I. KEBAKTIAN
1. Joujou tu Parsaoran Nabadia:
L: Hamuna angka dongan sahaporseaon! Sadari on ari Minggu , 28 Januari 2023 on,
Marpungu do hita PPTSB, Boru, bere Sektor 28 sekitarna on, mandok mauliate tu
Tuhanta Pardenggan basa i na paloas-hon hita mandok mauliate tu Ibana. Ganup
sahat hita tu Bona ni Taon 2024 on, Taon Parasi ni roha on, Holan Ho do Jesuski,
tuk pasaehon dosangki. Antong! Dia ma dohononta di adopan ni Debata
Pardenggan basa i di tingki on?
L: Pardenggan basa do Jahowa, Ibana do Siapuli roha ni angka na marsak jala na loja
ala ni holong ni rohaNa di hita jolma pardosa. Dijalo Ibana ma tangiangta ala
denggan ni basaNa. Jala saluhut jea dipadao sian hita asa tung sonang rohanta
mandalani ari-ari ni ngolunta dibagasan taon 2011 on. Nuaeng pe, taendehon ma
tangiang dohot elekelekta tu Tuhanta Pardengganbasa i:
S: Mangendehon BE No. 36: 2 - 3”Pasupasu hami”
Lehon ma di hami, dame ganup ari, Sai pasaor ma tondiMi tu na pungu on sude.
Amen hudok hami, ale Tuhannami. Na marasi roha i, sangap ma di goarMi.
L: I do tutu. Alai molo tapamanat haporseaon dohot par-rohaonta siganup ari, jotjot
do hita lupa di denggan ni basaNa paloashon hita taripar tu bona ni taon on. Nuaeng
pe, asa tung haru singkop las ni rohanta manghamaulia-tehon denggan ni basaNa,
dia ma dohononta di adopan ni Debata Pardenggan basa i?
PUNGUAN:
Ale Jahowa, Debatanami Ho do siapulirohanami, pahot ma haporseaonnami ala
denggan ni basaM, jalo ma tangiang-nami na tadek di adopanMu na badia i.Sai
pagomos ma rohanami manundalhon saluhutna dosa, jala sai lam paganda ma
ringgas ni rohanami mangulahon nanidok ni hataM. Patau ma rohanami mamingkiri
denggan ni basaM asa unang lalap rohanami di portibi on. Sai ramoti roha, pingkiran
dohot saluhut ngolunami mandalani taon na-binasa-basahonMi tu hami. Asa tung las
rohanami mang-haporseai Ho.
PUNGUAN:
L: Nunga tapangidohon tu Debata asa dipahot las ni roha, panghirimon dohot
haporseaonta mandalani taon 2011 on, nuaeng pe, taelekhon jala tasombahon ma ende
puji-pujianta tu Ibana, rap ma hita mangendehon: “Las rohang-ku lao mamuji Debata
Parholong i......”
02. Marende No. 565: 1 + 4 “Las rohangku lao mamuji”
1. Las rohangku lao mamuji Debata Parholong i, songon bunga na mangerbang di
nabinsar ari i. Arsak dosa haporsuhon mago di baen asiMi. Las ni roha na
manongtong lehon di au Tuhanki. Jongjong ma hita saluhutna
4. Rap ma hita mangendehon sangap di GoarNa i, tapangiar soaranta lao mamuji
Tuhan i. Sun do holong ni rohaNa na so marnamontok i. I do pasadahon hita
salelenglelengna i.