Tata Ibadah Pardingatan Parmatei ni Tuhan Jesus Jumat Agung

1. Persiapan di Konsistori. 2. Mandoding Haleluya 309 : 1-2 (sanggah doding on masuk ma pangidangi ibadah) 1. Au sol dohor Bamu Ham Naibata Ge pe manaron au hu porsan ma Mandoding do au on mamuji Ham tongtong, Lambin dohor Bamu dohor Bamu 2. Bai pardalanankin bod ari in ge bai na golap in pos uhurhin Sanggah mardalan au ulang tadingkon au, ase dohor Bamu, dohor Bamu 3. Votum Introitus - Tonggo P : Ibagas Goran ni Naibata Bapa pakon AnakNI Tuhan Jesus Kristus ampa Tonduy Napansing sitompa langit pakon tanoh on K : Amen P : Tongon do naboritta iusung, Anjaha hadoyukonta iporsan, Tapi nini uhurta Naibata do namaminsang, mamukul ampa namangarsikSi. K : Mandodingkon Haleluya no 61:1 O, Ulu na sab daroh ibaen ugah-Mu in Humbani janggar-janggar duri parsilang in O ulu hatunggungon hinan sihilapMu Itaron Ham madorun; manombah au Bamu P : Hape halani panlanggaronta do Ia hona pantom, Binahen ni hajahatonta do Ia ugahan, Tampei hu Bani do pinsang-pinsang parhiteian ni damei banta

anjaha binahen ni ugahNi malum iahap hita. Iarsik do Ia ,tapi ipaunduk do diriNi, seng ibuha pamanganNi, Songon biri biri na tinogu hu panayatan .Songon anak ni biri biri na sip ilobei ni namanrasipsi, sonai do seng ibuha pamanganNi : Mandodingkon Haleluya no 61: 3 Au on talup, o Tuhan manaron sisonin Dousangku do iporsan Ham na tarsilang in Sai tonggor Ham, o Tuhan, au na ilobei-Mu Anjaha patuduhkon hu bangku layak-Mu : Rapkon halak parjahat do ibahen tanomanNi, Anjaha rapkon halak sihorjahon namasambor do Ia sanggah matei, Age pe seng dong na jahat ihorjahon anjaha seng dong tipu ibagas pamangan Ni. Tapi iharosuhkon Jahowa do parropukni ai mandagei namaborit, dop nabinereNi ai hosahni gabe galangan pardearan Idahonni ma ginompar anjaha roh ganjang ni ari-arini anjaha saut surasura ni Jahowa marhitei tanganNi. : Mandoding Haleluya 61:6 Tarimakasih ningku, Bamu ale Tuhan parmateiMu Tuhanku, mambaen au on sonang Ai daroh Mu madurus, halani dousangkin Sai jalo au o Jesus, bani parmateihin. : Martonggo ma hita. Ham Tuhan Naibata Bapanami, nadop mangondoskon anakMu sisada sada in manaron namarsik ronsi namatei tarsilang I dolog Golgata. Jong jong ma Ham itongah tongah nami ase tarberehon hanami diri nami naburuk in rap tarsilang pakon anakMu, gabe ijalo hanami goluh na baru hum Bamu. Tarimakasih ma hatahonon nami hu Bamu halani ipasaud Ham do sura-sura ni uhurMu bahen haluahon nami. Jalo Ham ma

hanami marhiteihon anakMu Jesus Kristus Tuhan nami. Amen ( Hundulma kuria) 4. Mandoding Haleluya no 65: 1-3 1. Ambit iuhir bai uhurhu bohiMu laho matei Ham Ambit hudingat, o Tuhan-ku, pangkopkopMu bangku naman Ai Ham do paluahkon ahu, dousangku do pinorsan-Mu Ham manambari naboritku, martuah au halanin 2. Sai jalo Ham ma au Tuhanku , baen upah na tinaron-Mu Sihol ingaton ni uhurhu ganupan nabinahen-Mu Mangkopkop au pardosa banggal, ibaen holong ni atei-Mu Halani in tarbaen au sonang lao marayakkon huta-Mu 3.Tarima kasih ma uhurhu Bamu, o Jesus Tuhankin. Sai tong do ham haholonganku, mardingat hinalayak-Mu. Sai jolom ham tongtong tanganku, manogu au hu lambung-Mu; Ijalo Ham tong tonggoku tenger uhurhu halanin. 5. Liturgi I Iboan Jesus hu Dolog Golgata L1 : Siangkonsi ari, manriah ma haganup sintua ni malim ampa pengetua pengetuai ni bangsa ai pasal Jesus, laho pamateihonSi. Isangkut sidea ma Ia, anjaha iboan laho mangondoskonSi bani si Latus panggomgomi ai. Jong jong do Jesus ilobei ni panggomgomi ai, anjaha isungkun panggomgomi ai ma Ia nini ma Atene, Ham do raja ni halak Jahudi? Jadi nini Jesus: ma songon na hinatahon mu ai ma tongon. Anjaha sanggah mangadu-adu ai sintua ni malim ampa pangetuai ni bangsa ai dompakSi, Seng dong marbalos Ja, pala do ihatahon si latus Hubani Tuhan Jesus, ai seng itangar Ham, buei ni sinaksihon ni sidea in dompak Ham? Tapi sangkababah hata pelang ibalosi ia, pala longang tumang panggomgomi ai.

K : Mandoding Haleluya no 64 : 1 Laho do Biri-biri in mamorsan ganup dousa, ni haganupan jolma in ase maluah hita. Iporsan naboritta in, ibere do diri-Ni in, Hu tangan ni pamunuh, itaron do na sahit in, das bai na rotap hosah-Niin. nini Sai porsanonKu L2 : Somal do ipaluah panggomgomi ai bani pesta sada halak natartutup, atap ise natinodoh ni halak namabuei. Adong do ijai sada halak natar tutup natar barita hajahaton ni, namargoran si Barnabas. Jadi sanggah na tumpu ai sidea nini si Latus ma dompak sidea, ise do iparsinta nasiam paluahonku, si Barnabas do atap Jesus namargoran Kristus? Sanggah hundul ai si Latus bani kursi panguhuman ai, martonah ma parinangon ni hu bani nini: ulang das ikahua ham halak na pintor in. ai susah tumang do huahap naborngin marhitei nipingku marhalanihonSi. L3: Tapi sai i ojur-ojor sintua ni malim ampa pangetuai ni bangsa ai do,halak namabuei ai, ase ipangindohon sidea paluahon si Barnabas tapi bunuhon anggo Jesus.Nini pangggomgomi ai ma mambalosi sidea ise humbani sidea nadua on iparsinta uhurnasiam paluahon ku? nini sidea ma: si Barnabas! nini si Latus ma hu bani sidea, aha ma sibahenonku bani Jesus namargoran Kristus?haganup do sidea mangkatahon :Parsilangkon ma Ia.dop ididah si latus naso siat be hatani, lambin tambah tene georni, ia pe ibuat ma bah pamurihi tangan ni ilobei ni halak namabuei ai, anjaha nini ma seng marsalah au pasal daroh ni halak on. Nasiam ma napabotoh botoh in.Nini haganup halak namabuei aima mambalosi, marsapata bannami ampa bani dakdanak nami pe daroh Ni in. dop ai ipaluah ma si Barnabas. Tapi anggo Jesus dop ilonsingi, iondoskon ma bani sidea ase iparsilangkon.

K: Mandoding Haleluya no 62: 2+3 Habileion, apas apas, lansat ampa tijur pe Tali pakon tompas tompas itaronkon Ham hape, Paluahkon au nasombuh humbai tangan ni si bolis Halaniin hupui Ham sai marribu hali tong. Bai gurungMu in do ugah, sanggah hona lonsing in, parmalumni ganup ugah, nabai uhurhin do in Ham do jadi binuruan, au dapotan hagoluhan Halaniin hupuji Ham sai marribu hali tong L4 : Sanggah na mamboan Jesus ai sidea laho hu Golgata, itangkap sidea ma sada halak, na margoran si Simon, na hun Kirene, na roh hun jumani; hubani ma ipaporsankon sidea silang ai, laho mamboan ai paihut-ihut Jesus. Buei do halak humbani bangsa ai ampa puang-puang na mangirikkonsi, na marhoru anjaha na tangis-tangis marhalaniSi. L5 : Mandoding Haleluya 62: 1 Jesus ham do bah tubuhku, sipagoluh tonduyhin. Ai ibunuh Ham munsuhku in ma hamateian in. Ham manaron hamagouan, pasirsirhon hagoluhan. Halanin hupuji Ham sai marribu hali tong. L6 :Jadi idompakkon Jesus ma sidea, nini ma: Nasiam boru Jerusalem, ulang ma Ahu tangisi nasiam, tapi diri nasiam ma tangisi nasiam ampa anak nasiam! Ai na roh ma arini, hatahonon ni halak ma ijai: Martuah ma na lambang, ampa parinangon na so ongga tubuhan tuah, ampa na so ongga painumhon! K : Mandoding Haleluya no 60:2 Tama longang uhurhu mamingkir hata on; Pangkopkop-Mu, Tuhanku, hubai pardousa on. Ai hosah ni Anak-Ni in Ibere Naibatangku manobus tonduyhin

6. Mandoding Haleluya no 321:1-3 1. Sai orod bai silangmu Jesus iananku Bah tubuh mabaor ijin in ma inumonku Silangni Tuhankin in ma pujionku Anggo das magira au in dodingkononku 2. Lao maua bai silang-Mu in haporusanku sai idop na uhur-Mu ulang tulak ahu Silangni Tuhankin in ma pujionku Anggo das magira au in dodingkononku 3. Domu au bai silang-Mu in ma jolomonku Ase ulang kahou au Ham ihutkononku Silangni Tuhankin in ma pujionku Anggo das magira au in dodingkononku 7. Liturgi II. Jesus i Golgata
Hatorangan : (Na berperan gabe Jesus

jongjong ma itongah-tongah, parliturgi 1-4

jongjong isiamun Jesus, janah parliturgi 5-7 jongjong isiambilou

L1 : Ase dob das sidea bani ianan na margoran partangkurakan, iparsilangkon sidea ma Jesus ijai rap pakon parjahat na dua ai, na sada hu siamunni anjaha na sada nari hu sambilouni. Sahalak humbani soridadu ai manlongkothon sada tulisan do, namarsuratkon bahasa heber namararti Jesus, halak Nazaret, Raja ni Jahudi. Jongjong do ijai halak na mabuei ai manonggor, tapi manrehei do pambobai ni sidea, nini ma: Na legan ipaluah, mahua dirini ma ipaluah, anggo na tongon do Ia Kristus, na pinilih ni Naibata. Jesus : Ham Bapa, marpangulaki ma uhurmu, ai seng ibotoh sidea na binahenni ai!

Jesus)

L2 : Sada humbani parjahat na gantung ai manrehei Jesus: Ai lang Kristus do Ho? Paluah ma dirimu ampa hanami! Jadi marbalos ma hasomanni ai, nini ma mangkatasi: Seng ihabiari ho hape Naibata, ge pe rap hona uhum hita? Uhum na pintor do mangonai banta, ai ijalo hita do upah ni pambahenanta. Tapi anggo Ia, seng dong ihorjahon na so patut. Ikawahkon ma jesus lanjar nini ma ! Ham Jesus, ingat Ham ma Ahu, anggo das ma Ham bani harajaonmu. Jesus : Sintong do hatangkon bam: Sadari on rap pakon Ahu ma ho i Paradeiso! L3 : Ase dob iparsilangkon tentara ai Ia, ibuat sidea ma hiouni, ibagi ompat ma ai, ganup sidea sabagian, ambah ni ai baju ganjangni ai. Ia baju ganjang ai seng marpanjaruman, na tinonun do ai torus. Nini sidea ma samah sidea: Ulang ma rigat hita on, manjomput na sinurat ma hita pasal on, atap bani ise on. Jadi jumpah ma na tarsurat in, na mangkatahon: Ibagi sidea do hiouhu, anjaha manjomput na sinurat do sidea pasal bajungku. Ase sonai ma pambahen ni tentara ai. Jongjong do homa ilambung parsilang ni Jesus ai inangni, sanina ni inangni, si Maria parinangon ni si Kleopas, ampa si Maria Magdalena. dob iidah ijai do inangni ampa susian haholongan ni uhurni ai ilambungni, marsahap ma Jesus bani si Maria pakon Susianni! Jesus : Andin ma inang, anakmu! Andin ma inangmu!

L4: Mulai pukul sapuluh dua das hu pukul tolu sogop ma na golap hu sab tanoh in. Anjaha hira-hira pukul tolu marsora na gogoh ma Jesus Jesus :Eli, Eli, lama sabachtani? Artini: Ale NaibatangKu, NaibatangKu, mase ma itadingkon Ham Ahu? L5. : Mambogei hata ni Jesus ai, nini deba halak na jongjong ijai ai ma: Na mandilo si Elias do Ia ai! Domma ibotoh Jesus, na dob iondoskon Bapa in haganup hubagas tanganni, Ia roh humbani Naibata anjaha mulak ma hubani Naibata, Jadi dob ibotoh Jesus, na dob marujung haganup, ase jumpah na tarsurat ai. Ihatahonnima

Jesus : Horahan Ahu! L6 : Domma ijai gusi na marisi anggur na migar. Isornobkon sidea ma limut hubagas anggur na migar ai, ilongkothon sidea ma ai bani hayu ni hisop, anjaha isurdukkon ma hubani pamanganni. Dob ijalo Jesus na migar ai, marsahap ma Ia use Jesus : Domma salosei! 7 : Dob ai ipaunduk ma uluni anjaha iondoskon ma tonduyni. Jesus : Ham Bapa! Hubagas tanganmu ma huondoshon tonduyHu.
( marhata ma giringgiring ----jemaat martonggo ibagas uhur)

8. Mandoding Hal No 322.1-3 Durus darohni Jesus in i dolog Golgata, Na paubahkon uhurmin, isasap dousamin Isasap dousamin, isasap dousamin Napaubahkon uhurmin , isasap dousamin. Parjahat na i lambungNin, maluah do homa, Ge au pardousa banggal in,iuras daroh-Nin, Iuras daroh-Nin, iuras daroh-Nin Ge au pardousa banggal in, iuras daroh-Nin. Daroh-Ni na madurus in, margogoh do tongon Gabe maluah bangsa-Mu, pansing homa tongtong Pansing homa tongtong, pansing homa tongtong Gabe maluah bangsa-Mu, pansing homa tongtong 9. Liturgi III Domma matei Jesus 1. Anjaha tonggor ma, marigat ma tirei na i rumah panumbahan ai hun datas hu toruh, bolah dua, anjaha tanoh on dugur, batu gingging mangkabolah, tanoman mangkabuha, anjaha puho ma buei halak na mapansing, na dob matei, luar do sidea hun tanoman 2. Ase dob iidah kopala ni tentara ai, ampa sidea sijagai Jesus lalou ampa haganup na masa ai, mabiar tumang ma sidea, nini ma: Tongon do Anak ni Naibata do Ia!. Mangidah na masa ai kopala ni tentara ai, ipasangap ma Naibata , nini ma: Tongon do, halak na pintor do on! Anjaha ganup halak na mabuei ai, na roh hujai, marsitompuk tontonni bei ma mangidah na masa ai, lanjar mulak ma 3. Adong do ijai buei naboru, na jongjong manatapnatap humbani na daoh, ai ma na dob mangirikkon Jesus hun Galilea, laho marugas Bani. Sidea ai, ai ma

si Maria Magdalena, si Maria inang ni si Jakobus ampa si Josep, ampa inang ni anak ni si Sebedeus 4. Halani ari parugasonkon do ai, anjaha ase ulang bani parsilang ai bangkei ai sanggah ari Sabat (ai ari na banggal do ari Sabat ai), jadi laho ma halak Jahudi hubani si Latus mangindohon, ase iparponggol ma nahei ni sidea anjaha ipasusur. Jadi laho ma tentara ai, iparponggol sidea ma nahei ni sidua halak ai, na tarsilang rap pakon Jesus. Tapi dashonsi sidea bani Jesus, iidah ma na dob matei Ia, gabe seng be pala iparponggol sidea naheini. Tapi ipantomhon sahalakhumbani tentara ai ma tanjani bani tontonni, gabe mintor luar ma daroh ampa bah. 5. Anjaha na mangidah ai do na manaksihon ai, anjaha sintong do na sinaksihonni ai. Ibotoh do, na sintong do na hinatahonni ai, andohar porsaya age nasiam. Ase masa pe ai ase saud do na tarsurat in: Seng bulih ponggolhonon holi-holini! Anjaha surat na legan use mangkatahon: Idahon ni sidea do na pinantom ni sidea in. Dob salpu ai ipindohon si Josep, na hun Arimatea ma hubani si Latus, atap boi do pasusuronni bangkei ni Jesus. Dihut do ia susian ni Jesus, tapi ponop do, halani biarni mangidah Jahudi. Jadi ibalosi si Latus ma ai, gabe laho ma ia pasusurhon bangkei ni Jesus.
10. Mandoding Hal No. 211.1+3

Silang namapansing in Ham tong tong baen gantar hin Lao manlawan dousa in pakon pandoleian in Bani sitaronon in Ham tong tong baen gantarhin Roh do au nuan bamu sai lumbang ,ma uhurMu Domma pala mateiham ibaen holong mu tumang Jalo Ham nasombuh on parhiou tonduyhon

. 10. Ambilan 11. Mandoding Hal No 213.1+3 Jesusku namanobus ahu sai sol haholonganku Ham Hu dolog Golgata Ham laho iojur holong ateiMu Hupuji idop uhuruau tarlobih holong ateiMu Uhirhon Ham ma bai uhurhu tinaronMu mangkopkop au Hujin sai togu Ham uhurhu, sai tong guru Bamu ma au Hupuji ido uhurMu tarlobih holong ateiMu 12. Tonggo panutup - Pasupasu