DRAMA UNTUK INA

“ SORIPADA NA PANTAS MARROHA”

BABAK I
Prolog: adong ma sada keluarga. Ia keluarga on dohonon ma keluarga na susa. Susa ndang
alani hapogoson, alai ala ni pangalaho ni amantai do, na so olo bertanggungjawab di
parngoluon ni rumah tangga na. Ia inanta i sahalak ina na ringgas marminggu do jala masuk
do ibana punguan ina. Alai molo amantai, holan na mabuk dohot marjuji do ulaon na. Sada
do boru ni nasida, margoar si SABINE, kuliah di sada Pakultas kedokteran di Jakarta.
Oma Sabine (______________ : ( sipata hundul-jongjong pajaha-jaha surat ni boru na). Bah.....ale
Tuhan… tudia nama luluanku hepeng na songoni godang na..!!!
Ama Sabine (_______________ : (hundul angkat kaki huhut marisap)... surat ni si Sabine do i??? Aha
muse ninna?? Da holan hepeng do namohop disi?. Hudok pe sian mulana aha.?..anggo boruboru
so pola ringkot pasingkolahononhon. Holan na pasudahon do i, dungi halak ma na mangallangi .
Oma Sabine: songon jolma na jolo do ho,,, sarupa do baoa dohot boruboru saonarion, ingkon rap pamajuon.
Ama sabine: antong ho ma pasingkolahon i, dang olo au loja bahenonni i, dia jolo hepeng i asa lao au tu lapo
an,,,,!!
Oma Sabine: amang jo tahe,, hepeng dope nimmu, di bereng ho do surat ni borumon, ringkot ninna hepeng
Rp. 2.000.000,- biaya laho manyusun skripsi ninna, hape tarhona dope tu lapo roham. Jaha majo
surat ni borumon asa marpingkir ho saotik (mangalehon surat).
Ama Sabine: akkhh....godang ni ungut-ungut mi, molo so adong hepeng, kalung mi ma dia ( di rampus
kalung ni nai sabine, disampathon surat i tu bohini inanta i). Nunga bosan au mangida ho,
bohimpe nunga songon bulung ni cabe na kariting !!! (huhut laho)
Oma sabine: inongg...!! hancit na i hape sitaonon ni siboruadi on ( sai tumatangis,,tutup layar/ dipamate
laampu)

BABAK II

Prolog: tung pe songoni hancit na pambaenani Ama ni Sabine, sai holan surat ni boruna i do dipingkiri
ibana. Lao ma nai Sabine mangalului parsalian, laho mambayar uang singkola ni boruna i.
Nai Rita (_________________ ( hundul goyang kaki huhut markira hepeng na)
Oma Sabine: Eda...Eda..di jabu do hamu eda,,,? (mengetuk pintu)
Nai Rita: (humalaput manimpan hepengna) ou...olo eda,, (mambuka pintu).. bah,,hamu do hape eda, masuk
hamu eda, huida songon na marsak do eda,,apala ahai?
Oma Sabine: ido eda, toho do nanidokmi. Naeng maminjam hepeng mi do au eda, alana naeng manyusun
skripsi maen mu, jadi ringkot hepeng di ibana Rp. 2.000.000,- jadi tolong ma jo au eda.
Nai Rita: imada eda....au pe marsak do rohangku nuaeng, sai mangido hepeng angka beremuna on, hape so
adong be hepeng niba...oh songonon mai eda, tu nai Ani ma hamu lao, adong do hepeng ni..
Oma Sabine: (marsak) oh ido have eda...antong molo songoni laho ma jolo au eda manjumpangi nai Ani
( huhut di alusi nai Rita)... dipardalanan sai tangis do oma ni si Sabine huhut marende sian
BE.NO. 736:1 “ Jesus Haposanku”
Jesus haposanku, unang ma pasombu,Au di hapunjungan di naso mardongan.
Ho tongtong donganku, dipardalanku, Jesus haposanku, unang au pasombu.
Hotongtong donganku, dipardalanangku, Jesus haposanku, unang au pasombu
“Amang tahe Tuhan bagianki, sai marpanatap ma Ho Tuhan tu au na dangol on” .(huhut diuduti
pardalananna, hape naso panagaman pajumpang ibana ditonga dalan dohot Nai Ani), Eda nai
Ani...tuani ma pajumpang hita dison ai naeng tu jabu ni eda hian do au naeng maminjam hepeng
mi eda, ala porlu hian maen muna di Jakarta eda..
Nai Ani (____________________ : aha nimmu...?? maminjam hepeng?.. gari utangmu na taoni pe so dibayar
ho dope lunas, naeng maminjam dope nimmu (muruk). Nian huboto do ringkot hepeng i
bahenonmu. Alai na ringkot ondo; olo do au papinjamhon hepengku tu ho, alai bunga 30 %, jala
ingkon pangke surat parjanjian do, molo so boi dibayar ho sataon on, jabu mi ma borot na, olo do
ho..????
Oma Sabine: (tungki marpingkir)..eda,,,, diboto ho do songon dia au....
Nai Ani: akkhhh....dang porlu paboaonmu sude i tu au, naeng hatop au martunggu bunga ni hepengku nuaeng,
boha olo do ho..???
Oma Sabine: ba....ipe taho eda, (huhut tangis)

1
Nai Ani: (mangalehon surat segel). Nah... tanda tangani ma surat parjanjian on, (dung sidung ditanda tangani,
dilehon ma hepeng Rp.2.000.000,-) lao ma au da nion hepeng i, naeng hatop au nuaeng..(oma
sabine mulak dibagasan arsak ni roha)..

BABAK III
Prolog: di Jakarta si Sabine sai tarpaima-ima di kiriman ni natoras na. Alai adong do dongan na na sai burju
mandongani ibana, huhut mangapuli ibana. Ujung na ro ma kiriman i dohot surat sian natorasna, alai ndang
pola di paboa oma ni si Sabine pangalaho ni ama ni Sabine. Asal ma tulus singkola ni boru na i.

Sabine (_______________: akh..na boha do nuaeng kabar ni halak Bapak dohot oma nuaeng di huta. Nunga
leleng hutongos surat hu, alai dang marna dibalos. Hape marsogot nga ingkon gararon sude
administrasi tu rektor, hape na salelengon, na hupinjam do hepengni dongan... oh...Tuhan urupi au,
jala lehon ma hahipason tu natorashu ale Tuhan....
Marlina (________________ (marlojong huhut dibon surat dohot wessel). Sabine.... sabine..nion surat dohot
wessel tu ho sian huta., (mangalehon surat dohot wessel).
Sabine: bah....tuani mai Mar...nunga sai huholsohon on sian nangkaning, nunga boi be au annon manggarar
administrasi tu kantor, dohot manggarar utang ki tu ho...mauliate ma di Tuhan ala di urupi dope au
dohot natoras hu.. (manjaha surat)..
Medan 20 November 2018
Mandapothon borung ku si Sabine
Di Jakarta
Horas ma boru..!!!
Sabine....boru hasian... otik do sidohononku tu ho, malo ma ho boru mamangke hepeng mi. Puhuthon ma na
marsingkola i, molo wisuda ho haduan natoras ni dongan mi ma bahen natoras mu da boru, ndang naso
bangga ahu di kesuksesan mi boru, alai naso adong do tarbahen au ongkos tu Jakarta boru. Boan tongtong di
tangiang mu Bapa dohot Oma asa ganjang umur nami da. Tuhan Jesus ma mandongani ho tongtong boru
hasian.. botima..!!!
Sian natoras mu,
Nai Sabine..
(Sabine tangis manjaha surat i)

Marlina: Boasa tangis ho Sabine? Aha didok di surat i haroa???

Sabine: Ndang boi natoras hu ro molo wisuda hita, ala sibahenon na so ada..
Marlina: tole ma sabine, natorashu pe mandampingi hita, beta ma tajalo wessel mi so sanga tutup kantor pos,
unang sai tangis be ho da, betama, beta..!! (manogu sisabine sambil tutup layar)

BABAK IV
Prolog: Nunga sampe 2 minggu ndang mulak ama Sabine tu jabu, marsak ma Nai Sabine. Laho ma ibana mandapothon
amantai tu lapo ingan parjujian. Di ida oma ni si Sabine ma, marjuji do hape bapak ni si Sabine, umbahen ndang
marna mulak ibana tu jabu.

Ama ni Beres (______________ : Baen kartu mi amani sabine...boha ndang olo be ho tu sicantik on..???
Ama Sabine : Tenang ma lae,, cantik do permainan on, bahen si jombut on..!
Boru penggoda (_______________ sambil di minum skotnya ini bang,, biar permainan itu lebih cantik>>
Ama Sabine : stop...! jombut rajana... ahu do monang (manghorus taruhan i)
Ama ni Lalap (_________________ : hatop ma kocok muse kartu i lae, anggo sahalion di au nama si cantik i ( ro
nai Sabine, jongjong di lambung ni ama Sabine)
Ama Sabine : unang sai jongjong hamu lae, dohot do hamu asa hu bagi kartu on. (mandok tu nai sabine, dirimpu
halak na asing, ai so dirohahon be)
Oma Sabine: amang.....bapak ni Sabine (tangis, sude parjuji tarsonggot) habis-habis tu juji do hape hepeng i
dibahen ho. Hape borum so dipingkiri ho, naung si bolis dia di mangingani roham i amang...????
Ama Sabine: (marsuara na gogo) ai marhua donho ro tuson, mulak ho hatop so sanga muruk au...!
Oma Sabine: daong amang, sotung marsahit ho annon, rap ma hita mulak (ditarik tangan ni ama Sabine).
Ama Sabine: (dionjarhon nai Sabine huhut dipuntarhon sada galas). Molo ndang mulak ho saonari, tu bohimi
nama puntarhononku galas on, asa diboto ho da, pailahon do ho, hurang ajar...!
(mulak ma nai sabine, dung sahat di jabu sai tumatangis ma ibana, huhut marende Huria ma ibana laho
manganggukhon arsak ni rohana. Marende ma ibana sian BE.NO. 227: 1 “ Jesus ngolu ni tonding ku,
ho do haporusanki. Gok di ho nama diringku, ro di nasa langkangki. Lam tangkas maa patuduhon,
tu au on panghophop mi, asa i huhalunguthon hot ma au di lambungmi”. (alani arsak ni rohana laos
peak ma ibana/ marsahit)

2
BABAK V
Ala anggota punguan ina do nai Sabine, gabe dilului roha ni punguan ina ma asa ro ibana marguru. Hape somalna na ringgas do
ibana marguru. Alani gabe disepakati Bibelvrouw dohot punguan ina ma laho mangida oma ni si Sabine, ala ro kabar di bagasan
parsahiton ibana na piga-piga arion, alani i dung simpul marpungu (mar PHD) nasida, pintor borhat ma nasida tu bagas ni oma ni si
Sabine. Jadi borhat ma punguan ina, jala di ida punguan ina i ma, lam posa do sahit ni nai Sabine, holan alani mamingkiri pangalaho
ni ama Sabine. So ada mangurus ibana, sai holan ilu-ilu nama namandongani ibana ganup ari.

Oma Sabine: (peak di lage2 huhut batuk-batukon)... sabine...sabine...hancit nai inang,,, nunga tung loja
huhilala.(.uhukkk..uhhukkk.).. songon na mate nama huhilala dagingkon inang,,! O,,Tuhan urupi
au, pargogoi au Tuhan.. nanggo apala boi au pajumpang dohot boruku di ujung ni taon on..
(uhhk..uhhukkk)
Bibelvrouw (____________________: Horas inang.... di jabu do hamu...???
Oma Sabine: bah... bah,, na ro do hape halak inang..??? masuk ma hamu inang,, (pintor naeng hundul)
Nai Dewi (___________________ Eda.. nunga boha di hilala ho??
Oma Sabine: songon na loja ahu eda namarsahit on, hansit sude huae.. (huhut tangis))..
Bibelvrouw: nunga marubat tahe inang? Nga boha di rasahon inang??
Oma Sabine: nunga huallang be ubat inang na sian kode i,,,
Nai sari (_____________________ ai songon na tompu do huida sahitmon anggia, alai ndang dison huida
amani sabine, didia do ibana, jala ise do mangurus ho di parsahiton mon anggi??
Oma Sabine: eee...angkang... (huhut tangis), ido naso tarandunghon au ,,,ahkk tahe.. tumagon ma dang
marcerita au, asa unang tamba hansit ni ulungkon.. mauliate ma diharoromuna angka inang,
holong do hape rohamu diau, jala humolong do hape rohamuna di au marimbanghon bapak ni si
Sabine bapa ni gellengki..
Nai Risma (___________________ : nunga be eda nunga,,, songoni do sipata parungkilon na marumah
tangga on, nion ro do surat ni si Sabine di lehon par Pos nangkaning.
Oma Sabine: (di hapus ilu na) aha didok eda..??? jaha hamu ma asa hubege...
Ina Risma: (manjaha surat ni Si Sabine)...
Jakarta, 18 Desember 2016
Mandapothon bapak/ oma di Huta
Syalom.....!!
Selamat ari natal dohot tahun baru ma parjolo di bapak dohot oma. Boha do kabar muna bapak/oma? Sai anggiat
ma dibagasan hahipason hamu. Mulak do au tanggal 22desember on bapak/oma, ala nunga wisuda be au, jala
dapot au do peringkat I. Jala pintor di tempathon do au tugas di Rumah Sakit Betesda Yogyakarta tanpa testing,
jala nunga sahat be SK ku oma. Di tugashon do au mulai tanggal 2 Januari 2017 on. Alani sude na i bapak/oma,
tama do hita mandok mauliate tu Tuhanta i. Songoni ma jolo bapak/oma sahat ni hatangku, sai Tuhan Jesus ma na
tongtong mandongani hita saluhutna bapak/oma.
Sian ahu borumuna
dr. Sabine

Bibelvrouw : ima inang, maralus do tangiang dohot halojaonmi. Alani las ma roham inang, denggan ma
tapungka acaranta on. Jadi ido inang nai Sabine, .... hata na sian Tuhan i do pasahatonku tu ho.
Tuhanta mandok di buku parjamita 3: “ martiti be do saluhutna, marsak dohot sonang, tangis
dohot mengkel, marungkil dohot las ni roha, ido marganti soring di bagasan ngolunta di hasiangan
on”. Di naung loja, marsak, maheu marungkil ho inang nasai laon, nuaeng nunga digonti Tuhan i be
saluhut na marhite las ni roha. Naung sukses do borunta si sabine. Antong sai songon songgot ni
barita i ma songgot tanggal sahit i sian pamatang ni inang. Unang sai mandele be ho da inang,
manongtong ma inang martangiang anggiat muba amang bapak ni si sabine, ai dang adong naso
tarpatupa ni Debata.
Nai Frengky (__________________: dohononku do saotik eda, sude perjuangan mu na pasingkolahon
borum si sabine i tongtong do dipatuduhon ho Soripada na Pantas marroha, jala berhasil do ho disi
eda. Songon nanidok ni Tuhan i do: “ Ia i di sabur halak, i do gotilon na”. Tu joloan on, sai sonang
nama ngolum, ai boanon ni maen niba i nama ho tu Yogyakarta.
Nai Ani: sabar ma ho eda, atik pe ndang adong keluarga na perduli di parungkilonmi, alai ingot ma: Holan
Tuhan i do na hot di holong na.
3
Oma Sabine: ima tutu angka inang.... molo huingot do sude pangalaho ni bapak ni si sabine on...ahhkk
tahe... !! (tangiss)..
Nai Dewi: hubege hami do sude barita ni i eda, alai ingot ma eda, sai manatap do Tuhan i, jala jaloonta do
hombar tu na ta ula.....( tiba-tiba ro sisabine)
Nai Frengky (_________________): bah.....nunga ro si sabine...tamba uli do ho poang anggia..( dihaol)
Sabine: (longang).. aha na masa omak,,, (di haol, huhut di umm omak na i).. bah..omak, na marsahit do ho
hape, alai dang dipaboa omak tu au, alani au do ra sude i ate oma...?? (huhut tangis). Alai didia
bapaak oma??
Oma Sabine: ndang marsahit be au inang, holan hubereng bohi mi, nga malum be huhilala. jalangi ma jolo
inang Bibelvrouw dohot angka dongankon (dung sidung di jalang pintor ro bapak ni si Sabine
ditaruhon dongan na dalam keadaan mabuk)
Ama-ama: horas ito,, na manaruhon lae on do hami, marsahit do lae on, muta mudar ibana huida hami
nangking di lapo an,
Sabine: aha do sahit mu bapak?? Boasa boi sampe muta mudar bapak?? (manjonohi bapak na)
Ama Sabine: bah.... naro do ho hape boru...!? pardosa na godang do au boru, amaama na so hasea do au di
keluarganta on, (langsung tarbege suara organ nanget BE.No. 541:1-2). Oma ni sabine, nunga
mardosa au tuho, dang na tarsesa be dosangki, tangianghon ma jolo au omak ni Sabine asa tung asi
rohani Tuhan i marnida au, disalpuhon angka dosangki paima mate au. (huhut tangis)
Oma Sabine: ganup ari do hutangianghon ho amang,,,tu Tuhan i ma ho marsinggang, roha mi ma
martangiang asa tung di jalo ho dipertobatan mi amang.
Ama Sabine: ale...Tuhan.. urupi au jala togu au jonok tu lambung Mi, unang jujur sude angka dosangki, Ho
ma nampuna au tu joloan on. Amen..
Oma Sabine: mauliate ma di Ho Tuhan, mauliate ma di hamu sude angka inang, nunga lumbang be rohangku
jala nunga neang huhilala. Di tangihon Tuhan i do tangiangku dohot tangiang ta, nang pe sasada au,
alai boi tulus singkola ni borungkon, jala topet di natal on boi muba rohani amanta on.. tung burju
do Tuhan i hape diangka na marsihohot di goarna. (tiba-tiba ro nai Rita dohot nai Ani)..
Nai Rita: Eda... ho do na berhasil, nunga sae be hape singkola ni maen niba on, hape ia au, sude gellengku
holan na manusai do. Nanggo sada dang adong na sahat tammat. Maafhon au eda, ala ndang olo au
mangurupi eda na jolo.
Nai Ani: songoni nang au eda, maafhon au eda, mansai godang do bunga ni hepeng hubaen tu ho, hu roha
ndang mamasumasu Tuhan i di ulaon songoni, ai tong do so tarida na husari i, habis so tarboto-boto
do sude, maafhon au da eda..??!!
Sabine: amang tahe songon on do hape namasa tu ho om saleleng dijakarta an au. Ndang dipaboa ho hape
songon dia borat ni sitaonon mon tu au. Holan ala naeng pasonanghon roha ni gelleng mon ingkon
taonon mu ma hape angka na hansit, marsahit do pamatangmu, marsahit ho ala sai dipingkiri ho au
dohot bapa on. Burju mi ma da inang ndang boi tarbalos au, sai manganju do ho. Sai ditangianghon
ho do au. Sude do hape ditaon ho oma, holan humongkop gelleng mon, asa boi au taruli laho
manomu ari nauli i. muliate ma inang disude pambaenanmon. Mauliate ma amang dihamubaon mon
sai anggiat ma tutu marparbue na denggan i di au tujoloan on. Dison hulehon ma di ho oma hadiah
na metmet do on, ndang sadia on martimbanghon naung nilehon mu tu au. Jala selamat hari ibu ma
di ho oma dohot dihamu sude angka inang naung marholong ni roha di oma dohot keluarga nami
on. Ro hamu mandulo huhut manangianghon oma kon, Jalo hamu ma on sian au jala tangianghon
hamu au tongtong asa hasea jala sukses tu joloan on. (huhut dilehon hadia/kado)
Sintua Ina /Bibelvrouw: mauliate ma tadok tu Tuhan i ala dilehon roha panandaon diri di hita ganup. Tu
joloan on, lam tapasolhot ma tu lambung ni Jahowa, asa tung Ibana mangamudihon ngolunta.
Oma Sabine: inang Bibelvrouw,, andorang so mulak hamu, hupangido taendehon ma jo Koorta: JAHOWA
PANGURUPI”
Bibelvrouw: Nauli inang..ala topet di ari Natal do tingkion, las ni roha nab alga dipasahat Tuhan i tu hita, nuaeng
sude ma hita pasahathon selamat natal ta dung sidung koor ta on... ** (Jahowa pangurupi, disi
ulaonmi. Dilehon pos ni roha, di gnup tingki i. nang pe sipata ganggu haporseaonmi, jamot
tongtong Tuhanmu manjaga ngolumi)**
( sude pelakon mandoK: SELAMAT HARI NATAL MA DI HITA SALUHUT NA)...

Hari Natal adalah moment lahirnya tokoh reformator terbesar di dunia, untuk itu serahkan hidup mu
kepada Tuhan Yesus agar hidup mu di perbaharui....!!!!!.. Bvr. M.U.M