paima tos hosangku,
ai sonang au disi.

14. JAMITA: HOSEA 1 : 2 - 9

15. Marende BE. HKBP No. 227 : 1…. “JESUS NGOLU NI
TONDINGKU” BL. 26 (Pelean II : tu Kantor Pusat HKBP)
 Jesus ngolu ni tondingku, Ho do haporusanki
Gok di Ho na ma diringku, ro di nasa langkangki
 Lam tangkas ma patuduhon, tu au on panghophopMi
Asa i huhalungunhon, hot ma au di lambungMi
…Musik…
 Jangkon au baen siseanMu, na girgir tu podaMi
Sai surdukhon ma tanganMu, asa tong hutiop i.
 Tangkup au Jesus Tuhanku, tiop au mansai gomos
Asa unang runsur pathu, sian dalan na tingkos
…Musik…
 Raphon Ho do au mangalo, dosa dohot hisaphi
Ai sumurut do pangago, anggo Ho di lambungki
 TondiMi sai tong paian, di au on tinobusMi
Tung patau ma au manean, pinarbagabagaMi

16. TANGIANG PELEAN :

U : Tatangianghon ma peleanta. Ale Debata, Amanami na di banua
ginjang! Ho do haroroan ni saluhut silehonlehon na denggan dohot
nasa ulibasa na mauliutus. Hupasahat hami ma sian na nilehonMi tu
hami, peleannami tu Ho. Sai jalo ma i gabe uap na hushus di joloM.
Pasupasu ma i jala ramoti asa huparhaseang hami pelean on,
patimbulhon harajaonMu di tongatonga ni huriaM dohot di portibi on.
Buhai ma roha nami marhitehite TondiM, asa lam hutanda hami
godang ni silehonlehonMi tu hami, asa lam girgir hami mandok
mauliate tu Ho, marhitehite Jesus Kristus Tuhannami. Amen.

R : (Mangendehon) BE. HKBP No. 204 : 2 “Ndang Tadingkononku

Ho” BL. 73
7
  Nasa nanilehonMi, tondi ro di pamatanghu
Hosa dohot gogongki, ro di saluhut artanghu
Hupasahat i tu Ho, na so unsatonhu do.

U : Ale Amanami na di banua ginjang! Sai pinarbadia ma GoarMu! Sai ro

ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!

R : (Mangendehon) BE. HKBP No. 841 b : 1 “Ai Ho Do Nampuna

Harajaon” BL. 841
 Ai Ho do nampuna harajaon, dohot hagogoon
Ro di hasangapon, saleleng ni leleng na, Amen.

U : Tangiang Pasupasu
R : (Mangendehon) BE. No. 845 : 1 “Amen (3x) HKBP” BL. 845
Amen, Amen, Amen.
========

“SELAMAT ARI MINGGU”