PARTURENA PARPUNGUAN BODARI

UJUNG TAON

TOPIK:
DI IBANA MA HASANGAPON RO DI SALELENGLELENGNA
(Rom 11:33-36)

HKBP JATIASIH RESSORT JATIASIH

Sabtu, 31 Desember 2022
01. JOUJOU MARSAOR DOHOT TUHAN I (L=liturgis; R=Ruas)
L : Huria na hinaholongan ni Tuhan Jesus Kristus! Marsalpuan do
angka ari dohot bulan di masa ni ngolunta, jala marsorinsorin do
las ni roha dohot arsak. Adong parjumpangan songon i nang
parsirangan, adong na maruntung-adong na rugi, adong na laho
dohot na ro. Ima urdot ni ngolunta hombar tu pardalan ni tingki
manuju ujung ni saluhut. Alai nuaeng, diloas Tuhanta dope hita
sahat tu ujung ni taon 2022 on. Tung tangkas do satia Debata
mangaramoti hita.

R : MAULIATE MA DI DEBATA PARHOLONG ROHA JALA

PARDENGGANBASA I.

L : Tama ma ongkuhononta: Di Ibana ma Hasangapon ro di

salelenglelengna. Antong bongot ma hita tu parsaoran na badia
laho mamuji dohot pasangaphon Tuhanta, ro ma hita marolopolop
tu joloNa, marende ma hita.

R : (mangendehon) BE.581:1-2 “Sangap di Jahowa”

Sangap di Jahowa na sun timbul i, Balga ni holongNa ndang
tarasam i. Dilehon AnakNa na sasada i, manobus hita jolma
pardosa i.
Puji ma Debata ale manisia, Las roham, las roham somba ma
Debata. Dapothon Jahowa na sun timbul i,
Marhite AnakNa Tuhan Jesus i
--------jongjong---------
Tung so hasuhatan do basaNa i, marhite AnakNa ni lehonna i.
MudarNa durus do di hau silang i, rara pe dosanta ias dibaen i.
Puji ma Debata ale manisia, Las roham, las roham somba ma
Debata. Dapothon Jahowa na sun timbul i,
Marhite AnakNa Tuhan Jesus i

02. VOTUM- INTROITUS -TANGIANG

L : Marhitehite Goar ni Debata Ama, dohot Goar ni AnakNa Tuhan
Jesus Kristus, dohot Goar ni Tondi Parbadia na tumompa langit
dohot tano on, Amen.
Mandok mauliate ma hamu di Jahowa, ai pardengganbasa do
Ibana, ai rodi saleleng ni lelengna do asi ni rohaNa (Ps. 136:1).
Dibahen i pasangap ma Jahowa, hamu angka isi ni tano,
1
 habinsaran, hamu angka isi ni pulo di laut goar ni Jahowa, Debata
ni Israel (Jes. 24:15). Haleluya
R : (mangendehon) HALELUYA, HALELUYA, HALELUYA
L : Martangiang ma hita! Ale Amanami, Ama ni Tuhan Jesus Kristus
Tuhannami. Hasangapon ma di Ho na tarpuji salelenglelengna,
ala diramoti Ho do hami mandalani taon 2022, mangadopi ragam
na masa, sahat tu ujung ni taon on. Huhamauliatehon hami do ala
dipasupasu Ho ruasni huriaM HKBP Jatiasih on patulushon
orientasi panghobasion di HKBP taon 2022, ima Taon Hasadaon
ni roha. Asi ma rohaM di hami, sai dongani ma hami manalpuhon
taon on, jala patolhas ma hami mamasuhi taon 2023
sibasabasahononMu tu hami. Dihaposi rohanami do,
pangaramotionMu di hami, jala togutoguonMu do hami
mangeahi sangkap hasonangan na pinatupaMi. Ramoti ma
huriaM manghangoluhon panjouonMu: Masiurupan mamorsan
angka na dokdok i; i ma dalannami mangaradoti patik ni Kristus
di tonga ni keluarga, huria dohot masyarakat na humaliang hami.
Sai tau sangap di goarMu ma ngolunami, jala las ni roha nang
pasupasu tu na humaliang hami, marhite Jesus Kristus
Tuhannami, Amen. ------hundul------

03. Marende BE. No. 754:2 “Gok las ni roha do au”

Mardame jala sonang do ngolungkon, di rohangkon, di rohangkon.
Mardame jala sonang do ngolungkon, tongtong di rohangkon. Ref: Mauliate,
gok las ni roha, maringan holongMi Tuhan di au.
Mauliate, gok las ni roha, maringan holongMi Tuhan di au.

04. PATIK:
L : Tangihon hamu ma Patik ni Debata di parpunguan ujung taon on, na
tarsurat di Josua 1:9 “Nda nunga hudok tu ho: Pir ma tondim, jala
marsihohot? Unang manonditnondit roham, jala unang tahuton, ai
Jahowa Debatam do donganmu, manang dompak dia pe ho
mangalangka”
Antong rap mangido gogo ma hita tu Debata
R : Ale Tuhan Debata, sai pargogoi ma hami mangulahon na hombar tu
PatikMi, Amen

2
05. Marende BE. No. 697:3 “Molo Ho do Huihuthon”
----jongjong---
Hupelehon ma diringku, mangihuthon lomoMi,
Ndada be na olo salpu, na manggohi rohangki.
Ref: Ho tongtong ihuthononku, Jesus na palua au.
Ho sambing do oloanhu ala ni martua au.

06. PERENUNGAN - MANOPOTI DOSA – BAGABAGA NI DEBATA:

L : Manang piga jom nari salpuhononta ma taon 2022, bongotanta ma taon
2023. Molo manaili hita tu pudi, ragam do na tasangkapi di ngolu
marsasahalak, di rumatangga, nang di huria pe. Adong do i na tulus, alai
sai adong dope na sundat. Di angka sangkap naung tulus,
hamauliatehononta do tu Tuhanta pardengganbasa i, siala asi ni rohaNa
na patulus sangkapta na hombar tu sangkapNa di hita. Molo ndang tulus
dope na tasangkapi, di bagasan unduk ni roha ma hita manjalo na adong
dope na dumenggan sangkap ni Tuhan i tu hita. Alai molo tabilangi
denggan ni basaNa tu hita, tama do ingkon hatindanghononta:
R : Puji ma Jahowa ale tondingku, jala unang tung halupahon
denggan ni basaNa sudena.
L : Di pardalan ni angka tingki naung tabolus di taon on, tauji ma
mambahen rujiruji tu dirinta be, tasunghun ma tu dirinta: Nunga
tapangke partingkian naung tabolus pasangaphon Tuhanta? Molo
dilehon Tuhanta tu hita pamatang, pinompar, jabatan, manang
hamoraon, nunga tapangke i gabe tau harararat ni barita Nauli na sian
Tuhanta?
R : Sude Ruas mangendehon BE. 686:2 “Ramun do au”
Na ro do au tu joloMi, gale do au urupi au. O Jesus ala mudarMi dison do
au, patau ma au.
L :Martangiang ma hita: Ale Tuhan Debata pargogo na so hatudosan jala
Amanami. Hujou hami do goarMu na badia i, ala na targogot hami
marningot dosanami. Sai marasi ni roha ma Ho mida hami. Sesa ma
dosanami saluhutna, jala suru ma Tondi Parbadia tu rohanami be, asa
tarbahen hami mangoloi Ho di bagasan hatigoran dohot habadiaon, gabe
sahat hami tu hangoluan na so ra suda, na pinarbagabagaM di angka na
porsea di AnakMu Tuhan Jesus Kristus, Tuhannami, Amen.
Bagabaga ni Debata taringot tu hasesaan ni dosanta:

3
 “Molo tung adong manang ise na mardosa, adong do pangondianta di Ama
i, ima Tuhan Jesus Kristus na tigor roha i. Jala Ibana do pardengganan
taringot tu dosanta, alai ndada holan taringot tu dosanta, dohot do
taringot tu dosa ni saluhut portibi on.”
Hasangapon ma di Debata na di Ginjang
R: Amen -----hundul-----

07. Marende BE. No. 453:3 “Sada goar na umuli”

Sipalua do goarMu saut malua tondingki.
Nasa rante ni sibolis ingkon sega baenon ni i.
Ref: GoarMi Tuhanki holan i do endengki.
GoarMi Jesuski do pamalum rohangki.

08. EPISTEL:
L: Hata ni Debata turpuk di hita di parpunguan ujung taon on, ima na
tarsurat di 1 Rajaraja 8:54-61: Jadi dung sun ditangiangkon raja
Salomo tu Jahowa saluhut tangiang dohot pangidoan ondeng, hehe
ma ibana sian adopan ni langgatan ni Jahowa dohot sian na
marsinggang i dohot sian na pinaherbangna i tanganna dompak
banua ginjang.
R: Laos jongjong ma raja i, huhut mamasumasu sandok luhutan Israel,
pola dipagogo soarana mandok songon on:
L: Pinuji ma Jahowa, naung mangalehon hasonangan tu bangsoNa
Israel, hombar tu sandok naung pinarbagaNa i! Ndang adong
tartinggal nanggo sada hata sian saluhut hataNa na denggan i, naung
pinaboaNa hian marhite sian si Musa naposoNa i.
R: Sai didongani Jahowa, Debatanta i ma hita, songon naung ni
dongananNa angka ompunta na jolo; sai unang ma ditadingkon Ibana
hita manang mambolongkon hita.
L: Sai ditaiti ma rohanta tu Ibana, asa marparange hita di saluhut
dalanNa huhut mangaradoti angka tonaNa dohot patikNa dohot
uhumNa, angka naung tinonahonNa tu angka ompunta i.
R: Jala saluhut hata pangidoan on, angka naung husombahon di adopan
ni Jahowa, sai ngomngom ma i di jolo ni Jahowa, Debatanta i borngin
dohot arian, asa pasintongonNa uhum tu naposoNa dohot tu
bangsoNa Israel, singkop ariari!
4
L: Asa tung saluhut bangso ni tano on mananda, paboa Jahowa do
Debata, jala dungkon ni Ibana ndang adong.
R: Jala ingkon sun daulat rohamuna tu Jahowa, Debatanta i, asa
marparange di bagasan angka patikNa jala mangaradoti angka
tonaNa suman songon sadarion.
L: Ima sahatna. Martua do angka na tumangihon Hata ni Debata jala
na umpeopsa, Amen.
09. KOOR

10. Marende BE. No. 724:1,5 “Tuhan Baen ma Ngolungkon”

Tuhan baen ma ngolungkon parbadiai ma di Ho. Pangke ma nang
tingkingkon mamuji pasangap Ho, mamuji pasangap Ho.
---jongjong---
Saut ma lomo ni rohaM lam nata di ngolungkon. Tompa roha na ias, asa
tau ma au joroM, asa tau ma au joroM.

11. MANGHATINDANGHON HAPORSEAON:

L : Tahatindanghon ma haporseaonta i, songon na hinatindanghon
ni donganta sahaporseaon di sandok portibi on, rap ma hita
mandok:
S : Ahu porsea di Debata Jahowa….d.u…..Amen…….

---hundul---

12. BARITA JUJUR TAON/BERICHT & LAPORAN

PARHEPENGON

13. MANDOK HATA: a. Mewakili ruas ni Huria

b. Mewakili Parhalado

14. a. Ayat Papungu Pelean:

 “On pe ise do nuaeng na las roha manggohi tanganna mangalehon buas
tu Jahowa?” ( 1 Kronika 29 : 5b )

5
 b. Marende BE.No.585:1- “Somba ma Jahowa” (Pelean Ia, Ib)
Somba ma Jahowa Debatanta, Amen Haleluya
Sigomgom langit tano on ro di isina, Amen Haleluya
Beta hita lao marsinggang tu joloNa, Amen Haleluya
Na songkal jala na badia do Jahowa, Amen Haleluya
Reff: :,: Endehon Amen Haleluya, endehon Amen Haleluya,
Endehon Amen Haleluya, endehon Amen Haleluya :,:
------musik-----
Puji ma Jahowa Debatanta, Amen Haleluya
Parasi roha na sumurung do Ibana, Amen Haleluya
Taendehon ma goar ni Debatanta, Amen Haleluya
Ala ni denggan ni basaNa na tu hita, Amen Haleluya.
Reff: :,: Endehon Amen Haleluya, endehon Amen Haleluya,
Endehon Amen Haleluya, endehon Amen Haleluya :,:
------musik-----
Sangap di Jahowa Debatanta, Amen Haleluya
Na bonar jala marmulia do Jahowa, Amen Haleluya
Tapatimbul ma goar ni Debatanta, Amen Haleluya
Na tigor jala na sun gogo salelengna, Amen Haleluya
Reff: :,: Endehon Amen Haleluya, endehon Amen Haleluya,
Endehon Amen Haleluya, endehon Amen Haleluya :,:

15. JAMITA: ROM 11:33-36

11:33 Bagasna i, antong, hamoraon, hapistaran dohot parbinotoan ni
Debata! Na so hasigatan do angka uhumna jala na so habogasan do
angka dalanna!
11:34 Ai ise dung umboto roha ni Tuhan i? Ise manuturi Ibana?
11:35 Ise mangalehon parjolo tu Ibana, asa dibalos tusi?
11:36 Ai sian Ibana do saluhutna ro, marhitehite Ibana jala marhapatean
tu Ibana do sasudena i! Di Ibana ma hasangapon salelenglelengna!
Amen.

16. Marende BE. No. 713:1---“Togu au O Tuhanhi”

(Pelean II tu Dana Pensiun HKBP)
Togu au o Tuhanki, iringiring langkangki,
Tung maol do dalan i, unang lilu au disi.
Ref: Jesus Tuhan, gomos tiop tanganki,
Nang rahis pe dalan i, sahat au tu surgo i.
------musik-----
6
 Nang pe ro galumbang i, manahopi solungki,
Ndang mabiar au disi, ala Ho di lambungki
Ref: Jesus Tuhan, gomos tiop tanganki,
Nang rahis pe dalan i, sahat au tu surgo i.
------musik-----
Togu au o Tuhanki, mamolus galumbang i
Ho patogu rohangki, sahat tu ujungna i.
Ref: Jesus Tuhan, gomos tiop tanganki,
Nang rahis pe dalan i, sahat au tu surgo i.

17. PARSURUON MAMONGOTI TAON 2023 (P: Parjamita)

18. TANGIANG: Pelean, Ale Amanami, Pasupasu