LITURGI NATAL RUNGGUN

GBKP KLASIS KUALA LANGKAT

DESEMBER 2018

Tema : Jesus Kristus Jadi Kepentarenta

(1 Korinti 1:30a)
Sub Tema : Ketubuhen Jesus Kristus Njadiken Kita Pentar Segelah Ngasup
Meningkatken Jiwa Enterpreneurship ibas Bidang Ekonomi, Bagepe
Ermediate man Kesehaten bagepe Lingkungen.
I. Persikapen
1. Kata Pengalo-Ngalo ibas Protokol
2. Penjelasen tertib acara
3. Kata Penaruh ku bas Kebaktin
Salam ras Mejuah-juah....
Senina ras Turang teptep tahun kita ngerayakan Perayaan Natal guna
mperingeti ketubuhen Tuhanta Yesus Kristus. Enggo melala si bahan
persikapen; subuk perukuren, perbahanen bage pe materi. Arah perayaan
Natal Runggun enda teridah min maka Tuhan Yesus enggo tubuh ibas
perukurenta. Seh maka ngasup kita ncidahken biak Kristus ibas kerina
dampar geluhta. Terlebih ibas ndalani tahun 2019 eme “Tahun
Meningkatkan jiwa kewirausahaan (enterpreneurship)wara GBKP dalam
bisang ekonomi, serta kepedulian terhadap kesehatan dan lingkungan”, i
arapken kita reh pentarna guna ngangkai ras makeken dirinta guna
kemuliaan Dibata, mandiri ibas kiniteken ras mere ulih kedamen man
kerina jelma ras tinepa sideban.
Sipesikap dage ukurta lako bengket kubas kebaktinta.

4. Rende KEE 114:1&3 (perpulungen tedis)

“Sendah jumpa kita wari raya e”
Sendah jumpa kita wari raya e, peringeten tubuh Tuhan Yesus e
Nusur ndahi kita manusia e, keriahen kap e
Ermulia me Tuhanta, e sipuji me gelarNa
Perdamen ib‟re Dibata, keriahen kap e
Sembah kami man bandu si tubuh e, Kam si maba dame ku pertibi e
Bengket min ku tendi ukur kami e, dameNdu O Yesus
Ermulia me Tuhanta, E si puji me GelarNa
Perdamen ib‟re Dibata, Tuhan Yesus kap e.
II. Kebaktin
1. Votum : Kebaktin Natal enda ibenaken ibas Gelar Dibata Bapa si erkeleng
ate man doni enda, Ibas Gelar Anak-Na Yesus Kristus si enggo reh ku doni enda jadi seri
ras manusia, ras ibas gelar Kesah si Badia si mpengasup kam (kita) guna nehken
kekelengen man kalak sideban.
 2. Salam : Kemalemen ate sir eh ibas Dibata nari, si la terukuri
manusia, ngarak-ngarak pusush ras perukurenndu (ta) erdandanken
persadanndu (ta) ras Yesus Kristus. Amin
Perpulungen : Amin…. Amin… Amin (iendeken)

3. Invocatio : “Adi kalak ersada ras Kristus, ia me tinepa si mbaru, si

male enggo lepas janah nehenlah, si Mbaru enggo reh.
(2 Korinti 5:7)

4. Rende : KEE 494: 1-3 “Rende malekat surga”

Rende malekat surga, enggo tubuh Tuhanta
Dame surga babaNa, ib‟rekenNa man banta
K‟rina bangsa pujilah, rende surak m‟riahlah
Ras malekat mbarkenlah, Yesus reh ku Betlehem
Rende malekat surga, enggo tubuh Tuhanta.
Surga muji gelarNa, Tuhan si rasa lalap
Nehenlah reh Tuhanta, tubuh Raja mulia
Nusur ku doni enda, tubuh idur Maria Tuhan
jadi manusia, rembak kita ras Ia Rende
malekat surga, enggo tubuh Tuhanta
Ibas keleng ateNa, kita i muliakenNa
Arah ketubuhenNa, g‟luh si mbaru b‟rekenNa
T‟rang keg‟luhen babana, kita jadi anakNa
Malem ate bas Ia, enggo tubuh Raja nta Rende
malekat surga, enggo tubuh Tuhan nta.

5. Berita kerna Natal (Perpulungen Kundul)

L : Marilah sibegiken berita kerna ketubuhen Tuhanta Yesus Kristus
bagi si tersurat ibas Pustaka si Badia (Titus 2:11-14)
“Sabap enggo ipetangkas Dibata lias ateNa guna keselamaten kerina
manusia. Lias ateNa e ngajari kita nadingken kegeluhen si la ngena
Dibata ras sura-sura doni, gelah nggeluh kita ngkuasai dirinta, bujur
dingen si sembah Dibata alu kegeluhenta i doni enda. Genduari kita paksa
 nimai Wari kemalemen ate si iarapken kita e me kerehen sinalsal
Dibatanta si Mbelin ras si Engkelini kita Jesus Kristus. Enggo
iendeskenNa diriNa guna kita, lako nebusi kita i bas kerina si jahat nari,
jenari ibahanNa kita jadi sikerajangenNa, jadi bangsa si bersih, si mesikel
erbahan mehuli.”

6. VG/ Koor
7. Rende : KEE 123:1-3 “Ketuahen me” Ketuahen
me, riah ukur me, ketubuhen ni Yesus e Sangap
me jelma, reh me Tuhanta
Mari surak areplah Haleluya!
Ketuahen me, riah ukur me, ketubuhen ni Yesus e
Malem me ateta, „radame ras Dibata
Mari surak areplah Haleluya!
Ketuahen me, riah ukur me, ketubuhen ni Yesus e
Yesus penawarta, tubuh man gunanta
Mari surak areplah Haleluya!

8. Padan Dibata man kalak si ngaloken Yesus

L: Mari sibegiken padan Dibata man kalak singaloken Yesus Kristus ibas
geluhna.
“Amin bage gia lit nge kalak si ngaloken Ia dingen tek man baNa;
man kalak si bage iberekenNa hak jadi anak-anak Dibata.
"Kukataken man bandu maka kalak si megiken katangKu, dingen
tek man si nuruh Aku, ialokenna kap kegeluhen si tuhu-tuhu si la
erkeri-kerin. Ia lanai iukum tapi enggo pulah i bas kematen nari
janah ndatken kegeluhen.” (Joh.1:12; 5:24)

9. Rende KEE 134:1,2 “O Kam Danak-danak”

O kam danak-danak ku Betlehem ras
Nandangi pelangkah ngenehen ku bas
I jem pemere Dibata nta me kap
Gelah kam meriah ukurndu tetap
Mari, mari je lit me kap
 Gelah kam meriah ukurndu tetap
Sangana ersurak malekat „nterem
Lit je anak kitik entabeh medem
BapaNa, nandeNa meriah kepe
Ras kalak permakan si nembah i je
Mari, mari ras min ku je
Ras kalak permakan si nembah ku je

10. Nagani Lilin (Perpulungen Tedis)

L: Genduari seh me paksana kita nagani lilin natal si cidahken pe
terang ku sekelewatta, arah natal enda kita ngergai kerina kai si enggo
ibere Dibata man banta janah tuhu ernanam geluhta man kerina
sekelewetta.
Rende KEE No. 135 :1-2 “Berngi E, Nggo Kepe”
Berngi e nggo kepe, Yesus reh ku doni e Nusurlah
ngangkut dosanta me kin
Jadi kap musil lah sangap pagin
Asa si tek Tuhan e, asa si tek Tuhan e.
Anak e bujur pe, Singena me aku e
KiniulinNdu tadingken kam kap
Bengket ku doni lah t‟rang si gelap
Aku daramenNdu e, aku daramenNdu e
Berngi e, nggo kepe
Tuhan reh ku doni e Padan
Dibata teridah tetap
KinikelengenNa banta me kap
Tuhan si puji gelah, Tuhan si puji gelah

11. RENUNGAN NATAL

12. Pengakun Kiniteken
13. Persembahan Pengataken Bujur
L: Seh me paksana kita ngendesken persembahen pengataken bujurta man
Dibata, ibas kita ersikap nina Dibata man banta; “Ngataken bujur e me
 persembahen si pehagaken Aku janah si patuh ngikutken Aku tentu ku
kelini”. (Maz. 50:23)
Tupung si endesken persembahenta mari si puji Tuhan
KEE 193: 1-3 “’Bas si nasa tinepaNa”
Bas si nasa tinepaNa, tetap k‟rin rende
t‟rus „Nde enden pujin badia, muji gelar
penebus Glo….ria, muliaken Tuhan
Glo….ria, muliaken Tuhan
Bas ingan si mehanjangna, bala Tuhan i surga
Rende m‟riah ia k‟rina, man Tuhan
Penebusta Glo….ria, muliaken Tuhan
Glo….ria, muliaken Tuhan
K‟rina hinemgem Dibata, pehaga Tuhan si tubuh e
Surga doni rende ia, k‟rina alokenNa pe
Glo….ria, muliaken Tuhan
Glo….ria, muliaken Tuhan

14. Pertoton Persembahan + Syafaat

15. Koor/ VG
16. Tekad Natal (Perp. Tedis)
L: Senina ras Turang kenca kam erwari natal ibas paksa enda kai dage
tekadndu guna nggeluh Bagi si ngena ate Tuhan?
Perp.: Enda Kami Tuhan, ajariiNdu aku segelahna aku pentar guna
ngasup aku makeken geluhku bagi si ngena ateNdu.
L: Kai nge buktina keleng atendu Tuhan?
Perp: Ku kelengi Kam arah aku engkelengi temanku manusia ras
tinepaNdu si deban, la aku nggeluh erbana-bana tapi setiap kai si
kulakoken tuhu erguna ras maba kemalemen ate man kerina sinasa
si enggo i tepaNdu.
L: Ula mbiar, nggeluhlah bagi sinisuraken Dibata, janah ingetlah
Dibata si mere gegeh ras kengasupen janah Tuhan ras kam seh ku
kedungen zaman.
17. Rende KEE 178 “Pujilah Min”
Pujilah min, pujilah min. Dibata nta, Dibatanta. Sini datas.
Dame ni surga nusur ku doni, ngena ate man manusia
Pujilah min Dibata nta, Pujilah min Dibata nta.
Dame ni surga nusur ku doni, dame ni surga nusur ku doni
Ngena ate, ngena ate man manusia
Ngena ate man manusia, man manusia
Pujilah min, pujilah min. Dibata nta, Dibatanta. Sini datas.
Dame ni surga nusur ku doni, ngena ate man manusia
Amin, Amin, Amin.

18. Pertoton Tuhan

19. Pemasu-masun
L :Mulihlah alu dame ras mejuah-juah man bandu kerina si nggo ngaloken
ketubuhen Tuhan Yesus, alokenlah pasu-pasu idur Dibata nari :
“Dibata si perkuah ate, si enggo nenahken Kam ku kemuliaanNa si rasa
lalap ibas Kristus, njadiken kam serta, tetap, megegeh dingen paguh. Ia
nge simada kuasa seh rasa lalap. Amin.”
Perp : A....min.... A....min.... A......min
(iendeken)
BP KLASIS RAS PERSONALIA KLASIS
GBKP KUALA-LANGKAT
MENGUCAPKEN :
SELAMAT ERWARI NATAL 25-26
DESEMBER 2018 RAS MENYONGSONG
TAHUN 2019 MAN BANTA KERINA
NGAWAN PERPULUNGEN GBKP SE-
KLASIS KUALA-LANGKAT