Acara Malam Natal Tgl 24 Desember 2021

Di HKBP Suka Maju Ressort Tanjung Balai

I. Prosesi
Barisan Prosesi masuk tu gareja (jonjong ma saluhut ruas)
a Parjamita b Paragenda c Parhalado c Mewakili Lansia
d Mewakili Ama e Mewakili Ina f Mewakili RNHKBP f Mewakili Pangaranto
II. ACARA KEBAKTIAN
1. JOUJOU MARSOMBA TU DEBATA
U: Nuaeng, jumpang ma muse ari parningotan di hatutubu ni Tuhanta Jesus, i do
umbahen marpungu hita bodari on dibagas joro ni Tuhanta, manghalashon hatutubu ni
Tuhanta Jesus Sipalua i. Horas ma di hita sude.
H: Horas ma tutu. Las ma rohanta manjangkon Jesus Tuhan i, jala taungkap ma rohanta
be, asa bongot jala mian Ibana di bagasan hita.
U: Antong tapahibul ma rohanta marsomba tu Debata, martangiang ma hita di bagasan
rohanta be.
H: Martangiang di bagasan roha (manghuling organ angonangon) BE. No. 46 :1
U: Tahalashon ma haroro ni Jesus Tuhan i, naung ro paluahon hita sian dosa, sian uhum
dohot sian hamatean. Dilehon do diriNa gabe Pelean pardengganan, asa mardame hita
dohot Debata. Tapuji ma Tuhanta, Marende ma hita :
2. Marende sian B.E. No. 57 : 1 – 3 ( ayat 3 jongjong )
Nunga jumpang muse ari pesta i, hatutubu ni Tuhanta Jesus i. Tuat do Ibana sian surgo
i, mebat tu hita on. Hasangapon di Debata, dame, dame ma di jolma;
Las ni roha ni Debata hajolmaon muse.
Beta, ale dongan tu Betlehem i, itasomba ma Dakdanak na disi, Na tinongos ni
Parasiroha i, Debata Ama i Hasangapon di Debata d.u.
************************Organ*************************
Sombanami ma di Ho, na tubu on, Ho siboan dame tu portibi on Sai pasaorhon ma tu
rohanami on, DameMi, o Jesus ! Hasangapon di Debata ………………………..
3. VOTUM – INTROITUS – TANGIANG
U : Marhite-hite Goar ni Debata Ama dohot Goar ni AnakNa Tuhan Jesus Kristus
         dohot Goar ni Tondi Parbadia na tumompa langit dohot tano on. Amen.
H : Dungi gabe daging ma Hata I, jala maringan ditongatonga ni hita on.
U : Jadi huida hami ma hasangaponNa songon hasangapon ni anak Sasada na sian
          Ama I, gok asi ni roha dohot hatuaon. Haleluya..
H : Mangendehon Haleluya....Haleluya.....Haleluya
U : Martangiang ma hita, Ale Tuhan Debata, Amanami na dibanua ginjang!
Mandok mauliate do hami tu Ho, ala ni godang ni asi dohot holong ni rohaM
dihami; ai dibasabasahon Ho do AnakMu na sasada I tu hami na
dipardangolan on, asa malua hami marhitehite Ibana sian dosa dohot hamatean
saleleng ni  lelengna. Hupangido hami tu Ho, sai sondangi ma rohanami na
holom I marhitehite Tondi Parbadia I; angkup ni I sai parroha I ma hami, asa
huboto hami, mandok mauliate tu Ho, asa tarapul situtu rohanami dihagogotan
 dohot dipangunjunan marhitehite AnakMu, Tuhan Jesus Kristus Tuhannami.
A m e n..
4. Marende B.E. No 48:2-3 “ RIA MA HITA SASUDE” (BL 16)
Ria ma hita sasude mamuji Debata. Girgir ma parendenta be,
Ai I do na tama; ai I do na tama.
Diungkap Debatanta I banuaginjang i.
Disuru do AnakNa I, :,: hangoluanta i. :,:
5. Patik Ni Debata
U:Tatangihon ma Patik ni Debata di parpunguan bodari parningotan di hatutubu ni
Tuhan Jesus . I ma na tarsurat di Filipi 2 : 5 – 7 Tajaha ma marganti sorin :
H: Songon Parrohaon ni Kristus Jesus ma parrohaonmuna
U:Atikpe rupa ni Debata di Ibana, ndada songon nanidobo dirajumi rohana tu
    dosaNai tu Debata
H:Dirumari do diriNa, jala disolukhon rupa ni hatoban, gabe suman tu jolma do
    Ibana, jala rumang jolma dapot diIbana. I do sahatna. Rap mangido gogo ma hita
    tuadopan ni Debata.
S: Ale Tuhan Debata sai pargogoi ma hami mangulahon na hombar tu patikMi
6. KOOR Ina Gabungan
7. Marende No 607 :1-2 “ Nunga Tubu Kristus I”
Nunga tubu Kristus I, Haleluya, Di huta Betlehem I, Haleluya
Gabe daging hata I, Haleluya, dimula ni Natal I, Haleluya
Na rade tarsilang I, Haleluya, di Partangkurahan I Haleluya
Mangoloi AmaNa I,Haleluya, lao manghophop jolma I, haleluya.
8. Manopoti Dosa Dohot Bagabaga hasesaan ni dosa
U :Huria ni Tuhanta! Na jongjong do hita diadopan ni Debata na umboto saluhut na
masa .di portibion,di ngolu ni jolma dohot di sude na tinompana, alani tatopoti
ma dosanta na godang i asa tutu hita marlas ni roha so hasurahan mangjangkon
Ibana dibagasan parngoluonta. Martangiang ma Hita: Ale Tuhan Debata,
Amanami na dibanua ginjang! Ho do na patupahon hasesaan ni dosa di hami na
dangol on, marhite Anak Haholongan ni rohaM. Sai asi ma rohaM di hami angka na
magarsakhon dosanami. Sai unang tulak hami alani angka hadosaonnami. Tung tu
Ho do hami maporus jala tung tu Ho do hami mangalualu, Asima Roham Tuhan. Sai
sahapi ma tu bagasan rohanami, hasesaan ni dosanami i. Lehon ma tu hami tondiM
na badia i, asa unang ganggu rohanami diasi ni rohaM. Alai asa hot marhaporseaon
laho manggotaphon nasa dosa dohot roha portibion, asa hupasahat hami dirinami
tu Ho, gabe pelean na mangolu jala na badia marhitehite Tuhan Jesus Kristus
Tuhannami.
H : ( Mangendehon B.E. No 61:5 )
Sai ditatap Jesus sian surgo i. :,: Jolma manisia tinobusNa i. :,;
U :Bagabaga ni Debata taringot tu hasesaan ni dosa “Songon on do hata ni Tuhan
Jahowa : Nungga diarsakhi Ho ahu marhite sian angka hajahatonmu. Ahu tutu, Ahu
sandiri manelesei angka pangalaosim ala ni hadirionku, jala dang be hupaingotingot
dosam. Hasangapon ma di Debata na diginjang!
S : A m e n..
09. KOOR Mannen
 10. Liturgi I a, 1b, 2a, 2b
11. Marende 53 : 4 “ Di Betlehem Do Tubu”
Burju naeng lehononhu, di Ho rohangkinon. Asi rohaM Tuhanhu, urupi au
tongtong. Olo, olo, urupi au tongtong.
12. Epistel
U: Hata ni Debata, turpuk Epistel, di parpunguanta borngin on tarsurat di Buku
Mateus 1 : 18 - 23 tajaha ma marsingkat soring! Ianggo hatutubu ni Jesus Kristus
songon on do: Uju oroan ni si Josep i dope inana, si Maria i, gabegabean do ibana
sian Tondi Parbadia, andorang so masipadonohan dope nasida.
R: Ala parroha na bonar si Josep, na mangoro si Maria, ndang adong rohana
paurakhon nasida, gabe ditahi rohana nama, naeng siranghononna songon i.
U: Alai di na songon i dope tahi ni rohana, diida ma di nipina surusuruan ni Tuhan i,
na mandok tu ibana: O Josep, anak ni si Daud, unang alang roham mangalap si
Maria, gabe donganmu saripe muse, ai na sian Tondi Parbadia do na naeng tubu di
ibana.
R: Tumubuhon Anak ma ibana; Jesus do Goarna, bahenonmu, ai paluaonna do
bangsona sian angka dosanasida be.
U: Masa pe sudena i, asa jumpang na hinatahon ni Tuhan i marhite sian panurirangna
na mandok:
R: “Ida hamu ma, gabegabean do na marbaju i, tubuan Anak ma ibana; jala
bahenon do Goarna Immanuel, lapatanna: Donganta ma Debata!”
U: I ma sahatna: Martua do angka na tumangihon hata ni Debata jala na
umpeopsa. Amen.
13. KOOR Ina Gabungan
14. Liturgi 3,4a,4b ,5
15. Marende No 610: 1 “Pasangap Ma”
Pasangap ma, pasangap ma Debatanta, Debatanta na diginjang. Dame ni Tuhan
saor tu hita angka jolma halomoanNa. Pasangap ma Debatanta, pasangap ma
Debatanta. Dame ni Tuhan saor tu hita, dame ni Tuhan saor tu hita; Angka jolma,
angka jolma halomoanNa. Angka jolma halomoanNa, halomoanNa. Amen. Amen.
16. Manghatindanghon Hata Haporseaon
U :Antong tahatindangkon ma hata Haporseaontai songon na hinatindangkon ni
       donganta  sahaporseaon disandok portibion, Rap Ma Hita Mandok.
S :Ahu porsea di Debata Ama..............
16. KOOR R / NHKBP
17. Liturgi 6,7,8
Pagalak Lilin Mewakili Parhalado (Pendeta), Mewakili Sekolah Minggu, Mewakili
Remaja / Naposo, mewakili Lansia, Mewakili Ama, mewakili Ina , Mewakili
Pangaranto (Dung mulak na pagalak lilin, jongjong ma sude ruas laos Marende
ma)
19. Marende BE. No. 54 : 1 - 3 “Sonang Ni BorginNai “
 Sonang ni bornginna i uju ro Jesus i. Sonang modom do halak sude Holan dua
na dungo dope; Mangingani Anakna, Jesus Tuhanta i.
 Denggan ni bornginna i, uju ro Jesus i. Tu parmahan di Betlehem i,
 Dipaboa na di surgo i; nunga ro Sipangolu, Jesus Tuhanta i.
 Godang ni tua disi di na ro Jesus i. Tung malua pardosa muse, Sian hamagoanna
sude; Ala ro Sipangolu, Jesus Tuhanta i. (Hundul)
20. Liturgi 9,10,11,12, Tambahan
21. Marende BE. No. 608 1-4 “ O Betlehem Na Metmet i" ( Papungu Pelean
Ia + Ib)
O Betlehem na metmet i boasa modom ho? Humirdophirdop bintang i Hohom
marnida ho. Alai ro sian Ho do panondang na tongtong. Na pinarsinta na sai laon
sorang di borngin on.
Na sorang do di borngin on Kristus Tuhanta i. I do na pinaboa ni bintang na
tiur i. Parangan pardisurgo mamaritahon i. Sangap di Debatanta i, dame di
tano on. ***********Organ*************************
Hohom so pamotoan do saut bagabaga i. Sian banua ginjang ro Kristus Tuhanta i.
Portibi on ramun do binaen ni dosa i. Tu angka na manjangkon do ro Sipalua i.
20. Jamita : Psalmen 147 : 1 - 11
21. Marende B.E. 62:1-5 “ Halalas Ni Roha Godang” Papungu
Pelean (Tu STT/        SINGKOLA  PANDITA).
Halalas ni roha godang na hubaritahon on. Nunga tubu Sipalua di hita jolma on.
Hasangapon di Debata, laos dame, dame, dame ma di jolma; Lomo ni roha ni
Debata do hita jolma on.
Ai saborngin on do binsar bintang di na holom i. Sumondangi hagolapon na di
rohanta i. Hasangapon di Debata, d.u.
************************Organ*************************
Tuhan Jesus hadomuan na disuru Debata. Na pasaehon sude dosa di dolok Golgata.
Hasangapon di Debata, d.u.
22. Parsuruon Tu Ngolu Siganup Ari
U :Nunga tahalashon hatutubu ni Jesus i. Andorang so mulak hita sian Parpunguan on,
tama do hita manghangoluhon barita haluaon i. Taingot ma : Gabe daging ma Hata I
jala maringan ditongatonga ni hita on. Jadi huida hami hasangaponNa I ma,
hasangapon ni Anak na sasada na sian Ama I, gok asi ni roha dohot hasintongan. I
ma Jesus Kristus na tubu di Betlehem i, mamboan Hadameon.hadameon i ima na
padamehon Debata dohot jolma, padamehon jolma maradophon jolma. Lobi sian i
dope  las ni rohanta ala disesa do dosanta gabe tarjalo hita hangoluan saleleng ni
lelengNa.
H : Mangendehon BE. No 52 : 2 “ Hatuaon Do”
Hatuaon do, las ni roha do hatutubu ni Jesus i. :,: Domu do hita tu Debatanta; las
be, las be ma rohanta i. :,:
U :I ma Jesus Kristus na tubu di Betlehem, na mamboan   hatuaon, na mambaen las
rohangku, las roham, las rohanta sude. Ai i do las ni roha na sumurung di hita.
Antong jangkon ma Jesus sorang di rohanta, dibagasta be, dohot diparsaoranta
siganup ari. Martua ma halak na mangjanghon Jesus i.
R : Mangendehon B.E. No 52 : 3 “ Hatuaon Do”
Hatuaon do, las ni roha do hatutubu ni Jesus i. Las ma rohanta mida Tuhanta; Las
be, las be ma rohanta i. :,;
23. Tangiang Pelean – Ale Amanami – Pasupasu