ACARA IBADAH

PARNINGOTAN ARI HAMAMATE NI TUHAN JESUS KRISTUS

[JUMAT AGUNG]

TOPIK:
DIBUNGKA JESUS DO DI HITA DALAN NA IMBARU
JALA NA MANGOLU

 Ev: Heber 10 : 16 - 25  Ep: Psalmen 22 : 1 - 6

PKL. 10.00 WIB – SELESAI

1
 PANGARADEON
1. Parhalado martangiang di bilik parhobasan.
2. Parhalado mamasuhi bagas joro (Manghuling organ BE. 449:1).
1. JOUJOU TU PARSAORAN
U : Hamu angka dongan sahuria, marpungu hita nuaeng di Bagas Joro
on laho patupahon parpunguan Parningotan Ari Hamamate ni
Tuhan Jesus na gabe hataridaan holong ni roha ni Debata na so
halompoan tu hita jolma manisia. Tongon do angka sahitta
diusung Ibana, jala angka pardangolanta diporsan. Ala ni
pangalaosionta Ibana tartullang, binahen ni hajahatonta Ibana
mabugang. Ampe tu Ibana pinsangpinsang parhitean ni
hasonanganta, jala binahen ni bugangNa malum hita.
H : (Mangendehon) BE. 200 : 4 “Di Surgo Do Alealenta”
 Humophop hita do tinaonNa na bernit i di Golgata.
Sude dosanta pinorsanNa pasaehon i tu Debata.
Antong tabaen ma Jesus i, tongtong alealenta i.
U : Beta ma hita manungkap marsomba, marsinggang ma hita tu
adopan ni Jahowa, Sihophop hita. Marende ma hita!
2. Marende BE. HKBP No. 81 : 1 - 3 “JESUS MUAL NI NGOLUNGKU”
 Jesus mual ni ngolungku, Sipangolu tondingki
Ai dibunu Ho musungku, i ma hamatean i
Ho manaoni hamagoan, Patupahon hangoluan
Alani hupuji Ho, Tung marribu hali do
 Haleaon, insak insak, rehe rehe, tijur pe
Tali dohot pastap pastap, tung ditaonhon Ho sude
Paluahon au na pogos, Sian tangan ni sibolis
Alani hupuji Ho, Tung marribu hali do. ===MUSIK===
 Bugang sada tanggurungMu Di na hona linsing i
Hamamalum ni bugangku Na di rohangki do i
Ho do gabe binuraan, Au dapotan hangoluan
Ala ni hupuji Ho, Tung marribu hali do.
3. VOTUM-INTROITUS-TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Sintua ni malim sisongon i do tama di hita, na badia, na so jahat, na
so marlindang, na so mambolat sian angka pardosa, naung gabe tumimbo
sian angka banua ginjang. Na so pola ganup ari songon angka sintua ni
malim i mamboan jumolo pelean taringot tu angka dosana sandiri, dung i
taringot tu dosa ni natorop i, ai sahali do i diulahon, di na mamelehon
diriNa Ibana. Haleluya!
2
 H : (Mangendehon): BE. HKBP No. 852 : 1 ”HALELUYA HKBP (3X)
♫♪♫
Haleluya… Haleluya… Haleluya.
U : Martangiang ma hita!
Ale Amanami jala Debatanami! Parasiroha na sumurung do Ho di
sude jolma manisia. Nunga dilehon Ho AnakMu, Tuhan Jesus Kristus
Tuhannami, manaon haleaon dohot siak ni bagi, pola mate tarsilang,
asa malua hami sian gomgoman ni sibolis. Sai parrohai ma hami
mamingkiri panaonon ni AnakMu, asa maruli hami marhite sian i di
hasesaan ni dosa dohot di haluaon sian hamatean paduahalihon, asa
dapot hami hangoluan salelenglelengna marhitehite Tuhan Jesus
Kristus Tuhannami, Anak haholongan ni rohaM. Amen.
4. Marende BE. HKBP No. 87 : 1 “HO TINOBUS NI TUHANMU”
 Ho tinobus ni Tuhanmu, tung jonok do Debatam.
Sai pasada pingkiranmu, asa tong tutu sabam
Sai pabulus, sai patulus tu Tuhanmu ma roham.
5. P A T I K :
U : Tangihon hamu (Tatangihon) ma Patik ni Debata di parningotan ari
hamamate ni Tuhan Jesus Kristus sadari on tarsurat di 2 Korint. 4 :
10, “Tongtong do hupausungusung hami di dagingnami hamamate
ni Jesus, asa patar di dagingnami nang hangongolu ni Jesus” .
I do sahatna. Antong, rap mangido gogo ma hita sian Tuhan
Debata!
U+H : Ale Tuhan Debata sai pargogoi ma hami mangulahon na hombar
tu PatikMi. Amen.
6. Marende BE. HKBP No. 180 : 1 - 2 “RO TU JESUS HO NA LOJA”
 Ro tu Jesus ho na loja na maheu i.
Lam lumbang do di lambungNa rohami.
---- Jongjong ----
 Bereng di hau pinarsilang daon ni sahitmi.
Tuhanmi na hona uhum singkatmi.
7. MANOPOTI DOSA:
U : Tatopoti ma dosanta martangiang ma hita! ===MUSIK===
Ale Amanami jala Debatanami na di banua ginjang. Parasiroha na
sumurung mida hami! Huparhatutu jala hutopoti hami do dosa
dohot pangalaosionnami na godang i di joloM. Tatap hami
marhitehite asi ni rohaM, jala sesa ma dosanami saluhutna, ala ni
panghophop ni Anak haholongan ni rohaM, Tuhan Jesus Kristus,
Sipangolu hami. Amen.
Bagabaga ni Debata taringot tu hasesaan ni dosa! Adong do di
hita sintua ni malim na songon i, na hundul di siamun ni habangsa ni
3
 hatongamon di banua ginjang. Dibahen i tarbahen Ibana do
pangoluhon ro di ujungna angka na sandok ro tu Debata marhitehite
Ibana; na mangolu do Ibana tongtong, asa ditangianghonnasida.
Hasangapon ma di Debata na di ginjang!
U+H : Amen.
8. Marende BE. HKBP No. 88 : 2 + 4 “JESUS NAUNG MANOBUS AU”
 Tarsolsolbagi do rohangku, paidaida dangolMi
Marningot sasude dosangku, ai i do na tinaonMi
Hupuji nasa asiMi, alai gumodang holongMi.
 Bagas uhirhon tu rohangku pangkophopMi humophop au
Tusi ma togu pingkiranku, guru di Ho sambing ma ahu
Hupuji nasa asiMi, alai gumodang holongMi.
9. E P I S T E L:
U : Tatangihon ma Hata ni Debata turpuk Epistel di ari sadari on,
tarsurat di Psalmen 22 : 1 - 6: Ende sian si David. Ale Debatangku,
Debatangku! Boasa tung tadinghononMu ahu? Sai mandaodao do
angka hata ni anggukhon sian hatuaonhu.
H : Ale Debatangku, sai joujou do ahu arian, alai ndang mangalusi
Ho, jala borngin pe ndang jumpang ahu hasonangan.
U : Alai nabadia do anggo Ho, marhabangsahon angka pujipujian ni
Israel.
H : Marhaposan tu Ho do angka ompunami, pos do rohanasida, jadi
dipalua Ho do nasida.
U : Tu Ho do nasida mangangguhi, jadi malua ma nasida, marhaposan tu
Ho do nasida, jadi ndang tarurak. I do sahatna. Martua do angka na
tumangihon Hata ni Debata jala na umpeopsa.
U+ H : Amen.
10. Marende BE. HKBP No. 405 : 1 - 2 “ADONG SADA MUAL”
 Adong sada mual, tung sae uli nii, sombu do disi uas mi.
Ai manang hajorbut ni sahitmi, na malum luhut na disi.
Oloi ma joujouNa i, lului mual na uli i.
Sopola martuhor mual i, porsea, di ho nama i. ------ Jongjong ------
 Ai manang tu dia mabaor mual i, denggan do panghorhon ni i.
Sumurung do tumpal sijaloon ni na ro manahui sian i.
Oloi ma joujouNa i, lului mual na uli i.
Sopola martuhor mual i, porsea, di ho nama i.
11. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu porsea di Debata Jahowa. d.u
4
12. SUNGUL-SUNGGUL :
13. Marende BE. HKBP No. 86 : 1-5 “SILANG NA BADIA I” (Pelean Ia & Ib)
 Silang na badia i, Ho do lombulombungki
Maralohon dosa i, dohot pandelean i
Di sude sitaonon i Ho ma lombulombungki
 Nasa na huula i ndang tau hasonanganhi
Nang ringkot pe rohangki, pola ro nang ilungki
Holan asi ni rohaM pangurupi o, Tuhan. -----Musik-----
 Ro do au nuaeng tu Ho, sai palambas ma rohaM.
Nunga pola mate Ho, ala asi ni rohaM
Jangkon au na dangol on, sai ulosi tondingkon.
 Dosa patundukhon au Ho ma mangondihon au.
Ramun situtu do au, mudarMi mamuri au.
Na pogos, dangol au on; Ho ma artangki tongtong.
-----Musik-----
 Silang na badia i Ho do lombulombungki
Molo puas hodokhi di na suda bohalhi
Di sude sitaonon i Ho ma lombulombungki.
14. J A M I T A: HEBER 10 : 16 - 25
15. MARENDE BE. HKBP NO. 543 “BUNI BINGKAS NI HOLONG” (PEL. II)
 Buni bingkas ni holong ni Tuhanta i di au.
Ditobus dohot mudar i pardosa songon au.
Alai on do na huboto : Ditiop Jesus gomos tanganhu.
Tondingku do di ramoti, ro di haroroNa i.
 Buni umbaen boi malum au dihorhon Debata.
Dibaen na huhaposi Ho di dolok Golgata.
Alai on do na huboto : Ditiop Jesus gomos tanganku.
Tondingku do di ramoti, ro di haroroNa i. -----Musik-----
 Buni ulaon ni tondi i patiur rohangki,
Manaiti au tu Jesushi, sitobus jolma i.
Alai on do na huboto : Ditiop Jesus gomos tanganhu.
Tondingku do di ramoti, ro di haroroNa i.
 Buni godang ni arsak i nang las ni roha pe.
SilehononNa i tu au di tano on dope.
Alai on do na huboto : Ditiop Jesus gomos tanganhu.
Tondingku do di ramoti, ro di haroroNa i.

5
16. MARULAON NABADIA
a. B.E. No. 152 JESUS NA MAMORSAN
Jesus na mamorsan dosa ni portibi on, pangolu hami.
Jesus na marmosan dosa ni portibi on, pangolu hami.
Jesus na mamorsan dosa ni portibi on, sai pasonang hami, Amen, Amen, Amen.
b. Agenda Ulaon Nabadia
c. BE. No 153 O JESUS NAUNG SINEAT
O Jesus naung sineat, di hau na pinarsilang.
RohaM tongtong daulat, nang uju Ho tarhilang.
Marutang hosa hami, ditaon Ho dosanami, Asi rohaM o Jesus.
d. Ro ma tu jolo manjalo parpadanan na Badia
(di na laho mulak tu hundulan, disi ma tapasahat pelean ulaon na badia)
e. Angka ende di tingki manjalo ulaon na badia tujolo
 BE. No. 76 SADA NAMA SANGKAP NI ROHANGKU
Sada nama sangkap ni rohangku di sandok portibi on
Ndang tagamon na so las rohangku, molo jumpang au inon
Naeng ma sai ingoton ni rohangku, na binaen ni Jesus tu tondingku
Uju pinorsanNa i, saluhutna dosangki.
Ingkon sai Ibana ingotonku, uju na tarpajal i
Tu hau pinarsilang ginantungkon, sai mabaor mudarNa i
Ai humophop au ditaon uasNa, asa dohot au muse upaNa
Ai ditatap do au on, di pandokNa: Nunga sun.
O Jesusku sai paingot ahu Di dosangku di basaM
Ai andorang di na holom ahu Dipalambas Ho rohaM
Nunga leleng dilului Ho do Au na lilu asa unang mago
Ditaon Ho na bernit i Lao manobus tondingki.
Gok di Ho ma au ale Tuhanku Jala Ho ma jambarhi
Dok ma amen rongkom ma goarMu Tu bagasan rohangki
Lomo ni rohaM ma sungkunonku Di sude na naeng ulahononku
Oloi ma padanki Tu Ho Jesus Tuhanki.
 BE. No. 86 SILANG NA BADIA
Silang na badia i Ho do lombulombungki
Maralohon dosa i Dohot pandelean i
Di sude sitaonon i Ho ma lombulombungki
Nasa na huula i Ndang tau hasonanganki
Nang ringkot pe rohangki Pola ro nang ilungki
Holan asi ni rohaM Pangurupi o, Tuhan --- organ ---
Ro do au nuaeng tu ho, sai palambas ma rohaM.
Nunga pola mate Ho, ala asi ni rohaM
Jangkon au na dangol on, sai ulosi tondingkon.

6
 BE. No.182 HAHOLONGAN NA BADIA
Tu joloM o Debatangku Sai use do rohangkon
Sai pasiat tangiangku dohot iluilungkon
Husolsoli do rohangku Na gok dosa i tongtong
Ai godang ariaringku Na hubahen ambolong
--- organ ---
Sai jotjot do hutadingkon DalanMi na tigor i
Kristen au, hape hutondong Dalan hamagoan i.
--- organ ---
Ala nii tungki rohangku Jongjong di adopanMi
Sai asi rohaM Tuhanku Sesa nasa dosangki.
 B.E. No. 452 “NA RO PANDAONI BOLON I”
Na ro Pandaoni bolon i, i ma Tuhanta Jesus.
Didaoni na marsahit i hisar dibahen Jesus.
Reff : Uli ni barita i, las ni roha bolon i.
Sai dipuji rohangki, Jesus, Jesus, Jesus.
Tung sae do dosa i sude, ai nunga mate Jesus.
Ndang jujuronNa i muse, parholong roha Jesus.
Reff: Uli ni barita i, las ni roha bolon i.
Sai dipuji rohangki, Jesus, Jesus, Jesus. --- Organ ---
Na hansit na di rohangki dibuat Tuhan Jesus.
Antong, hamuna donganki, hatop ma ro tu Jesus.
Reff: Uli ni barita i, las ni roha bolon i.
Sai dipuji rohangki, Jesus, Jesus, Jesus.
Di ari haroroNa i, boi idaonku Jesus.
Suksuk las rohangki disi, dung domu au tu Jesus.
Reff: Uli ni barita i, las ni roha bolon i.
Sai dipuji rohangki, Jesus, Jesus, Jesus.
 BE. No. 466 “NUNGA RO AU O TUHANKU”
Nunga ro au, o Tuhanku, tu hau pinarsilangMi.
Hupelehon ma diringku, upa halojaonMi.
Reff: Hatuaon i, las ni rohangki,
Ai hibul do hupelehon nasa diringki
Ndang adong naeng tioponku saluhut tu tanganMi.
Maradian do tondingku di bagasan lomoMi.
Reff: Hatuaon i, las ni rohangki,
Ai hibul do hupelehon nasa diringki --- organ ---
Sai sahaphon tu tondingku, Tondi Porbadia i.
JoroMi ma baen rohangku, sai ingani diringki.
Reff: Hatuaon i, las ni rohangki,
Ai hibul do hupelehon nasa diringki
Sai gok Tondi ma rohangku, mate roha diri i.
Angka arta sian tano, ndang tusi be rohangki.
Reff: Hatuaon i, las ni rohangki,
Ai hibul do hupelehon nasa diringki
7
 --- organ ---
Nang gale dope rohangku, marsahala gogoMi.
HolongMi mangiringiring ganup langkalangkangki.
Reff: Hatuaon i, las ni rohangki,
Ai hibul do hupelehon nasa diringki
 BE. No. 476: 1 “NDADA AHU GURU DI AHU”
Ndada au guru di au be, Jesus do nampuna au.
Las rohangku dung hubege, Jesus Sipangolu au.
Reff: Ndang be au guru di au, Jesus na humophop au, nampuna au.
Tung saleleng au mangolu, Jesus do nampuna au.
Ndang di au, di Tuhan Jesus, daging dohot rohangki;
Saluhutna hupasahat tu Ho, Jesus Tuhanki.
Reff: Ndang be au guru di au, Jesus na humophop au, nampuna au.
Tung saleleng au mangolu, Jesus do nampuna au.
---organ---
Ulaonku nang artangku pangke ma baen sangapMi,
Diusehon Ho mudarMu tung tanda do holongMi.
Reff: Ndang be au guru di au, Jesus na humophop au, nampuna au.
Tung saleleng au mangolu, Jesus do nampuna au.
Naung tarsurat do goarhu dibaen Ho tu tanganMi,
Laos hupuji ma goarMu salelenglelengna i.
Reff: Ndang be au guru di au, Jesus na humophop au, nampuna au.
Tung saleleng au mangolu, Jesus do nampuna au.
 ENDE PUJIPUJIAN: B.E NO. 9 : 1 “HUPUJI HOLONG NI ROHAMU” (JONGJONG)
Hupuji holong ni rohaMu, o Tuhan Jesus Rajangki
Tu Ho hulehon ma tindingku, ai ido pinangidoMi
Huhalupahon ma diringku, mamingkir holong ni rohaMu
17. TANGIANG PANGUJUNGI:
U : Tuhan Jesus mambungka dalan na imbaru jala na mangolu di hita.
Dibahen i, tadapothon ma, marroha na sintong, di bagasan hagogok ni
haporseaon, dung diurasi rohanta, unang be disolsoli panggora ni roha i
hita, jala dung diburi dagingta dohot aek na ias!
H : Momos ma tatiop panghirimon na taparhatopot i, ai haposan do na
marbagabagahonsa!
U : Ale Debata, sai patogu ma haporseaonnami sahat ro di ajalnami, asa
sahat hami sogot tu halalas ni roha na sumurung, na pinaradeM di angka
na manghaholongi Ho.
S: (Mangendehon) BE. 227 “JESUS NGOLU NI TONDINGKU”
 Jesus ngolu ni tondingku Ho do haporusanhi
Gok di Ho na ma diringku ro di nasa langkangki
18. TANGIANG PELEAN + ALE AMANAMI + PASUPASU + AMEN.