TATA IBADAH MALAM NATAL

HKI ONANTUNGGU RESORT SIPAHUTAR II

DAERAH II SILINDUNG-PANGARIBUAN

Thema: MARENDE MA HAMU DI DEBATA (Psalm. 147: 1-11)

Jumat, 24 Desember 2021

I. Keterangan= U: Uluan; H: Huria/ Ruas;

II. Mandok hata patujolo
III. Pagalak lilin (huhut diiringi musik angonangon BE. No. 57)
1. Uluan Huria/ Pendeta Resort 5. Perwakilan PNB
2. Perwakilan Majelis + Parhalado
3. Perwakilan Ama
4. Perwakilan Ina
Huhut ma ruas mangendehon BE No. 57: 1-2 “Nunga juppang muse ari
pesta i” (jongjong ma ruas)
 Nunga jumpang muse ari Pesta i, Hatutubu ni Tuhanta Jesus i, Tuat do
Ibana sian Surgo i, Mebat tu hita on, Hasangapon di Debata, Dame,
dame ma di jolma, Las ni roha ni Debata, Hajolmaon muse
 Beta, ale dongan tu Betlehem i, Itasomba ma Dakdanak na disi, Na
tinongos ni parasiroha i, Debata Ama i, Hasangapon di Debata, Dame,
dame ma di jolma, Las ni roha ni Debata, Hajolmaon muse
IV. Panombaon/ Ibadah
1. Votum
P : Panombaonta di ulaon malam natal tingki on, pungkaonta do Dibagasan
goar ni Debata Ama, dohot anakNa Tuhan Jesus Kristus, dohot goar ni
Tondi Parbadia na tumompa langit dohot tano, dipasaor ma dameNa tu
tondinta be. Amen.
Rap ma hita mangendehon tangiangta i sian BE. No. 205
R : (Mangendehon BE. 205: 1)
Ale Jesus Tuhannami, bereng hami na dison; pinarmahanMi do hami
saluhutna na dison; sai asi rohaM di hami, sai pangolu hami on. Amen.
(hundul ma ruas)
2. Marende sian BE. No. 62: 1, 4 “Halalas ni roha godang”
 Halalas ni roha godang, na hubaritahon on. Nunga tubu Sipalua di hita
jolma on. Hasangapon di Debata, laos dame, dame, dame ma di jolma.
Lomo ni rpha ni Debata do hita jolma on.
 Sai sondangi ma rohangku, ale Tuhan Jesus i. Asa dohot au maruli,
di hatutubuMi. Hasangapon di Debata, d.u
3. Ayat + Tangiang
U : Ai nunga tubu di hita sada posoposo dilehon tu hita sada anak, ampe tu
 abaraNa do sogot harajaon, jala bahenonNa goarNa Sipartahi
Halongangan, si ulubalang ni Debata Ama salelenglelengna, Raja ni
hadameon
H : Endehon hamu ma sada ende na imbaru di Jahowa, endehon hamu
Jahowa ale sandok tano on. Pajojor hamu ma ditongatonga ni angka
parbegu hamuliaonNa i, marsomba ma hamu tu Jahowa marpahean na
marhadohoan, anga hitir ma hamu maradophon Ibana ale isi ni sandok
tano on
U : Martangiang ma hita: Ale Debata, Ama ni Jesus Kristus Tuhannami.
Hupuji hami ma goarMu na badia i, ala naung ro Ho mandapothon hami
tu portibion. Nunga ditaiti Ho hami sian hagolapon tu hatiuron jala
dipadame Ho hami dohot diriM, gabe boi hami mangolu marparsaoran
dohot Ho. Tung las rohanami di denggan ni basaM. Ale Jesus Kristus
naung tubu tu portibion di hami manisia.
H : sadarion mandok mauliate hami jala marlas ni roha godang manjangkon
haroroMi dibagasan rupa ni jolma tudoshon hami. Naeng hami
manghilalahon holong ni rohaMi. Pasiat ma hami, ale Debata
pahusorhusorhon ari hatutubuMi, asa huparhatopothami i gabe
parmulaan ni haimbaruan dohot panghirimon na imbaru dihami
saluhutna. Jalo ma hamuliateon ni rohanami, di Ho ma saluhut
pujipujian sian nuaeng ro di salelelengna.
U : Amen. Didongani Tuhan Debata ma hita on saluhutna. Amen! Haleluya,
haleluya, haleluya
H : Mangendehon: Haleluya, haleluya, haleluya
U : Na gabe singkat ni patik di pesta malam natalta tingki on tarsurat di
Jesaya 12: 2 “Ida ma, Debata do hatuaonku, Ibana huhaposi, jadi
ndang mabiar ahu, ai Tuhan Jahowa do hagogoonku dohot pujipujianku
dohot manjadi hatuaonku”. Ido sahatna. Rap ma hita mangido!
U+H : Ale Tuhan Debata, sai pargogoi ma hami mangulahon na hombar tu
hataMi. Amen
4. Marende BE. No 61 : 2-3 “Na tau las ni roha” (Jongjong ma Ruas)
 Tung godang do dosa pangunjunan pe
Mangarsahi hita paima mate be, Mangarsahi hita paima mate be
 Na so tarhatahon hamagoan i
Aut so tubu Jesus Sipalua i, Aut so tubu Jesus Sipalua i
5. Tangiang manopoti dosa
U : Ale Tuhan Debata Ama nami nadibanua ginjang ! Ho do Patupahon
hasesaan ni dosa dihami halak na dangol on. Marhite-hite Anak
haholongan ni rohaM Tuhan Jesus Kristus Tuhan nami.
H : Tuhan, mangido hami di tangiang nami asi rohaM dihami, tangihon
pangidoan nami.
 U : Asi rohaM dihami, angka namangarsakhon dosa nami nuaeng tu Ho.
Sai sahaphon ma tu bagasan roha nami hasesaan ni dosa nami na
pinatupaM i. Lehon ma tuhami TondiM nabadia i, asa hot haporseaon
nami si asi ni RohaM. Pargogoi jala urupi ma hami laho manggotaphon
nasa dosa dohot roha portibion, asa hupasahat hami dirinami, ima daging
dohot tondinami, gabe pelean na mangolu, jala na badia tu Ho, narhite-
hite Tuhan Jesus Kristus Tuhan nami. Amen. Baga-baga hasesaan ni
dosa dihita: “Ai songonon do holong ni roha ni Debata di portibion, pola
do AnakNa nasasadai dilehon asa unang mago ganup na porsea diibana
asa hamgoluan na salelengnileleng na di Ibana.
6. Koor PPR Eklesia
7. Epistel: Mateus 1: 18-23 (23)
U : Martua ma halak na umbege jala na umpeop hata ni Debata
U+H : Amen
8. Koor PPR Exaudi
9. Marende BE. No. 48: 1-2 “Ria ma hita sasude”
a.Ria ma hita sasude mamuji Debata; girgir ma parendenta be. Ai ido na tama:,:
b. Diungkap Debatanta i banua ginjang i. Disuru do anakNa i; hangoluanta i :,:
10. Tangiang sian Ama
11. Marende No. 47: 2-3 “Aut na Saribu Hali Ganda”
a. Ianggo ho ale tondingku, sai jangkon ma Panondang i! Sai unang ma
lea rohamu, dibaen hametmetonna i; pabalionna do sude, sibolis dohot
dosa pe
b. Panondang on do papatarhon na so hea ni idami. Dibaen i sai
hangoluhon sondangNa i to tondimi, ai ido hasonanganmi, di na lao
sego sasude
12. Tangiang sian Ina
13. Koor PNB
14. Marende BE. NO 51 : 1+5
 Tole puji ma Tuhanta Tu Ibana ma rohanta
Asa girgir parendenta Ale dongan Kristen i
 Nunga binsar panondangi Haholomon disondangi
Na masihol i didaoni Dipangolu do sude
15. Liturgi Hatutubumi Tuhan ta Jesus Kristus (Parhalado)
16. Marende No. 54: 1-3 “Sonang ni Borngin na i”
 Sonang ni bornginna i Uju ro Jesus i, Sonang modom do halak sude
Holan dua na dungo dope, Mangingani AnakNa Jesus Tuhanta i
 Denggan ni bornginna i Uju ro Jesus i, Tu parmahan di Betlehem i
Dipaboa na di Surgo i, Nunga ro Sipangolu Jesus Tuhanta i
 Godang ni tua disi Di na ro Jesus i, Tung malua pardosa muse
Sian hamagoanna sude, Ala ro Sipangolu Jesus Tuhanta i
17. Jamita : Psalm. 147: 1-11
18. Koor Punguan Ama
19. Marende BE. No. 52: 1 …. “Hatuaon do”(Papungu Pelean)
a. Hatuaon do las ni roha do hatutubu ni Jesus i. Mago do jolma ro ma
Tuhanta. Las be, las be ma rohanta i.
b. Hatuaon do las ni roha do hatutubu ni Jesus i. Domu do hita tu Debatanta.
Las be, d.u
--- Holan musik ---
c. Hatuaon do las ni roha do hatutubu in Jesus i. las ma rohanta mida
Tuhanta. Las be, d.u
20. Pengutusan Natal 2021
U : Huria na hinaholongan ni Tuhan Jesus Kristus. Nunga tabege Barita na
Uli, panurirangon ni si Jesaya taringot tu na gabegabean sada
namarbaju, jala tumubuhon sada anak, jala bahenon ma goarna:
Immanuel. Panurirangon on nunga masa di na sorang Jesus Kristus di
bara ni pinahan ni Betlehem na tapatupa parningotan hatutubuNa i di
borngin on. Ibana do Sipalua hita sian huaso ni dosa dohot hamatean.
Alani tajanghon ma Ibana tu rohanta asa Ibana na marhuaso disi unang
adong na asing.
H : (mangendehon) BE.53:2 “Di Betlehem do tubu” BL.51
Tu holong ni rohaNa hubonom rohangkon. Hulehon di Ibana sude na di
au on. Olo, olo sude na di au on
U : Manang aha pe na masa di ngolunta, las ni roha arsak pe, tongtong ma
tahaholongi Jesus Kristus naung ro manopot hita jolma pardosa
marhitehite na gabe pasupasu hita tu saluhut halak. Immanuel:
“Donganta ma Debata”. Donganan ni Debata do hita patupahon
saluhutna i.
H : (mangendehon) BE.53:3“Di Betlehem do tubu” BL.51
Sai naeng haholonganhu Ho ale Tuhanhi. Nang marsak, las rohangku
ingkon lam ganda i Olo, olo, ingkon lam ganda i
U : Tangiang Pelean + Tangiang hatutubu no. 5 (Agenda HKI)
U+H : Tangiang Ale Ama nami………….
(Mangendehon) BE. 36: 1 “Pasupasu hami”
Pasupasu hami, O..Debatanami, sae sondangkon bohiMi tu na pungu on
sude
U : Tangiang Pasupasu.
U+H : Mangendehon: Amen, Amen, Amen!
Parhalado HKI Onanrunggu
Resort Sipahutar II
mengucapkan: Selamat hari Natal 25-26
Desember 2021
Dan
Selamat tahun baru 01 Januari 2022