Soripada Na Burju

(Kita Satu didalam Kristus)

Galatia 3:28
By. Pdt. Simon Perez Hutapea, S.Th

1. Nai ……………. : sebagai Nai Sangap

2. Nai ……………. : sebagai Nai Marsaringar
3. Nai ……………. : sebagai Nai Benget
4. Nai ……………. : sebagai Nai So Muntul
5. Nai ……………. : sebagai Nai Marojahan
6. Nai ……………. : sebagai Nai Gaberia
7. Nai ……………. : sebagai Nai Bisuk
8. Nai ……………. : sebagai Nai Lambok
9. Nai ……………. : sebagai Nai Reteng
10. Nai ……………. : sebagai Nai Binsar

Opening :
sude pemeran masuk tu panggung sambil marende dohot manortor mangendehon ende
Sigulempong.Mamboan angka barang tradisonal Batak: Ampang, Anduri, Solup, Sapa, Boras,
Andalu, Baliga, dohot ombak, dsb.

Naniari sanggar sigule sigule, sai bahen huruhuruan,

Sigulesigulempong sigulegule.
Sirmainang sarge, da saisirmainang sarge
Tarsongoni doho hape
Pargontingna dauk gale….

Narator :
Di Sada tingki di sada huta, na margoar Huta Ina. Maringanan ma manang piga-piga keluarga.
Angka amanta laho mangula, songoni nang angka ina. Maragam do angka siulaon angka ina,
ndang holan karejo na biasa diula nasida, alai adong do angka karejo ni ama na tong diula
nasida. Angka ulaon I ima na haporluan tu hangoluan siganup ari. Tingki karejo nasida
disorohon nasida do saling masipaboahon angka holso nirohana dohot marsitukkar pikkiran.

Nai Marsaringar : Horas eda!. Na

parhuta on do hamu? Boru aha do tahe hamu? Ahu boru Sitorus.

Nai Sangap : (Wajah lesu) Oh, ahu boru Dalimunthe. Nai Sangap do
ahu eda. Ido bah, dison do ahu tinggal, alai ndang pala
piga leleng dope dison hami.

Nai Benget : Ido ate, ahu boru Sitanggang, Nai Benget. Alai hubereng,
songon na so tabo ekspresi eda nuaeng. Boha, na adong do
masalah?

Nai Sangap : Ido dabah, Dung maruma tangga hami dohot Ama
Sangap, godoron do ahu mandalani parngoluon, ala so
adong karejo nami na manetap

Nai Marsaringar : Ehe, songoni do hami eda hasian! Ama Marsaringar pe

ndang adong karejo na namenetap. Puas pais do hami
gaji-gajian tu ladang ni na mora i.

1
Nai Benget : Dohonon mu tu ahu ma pariban, hu patupa-tupa do na
adong si saotik i. Bah songoni ma parngoluan on, eda. Ala adong
do prinsip hu eda songon na didok ni Hata ni Debata i, ima sian
Parjamita 9:10 Manang aha na jumpang tanganmu siulaonmu, ula
ma i sian nasa gogom. Jala porsea do ahu di hata ni Debata, ima
Hamoraon sian dalan na so turut, lam tu otikna do, alai manang ise
na paidukidukkon, lam tu gandana (Psalm. 13:11)

(Di naso panagaman mamolus ma Nai So Muntul sian parpunguan ni angka ina huhut
mangendehon B.E No 747:1)

Nai So Muntul : Marende: B.E No. 747:1

Sai hunangkohi dalan i, dalan na marmulia i.
On do tongtong tangianghi, Tuhan patongtong langkangki.
Sai togu-togu au Tuhan, baen lam solhot tu lambungMi.
Tu ingananMu na tongam, sai lam patongtong langkangki.

Nai Marojahan : (manggora) Ai na lao tudia do hamu eda na So Muntul, roma jo

hamu tu son, songon na marsitukkaran pikkiran hita. Ai Alana
ponjot rohanami mamikkiri parngoluan on, hape hamu so hea
muntul mardalani ngoluon, songon panggoaran mi.

Nai So Muntul : Baaaa diboto hamu do umbahen na tubu pe roha nami

mambahen panggoaran Nami nai So Muntul. andorang so sorang
dope dakdanak di hami, holan na muntul do angan-angan hu ido
Alana hamuna.

(Nai Gaberia dohot Nai Bisuk ro mandapoton parpunguan angka ina I huhut maghunti ampang
dohot peralatan na asing)

Nai Gaberia : Ai songon na marpungu hamu inang? Songon na serius

do panghataion hamu na. Boi do botohon hu!?

Nai Binsar : Ima da bah. Hubereng hami, songon na adong

persoalan na mansai ringkot dison.
Nai Sangap : imada eda, songon na godang persoalan keluarga
na ingkon siadopan nami.

(Sian Siamun ro ma nai Reteng dohot gaya na menyolok tu parpunguan i)

Nai Reteng : (Bohi na angkuh dohot mentel) Ehh.. Ehh.. Ehh.. Aha na
masa? Boasa marpungu dison hamu na? Na lagi menggosip do
hamu kan? On ma angka ina, holan na menggosip do ulaon na!
Ahu do ran a dihatahatai mu ate?

Nai Marojahan : (Dohot Bohi na muruk mangalusi) Ai aha do maksud

mu eda? Denggan-denggan hita manghatai?

Nai Binsar : pas do i! Hami pe ndang diboto hami manang aha

na dihatai nasida. Hape hu sungkun hami do
denggan.

Nai Reteng : Lomo hu, boasa gabe muruk-muruk hamu?!

Nai Sangap : (Dohot bohi na lambok) Ndang songoni eda, hami lagi
2
 manghatai masalah keluarga do. Alana godang angka sipikkiran
eda.

Nai Reteng : Holan I do hape persoalanna? Ndang sadia dope

angka na dipikkiran muna i.

Nai Gaberia : Unang songon I panghataion hamu eda, nai reteng. Molo ro
disungkun ma denggan. Ditangihon angka na dihatai. DIsi hubege
panghataion ni halak I, gabe taringot ahu di holso ni rohanghu.
Songon na Lungun do rohanghu marningot pangalaho bapa ni si
Gaberia, ai molo manhatai ahu ndang hea ditangihon.

Nai marsaringar : Bahh… Dohot do hape eda marsak ate. Aha do huroa karejo
ni eda?

Nai Gaberia : Guru eda!. Molo mulak mangajar ahu, nunga loja sahat muse
di jabu, olo dope amantahu mambadai ahu.

Nai Bisuk : Songoni do tong ahu, sahalak sintua do ahu, alai godang do na
so manghaporseai ahu jala manghargai ahu, ala sintua perempuan
do ahu. Hape ndang diboto nasida, nang pe parompuan ahu, alai
boi do tong ahu marjamita.

Nai Benget : Bah Songoni do hape eda, nai Gaberia? Nang pe guru eda,
hape tong do marsak?

Nai Gaberia : Hira-hira Songon I ma eda

Nai Benget : Sabar ma ho eda. Ahu PNS do, alai godang do tong angka
persoalan di ngolu hu. Patureture keluarga, dakdanak, dohot
godang angka ulaon na asing. Nang pe sahalak parompuan ahu,
tong do hu haringkoton na karejo on.

Nai Reteng : Ago amang, songon I dope nga marsak hamu. Eda Nai
gaberia, molo songoni do pangalaho ni amanta niba, pintor
ditinggalhon ma, huhut mamereng baoa na asing. (Sambil
mamereng tu na asing) Pintor boha huroha borat ni sipikkiran mu
na on? Makana, molo sahalak ina unang pola dohot karejo. Holan
mardalan-dalan ma songon ahu. Sonang parngoluon. Holan
amantai ma karejo.

Nai Binsar : Tanda do ho Nai Reteng! Naretengan ho! Songon goar

mi ma pangalahom, holan na mambahen parbadaan do ho. Gabe
sega ma parsaoranta, alani hamu.

Nai Reteng : memang toho do, songon I do parngoluan on. Sadia ma

permasalahan mu nai, ndang pola sipikkiran i. angka na niula mu
pe soadong marguna. Antar songon ahu ma nian paradongan,
ndang songon hamu angka na pogos, roa muse, ndang adong arti
mu na.

Nai So Muntul : Boasa gabe lam rarat eda! Unang songoni hata mu? Sai

3
 hera eda ma naung paling hebat diportibion. Jadi maksud mu,
hami, ise?

Nai Reteng : Jolma na so marlapatan!

(Nai Lambok ro sian na dao)

Nai Lambok : (Bernyanyi BE.730 Sai patau ma au Tuhan)

Sai patau ma diringku ale Tuhan,
Papatarhon HinauliMi Tuhan,
Suru ma tondiMi saor tu
rohangki,
Lao papatar HolongMu tu donganki.

Nai Lambok : Aha do na masa? Songon na marpungu hamu angka ina?

Nai Marsaringar : Songon on do eda nai Lambok, hami

pas manghatahatai angka na masa dikeluarga nami, hape ro eda
nai reteng mambahen persoalan dohot sogo ni roha dohot
mambolabolai hita. Di dok ibana, hita ma jolma angka na so
marlapatan, dohot na ta ula pe, ndang adong lapatanna.

Nai Bisuk : oh, Unang songoni antong pikkiran mu eda. Songon

poda ni ompunta na parjolo, dipataridahon doi di ragam ni angka
ula-ula na marpardomuan tu parngoluan siap ari. Isara na: Suhat-
suhat namarlapatan unang rarat ni andok hata, jolo nidipingkiri asa
ni dok. Songon suhi ni ampang na opat on, somba marhulahula,
manat mardongan tubu, elek marboru, dengan mardongan sahuta.
Sapa marlapatan hasadaon dohot hadameon ni keluarga. Anduri
siopat suhi na marlapatan: songon anduri na paiason boras,
songon hita boi pahusorhusoron na denggan dohot na roa di
bagasan rohanta. Di Bibel pe tarsurat, hita ingkon marsada, jala
unang taanggap holan hita na porlu di portibion. Sude ingkon saling
marsipaleanan songon na tarsurat di 1 Korintus 12, secara khusus
ayat 4-6 “Ragam do parasirohaon i; alai sada do Tondi. Ragam do
ulaon (di huria); alai sada do Tuhan. Ragam do hagogoon; alai
sada do Debata na mangkorhonsa di bagasan sasudena i.”
(di tingki di jaha dok angka peralatan, maju ma tu jolo angka ina na
mamboan peralatan I sambil patuduhon rupa ni peralatan I tu
penonton)

Nai Lambok : Pas hian eda! Sarupa do hita di joloni Tuhan i. Hata ni
Debata pe mandok “Ndang mardiaimbar disi Jahudi manang
Junani, hatoban manang anak mata, baoa manang parompuan, ai
sada do hamu saluhutna di bagasan Kristus Jesus.” Songon na
tarsurat di Galatia 3:28.

Nai Bisuk : Bernyanyi

“Padan na tontong ingoton
Jala na so boi ubaon, salelengleleng nai
DebataM ma Debatahu
Jesus mi ma bahen Jesus hu
Tondi Parbadiai mandongani hita.”

Nai Reteng : Ima da eda, nga huantusi be maksud mu na. Sala ma

4
 ahu di sude pangalaho hu nangkin. Saleleng on, hu rimpu do
naung denggan parulaon hu, hape sala do I sude. Hasadaon I do
hape na umporlu di parngoluan on. Manolsoli ma ahu, jala mangido
maaf ma ahu tu hamu sude angka eda hu.

Nai Gaberia : imada eda, ndang pola boha. Asal ma ingkon sada do
hita. Molo songoni, gabe ria do rohanta. Molo songoni, tu joloan I
arion, lam serep ma rohanta. Rade ma hita marsiurupan dohot
marsipaingotan, asa boi nian gabe Soripada naburju hita si buat
dame di keluarganta be, sitiruon tu angka iananghonta. Jala asa
lam togu haporseaonta, boha molo masuk hita tu parpunguan
parguruendehon ni nai Lambok di lao pabagashon pangantusionta
taringot hata ni Debata. Asa tongtong togu haporseaonta. Boha do
mangihuton rohanta?

Nai Bisuk : Pas ma i, marsada ni roha ma hita. Jala marlas ni

roha ma hita dibagasan Kristus Jesus! Marende ma
hita.

(mar koor ma sude angka ina na di huta I, B.E No. 650:1+5)

Catatan:
Dalam dialog operet ini, terkadang para pemeran mengimprovisasi dialognya (Tidak persis
kata-kata perkata yang diucapkan), karena para pemeran mengikuti alur cerita sehingga akan
berdialog sesuai dengan responnya masing-masing. Namun isi dari dialog yang diucapkan tetap
dalam konteks dan alur cerita, sehingga cerita masih tetap nyambung dengan alurnya.

HORAS PAROMPUAN!!!