TERTIB ACARA NATAL 

PUNGUAN PARTANGIANGAN WIJK I HKBP PERUMNAS SIMALINGKAR

MEDAN
Gedung Naposo, Sabtu, 11 Desember 2021

Tema : Hehe ma ho! Marsinondang ma ho! Ai na ro ma panondangmu, jala

hamuliaon ni Jahowa binsar di atasmu (Jesaya 60:1)
Sub Tema : Ruas Wijk 1 HKBP Perumnas Simalingkar on, hehe ma sian hamaolon
panghorhon ni masa pandemi on, marsinondang ma patiurhon dirinta, keluarga,
sisolhot dohot nahumaliang hita ala sondang ni Kristus na sohatudosan gogonai,
nunga sahat be tu hita

 Pelayan / Panitia Martangiang di Jolo ni Pintu Masuk

 Prosesi masuk ma tu Ruangan (diringi music/lagu)
 Hata Patujolo sian Protokol.
 Hata huhuasi sian Ketua Panitia.

1. Ibadah
2. Pamuhai
U: Nunga jumpang ari pesta, ima ari hatutubu ni Tuhanta Jesus Kristus. Tama situtu hita
mamuji Debata, ai nunga patar dihita holong ni rohaNa. Gabe jolma do Ibana. Sangap,
sangap ma di Jahowa. Antong ale dongan, taparade jala tapaserep rohanta laho mamuji
Ibana.
H: Pujionku ma Jahowa sian nasa rohangku, pajojoronku ma sude halongangan angka na
binahenNai.
U: Puji hamu ma Jahowa, baritahon hamu ma GoarNa i, pabotohon hamu ditongatonga ni
angka bangso, angka pambahenanNa i!
H: Pujionku ma Jahowa sian nasa rohangku, pajojoronku ma sude halongangan angka na
binahenNa.
U: Endehon hamu ma Ibana, palu hamu ma parhinaloan mamuji Ibana. Sude hamu, ale
angka bangso. Marende ma hamu sude angka houm, puji ma Jahowa, pasangap ma
goarNa.
H: Marende BE No. 57:1-2 “Nunga Jumpang Muse Ari Pesta i”
* Nunga jumpang muse ari pesta i; hatutubu ni Tuhanta Jesus i: tuat do Ibana sian surgo i;
mebat tu hita on; hasangapon di Debata; dame,dame ma di jolma; las ni roha ni Debata
hajolmaon muse.
* Beta, ale dongan tu Betlehem i; itasomba ma Dakdanak na disi; na tinongos ni
Parasiroha i; Debata Ama i; hasangapon di Debata; dame, dame ma di jolma; las ni roha
ni Debata hajolmaon muse (...jongjong...)
* Sombanami ma di Ho na tubu on; Ho siboan dame tu portibion; sai pasaorhon ma tu
rohanami on; dameMi o Jesus; hasangapon di Debata; dame, dame ma di jolma; las ni
roha ni Debata hajolmaon muse.
3. Votum~Introitus~Tangiang
U: Marhitehite goar ni Debata Ama dohot Goar ni AnakNa Tuhan Jesus Kristus dohot Goar
ni Tondi Parbadia na tumompa langit dohot tano on. Amen. Naung dapotan hangoluan
na salelenglelengna do angka na manghaporseai Ibana, jala dao do rimas ni Debata di
sude angka na mangulahon hataNa.
H: Songon angka na manghaporseai Debata hita, taulahon ma sude siulaon, nang di hata,
manang dipambahenan marhitehite goar ni Tuhan Jesus Kristus, huhut mandok mauliate
tu Debata Ama marhitehite Ibana.
U: Asa ndada be angka paisolat manang panginsua hamu; angka dongan saharajaon, raphon
angka na badia do, jala dongan sabagas ni Debata.
H: Ai sada do Tuhan, sada do haporseaon, sada do Debata, Ama ni sasude, sigomgomi
saluhut, sitorusi saluhut, jala siingani saluhut.
U: Antong pinuji ma Debata, Ama ni Tuhanta Jesus Kristus, naung umpasupasuhon tu hita
ragam ni pasupasu partondion sian banua ginjang, dibagasan Kristus. Alai Ahu mandok
tu hamu: Sandok na so tupa hamu manolon nang maruari pe: Manang tu langit i, ai
habangsa ni Debata do i;
H: Manang tu tano on, ai sidegean ni patNa do i; manang tu huta Jerusalem pe, ai huta ni
Raja na bolon i do i.
U: Angkup ni i, ndang jadi ho manolon tu ulum; ai ndang marhuaso ho mambahen bontar
manang birong obutmu nanggo sada.
H: Songon on ma hatamuna: Olo, anggo olo; ndang, ia ndang! nasa na ganda sian i, sian na
jahat do i!
U: Di Ibana ma hasangapon di tongatonga muna jala dibagasan Kristus Jesus ro di saluhut
sundut salelenglelengna! Haleluya!, Martangiang ma hita! Ale Amanami, Ama ni Jesus
Kristus Tuhan nami na tubu di huta Betlehem! Sai pinuji ma goarMu na badia i, ala
naung ditingkir Ho hami bangsoM. Ditogutogu Ho do hami sian haholomon tu hatiuron,
jala dipadomu Ho do hami, na holang hian sian Ho, gabe saor muse tu Ho. Gok halalas
ni roha do hami ala ni i, di nadijou Ho hami gabe manghaporseai Ho, asa dapotan
hangoluan na salelenglelengna hami. Sai ajari ma hami asa marsiadu hami patupahon
angka nadenggan di tongatonga ni punguan nami Wijk 1 on, Sai jalo ma hamauliateon ni
rohanami, naung tinopotMu marhitehite AnakMu Tuhan Jesus Kristus. Amen.

4. Marende BE. No. 48 : 5,7 “Ria ma hita sasude”

Dibahen i las situtu do rohangkon nuaeng,
Hujangkon Jesus i tutu, :,:ai sonang au dibaen:,:
Ringgas ma hita sasude mamuji Debata;
Gogo ma taendehon be :,:Amen, Haleluya:,:

5. LITURGI ANAK-ANAK
Prolog: Marragam do rumang panghobasioan ni hita jolma di na mamestahon ari
parningotan di hatutubu ni Sipaluai, alai na mansai porlu ima patandahon hata ni
Debata, sian na sopot tu ianakhonta, sialani I, tatangihon ma hata ni Tuhanta
natinariashon ni anakhonta
(.....liturgi Anak-anak .....)
6. LITURGI NAPOSO
Prolog: Mamestahon Natal lapatanna paandarhor tu jolo ni Tuhan Jesus i, sude
panghilalaan, sungkun-sungkun na di rohanta, ro di sude sandok ngolunta. Ndang
tarpajojor hita saluhutna i, alai deba sian angka i ma nanaeng patubegeonta di
perayaan pesta Natal ni Wijk 1 ditingki on; didok par Pesalmen i do: Pasahat ma
dalanmu tu Jahowa jala haposi Ibana asa Ibana na paturehon. Pasombu ma Jahowa
jala Ibana ma paimaima. Laos didok Tuhan Jesus do “UNANG HOLSOAN HAMU”
(.....liturgi Naposo .....)
7. Marende B.E. No. 56 ; 1-2 ”SAI RO MA HAMUNA”
Sai ro ma hamuna angka na porsea
Sai ro ma hamuna tu Betlehem
Ida dakdanak, Sipalua hita
Tasomba ma Ibana 3x, Rajanta
O Raja na sangap, Tuhan ni saluhut, ditaon Ho na porsuk di tano on. Ala ni jolma na
dihamagoan.
Tasomba ma Ibana, tasomba ma Ibana Rajanta.
8. Vocal Solo
9. Liturgi I
Prolog: Dipatupa Debatanta do panompaon na mansai rimpas. Mambaen jadi sian na so
adong gabe adong, saluhutna i marhite hataNa na sokkal i. Alai sai na hurang ne do
di roha ni jolmai nang pe naung singkop diparade Debata. Hata ni Debata na
mangorai asa padao diri jala unang manganhon parbue ni hau na di tongan ni porlak
Eden i, nunga dilaosi Adam dohot Hawa, ima na padaohon jolmai sian Debata. Dang
tarpaidaida Debata jolmai di bagasan dosa. Sian bagasan rohaNa, gabe ro ma asini
roha marnida jolmai. Diparsinta Debata do jolmai marhaluaon
- Penciptaan : Kejadian 1:1-2; 3-4; 31
- Manusia Jatuh ke dalam Dosa : Kejadian 6:11-12
- Perjanjian I : Ulangan 26:18-19
- Perjanjian II : Yeremia 31:31-32
10. Marende sian B.E No. 61:1-2 (Natau Las niroha)
Natau las ni roha, hatutubu ni Jesus Sipalua haholonganki 2X
Tung godang dosa pagunjungan pe, mangarsaki hita paima mate be 2X
11. Vocal Solo

12. Liturgi II
   Prolog: Bagabaga haluaon nunga dipatupa Debatanta, nuaeng pe nunga digonopi.
Portibion na dihaliangi hagolapon naeng marnida na torang. Ise do ulaning Raja ni
hamuliaon i?
     - Nubuatan : Yesaya 9:5-6
     - Kelahiran : Lukas 1:26+30; 31-32; 33
     - Janji / Perjanjian baru I : Yohanes 3:16
     - Penggenapan : Matius 5:17
13. Marende B.E No. 62 : 2 + 4 “HALALAS NI ROHA GODANG” BL. 172
Ai saborngin on do binsar bintang di na holom i, sumondangi hagolapon na di rohanta i
Reff.. Hasangapon di Debata, laos dame, dame, dame ma di jolma. Lomoni roha ni
Debata, do hita jolma on.
Sai sondangi ma rohangku, ale Tuhan Jesus i, asa dohot au maruli di hatutubuMi
Reff... Hasangapon...dst..

14. Liturgi BPH/Panitia & Keluarga

Prolog:Nunga ro jala nunga marsinondang Tuhanta di ngolunta, aha do panghorhonna molo
sai burju hita mangihuthon Ibana dohot mangulahon lomo ni rohaNa? Tangkas ma
tapaihutihut:
(.....liturgi BPH.....)

15. Pagalak Lilin (Candle Light) ...... hohom ......

U : Nunga sahat Barita nauli tu tongatonganta. Nunga saor be panondang bolon dohot hita.
Molo dilehon Debata tu hita sada silehonlehon na arga dibagasan ngolunta, ima Jesus
Kristus Anak haholonganNa i, aha ma naung talehon songon sada pelean na arga tu
Debata?
Borua : On ma alusnami, pataridahon ngolu songon sada punguan hami, ima punguan na
mar-Koinonia, rap jongjong, rap hundul dohot dongan sahaporseaon. Asa tarida naung
dipasada Debata hami dibagasan pandidion na badia.
U : Molo dilehon parhapistaran sian Purba, ima sere, haminjon dohot angka na angur, aha
ma naung talehon tu Jesus Kristus na baru tubu i?
Baoa : On ma alusnami, pataridahon ngolu songon sada punguan hami, ima punguan na mar-
Diakonia, mangurupi dongan na dibagasan sitaonon, asa unang be adong arsak ni roha,
asa mariaia sude jolma dibagasan holong ni Debata.
U : Di na ro surusuruan mandapothon angka parmahan na adong disi, jala dibaritahon
surusuruan i do naung tubu Jesus Kristus di huta Betlehem, laho do nasida lao
marsomba. Molo di bagasan sadari on sahat barita na uli tu tongatonganta, aha ma alusta
di si?
H : On ma alusnami, songon parmahan na di huta Betlehem, na ingkon lao do hami
mamaritahon Barita na uli tu saluhut bangso, asa sude mananda Jesus Kristus do Raja na
sinuru ni Debata Ama laho padengganhon hita tu Debata. Jala di si ma tarida songon
sada punguan hami, ima punguan na mar-Marturia.
U : Antong, tapahohom ma satongkin, jala tarimangima padan naung tapasahat tu Debata.
Pinuji ma Ho ale Debata, naung mangalehon silehonlehon na arga di hami, ima Jesus
Kristus na gabe Raja dibagasan ngolu nami.
H : Amen!
H : Marende BE. No. 54 : 1, 3 “Sonang ni bornginna i” jongjong
Sonang ni bornginna i, uju ro Jesus i!; Sonang modom do halak sude, Holan dua na
dungo dope, mangingani Anak na, Jesus Tuhan ta i.
Godang ni tua disi di na ro Jesus i!; Tung malua pardosa muse, sian hamagoanna sude,
Ala ro Sipangolu, Jesus, Tuhanta i!
16. Tangiang Pangondianon

17. Marende BE. No. 615 : 1 “Tarbege Sursuruan Marende”

Tarbege surusuruan, marende mansai uli
Angka dolok dohot rura, gok do saringarna i.
Sangap ma, sangap ma di Tuhan
Sangap ma, sangap ma di Tuhan
Las roham ale parmahan, nunga tubu Kristus i
Rap marende ma hamuna, pasangaphon Raja i
Sangap ma, sangap ma di Tuhan
Sangap ma, sangap ma di Tuhan

18. Jamita/Renungan Natal: Pdt. T. Hutahaean.STh. MM

19. Marende BE. No. 52 : 1 – 3 “Hatuaon do” Pelean

Hatuaon do, las ni roha do, hatutubu ni Jesus i!
:,:Mago do jolma ro ma Tuhanta, las be, las be ma rohanta i:,:
Hatuaon do, las ni roha do, hatutubu ni Jesus i!
:,:Domu do hita tu Debatanta, las be, las be ma rohanta i:,:
Hatuaon do, las ni roha do, hatutubu ni Jesus i!
:,:Las ma rohanta mida Tuhanta, las be, las be ma rohanta i:,:

20. Pangauhonon Pdt. T. Hutahaean.STh. MM

U : Debata do na paborhathon hita tu sude ulaonta, alani i, unang mabiar hita, sai didongani
Debata do hita di bagasan ngolunta, marhitehite Jesus Kristus naung tubu di bagasan
rohanta.
H : Togutogu ma hami, asa tarbahen hami jongjong lao mangadopi pargulmiton ni
ngolunami na marragam. Unang paloas ganggu rohanami, arahon hami tu adopanMu,
asa unang mandao hami sian dalan hasintonganMu.
U : Ale Debata, Ho do pamuhai, jala Ho do paujunghonsa. Lehon hagogoon tu hami, asa
unang tarlalap hami di parlalapan, asa rade rohanami manjanghon Ho manang sadihari
pe Ho ro laho mangalap hami.
H : Hupasahat hami ma ngolu, daging nang tondinami tu Ho, asa unang marisuang hatutubu
ni Anak haholonganMu. Lehon tu hami habisukon, asa margogo hami laho pararathon
barita nauli tu saluhut bangso, asa unang marisuang ngolunami.
U : Ale Tuhan, tangihon pangidoan nami, asa marhitehite i, lam marbungaran harajaonMu di
tongatonga ni huriaM, songon i nang di tongatonga ni bangso nami.
H : Marende BE. No. 691 : 6 “Hupasahat ma tu Jesus”
Mauliate ma rohangku, ala au hinonghopMi,
Pujionku ma goarMu, Salelenglelengna i.
Hupasahat ma tu Jesus, saluhutna diringki
Hupasahat ma tu Jesus, saluhutna ngolungki.
21. Tangiang Pelean, Tangiang Ale Amanami
22. Pasupasu + Amen
*Kata – kata Sambutan dan Hiburan*
Kata Sambutan: Mewakili Ruas

Liturgi Naposo
N1 : I do sintong na ! molo pinahusorhusor dibagasan roha nanidok ni ayat on,
“unang holsoan hamu”  tung ingkon mangkorhon do i nian tu ate-ate. Songon
pidong si daodao na pature asar-na mansai gomos di ranting ni hau nabolon,
jala boi ibana sinok modom so pola patagam-tagam biar; ro pea logo
mangombus ndang ganggu rohana mabiar madabu, hira diboto mandok; hau
marpangunsandean tu Pargogo jala Parhuaso na bolon i do hita ima Tuhan
Jesus i,  Nda ingkon umpos do rohanta sian pidong sidaodao i ?
N2 : Alai tahe ndada songon mura ni na mandok mangulahon. Tarlumobi di masa
sinuaeng on, di masa ni pandemic covid 19 on, dakdanak torop sisarihonon ni
natua-tua, arga ni situhoron na soboi dohonon dang tuhoron, ganup ari sai
adong halaoan ni hepeng marsorinsorin, so sundat dape ulaon adat, ro muse
angka sisolhot mangido pangurupion. Sai unang ma ro parsahiton, alai molo ro
do parsahiton, aha ma na so tolbak tung sura pea dong pinapungupungu nasa
dolokdolok
N3 :  Ala ni i sai gamang ma roha dohot panghilalaan. Laho ma roha mambahen
paretongan. Niuji marusaha alai dang adong keterbatasan ala ni na masa on boi
gabe dang marhasil, jala ndang sai dapot naniluluan tarida najinalahan. Ndang
sonang be iba modom. Laos paretongan ni iba i do hape dohot pingkiran niiba
manegai roha, gabe terjadi ma di diriniba holso na mangongkik jumpa arian
jala maol modom jumpa  borngin.
N4 : Alai marhite ibadah ibadah perayaan Natalta di bagasan tingki on, Tuhanta
paingothon hita asa Hehe ma hita jala Marsinondang, binsar do panondangta di
atasta, asa gabe sondang ni Debata hita patiurhon hagolapon di humaliangta
N1234: Ale Tuhanku, urupi ma ahu, gale do haporseaonku, patogu ma ahu asa
unang be ahu marpos ni roha tu gogongku dohot pingkiranku; unang masa di
ahu pangapianon

LITURGI BPH & PANITIA NO 1:

Liturgi BPH & Panitia No 1
Martua ma na pogos tondi, ai di nasida do harajaon banua ginjang. Burju  ma ibana
mangulahon lomo ni roha ni Debata asa dipamora ibana.
Liturgi BPH & PANITIA.no 2
Martua ma na marsak roha, ai siapulon do nasida. Benget ma rohana jala sabam manaon angka
parungkilon i, apusan ni Debata do iluilu sian mata nasida.

Liturgi BPH & PANITIA.no 3

Martua ma na lambok roha, ai teanon ni nasida do tano on. Halambohon do paombunhon rimas
jala hahilashononna hinadeak ni hadameon.

Liturgi BPH & PANITIA.no 4

Martua ma na mauas male mida hatigoran, ai sipabosuron do nasida. Jaloon na ma jala daion
na ma denggan basa ni Jahowa.

Liturgi BPH & PANITIA.no 5

Martua ma na asi roha, ai siasian do nasida. Martua ma parroha na ias, ai idaon nasida do
Debata.  Tatingkathon ma marngolu masiurupan, mardiakoni sosial, asa dipabosur Debata hita
marhitehite asi ni rohaNa na godang i.

Liturgi BPH & PANITIA.no 6

Martua ma sibahen dame, ai goaron do nasida anak ni Debata. Molo dung anak ni Debata
nasida, marhuaso ma nasida di sude hamoraon dohot hamuliaon ni Debata. Taradoti ma
hadameon di luatta, di huria nang di tonga ni bagasta be, ai i do dihalomohon Debata.

Liturgi BPH & PANITIA.no 7

Martua ma na pinaburuburu ni halak ala ni hatigoran, ai di nasida do harajaon banuaginjang.
Las ma rohamuna jala marolopolop, ai godang do upamuna di Banuaginjang i, ai songon i do
dipaburuburu angka panurirang na jumolo sian hamu.

Liturgi BPH & PANITIA.no 8

Martua ma hamu molo marhapantunon hamu tu sasude, haholongi ma angka dongan, habiari
ma Debata jala pasangap ma angka raja.

Liturgi BPH & PANITIA.no 9

Martua ma angka na mamio angka na pogos, angka na martihas, na pangpangon dohot na
mapitung asa lehononmu mangan, ai baloson ni Debata ma di hamu rap mangan di harajaonNa
i.

Liturgi BPH & PANITIA.no 10 Molo boi Sintua..

Antong paserep ma roham jala parbadia i laho manjanghon hata ni Debata dohot mangulahon,
ai didok do : Martua ma angka na tumangihon Hata ni Debata jala na umpeopsa Amen.

(Mau digabung jadi 5 halak, boi tergantung haporluan)

Liturgi Anak-anak yang belum:
Kejadian 2:8-24, on ma dibagi-bagi