TATA IBADAH MINGGU

MINGGU TAHUN BARU, GKPS PEKANBARU

01 JANUARI 2023
TEMA : “ Hamuliaon ni Naibata ampa Holong- Ni Hubanta “
( Psalmen 8: 1 – 10 )

A. Panggilan Memasuki Ibadah - Ucapan Salam / Selamat Datang

Intro Musik ( Tonggo Pribadi )
Liturgi A

I. Prosesi Mandoding Haleluya 46: 1+5 “ Satahun Use ma Surut ni “

1. Satahun use ma surut, surut homa ma umurhin.
Naha do au na sain dokahni, margagan do parlahouhin?
Ganda do haporsayaon ku, ‘ge holong ni ateihu pe,
Bai Jesus pakon Naibatangku, ‘pa bai hasomankin ale?

5. Halani ai ma ‘se hupuji, layakMu in sadarion.

Ai na patibal ruji-ruji, sai na tarlobih do in tong.
O Jesus, na marholong atei! Ningon hupuji GoranMu.
Ai Ham do hapeni na pandei mambere bangku layakMu,

B. Ibadah Berdiri )
1. Votum – Introitus – Tonggo ( Jongjong Kuria )
P : Riap ma hita jongjong!
Ibagas Goran ni Naibata Bapa pakon Tuhan Jesus Kristus ampa Tonduy Na Pansing,
Sitompa langit pakon tanoh on. Amen.
P : ( Agenda.... )
Tapi anggo idop ni uhur ni Jahowa totap do ronsi sadokah ni dokahni bani sagala na
mangkabiari-Si, anjaha hasintongan-Ni marnini marnono, bani na manramotkon padan
binahen-Ni, pakon na mardingat parentah-Ni laho mandalankon ai.
Haleluya, Haleluya, Haleluya
P : Martonggo ma hita! ( Agenda ).......

Ham Tuhan Naibata Bapanami , marhitei Anak-Mu Jesus Kristus Tuhannami. Tarimakasih
ma Bamu halani iramoti Ham do hanami marhitei idop ni uhur-Mu, mambahen boi hanami
mandipar hubani tahun na baru on. Maidop ma uhur-Mu bannami, parayak Ham ma
hanami na martumpu on, ase bayu uhurnami marhitei Tonduy Na Pansing in, janah gabe
margogoh hanami mamuji pakon pasangapkon Ham. Marhiteihon ni in Gbe boi ihorjahon
hanami harosuh-Ni uhur-Mu ronsi ujung ni goluhnami. Amen.
( hundul kuria)

2. Mandoding Haleluya 404:1-2 “ Ganup Ari do in “

1. Ganup ari do in, ronsi tahun hu taun, sihol do hu dodingkon Goran-Mu.
Ham Tuhan Naibata, sai hupuji do Ham, halani haganup layak-Mu.
Ham arta na harga, poltik hujolom in, humbani na hinan, Ham do tong Naibatangkin.
Bona ni na dear, ronsi sadokahnin, Panondang na lihar, bai ganup na golap in.
2. Hata-mu do Tuhan, hupindahi nuan, bahen suluh bai pardalanankin. Pitah Ham hansa in, na
mambotoh ijin, aha na huporluhon Tuhan.
Ham arta na harga, poltik hujolom in, humbani na hinan, Ham do tong Naibatangkin.
Bona ni na dear, ronsi sadokahnin, Panondang na lihar, bai ganup na golap in.

3. Titah
P : Tangihon hita ma Titah ni Naibata na Sapuluh in............ ( Agenda )
Riap ma hita mangindo...
K : Ham Tuhan Naibata, pargogohi Ham ma ahu, mangkorjahon titah-Mu ai. Amen.
4. Mandoding Haleluya 149: 1+3 “ Ham Sipagoluh Au “
1. Ham Sipagoluh au, parayak Ham au on. Sai ulang Ham mandaoh, humbagas uhurhon
Roh Sipagoluh roh tongon, baenHam au anakMu tongon.
Bani darohMu usah au, putih songon bunga ma au.
Putih, tongon, putih tongon, bani darohMu usah au, outih songon bunga ma au.
3. Togu Ham uhurhon, Bamu ma tarik in; Ai langkahMu do tong, na sol usihankin!
Roh Sipagoluh roh tongon, baenHam au anakMu tongon.
Bani darohMu usah au, putih songon bunga ma au.
Putih, tongon, putih tongon, bani darohMu usah au, outih songon bunga ma au.

5. Hasasapan ni dousa :
P : Riap ma hita jong-jong!
Martonggo ma hita, sopotkon hita ma dousanta hubani Tuhan Naibata!
( Agenda )...........
Ham Tuhan Naibata Bapanami paridop ni uhur hubani jolma pardousa. Domma iberehon
Ham Anak-Mu Jesus Kristus gabe jolma anjaha manaron hahirion pakon hadoyukon, pala
matei tarsilang laho mangkopkop hanami anjaha mulak manggoluh, naik hu nagori atas
laho mngipiti hanami. Tapi gati lang iahapkon hanami banggal ni pangkopkop-Mu in
bannami, janah gati seng ihargahon hanami in bani goluhnami. Haganupan in, in ma
pangkorhon ni gijang ni uhur, hamoung janah hurang ni pangarusionnami. On pe na roh ma
hanami hu Bamu mansopotkon dousanami. Sai palumbang Ham ma uhur-Mu sasap Ham ma
dousanami. Pargogohi Ham ma hanami laho manangihon hata Mu, ase lambin ididah,
iahapkon janah iarusi hanami na dob ihopkop Ham do hanami. Ajari Ham ma hanami, ase
ibotoh hanami martarimakasih marhiteihon ni uhur, hata ampa pambahenannami. Jalo
Ham ma tonggo elek-eleknami on ibagas goran ni Anak-Mu Jesus Kristus, Sipaluah hanami.
Amen.

P : Tangar anjaha haporsayai hita ma Hata ni Naibata bagah-bagah pasal hasasapan ni dousa.
( Agenda ).............
Ibotoh nasiam do, laho mambuat dousanta do Ia ase roh: seng adong dousa ibagas Ia.
Ganup na marianan ibagas Ia seng mardousa.

P : Ibagas holong ni Naibata, domma isasap haganup dousanta. Halani ai, pataridahkon hita
ma tanda-tanda ni pargoluhon na bayu. Hasangapon ma bani Naibata i babou.
K : Amen.
( hundul kuria )
6. Mandoding Haleluya 472: 1-2 “ Seng Adong na Dos “
1. Seng adong na dos songon Ham o Tuhan, na sai sirsir mangkasomani hanai on.
Pitah Ham tongon, Naibata na sintong, ganup pambaenanMu gok halongangan do.
Sagala bangsa do na jinadihonMu, marsombah roh hu lobei Mu
Pasangapkon Ham, ronsi sadokahniin, timbul janah pansing do GoranMu ijin.
2. Sai ajarhon Ham, dalanMu bangku on, ase mardalan au bai hasintonganMu.’
Sai baluti Ham, uhurhon sai tongtong, ase marhabiaran bani GoranMu.
Ai pitah Ham Tuhan, na boi haposankin, bai goluh sidalanankin.
BokasMu nuan, si irikkononkin, na gabe suluh bani pardalanankin.
7. Sibasaon/Epistel

P : Tangar hita ma Hata ni Naibata na tarsurat bani: Efesus 3: 14-21.....Amen

Martuah do na manangar Hata ni Naibata anjaha na marimbagashonsi!
K : Amen.

8.Mandoding Haleluya 137: 1-2+6 “ Sadokah Jesuskin “

1. Sadokah Jesuskin mangkasomani au, maporus holsoh holsohkin, sai Bani mando au.

2. Parmahan Jesuskin, biri-biriNi au. Itogu-togu tonduyhin, seng be marmara au.

6. Hutonggor ma tongtong Jesusku, rupeihin. Ai Ia tuah na tongtong, na so marhinggan in.

9. Hata Haporsayaon
P : Riap ma hita jongjong!
Saksihon hita ma haporsyaonta in, songon na sinaksihon ni haganup halak na porsaya bani
sab tanoh on!

P+K : Ahu porsaya bani Naibata Bapa, Pargogoh na so tarimbang, na manompa langit pakon
tanoh on. Ahu porsaya................

10.Mandoding 459: 1+3 “ O, Tuhan Tiap Jam “

1. O, Tuhan tiap jam, au mamorluhon Ham. Ai Ham tumang na boi pasonang uhurhin.
Bai haganup ianan, Ham do hupindahi. Na roh do au sonari, holong ma Ham.
3. O, tuhan tiap jam, Bamu ma goluhkin. Anggo daoh do Ham, soya do ganup in.
Bai haganup ianan, Ham do hupindahi. Na roh do au sonari, holong ma Ham.

11. Tingting/ Warta Jemaat JEMAAT ( Tonggo salpu tingting- pitah manonggohon isini tingting
)
12. Galangan Hulobei
P : Sadarion manggalang hulobei do hita aima untuk ....................
P : Sonari taruhkon hita ma galanganta!
13. Mandoding Haleluya 52: 1-3 “ Jesus Tolong Ham Hanami “
1. Jesus tolong Ham hanami, bani tahun baru on.
Sai pabayu gogohnami, mangirikkon Ham tongtong.
Pasu-pasu Ham homa, ganup na porsaya da.
2. Pingkiranku ‘pa horjangku sai pasangap Ham ma in.
Puho barang modom ahu, Ham tongtong i lambungkin.
Laho luar masuk pe, Ham hasomankin use.
3. Tahun parholong ateian ma hubangku tahun on.
Ham patotap hasasapan ni dousangku bangku on.
Pitah Ham, o Jesuskin, boi manasap dousangkin.
14. AMBILAN : Psalmen 8: 1 – 10

15. Galangan Kantong

P : Paima iondoskon hita galanganta, tangar hita ma lobei hata ni Naibata na gabe onjolan banta
laho manggalang, ai ma na tarsurat bani : Heber 13: 16
“Mambahen na madear ampa na marsibere-bere, ulang ma halupahon nasiam ai, ai
galangan na sonai do iharosuhkon Naibata “.
Sonari ondoskon hita ma galanganta marhitei galangan kantong!

16. TONGGO GALANGAN-PANUTUP–PASU- PASU

P : Riap ma hita jongjong!
Martonggo ma hita mangondoskon galangan hubani Naibata!( Agenda .....)
Ham Tuhan Naibata Bapanami, pardear layak janah na unjah hu bannami. Tarimakasih
ma hatahononnami hu Bamu, halani tongtong do ipasu-pasu Ham goluhnami. Domma
ihasomani Ham hanami janah ipasu-pasu Ham horjanami das hubani sadari on. Sonari,
ibagas malas ni uhur roh do hanami mangondoskon buah ni horja na dob pinasu-pasu-Mu
in gabe galangan hatarimakasihon pakon puji-pujiannami hu Bamu. On pe sai jalo Ham
ma galangannami on, bahen hasangapon ni goran-Mu janah mambahen lambin
marhataridahan harajaon-Mu i dunia on. Ibagas goran ni Anak-Mu, Jesus Kristus
Tuhannami, jalo Ham ma tonggonami on. Amen .
P+K : Mandoding Haleluya 249: 2 “ Ganup Binere-Mu in, Tonduy pakon Angkulaku “
Ganup binere-Mu in, tonduy pakon angkulaku.
Hosah ampa gogohkin, ronsi haganup artangku.
Huondoskon in Bamu, seng paosoronku in.

P : Tonggo Panutup( Agenda )

Ham Tuhan Naibata, parholong ni atei na tarsulur. Puji-pujian ampa tarimakasih ma
isombahkon hanami hu Bamu, halani pitah idop ni uhur-Mu do mambahen boi hanami
mandipar hubani tahun na baru on. Pabayu Ham ma hadirionnami mandalani tahun baru
na dob ilayakhon Ham bannami. Bahen Ham ma tahun on gabe tahun paridop ni uhuran
pakon tahun hamubahon ni uhur bannami. Lang ibotoh hanami aha na sihol masa bani
tahun na baru on, tapi tenger do uhurnami bani pangkasomanion-Mu bannami bani
namandalani yahun na baru on. Totap ma Ham rap pakon hanami manggoluh barang
matei pe hanami. Idop ma uhurMu bannami, balosi Ham ma hanami, ibagas goran ni
Anak-Mu Jesus Kristus Tuhannami.

P : Ham Bapanami na inagori atas........

K : (Mandodingkon) Ai Ham do simada Harajaon pakon Hagogohon ampa Hasangapon,
sadokah ni dokah ni...Amen
Paingkatkon/Pengutusan ..................
Laho ma nasiam, janah “ Ulang ma surut ringgas ni uhurnasiam, hinsah ma ibagas tonduy,
sirsir ma mambalosi Tuhan in “( Rom 12: 11 ).

P : Jalo Ham ma pasu-pasu humbani Naibata .............................

Ipasu-pasu anjaha iparorot Tuhan Naibata ma ham/hita. Isondangkon Tuhan Naibata ma
bohi-Ni hu bamu/hu banta. Janah maidop ma uhur-Ni mangidah ham/hita. Idompakkon
Tuhan Naibata ma bohi-Ni hu bamu/hubanta. Janah ipasorap ma damei-ni bani
tonduymu/tonduy ta bei. Amen.
P+K : ( Mandodingkon ) Amen....Amen.....Amen.