PARTORDING NI PARMINGGUON

PARNINGOTAN ARI HAHEHEON NI TUHAN JESUS

PESTA PARJOLO
TOPIK : HUASO HAHEHEON NI JESUS

Ev. Markus 16 : 9-18 Ep. Johannes 20 : 1-10

HURIA KRISTEN BATAK PROTESTAN

PAGARAN NAULI

Minggu, 04 April 2021

1
 Jl. Kapten Muslim, Gg. Sepakat No. 04 Medan
1. Joujou Pamujion U : Uluan R : Ruas
Martangiang Na Hohom
U: Selamat Paskah ma di hamu saluhutna ruas ni hurianta, angka na
hinaholongan di bagasan goar ni Tuhanta Jesus Kristus!
R: Selamat Paskah ma tutu nang di hamu na manghobasi hami sadari on!
U: Na marpungu do hita muse sadarion manghalashon haheheon ni
Tuhanta Jesus Kristus sian hamatean i. Marhuaso situtu do haheheonNa
i laho pamatehon huaso ni hamatean asa mangolu angka na mate.
R: Tama ma pujipujian dohot hasangapon di Ibana saleleng ni lelengna..
U: Ima tutu! Antong tapuji jala tapasangap ma Ibana na marmulia i,
marende ma hita!
2. Marende BE. No. 93 : 1-3 “Pesta Paskah Hatuaon”
 Pesta Paska hatuaon Pesta Paska haluaon Sian hamatean i sian hamatean i. Tuhan
Jesus do pasuang hangoluan, hasonangan tu saluhut jolma i.
 Talu ho banua toru ndang tarbahen tiopanmu Raja Siparngolu i Raja Siparngolu i
Hamatean, hamagoan na so pola habiaran nunga talu i sude
Jongjong
 Tuhan Jesus do na monang Tuhan Jesus do pasuang Las ni roha dame pe Las ni roha
dame pe Dongan golom ma hataNa na porsea di Ibana ndang tarbahen mago be .
3. Votum/Introitus-Haleluya-Tangiang Collecta
U: Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano on.
Amen. Nunga hehe Tuhan i, nunga tutu hehe Ibana. Ari on do na
jinadihon ni Jahowa, marolopolop jala marlas ni roha ma hita disi. Batu
naung binolongkon ni angka pande bagas, i ma gabe batu parsuhi.
Pinamasa ni Jahowa do i, halongangan do i anggo di matanta. Haleluya!
R: (Mangendehon): Haleluya, Haleluya, Haleluya!
U: Martangiang ma hita: Ale Tuhan Jesus, Tuhannami! Na mandok
mauliate do hami tu Ho, ala ditaluhon Ho do dosa dohot hamatean
marhitehite hamamateMi, ala disondangi Ho tanomannami, asa
marpanghirimon na mangolu hami ala ni haheheonMi.Ndang pola be
mabiar hami mida hamatean, ai Ho do ulunami, ruasMu do hami.
Dipaunsat Ho do hami sian haholomon tu hatiuron, sian hamatean tu
2
 hangoluan.Antong, pargogoi ma hami mamuji dohot mangoloi Ho
ariari, pasangaphon Ho di bagasan haporseaon na mangolu, paima
sahat hami tu lambungMu. Amen. -Hundul-
4. Marende BE. No. 90 : 1-2 “Sai Marlas Ni Roha Hita”
 Sai tapuji Debatanta, ale hajolmaon i. Ai naung hehe do Tuhanta sian hamatean i
Dipasidung Jesus i UlaonNa sasude Patupahon haluaon di saluhut hajolmaon.
 Anggo utang ni dosangku digarari Jesus i Ido haporseaonku di na tinaonNa i
Nunga tulus patik i nunga mintop rimas i Di na hehe i Ibana ro di au hangoluanNa
5. Patik : Panindangion Haporseaon HKBP Bindu VI
U: Tatangihon ma patik ni Debata di Pesta Parjolo Haheheon ni Tuhan
Jesus sadarion, na tarsurat sian Panindangion Haporseaon ni HKBP
Bindu VI.Tahaporseai jala tahatindanghon do: Debata do patupa
haluaon, ima haluaon sian dosa, sian gomgoman ni sibolis dohot
hamatean, nang sian ragam ni huaso na maralo tu hata ni Debata. Sian
asi dohot holong ni roha ni Debata do dipatupa haluaon i marhite
panghophopon ni AnakNa na sasada i, Tuhan Jesus Kristus na mate di
hau pinarsilang, na tuat tu banuatoru dung ditanom jala na mulak
mangolu di ari patoluhon. Dalan manjalo haluaon i, ima marhite
haporseaon na tinubuhon ni Tondi Parbadia jala haporseaon i do
dirajumi Debata gabe hapintoran ni jolma. Ia haluaon i hamuliaon ni
Debata dohot hatuaon ni jolma i do i. Nunga malua na porsea i, atik pe
godang dope parungkilon sibolusonna di portibi on. Sai dipalua asi ni
roha ni Debata do na porsea i sian ragam ni mara di ngolu siganup ari, di
ngolu pardagingon nang partondion pe, manang marsasahalak, manang
marsasapunguan. Hataridaan ni haluaon i do ngolu ni na porsea i di
portibi on, ima ngolu na marhabadiaon, na marparbuehon angka parbue
ni Tondi. Marhite poda on taondolhon do, na so adong haluaon na asing
sian haluaon na pinatupa ni Jesus Kristus jala Jesus Kristus sambing do
nampuna halak na pinaluaNa i. Na so tarrampas sibolis manang angka
huaso na asing be na porsea i sian gomgoman ni Kristus. Alani i tatulak
do poda na mandok, boi jolma i paluahon dirina sian gomgoman ni dosa,
sibolis dohot hamatean marhite sian na manadingkon hariburon ni

3
 portibi on. Laos tatulak do poda na mandok usaho ni jolma i sandiri do
na manontuhon haluaonna.
Antong rap mangido gogo ma hita sian Debata laho mangulahon na
hombar tu patikNa i
R: Ale Tuhan Debata, sai pargogoi ma hami mangulahon na hombar tu
patikMi. Amen.
6. Marende BE. No. 89 “ Ate Didia Soropmi?”
 Ate di dia soropMi Nuaeng, o hamatean ? Di dia hamonanganmi Nuaeng
banuatoru ? Na talu do hamu sude Na talu do sibolis pe Ai ditaluhon Jesus
Jongjong--
 hamatean talu ma. Sai talu ho sibolis. Banua toru talu ma. Ai i do naung tartulis.
Tapuji Debatanta i Dibaen hamonanganta i Marhite Tuhan Jesus.
7. Tangiang Manopoti Dosa
U: Tatopoti ma dosanta tu adopan ni Debata, martangiang ma hita : Ale
Amanami jala Debatanami, na di banua ginjang, Pargogo na so
hatudosan! Pardengganbasa do Ho, jala ro di saleleng ni lelengna do asi
ni rohaM. Sai marpamuati ma rohaM di hajahatonnami, jala sai unang
be ingot angka dosa nami. Jotjot do mardosa hami maradophon Ho, jala
jotjot do husungguli hami rimasMu marhite sian pangalaosionnami.
Unang alang asi ni rohaM, sai urupi ma hami, Ho ale Tuhan Debata
hatuannami, palua hami, jala sesa dosanami, alani AnakMu Tuhan Jesus
Kristus Tuhannami. Amen.
Tabege ma bagabaga ni Debata taringot tu hasesaan ni dosanta!
Parasiroha jala pardengganbasa do Jahowa, lambat tarrimas jala
parasiroha godang. Ndang dibahen tu hita hombar tu angka dosanta,
jala ndang dibaloshon tu hita hombar tu angka hajahatonta. Songon asi
ni roha ni amaama mida angka anakna, asi ni roha ni Jahowa di angka
na manghabiari Ibana. Hasangapon ma di Debata na di ginjang!
R: Amen. -Hundul-
8. Marende BE. No. 632 : 1-2 “Nunga Hehe Kristus”
 Nunga hehe Kristus marsihohot ma hamu. Lam sumurung hita diulaon ni Tuhanta
Lam sumurung hita diulaon ni Tuhanta. Radot ma hita lao mangula tu Tuhanta.
Radot ma hita lao mangula tu Tuhanta
4
  Nunga hehe Kristus marlas roha ma hamu. Lam benget ma hita di sude
parungkilonta. Lam benget ma hita di sude parungkilonta. Jugul ma hita
martangiang tu Tuhanta, Jugul ma hita martangiang tu Tuhanta. Amen.
9. Epistel Johannes 20 : 1-10 U : Uluan R : Ruas
U: Turpuk Epistel di pesta parjolo parningotan ari Haheheon ni Tuhan
Jesus sadari on, tarsurat di Johannes 20:1-10. Dung i di ari parjolo
dung salpu ari Sabbat, laho ma si Maria Magdalena sogot di na holom i
dope tu tanoman i, jadi diida ma, naung dihindat batu i sian tanoman i.
R: Gabe marlojong ma ibana manopot si Simon Petrus dohot sisean na
sada nari, haholongan ni roha ni Jesus, paboahon tu nasida: Nunga
dibuat na mambuat Tuhan i sian tanomanna; ndang binoto, manang
tudia ditaruhon.
U: Jadi borhat ma si Petrus dohot sisean na sada nari, jadi sahat ma nasida
tu tanoman i.
R: Na rap marlojong do na dua i, gabe marhajoloan do sisean na sada, na
humatop sian si Petrus, gabe parjolo ma ibana sahat tu tanoman i.
U: Jadi dipaunduk ma dirina, diida ma peak angka pangalilit; alai ndang
bongot ibana.
R: Ro ma nang si Petrus sian pudina; dibongoti ma tanoman i jadi di ida ma
peak angka pangalilit i.
U: Anggo sekka panaputi ni uluna ndang rap dohot angka pangalilit i, pulik
do dibalun tu ingananna.
R: Disi pe asa bongot nang sisean na sada, naung parjolo sahat tu tanoman
i; dipanotnoti, gabe porsea ma ibana.
U: Ai ndang dope diantusi nasida hata ni surat i na mandok: Ingkon hehe
Ibana sian na mate.
R: Asa muli ma sisean na dua i.
U: Ido sahatna. Martua do angka na tumangihon Hata ni Debata jala na
umpeopsa. Amen.
10. Koor : Ina Jumat
11. Marende BE. No. 635 : 1-2 “Ro Tuhan Jesus”
 Ro Tuhan Jesus Anak sasada, parasi roha, parholong i, Mate Ibana humophop hita,
rumar tanoman i ai hehe Jesus i.
5
 Ala hehe Jesus ro do ari sogot mangolu au, Ndang mabiar au huboto do sonang au
raphon Jesus, sonang ma au ala naung hehe Jesus i.
--Jongjong--
 Di paraloan, au dongananNa Pos do rohangku di ngolungki PamonanganNa au
anakonNa Ala naung monang jala hehe Tuhanki.
Ala hehe Jesus ro do ari sogot mangolu au, Ndang mabiar au huboto do sonang au
raphon Jesus, sonang ma au ala naung hehe Jesus i.
12. Manghatindanghon Haporseaon -Hundul-
13. Koor : Ama Eben Ezer
14. Tingting
15. Marende BE. No. 96 : 1… “Nunga Talu Hamatean” Pel. Ia+Ib
 Nunga talu hamatean dibaen Tuhan Jesus i.
Ai na hehe do Ibana songon na nidokNa i
Haleluya, haleluya nunga hehe Jesus i
Haleluya, haleluya nunga hehe Jesus i
 Ia angka boruboru lao do tu tanoman i.
Ndang disi be Tuhan Jesus, nunga hehe sian i.
Haleluya, haleluya nunga hehe Jesus I
Haleluya, haleluya nunga hehe Jesus i. -Organ-
 Marlasroha be ma hita Ala hehe Jesus i.
Ai malua sude hita Sian hamagoan i.
Haleluya, haleluya Nunga hehe Jesus i .
Haleluya, haleluya Nunga hehe Jesus i

 Sai tapuji ma Tuhanta Na marholong roha i

Tapasangap ma Ibana Na marasiroha i
Haleluya, haleluya Nunga hehe Jesus i
Haleluya, haleluya Nunga hehe Jesus i. -Organ-
16. Jamita “Markus 16 : 9-18”
17. Marende BE. No. 633 : 1…. “Nunga Hehe Kristus I”
Pel. IIa+IIb (Ulaon Kategorial Parompuan HKBP)
 Nunga hehe Kristus i haleluya. Sian hamatean i haleluya
Parlangitan jouhon ma,haleluya.Tano on alusi ma haleluya.
 Singkop panghophopNa i, haleluya. Gok hamonanganNa i, haleluya
Sondang haluaon i, haleluya.Patiur dalanta i, haleluya. -Organ-
6
  Tartaban naroko i, haleluya. Di baen Tuhan Jesus i, haleluya
Nunga mungkap surgo i, haleluya. Di na tinobusNa i, Haleluya.
 Monang do Tuhanta i, haleluya. Talu hamatean i, haleluya
Mago do soropna i, haleluya.Ala monang Tuhan i, haleluya. -Organ-
 Sangap ma di Tuhan i, haleluya. Puji ma goarNa i, haleluya.
Baen hamonanganNa i, haleluya. Manondangi ngolumi, haleluya.
 Raja hangoluan i, haleluya. Na sun hinagogo i, haleluya.
Jalo ma pujianki, haleluya. Nang holong ni rohangki, haleluya. -Organ-
18. Tangiang Pelean/Ale Amanami/Doxologi/Amen 3x

7
 2 Korintus 4 : 14
“Karena kami tahu, bahwa Ia, yang telah mambangkitkan Tuhan Yesus, akan
membangkitkan kami juga bersama-sama dengan Yesus, dan Ia akan
menghadapkan kami bersama-sama dengan kamu kepada diriNya”