Acara Ibadah Natal Sekolah Minggu

HKBP BETHESDA P. MANDALA

Tema : Lukas 2 : 10b “HALALAS NI ROHA GODANG”

(Jangan takut, sebab sesungguhnya aku memberitakan
kepadamu kesukaan besar untuk seluruh bangsa)

Sub Tema : “Melalui Natal sekolah minggu, seluruh anak sekolah

minggu HKBP Bethesda Resort Bethesda Perumnas
Mandala Medan senantiasa bersukacita menyambut
kelahiran Yesus Kristus”
 Acara Ibadah Natal Sekolah Minggu
HKBP BETHESDA P. MANDALA
==============================================
I. ACARA IBADAH:
01. PANGARADEON
A. Sude parhobas marpungu di ruang Konsistori
B. Prosesi (mamasuhi Gereja)
1. Siboan Lilin, Salib, Bibel
2. Pemimpin Liturgis/Paragenda
3. Parjamita
4. Sude Parhalado
5. Panitia Natal Parompuan
C. Mardalan barisan prosesi: (Jemaat Berdiri) Di tingki mardalan rombongan
barisan prosesi disambut dengan Tortor
U: Hamu dongan sahaporseaon, di ari Natal on marpungu do saluhut angka na
porsea di sandok portibi on, manghamauliatehon balga ni asi dohot holong ni
roha ni Debata, na manongos AnakNa na sasada i, gabe haluaon di sandok isi ni
portibi on. Antong, hami Parhalado ni hurianta, pasahathon hata Selamat Ari
Natal ma tu hamu saluhutna ruas ni huria. “selamat ari natal ma dihita
saluhutna”
J: Selamat Ari Natal ma nang di hamu angka parhalado ni Tuhan i! Didongani jala
diurupi Tuhan i ma hamu manjanghon jala mangoloi Sipalua i, marhitehite asi
dohot holong ni roha ni Debata dohot pangaramotion ni Tondi Parbadia”.
U: Manghalashon ari na uli, ima Pesta Parningotan Hatutubu ni Tuhanta Jesus
Kristus sadari on, marsihorasan jala marsijalangan ma hita di bagasan dame,
huhut pasahathon Selamat Ari Natal (Masijalangan di hundulanna be, jala mulak
ma Parhalado tu ingananna).
2. KATA-KATA SAMBUTAN:

1. Ketua Panitia Natal Parompuan : Ny. R.Sihotang br Pasaribu

2. Kata sambutan/Pengarahan : Pdt HKBP Resort Jogja : Pdt. AAZ.Sihite,MTh

L: Tanda ni las ni rohanta, tapuji ma Tuhanta marhite endenta “Nunga

Jumpang Muse Ari Pesta i”

01. Marende BE No.57:1-3 “Nunga Jumpang Muse” BL. 202

2
 * Nunga jumpang muse ari pesta i, hatutubu ni Tuhanta Jesus i
Tuat do Ibana sian surgo i mebat tu hita on
Hasangapon di Debata dame dame ma di jolma
Las ni roha ni Debata hajolmaon muse.
Beta ale dongan tu Betlehem i, itasomba ma Dakdanak na disi
Na tinongos ni parasi roha I, Debata Ama i
Hasangapon di Debata dame dame ma di jolma
Las ni roha ni Debata hajolmaon muse.
(ayat 3 ----jongjong----)
Somba nami ma di Ho na tubu on, Ho siboan dame tu portibi on
Sai pasaorhon ma tu rohanami on dameMi o Jesus
Hasangapon di Debata dame dame ma di jolma,
Las ni roha ni Debata hajolmaon muse.
02. Votum- Introitus- Tangiang
L : Marhitehite goar ni Debata Ama dohot goar ni AnakNa Tuhan Jesus Kristus
dohot goar ni Tondi Parbadia na tumompa langit dohot tano on.
J : AMEN
L : Nunga tubu di hita sada posoposo, dilehon tu hita sada Anak, pampe tu
abaraNa do sogot harajaon, jala bahenonNa GoarNa; Sipartahi halongangan,
Ulubalang ni Debata Ama, saleleng ni lelengna, Raja ni Hadameon.
J : Endehon hamu sada ende na imbaru di Jahowa, endehon ma Jahowa, ale
sandok tano on.
L : Pajojor hamu ma di tongatonga ni angka sipelebegu hamuliaonNa i, di
tongatonga ni saluhut bangso halongangan, angka na binahenNa i. Marsomba
ma hamu tu Jahowa marpahean na marhadohoan, angka hitir ma hamu
maradophon Ibana, ale isi ni sandok tano on. Haleluya.
J : (Mangendehon) Haleluya…Haleluya…Haleluya
L : Martangiang ma hita: Ale Amanami, ama ni Tuhan Jesus Kristus Tuhannami,
na tubu di huta Betlehem. Sai pinuji ma goarMu na badia i, ala naung
ditingkir Ho hami bangsoM. Ditogutogu Ho do hami sian haholomon tu
hatiuron jala dipadomu Ho do hami na holang hian sian Ho, gabe saor muse
dohot Ho. Gok halalas ni roha do hami ala ni i. Sai jalo ma hamauliateon ni
rohanami, naung tinopotMu marhitehite AnakMi. Amen.(Hundul)

03. Marende BE 62: 1 -2 Halalas ni Roha Godang BL. 172

3
 Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma
lomo ni roha ni Debata do hita jolma on.
Ai saborngin on do binsar, bintang di na holom i
sumondangi hagolapon na dirohanta i.
Hasangapon ni Debata, laos dame, dame, dame ma di jolma.
Lomo ni roha ni Debata, do hita jolma on.
04. Patik ni Debata di pesta Natalta diborngin on ima na tarsurat di Lukas 2:10 didok
songon on :
“Alai didok surusuruan ima tu nasida: Unang mabiar hamu; ai barita halalas ni
roha godang do huboan tu hamuna, parsaulian ni sandok bangso i. Ai nunga tubu
do di hamu saborgin on, di huta ni si Daud, Sipalua i, i ma Kristus, Tuhan i”.
Antong rap mangido gogo ma hita tu Tuhanta asa tarulahon hita Tona ni PatikNa :
S: Ale Tuhan Debata, sai pargogoi ma hami mangulahon na hombar tu PatikMi.
Amen

05. Marende BE. 681:1-2 Ale Amang Asi RohaM (Ayat 1-2 dinyanyikan
Ina/atraksi)
1. Ale Amang asi rohaM di au pardosa on unduk do rohangkon nuaeng
marsomba di joloM
Unang jujur unang jujur angka dosangki, sai salpuhon sai salpuhon sian
rohaMi
2. Amang sai pargogoi ma au dihasiangan on, TondiM pasaor tu tondingkon
pamalum rohangkon, Sai usehon, sai usehon TondiMi tu au, asa monang
maralohon parungkilon au
---- ayat 3 Jongjong—sude mangendehon-
3.
Mauliate ma di Ho o Tuhan Debata, sai jalo ma au on muse tu surgo banuaM
Asa sonang asa sonang raphon Ho disi, pujionku ma goarMu salelengna i

06. Manopoti Dosa dohot Hasesaan ni Dosa

L: Tapaunduk ma rohanta tu adopan ni Debata laho manopoti dosanta.
Martangiang ma hita: Ale Debata Amanami na dibanua ginjang! Diparhatopot
rohanami do balga ni holong, dohot asi ni rohaM di hami. Dilehon Ho do AnakMu
Tuhan Jesus Kristus tu portibi on, tubu dibagasan haleaon, manaon na porsuk pola
ingkon mate tarsilang asa gabe haluaon di hami. Dia ma naung hubahen hami tu
Ho balos ni i?
J: Ale Tuhan Debata, asi ma rohaM di hami pardosa on!

4
L: Jotjot do mabalgahu janji nami tu Ho, hape ndang tulus i huulahon hami. Molo
jumpang ari Natal si songon on, sai marjanji do hami marhite angka ende nami
mandok: “Hulehon di Ibana sude na dia ua on. Olo, olo sude na di au on!” Hape
dia ma naung hulehon hami huroha tu Ho ale Tuhan? So ndada gabe tardapot hami
angka pargabus di jolom? Molo tung i pe, sai asi roham di hami, sesa dosanami!
J: (Mangendehon) BE. 53:2 Di Betlehem do Tubu BL. 51
Tu holong ni rohaNa hubonom rohangkon, Hulehon di Ibana sude na di au on
Olo, olo, sude na di au on.
L: Ganup jumpang ari Natal sisongon on sai huendehon hami do: “Sai naeng
haholonganku, Ho ale Tuhanki! Nang marsak, las rohangku ingkon lam ganda i
….!” Hape sabalikna do huulahon hami:
J: Jotjot ndang huhaholongi hami Ho, sian nasa roha, ateate, pikkiran, dohot sian nasa
gogo nami; suang songon i ndang huhaholongi hami dongannami doshon dirinami,
nang lumobi angka musunami. Holan di masa ni pangunjunan, sitaonon, arsak,
dohot angka parungkilon do huringkoti hami Ho.
L: Molo adong na hupeop hami, sipata olo do gabe ro ginjang ni roha di hami; molo
so jumpang na pinangido ni rohanami, olo do pintor mandele, jala huhalupahon
hami Ho. Jotjot tahe tardapot hami gabe angka jolma pargabus di joloM. Asi
rohaM di hami, pargogoi ma hami manghaholongi Ho dohot angka dongannami
lumobi nang musunami!

J: (mangendehon) BE.53:4 Di Betlehem do Tubu BL.51

Burju naeng lehononku di Ho rohangkinon, Asi RohaM Tuhanku, urupi au Tongtong. Olo, olo, urupi au
tongtong.
L: Ale Tuhan Debata, mansai burju do Ho mamasumasu ngolunami: dingolu
parianakhonon, di ngolu ulaon si ganup ari, dohot disaluhut rumang ni
parngoluonnami. Dilehon Ho do di hami arta, sinamot, pansarian na tama,
paruntungan, parlabaan dohot lan na asing, atik pe jotjot sai huparsoada hami I
songon pasupasuM. Hape dia ma haburjuonnami naung hulehon hami tu Ho, dohot
tu huriaM balos ni naung hujalo hami suksuk sian Ho?
J: Ale Tuhan…! Hata ni ende, na sai huendehon hami ganup jumpang ari Natal
mandok: “Burju naeng lehononku di Ho rohangkinon” Dia ma na huhaburjuhon
hami tu Ho? Tung naung hulehon hami ma rohanaMi tu Ho ale Tuhan? Molo tung
adong hupelehonhami peleannami, pintor tuk ma i balos ni pasupasuM na sai
godang i? Ale Tuhan ajari ma hami asa burju mangalehon rohanami dohot dirinami
tu Ho!
L: Ale Tuhan Debata, Amanami marhitehite AnakMu, Tuhan Jesus Kristus naung ro
manopot hami jolma pardosa tu portibi on. Na ro do hami nuaeng tu adopanMu
manolsoli dohot manopoti dosanami na godang i. Na jotjot do huarsahi hami Ho
marhitehite hata dohot pambahenannami na so tama di joloM, asi ma rohaM di
hami jolma pardosa on.
(martangiang na hohom – manghuling musik sian BE.686 sa-ayat)
5
 L : Tabege ma bagabaga ni Debata taringot tu hasesaan ni dosanta: Songon sintong na
mangolu Ahu, ninna Tuhan Jahowa, tung na so lomo do rohangKu mida hamatean
ni parjahat, na lomo do rohangKu mida hamumulak ni parjahat i, tumadingkon
dalanna, asa mangolu ibana. Hasangapon ma di Debata na di ginjang.
S: AMEN (Hundul)
07. Marende BE 52:1-2 Hatuaon Do Las ni Roha Do BL. 55
Hatuaon do las ni roha do Hatutubu ni Jesus i.
Mago do jolma, ro ma Tuhanta. Las be, Las be ma rohanta i.(2x)
Hatuan do las ni roha do, Hatutubu ni Jesus i.
Domu do hita tu Debatanta. Las be las be ma rohanta i. (2x)

08. Epistel : Lukas 1: 39-45 (5 orang utusan dari Ina Priskila)

L: ima sahatna. Martua ma na tumangihon Hata ni Debata jala na umpeopsa.
Amen

09. Koor/Voc. Group Sekolah Minggu + NHKBP Jogja

10.
11. Marende BE No.605: 1,4 Las ma roham
Las ma roham Tuhanta ro, gumomgom sasude, Ungkap roham jangkon rajam
Marende ma sude, Marende ma sude, Marende, Marende ma sude
Ibana do Rajanta i Parasiroha i, Na tigor i, na bonar i, parholong roha i
Parholong roha i, parholong, parholong roha i

12. Manghatindanghon Hata Haporseaon

13. Sunggulsunggul
14. Koor Gabungan Sude Parompuan: SADA DI BAGASAN KRISTUS
15. Liturgi I Taringot Haulion ni na Tinompa ni Debata (SEKTOR UTARA/TENGAH)
16. Prolog: Dimulana i nunga adong Hata i, jala saor tu Debata do Hata i, jala Debata do Hata i, ima na saor tu
Debata dimulanai. Jala saluhutna i marhite Hata i do umbahen na manjadi. Tabege ma liturgi parjolo nabinoan ni
angka inanta na sian sektor Utara dohot Tengah.
17. Koor : Ina Sektor BANTUL/PARSERAHAN
18. Liturgi II (Bentuk Pragmen) = Hadadabu ni jolma i tu bagasan dosa
Prolog: Ingkon pujionta do Debata ala hasongkalanNa, dohot hagogoonNa, na manompa sian na so adong
hian gabe adong tanda ni haunduhonta ingkon ulahononta ma patikNa. Didok Debata do tu jolma i “dungi dipatik
Debata Jahowa ma jolma i, ninna ma: jadi do panganonmu sian nasa hau dibagasan porlak on. Alai anggo sian
hau parbinotoan ni na denggan dohot na roa, ndang jadi panganonmu; ai sadari dipangan ho sian i, na mate do ho.
Antong tapaihutihut ma liturgi na paduahon on.

6
19. Persembahan Pujian “TRIO” (Ny.Pdt.AAZ.Sihite br Sianipar, Ny Siahaan br Gultom,
Ny. Sagal br Simarmata)
20. Liturgi III (sektor Barat)
Prolog: Nunga madabu be jolma i tu nagasan dosa,, nunga di uhum Debata. Antong aha nama
siulahononni jolma i??? Tabege ma liturgi napatoluhon on, na binoan ni angka inanta sian Sektor Barat.
21. Marende BE 54 : 1 – 3 Sonang ni bornginna i BL.64
1.
Sonang ni bornginna i uju ro Jesus i, Sonang modom do halak sude holan
dua na dungo dope
Mangingani Anak na Jesus, Tuhanta i
2.
Denggan ni bornginna i uju ro Jesus i, Tu parmahan di Betlehem i, dipaboa
na di surgo i
Nunga ro Sipangolu, Jesus Tuhanta i
-- ayat 3 lampu dihidupkan--
3.
Godang ni tua disi di na ro Jesus i, Tung malua pardosa muse sian
hamagoanna sude
Ala ro Sipangolu, Jesus Tuhanta i.
22. Liturgi IV (Sektor Selatan)
Prolog: Sipalua na pinarbaga Debata ima Jesus Kristus. Nunga ro be tu portibion, laho paluahon jolma sian
dosa. Antong aha do dipatupa Jesus laho paluahon jolma tu hita jolma, jala aha do patupaonta tu Tuhan ala naung
ditobus hita marhite anakNa?? Tabegema liturgi na paopathon on. Nabinoan ni Inanta sektor Selatan.
23. Puisi Anak Sekolah Minggu/ persembahan pujian

24. Liturgi V (Sektor Bantul/Wonosari- Parserahan)

Prolog: Didok panurirang do na ingkon tubu sipalua di Betlehem. Alai anggo ho, ale Betlehem Efrata,
mametmethu do ho nian anggo tung pola jujuron tu angka huta na marriburibu di Juda hape sian Ho do haroroan ni
na gabe panggomgomi. Alani i aha do lapatanni pesta natal i di hita be??? Antong tabege ma barita natal
nabinoanni angka inanta sian sektor Bantul/Wonosari ditingki on.
25. Voc. Solo Angel S. Br Sihaloho “ Mauliate ma Inang”

26. Marende BE 615: 1 Tarbege Surusuruan Marende

Tarbege surusuruan marende mansai uli. Angka dolok dohot rura gok do saringar na i
Refr.: Sangap ma sangap ma di Tuhan sangap ma sangap ma di Tuhan
27. Liturgi VI (Sektor Timur )
Prolog: Sai olo ma hita mangolu dibagasan pandonganion ni Debata: Ciri ni ngolu ni jolma na so olo manjalo
pandonganion ni Debata, jonok do i tu ngolu na sai berusaha mangalo lomo ni roha ni Debata, jala sai berusaha
manegai na denggan. Asa, molo taida, manang tahilala di tonga-tonga ni parsaoranta siganup ari, adong halak na
so parduli tu hasadaon dohot harentaon, tanda ni na lam manggasa do angka halak sialo lomo ni roha ni Debata
disi. Alani i tabege ma liturgi palimahon nabinoan ni angka ina nasian sektor Timur
28. Koor Gabungan Ama-Ina = MAULIATE MA JAHOWA
7
29. Marende : BE. 597a:1,3 “ Baritahon di Dolok”
Baritahon di dolok, di rura di sude inganan. Baritahon di dolok naung tubu Kristus
i.
Ro do surusuruan, tu ladang Efrata, mandapothon parmahan tompu mansai torang.
Refr: Baritahon di dolok, di rura di sude inganan, baritahon di dolok naung tubu
Kristus i.
Baritahon di dolok, di rura di sude inganan. Baritahon di dolok naung tubu
Kristus i.
Di borhos do Tuhanta di panggagatan i. Songon na pinaboa ni pardisurgo i.
Refr: Baritahon di dolok, di rura di sude inganan, baritahon di dolok naung tubu
Kristus i.
30. Jamita : BVR. Marsitta Ulina Manik

31. Marende BE 614: 1--- Ro ma Ho Tu Au (Papungu Pelean)

1.
Ro ma Ho tu au o Jesus Tuhaki, sian banua ginjang tu rohangki
Ro ma Ho tu au o Tuhan Sipalua i, dame binoanMu ndang
natarasam i, o Tuhanki
2.
Asi ma roham di au o Tuhanki, sai jolo ma tangiang nang
endengki
Songon si Maria ina na martua i, baen nang au martua ala
haroroMi, o Tuhanki
--- Musik ---

3.
Ende ni suruan pardisurgo i, binege ni parmahan di ladang i
Nunga tubu Raja Kristus Sipalua i, di huta Betlehem peak di
barai, o Tuhanki
4.
Nang parhapistaran sian purba i, manungkap do marsomba tu
Tuhan i
Sere dohot na angur ro di haminjon i, dipelehon tu Ho Raja na
sorang i, o Tuhanki

32. PARSURUON DI NGOLU SIGANUP ARI

8
 U: Nunga tahalashon hatutubu ni Jesus i. Andorang so mulak hita sian
parpunguan on, tama do hita marpadan tu Tuhan i, i ma padan mamaritahon
barita haluaon i. Taingot ma pambahen ni angka parmahan i uju manjalo barita
las ni roha i. Mulak do nasida, alai ndang dipasip nasida barita i,
masipandohan do nasida :
J: Beta ma hita tu Betlehem, taida ma na masa on na pinabotohon ni Tuhan i tu
hita.
U: Dung dijalo nasida barita las ni roha i, borhat do angka parmahan i marsomba
tu Jesus. Hita pe tama do sombaonta Ibana marhite hata, parange dohot
parngoluonta. Marhite Pesta Natal on tama do lam ringgas hita marsomba tu
Ibana jala lam tapatimbul Ibana di rohanta :
J : Dipatimbul rohangku do Tuhan i
U: Dung disomba angka parmahan i Jesus na tubu i, dibaritahon nasida do
boaboa hatutubu i. Jala sude na umbegesa longang be do siala na hinatahon
ni angka parmahan i. Hita pe tama do mamaritahon haluaon na binoan ni
Jesus i, asa longang portibi on ala panindangionta.
J: Tuhan, suru ma hami mamaritahon habalgaon ni holongMi. Amen.
U: Nuaeng Tapasahat ma peleanta tu Debata, martangiang ma hita !
(TANGIANG DOHOT ENDE PASAHAT PELEAN- AGENDA HKBP)

33. TANGIANG ALE AMANAMI, PASUPASU- AMEN (3X)

---- Ibadah Selesai----

34. Acara Hiburan: Drama (Ina Hanna)

Tortor - Dorprize

9
35. Makan Bersama

PENDETA, BIBELVROUW DOHOT SUDE

PARHALADO PASAHATHON
SELAMAT HARI NATAL MA DI HITA SALUHUTNA
DEBATA MA MAMASUMASU!
HORAS!!!
Lampiran:
Susunan Panitia Natal InaHKBP JOGJA 15 Des 2016
Dan Seksi-seksi
=================================================
Ketua :Ny. R. Sihotang br Pasaribu
Sekretaris :Ny. Hernietta Panggabean br Purba
Bendahara :Ny. Delima Sianipar br Aritonang

I. Seksi acara dan Ibadah

1. Bvr . Marsitta Ulina Manik
2. Ny St. Resti Lubis br Sinamo (MC)
3. Ny. Ester Siahaan br Gultom
4. Cst Ny. Agatha C Silitonga br Manullang
5. Ny Nancy Hutagaol br Situmeang

II. Seksi Dekorasi

1. Ny Dewi Sidabutar br Tampubolon
2. Cst. Ny. Florida Hutahaean br Pangaribuan
3. Ny. Dorta Simanjuntak br Siagian
4. Ny. Tobing br Siagian
5. Ny. Anita Pasaribu br Pardede
6. Ny. Artha Nainggolan br Lumbantoruan
7. Ariva Malau
8. Okta Silaen
9. Gloria Simanjuntak
10. Indah Manurung
11. Alpeus Manihuruk
12. Bonar Lubis
13. Alex Nababan

10
 III. Seksi Dekorasi
14. Ny Dewi Sidabutar br Tampubolon
15. Cst. Ny. Florida Hutahaean br Pangaribuan
16. Ny. Dorta Simanjuntak br Siagian
17. Ny. Tobing br Siagian
18. Ny. Anita Pasaribu br Pardede
19. Ny. Artha Nainggolan br Lumbantoruan
20. Ariva Malau
21. Okta Silaen
22. Gloria Simanjuntak
23. Indah Manurung
24. Alpeus Manihuruk
25. Bonar Lubis
26. Alex Nababan
IV.Seksi Dana
1. Ny. Nurmalina Pakpahan br Manik
2. Ny. Roria Malau br Nadeak
3. Ny. Fatima simangunsong br Pangaribuan
4. Ny. Ika T. Hutapea br Hutahaean
5. Ny. Sartje S Hutapea br Hutahaean
6. Ny. Ose Samosir br Tambunan
7. Ny. Beniria Hutapea br Manurung
8. Ny Minar Hutahaean br Sibarani

V. Seksi Konsumsi
1. Ny Napitupulu br Simanjuntak
2. Ny Nainggolan br Pakpahan
3. Ny. Ponida Sagala br Simarmata
4. Ny. Nurhaida Silitonga br Lumban tobing
5. Ny Nursalam Samosir br Marpaung
6. Ny. St. Marpaung br Panjairtan
7. Ny. Limbong br Sirait
8. Ny Panjaitan br Lumbantobing (mama Rosy)

VI. Seksi Hiburan

1. Ny. Venny Rajagukguk br Panggabean
2. Ny. Kiky Limbong br Silitonga
3. Ruth Manullang
4. Pierre Malau

VII. Penerima Tamu

1. St . Ny. Purnama Hutagalung br Lumbantobing
2. Ny Susterlina Marpaung br Purba
3. Ny Nainggolan br Simanjuntak (mama Joas)
4. Ny St. Sinurat br Sitio
5. Ny Cst. Minawaty Rajagukguk br Situmorang
11
 6. Ny Situmorang br Sianipar
VIII. Seksi Dokumentasi
Naposo

PEMBACAAN PUISI
TANGISAN MATA BUNDA
Dalam Senyum mu kau sembunyikan letih mu
Derita siang dan malam menimpa mu
tak sedetik pun menghentikan langkah mu
Untuk bisa Memberi harapan baru bagi ku
Seonggok Cacian selalu menghampiri mu
secercah hinaan tak perduli bagi mu
selalu kau teruskan langkah
untuk masa depan ku
mencari harapan baru lagi bagi anak-anak mu
Bukan setumpuk Emas yg kau harapkan dalam kesuksesan ku
bukan gulungan uang yg kau minta dalam keberhasilan ku
bukan juga sebatang perunggu dalam kemenangan ku
tapi keinginan hati mu membahagiakan aku
Dan yang selalu engkau katakan kepada ku
Aku menyayangi mu sekarang dan sepanjang waktu
Walau sampai aku tak lagi bersama mu
aku akan tetap menyayangi mu dengan ketulusan hati ku
Terimakasih ibu untuk semua kasih dan perhatianmu
Terimakasih untuk pelukanmu
Terimakasih atas semua cerewetanmu
Terimakasih atas semua nya ibu.

“ Mauliate ma Inang” Cipt. Tagor Tampubolon

Burju ni Dainang i Ndang boi tarbalos au
Nang sipata sala au Sai dianju au anak na on

12
Ditaon ho do udan las ni ari. Holan humonghop gelleng mi
Asa boi taruli; Laho manomu ari na naeng ro

Mauliate ma inang; Mauliate ma Inang

Disude pambaenanmi; Anggiat ma marparbue i

Mauliate ma Inang; Mauliate ma Inang

Toho ma ho pandaune. Di ngolu ni sudena gellengmon

HKBP Yogyakarta
Jl. I Dewa Nyoman Oka 22 – Kotabaru Yogyakarta 55224 Telp. 548740; 513080; Fax. (0274) 548740
Website: hkbpjogja.org Email: hkbpjogja@gmail.com

13