PARTURE PARMINGGUON KELUARGA

DI MINGGU HASASAOR NI TONDI PARBADIA

(PENTAKOSTA) I
HKBP JATI ASIH RESSORT JATI ASIH

Topik: “MANGOLU DIBAGASAN TONDI NI DEBATA”

Ev.: Rom. 8: 8-11 Ep.: Johanes 7: 37-39a

HURIA KRISTEN BATAK PROTESTAN

Minggu, 05 Juni 2022

1. Jou-jou tu Parsombaon
L: Horas.! Selamat Minggu Pentakosta ma dihamu saluhutna ruas ni huria na mandohoti
parmingguan on di bagas Joro on dohot nang hamu ruas ni huria namandohoti
parmingguan on sian bagasta be marhite live Streaming Youtube HKBP Jati Asih.
Tapahibul ma rohanta asa tapungka parmingguonta, martangiang na hohom ma hita.
Martangiang na hohom…
L: Huria na hinaholongan ni Tuhanta Jesus Kristus,! Dibagasan las ni rohanta sadari on, tung
tama do hita mandok mauliate tu Debata, disaluhut pandonganion dohot pangaramotion ni
Debata di saluhut pardalan ni ngolunta, marhitehite na dilehon Tondi Parbadia na
tongtong mandongani ngolunta tarlumobi ma ditongatonga ni ganup keluarganta.
Diusehon do asi ni rohaNa jala dilehon do hamonangan tu hita mangadopi ragam ni
angka na masa. Dibaheni, songon tanda las ni rohanta, taendehon ma dibagasan las ni
roha, “Haholongon sian Ginjang”.

Marende Be. No. 640: 1,2 “Haholongon sian Ginjang”

Haholongan sian ginjang las ni roha na hot i
Tumpal ni asi ni roha sai bongoti rohangki,
Jesus na gok asi roha dohot haholongon i
Baen malua baen martua hami natahutan i.
(….Jongjong)
Lehon tondi haholongon tu parroha na bojok
Bagabaga hadameon sahat baen tu hami on
Jesus Alpha nang Omega bona ni haporseaon
Sai padao ma angka dosa, sai palua hami on.

2. Votum-Introitus-Tangiang:
L: Marhitehite Goar ni Debata Ama, dohot Goar AnakNa Tuhan Jesus Kristus dohot Goar ni
Tondi Parbadia na manompa langit dohot Tano on.
H: Amen.
L: Songon on ninna Tuhan Jahowa: LehononKu tu hamu roha na imbaru dohot tondi na
imbaru tu bagasan ateatemuna, jela unsatonKu do roha batu sian dagingmuna, jala
lehononKu tu hamu roha na marpangkilalaan. Jala lehononKu ma TondingKu tu bagasan
ateatemuna, Ahu do mambahensa, asa marparange hamu di bagasan angka PatikHu,
angka uhumHu pe radotanmuna jala patupaonmuna do. Haleluya.!
H: (Mangendehon: Haleluya…Haleluya..Haleluya..)

1
L: Martangiang ma hita: Ale Tuhan Debata, Amanami ! Ho do manondangi jala
mangajari roha ni angka na porsea di HataM marhitehite Tondi Parbadia. Sai
buhai ma rohanami asa ture parrohaonnami marhitehite TondiM i, asa tongtong
gok dame rohanami manghalashon hagogoonNa i marhitehite Tuhan Jesus
Kristus Tuhannami. Amen.
( Hundul…)

3. Marende BE. No. NO. 645 : 1“ RO MA HO PARASI ROHA”

Ro ma Ho Parasi roha, sai pagirgir rohangkon,
Mangendehon denggan basa ni lehonMu di au on,
Tiruonku ma suruan mangendehon sangapMi,
Pujionhu Ho Jahowa, partanobatoanki.

4. Patik : Psalmen 2 : 11
L : Tabege ma Patik ni Debata sadarion ima sian Psalmen 2: 11. Songon on ma Hata ni
Debata: Oloi hamu ma Jahowa dohot biar ni roha, jala marolopolop ma hamu, huhut
angka hitir.
Ido sahatna. martangiang ma hita mangido gogo sian Debata laho mangulahon na
hombar tu PatikNa.
J : Ale Tuhan Debata sai pargogoi ma hami mangulahon na hombar tu patikMi, Amen.

5. Marende BE. No. 432: 1-2 “SIAN HURUNGAN NI DOSANGKI”

Sian hurungan ni dosangki ro au tu Ho, Ro au tu Ho.
Tu haluaon di mudarMi Jesus au ro tu Ho Nasa rohangku malum, hipas,
Gabe mamora, nang pe pogos, Sian jeangku ro au tu Ho, Jesus au ro tu Ho.
Jongjong ma ruas…
Sian ilangku, nang ramunhi :,: Ro au tu Ho :,:
Gabe na ias nang rohangki, Jesus, au ro tu Ho.
Sian holsongku tu sonangMi, sian runduthu tu dameMi,
Sian arsakku tu holongMi, Jesus, au ro tu Ho.

6. Manopoti Dosa:
L : Tatopoti ma dosanta na godang i tu Debata. Martangiang ma hita: Ale Tuhan
Debata, Amanami na di banua ginjang ! Ho do na patupahon hasesaan ni dosa di
hami halak na dangol on marhitehite Anak haholongan ni rohaM. Sai asi ma rohaM
di hami, angka na mangarsakhon dosanami. Sai sahapi ma tu bagasan rohanami
2
 hasesaan ni dosanami i. Lehon ma tu hami TondiM na badia i, asa unang ganggu
rohanami di asi ni rohaM, alai asa hot rohanami marhaporseaon laho
manggotaphon nasa dosa dohot roha portibi on, asa hupasahat hami dirinami tu
Ho, gabe pelean na mangolu jala na badia marhitehite Tuhan Jesus Kristus
Tuhannami.
Musik Mangendehon BE. 173:1 “Sai Mulak, Sai Mulak”
L: Tangihon hamu ma bagabaga ni Debata taringot tu hasesaan ni dosa: Ise be
mangaluhon angka na pinillit ni Debata ? Debata do na mamintori. Ise do na
mandabu uhum hamagoan ? Kristus Jesus do naung mate; alai ndada holan i,
naung mulak mangolu do, jala di siamun ni Debata do Ibana mangondihon
hita.Hasangapon ma di Debata na di ginjang ! Amen.

7. MARENDE BE. NO. 437:1 “TUNG NA MUBA ROHANGKU”

Tung na muba rohangku dibaen Tuhanki, dung Jesus maringan di au
Nunga sonang au on, tung dame rohangki, dung Jesus maringan di au,
Dung Jesus maringan di au, dung Jesus maringan di au
Tung na sonang do au dung tu Jesus au lao
Dung Jesus maringan di au

8. MANJAHA EPISTEL: JOHANNES 7: 37-39a

L: Turpuk Epistel di Minggunta sadarion, di Minggu Parningotan ari Pentakosta, ima na
tarsurat di Johanes 7: 37-39a. Songon on ma na tarsurat disi : Dung i di ari pesta na
parpudi na sumangap i, jongjong ma Jesus disi, dipagogo ma soarana mandok: Molo
adong na mauas, tu Ahu ma ibana ro minum!
H: Songon na nidok ni Surat i: Angka batang aek na mangolu do mabaor sian na
porsea di Ahu.
L: Alai taringot tu Tondi i do didok hata ondeng, i ma sijaloon ni angka na gabe porsea di
Ibana;
Ido sahatna. Martua ma halak na tumangihon hata ni Debata jala na umpeopsa.

9. Marende BE. No. 699 :1,4 “SINGKOP DO ASI NI ROHAM”

(1) Singkop so asi ni rohaM tu au na dangol on,
Na lilu ahu nahinan nuaeng jumpang do.
(4) Hutiop bagabagaMi, dipardalananki,
Ho Tuhan lombulombungki, diparaloan i.

3
10. Manghamuliatehon pasupasu di tongatonga ni Keluarga
I. Persembahan Pujian Keluarga
L: Huria ni Debata na nihaholongan ni Kristus. ! Tarjou do sude keluarga Kristen mangulahon
ulaon hamalimon, asa lam marsangap Goar ni Debata marhitehite parsaoran,
panindangion, dohot panghobasion di sandok portibion. Hata ni Debata mandok ” Martua
ma baoa na mangkabiari Jahowa, na lomo roha situtu di angka patikna! Sangap ma
pinomparna i sogot di tano on, dapotan pasupasu ma sundut ni angka partigor sogot.
Antong, tongtong ma hita mangolu dibagasan Tuhan i, taarahon ma sude ianakhonta asa
mamuji GoarNa na badia. Tapaihutihut ma ‘Persembahan Pujian keluarga sian:
1. Wijk..
2. Wijk…
(Penampilan keluarga sian wijk…..)

II. Pasahathon Ucapan Syukur Keluarga

L: Hamu angka dongan.! Hamu dongan sahuria! Nunga i tajalo denggan basa dohot asi ni
roha sian Jahowa. Tama do auhononta hata ni Debata na mandok: ”saluhutna
silehonlehon na denggan, nasa ulibasa na mauliutus, ima na ro sian ginjang.” Dilehon do
di hita parbueni angk ulaonta ganup. Dibaheni tung tama do pasahathonta hamuliateon ni
rohanta tu Debata dibagasan las ni roha. Tu hamu ruas ni huria nanaeng pasahathon
pelean hamuliateon, tapasahat ma tu jolo, huhut taendehon BE. No. 435: 1-3
“Marolopolop Tondingki”
Marolopolop tondingki ai naung di tobus Jesus i.
Hamu sude, bege ma i, sai las ro hangku mandok i
Sonang ni tingki i, dung jumpang Jesus Tuhanki !
Tondi na mangajari au, tarbaen marlas
Ni roha au ! Sonang ni tingki i, dung jumpang Jesus Tuhanki.

Dihaol holongna rohangki, tung na so boi be mago i.

MataNa do manatap au, pinggolNa tumangihon au. Sonang ni………….
Musik…
Tu Jesus sahat ngolungki saleleng ni lelengna i.
Rap dohot au endehon ma endengku na imbaru da. Sonang ni…………..

L: Nunga tapasahat hamualiateon ni rohanta tu Debata, songon pelean sian ganup

keluarganta Antong! Tangihon hamu ma hata ni Debata na mandok: Alai marhuaso do
Debata, mangusehon saluhut asiasi tu hamu, asa sandok tuk situtu di hamu jala
marlobilobi hamu, laho patupahon saluhut ulaon na denggan. Antong taharinggashon ma
manghobasi huriaNa dibagasan dame, sada ni roha dohot holong ni roha. Amen.

4
11. Marende BE. No. 116:1“ DITOMPA HO DO AHU” (… Jongjong)
Di tompa Ho do au, sondangi rohangkon;
Tung basa-basaMi sude na di au on.
Gomgomi pamatangku, naeng Ho do oloanku,
Sai lehon ma gogongku, lomoM naeng ulaonku.
Urupi tatap au tutu, panompa na burju.

12. MANGHATINDANGHON HAPORSEAON

L: Hamu angka dongan ! Rap dohot angka donganta sahaporseaon di sandok
portibion, tahatindangkon ma hata haporseaonta I, rap ma hita mandok:
H: Ahu porsea … dst.
( Hundul…)

13. TINGTING :

14. a. AYAT PAPUNGU PELEAN : MATIUS 22 : 21b

 “Antong, lehon hamu tu Kesar, na sian Kesar i; jala lehon hamu ma tu
Debata, na sian Debata!”

b. MARENDE BE. No. 685: 1… “PAHEHE AU ON” (P. Pelean Ia, Ib)
Pahehe au on ale Debatangki,
ala Jesus naung hehe mangolu tongtong.
Haleluya puji Tuhan, haleluya amen, Haleluya puji Tuhan, pahehe au on.

Pahehe au on Tondi ni Tuhanki,

Na papatar tu hami Sipalua i.
Haleluya puji Tuhan, haleluya amen, Haleluya puji Tuhan, pahehe au on.
--Music--
Pahehe au on Jesus sihophop au,
Pola mate tarsilang Ho manobus au.
Haleluya puji Tuhan, haleluya amen, Haleluya puji Tuhan, pahehe au on.

Pahehe au on, sai patau ma au on,

Baen panondang tu dongan di na rodop on
Haleluya puji Tuhan, haleluya amen, Haleluya puji Tuhan, pahehe au on.
.

5
15. JAMITA: ROM. 8: 8-11
8:8 Alai ndang tarhalomohon Debata angka parroha daging.
8:9 Alai anggo hamu, ndang be di bagasan daging i, di bagasan Tondi do, molo tung
tutu Tondi ni Debata maringanan di bagasan hamu. Alai molo so Tondi ni Kristus di
jolma, ndang Kristus nampuna ibana.
8:10 Alai molo Kristus di bagasan hamu, mangolu do tondi ala ni hatigoran, nang pe
mate pamatang ala ni dosa i.
8:11 Alai molo maringanan di bagasan hamu Tondi ni na manungguli Jesus sian na
mate, sandok pangoluon ni Ibana, naung manungguli Kristus Jesus i, ma nang
pamatangmuna na mate i, hinorhon ni Tondina na mangingani hamu.

16. MARENDE BE. NO 512: 1... ”DIDALANI JESUS TANO ” (P. Pelean II )
Didalani Jesus tano dohot laut, tahi holong ni rohaNa dipasaut,
Namura luhut dibaen tondiNa i, dung disesa utang ni dosanta i.
Hahaanggi, rohamu sude, ta arahon ma donganta be
Hahaanggi, dao nang jonok be! Hara tu jolo Na donganmu sude.

Nunga monang di jabum hataNa i? Hata I dipangke Ho sinjatami?

I do hapistaran na sumurung i, Jumpang do mura sudena baenon nii.
Hahaanggi,.. Du..
Musik..
Dongan, pinalua ni Tuhanta i, Taondingi, taapoi na lilu i.
Asa lam dame luatta , lam ture, Itahaholongi ma donganta be.
Hahaanggi,.. Du.
Ganggu roha mida panginjunan i, Moru pe gogonta lao marungkil i.
Sai tabereng dompa Jesus Tuhan i, Ganda hiras ni rohanta baenon nii.
Hahaanggi,.. Du

6
17. PANDIDION NABADIA (AGENDA): Khusus Ibadah Pkl. 10.30 WIB

18. ENDE PANDIDION NA BADIA

1. MARENDE BE. NO. 146: 1-2 “ PAIAN MA DIHAMI”

O Jesus naeng tardidi Do posoposo on
Sai ro ma mangaligi Huhut manjalo on.
Diboan natorasna Nasida be tuson
Ai naeng pasahatonna Tu Ho dakdanak on.

2. AGENDA PANDIDION

3. MARENDE BE. NO. 147: 6 “ JESUS HAMI RO DISON”

Sahat ma tu rohaMi, Jesus pangidoannami
Togu i tu surgo i, Sai olio ma sangkapnami
Nang goarna i, o Tuhan Baen tu buku hangoluan

19. TANGIANG PELEAN / ENDE PELEAN

20. TANGIANG PENTAKOSTA -ALE AMANAMI – PASUPASU
AMEN...AMEN...AMEN...