HURIA KRISTEN BATAK PROTESTAN

(HKBP)
CENGKARENG RESSORT CENGKARENG

PARTURE NI PARNINGOTAN
ARI HAMAMATE NI TUHAN JESUS

DISEAHON JESUS DO HOSANA

(LUKAS 23:44-48)
 JUMAT, 2 APRIL 2021
1. JOUJOU TU PARSAORAN (L: Liturgis; R: Ruas)
L : Huria ni Kristus! Tongon di tonga ni pandemi Covid-19 do
nuaeng tapatupa parningotan ari hamamate ni Tuhan Jesus.
Naeng lam tangkas gomal di rohanta, tung holong ni roha ni
Tuhan i do na tuk paluahon hita sian sorimago Covid-19 on.
Maol do mate halak manghophop partigor; adong do deba na
barani mate manghophop na ulibasa. Alai holan Jesus do na
rade mate humophop angka pardosa, ima na tahalashon di ari
sadari on. Jesus ditangkup jala diuhum so ala ni salaNa, rade
manaon diseahon hosaNa di Golgata, ima inganan pamajalan ni
Jesus di hau pinarsilang i.
-------hohom—diiringi electon BE. 86 /BL. 67----
L : Hamamate ni Jesus papatarhon holong ni rohaNa i di hita, uju
pardosa dope hita, ai disi do mate Kristus manghophop hita.
Alani tama mauliate rohanta tu Ibana, jala pujionta GoarNa.
Alani taendehon ma “Jesusku naung manobus au”
R : (mangendehon) BE. No. 88:1-2 “Jesusku Naung Manobus au”
BL. 106
Jesusku naung manobus ahu sai naeng haholonganku Ho. Tu dolok
Golgata Ho laho ni onjar ni holongMu do Hupuji nasa asiMi alai
gumodang holongMi
------------jongjong---------
Tarsolsolbagi do rohangku paidaida dangolMi Marningot sasude
dosangku ai i do na tinaonMi.
Hupuji nasa asiMi alai gumodang holongMi

2. VOTUM INTROITUS TANGIANG

L : Marhitehite goar ni Debata Ama, dohot goar ni AnakNa Tuhan Jesus
Kristus, dohot goar ni Tondi Parbadia, na tumompa langit dohot
tano on, Amen. Sintua ni malim sisongon i do tama di hita, na badia,
na so jahat, na so marlindang, na so marbolat sian angka pardosa,
naung gabe tumimbo sian angka banuaginjang.
R : Na so pola ganup ari songon angka sintua ni malim i mamboan
jumolo pelean taringot tu angka dosana sandiri.
1 |Parture ni Parningotan Ari Hamamate ni Tuhan Jesus
 L : Dung i taringot tu dosa ni natorop i, ai sahali do i diulahon, di na
mamelehon diriNa Ibana. Haleluya
R : (mangendehon) HALELUYA, HALELUYA, HALELUYA
L : Martangiang ma hita! Ale Tuhan Jesus! Na mate tarsilang do Ho
humophop hami halak pardosa, ala ni holong ni rohaM na godang i
di hami. Ajari ma hami paingotingot Ho na targantung di hau
pinarsilang humophop hami, ai Ho do haporusannami maradophon
rimas ni Debata dohot panoruion ni Patik dohot panolsolion ni
roha. Sai sesa jala urati ma dosa sian rohanami marhitehite TondiM
na badia i, jala pargogoi ma hami maralohon roha sibuk dohot
hisaphisap dohot sangkapsangkap ni rohanami laho mangoloi Ho,
na mangolu jala na manggomgomi rap dohot Ama i dohot Tondi
Parbadia rodi saleleng ni lelengna, Amen.
-------hundul--------
3. Marende BE.No.84:1 “Aut na ginorga tu rohangku” Bl.195
Aut na ginorga tu rohangku, bohiM di na lao mate Ho. Aut na huingot o
Tuhanhu tongtong panghophopMi di au. Ai Ho do paluahon ahu dosangku
do pinorsanMi. Didaoni Ho parsahitonhu, martua au binahen ni i.

4. PATIK:
L : Tangihon hamu ma patik ni Debata, ima na tarsurat di Heber
12:2 “Tabereng ma induk ni haporseaon i jala na paujunghonsa,
ima Jesus na manaonhon parsilangon i, singkat ni las ni roha
tohapNa i hian, so dietong i hailaon, gabe hundul di siamun ni
habangsa ni Debata.”.
Antong rap mangido gogo ma hita tu Debata mangulahon
patikNa
L+R : Ale Tuhan Debata, sai pargogoi ma hami mangulahon na hombar
tu patikMi, Amen

5. Marende BE.No.412:1-2 “Ndi di dolok adui” BL. 387

Ndi di dolok adui silang ni Tuhan i sap mudar sap tijur do i. Jesus mate
disi asa malum dibaen sude angka gondok roha i. Ref: Dibaen i tung
holong rohangki mida silang di Golgata i. Hupasolhot diringku tusi
dompak surgo pardalananhi.

2 |Parture ni Parningotan Ari Hamamate ni Tuhan Jesus

 -----------jongjong----------------
Dileai jolma i silang ni Tuhan i, hape haluaon do i. Nang godang
dosangki, alai sesa do i dibaen mudar na durus disi. Ref: Dibaen i.....d.u...

6. MANOPOTI DOSA
L : Na jongjong do hita nuaeng di jolo ni Tuhanta, tatap ma silang ni
Tuhanta i, tarimangi ma angka hahuranganta dohot salpu ni
rohanta rodi sude ulaonta na so hombar tu HataNa. Patedek ma
sude di adopanNa, martangiang ma hita.
----------hohom—diringi electon. BE. 449:1----
Ale Tuhan Jesus na tarsilang ala ni dosanami. Na ro do hami tu
joloM manopoti jala manganggukhon dosanami.
R : Sai marasi ni roha ma Ho mida hami on, o Tuhan Jesus Birubiru
ni Debata na mamorsan dosanami.

L : Nunga ro Ho manghophop hami, marroha holong jala manjalo

hami di hadirionnami. Hape di parsaorannami, maol dope hami
manjalo halak na asing di hadirionna, sai huhirim hami do
ingkon hombar tu na di rohanami.
R : Ajari ma hami Tuhan, asa rade manjanghon dongannami jolma
songon panjanghonMi di hami.
L : Sai pasunggulhon ma tongtong tu rohanami panghophopMi di
hami, asa margogo hami mangulahon lomo ni rohaM, ala ni
Jesus Kristus Tuhannami, Amen

Bagabaga ni Debata taringot tu hasesaan ni dosanta:

Humophop hita gabe dosa do Ibana na so tumanda dosa
dibahen Debata, asa gabe hatigoran ni Debata hita marhitehite
Ibana. Hasangapon ma di Debata na di ginjang.
L+R : Amen.-
-------hundul--------

3 |Parture ni Parningotan Ari Hamamate ni Tuhan Jesus

 7. Marende BE.No. 459:3”Sonang do Langkalangkangku
BL. 310
Malum au dibaen bugangNa ias dibaen mudar i. Tung na sonang do
rohangku Jesus pardameanhi. Dihosomi jolma au insakinsak ndang boi so.
Haleaon ni Tuhanhu olo porsanonhu do.

8. EPISTEL:
L : Hata ni Debata, turpuk di Pesta Parningotan Hamamate ni
Tuhan Jesus sadari on, ima na tarsurat di Psalmen 22:2-12: Ale
Debatangku, Debatangku! Boasa tung tadingkononmu ahu? Sai
mandaodao do angka hata ni anggukkon sian hatuaonku.

R : Ale Debatangku, sai joujou do ahu arian, alai ndang mangalusi

Ho, jala borngin pe ndang jumpang ahu hasonangan.
L : Alai nabadia do anggo Ho, marhabangsahon angka pujipujian ni
Israel.
R : Marhaposan tu Ho do angka ompunami, pos do rohanasida, jadi
dipalua Ho do nasida.
L : Tu Ho do nasida mangangguhi, jadi malua ma nasida,
marhaposan tu Ho do nasida, jadi ndang tarurak.
R : Alai gea nama ianggo ahu, ndada jolma, haeleson ni halak jala
parbilean ni natorop.
L : Sude angka na marnida ahu marengkelengkelihon ahu,
dipangangang do babana huhut mangupirupir.
R : “Tu Jahowa ma nian dipasahat, asa dipalua ibana, dipangolu ma
nian ibana, ai lomo do rohana mida ibana.”
L : Ho do tongon na manait ahu sian ampuan, sipapos rohangku,
mangonsop bagot ni dainang.
R : Dung tubu ahu, sai Ho do parsigantunganku, sian butuha ni
dainang dope sai Ho do Debatangku.
L : Unang mandaodao Ho sian ahu, ai donok nama parmaraan, ai
soadong sipartumpak. Ima sahatna. Martua do angka na
tumangihon Hata ni Debata jala na umpeopsa, Amen
4 |Parture ni Parningotan Ari Hamamate ni Tuhan Jesus
 9. Marende BE. No. 83:4 “Na lao do Birubiru i” BL. 214 (jongjong)
Saleleng na mangolu au naeng ingotonhu Jesus. Sude na binaenMi di au
hataM naeng hupatulus. Ho naeng haholonganhu do, huhut ihuthononhu
do di dalan hangoluan. Tung ingkon Ho nampuna au mangolu manang
mate au, sai Ho do tioponhu.

10. MANGHATINDANGHON HAPORSEAON

L : Tahatindanghon ma haporseaonta i, songon na hinatindanghon
ni donganta sahaporseaon di sandok portibi on, rap ma hita
mandok
L &R : Ahu porsea di Debata Jahowa.........d.u........Amen
------------hundul-----------
11. SUNGGULSUNGGUL

13. Marende BE. No.81: 1--- “Jesus mual ni ngolungku” BL. 185 (pasahat
pelean Ia, Ib)
Jesus mual ni ngolungku, Sipangolu tondingki. Ai dibunu Ho
musungku, ima hamateani. Ho manaoni hamagoan, patupahon
hangoluan. Alani hupuji Ho, tung marribu hali do.
-----musik/elekton-----
Haleaon, insakhinsak, reherehe, tijur pe. Tali dohot pastappastap,
tung ditaonhon Ho sude. Paluahon au na pogos, sian tangan ni sibolis.
Alani hupuji Ho, tung marribu hali do.
-----musik/elekton---
Bugang sada tanggurungmu. Di na hona linsing i Hamamalum ni
bugangku Na di rohangki do i Ho do gabe binuraan, au dapotan
hangoluan. Ala ni hupuji Ho tung marribu hali do
-----musik/elekton-----
Sungsang duri ditumpalhon panginsahi i tu Ho. Jala tolong dilibashon
tu uluM, pasiak Ho. I ditaonhon Ho, Tuhanku. ala ni hajungkatonku.
Ala ni hupuji Ho Tung marribu hali do.
-----musik/elekton------
Tung tanganMu dohot patMu ditorusi labang i. Jadi tiris ma
mudarMu, sian hau parsilang i. I do mual paridian di au jolma na
hansitan. Ala ni hupuji Ho Tung marribu hali do

5 |Parture ni Parningotan Ari Hamamate ni Tuhan Jesus

14. Jamita: Lukas 23:44-48

15. Marende BE. No.86:1—“Silang na badia i” BL. 67 (p.pelean II)

Silang na badia i Ho do lombulombungki. Maralohon dosa i dohot pandelean
i. Di sude sitaonon i Ho ma lombulombungki
Nasa na huula i ndang tau hasonanganki. Nang ringkot pe rohangki, pola ro
nang ilungki. Holan asi ni rohaM Pangurupi o, Tuhan
--------------------musik/electon-------
Nasa na huula i ndang tau hasonanganki. Nang ringkot pe rohangki pola ro
nang ilungki. Holan asi ni rohaM Pangurupi o, Tuhan
------------------musik/elekton--------
Ro do au nuaeng tu ho, sai palambas ma rohaM. Nunga pola mate Ho, ala asi
ni rohaM. Jangkon au na dangol on, sai ulosi tondingkon.
------------------musik/elekton---------
Dosa patundukkon au, ho ma mangondihon au. Ramun situtu do au,
mudarMi mamuri au, Na pogos, Dangol au on. Ho ma artangki tongtong.
-----------------musik/elekton---------
Silang na badia i Ho do lombulombungki. Molo puas hodokki, di na suda
bohalhi. Di sude sitaonon i Ho ma lombulombungki

17.TANGIANG: Pelean, Hamamate ni Jesus, Ale Amanami, Pasupasu

(Di angka Huria na so pola mangulon asa masuk tu Ulaon na hohom dohot
ulaon na badia, diuduti ma tu acara No 18 di toru on, sidung ulaon na badia
ma tangiang pelean-ari hamamate ni Jesus-ale Amanami-pasupasu)

18. ULAON NA HOHOM (P: Parjamita)

P Hamu angka dongan sahaporseaon, saonari masuk ma hita tu ulaon na
hohom, paihutihut sitaonon ni Tuhanta i di dolok Golgata humonghop jolma
pardosa. Alani tapahibul jala tapaunduk ma rohanta paihutihut sitaonon ni
Tuhanta i
…tangiang na hohom
Marende BE 76: 1 “Sada nama sangkap” BL. 199
Sada nama sangkap ni rohangku di sandok portibi on.
Ndang tagamon na so las rohangku, molo jumpang au inon.
Naeng ma sai ingoton ni rohangku, na binaen ni Jesus tu tondingku. Uju
pinorsanNa i, saluhutna dosangki.

6 |Parture ni Parningotan Ari Hamamate ni Tuhan Jesus

P. Na tama do Birubiru naung tarbunuh i manjalo hagogo on dohot hamoraon
dohot hapistaran dohot sahala dohot hamuliateon, hasangapon dohot puji
pujian Amen. Tung ise ma nuaeng porsea di jamitanami? Jala tangan ni
Jahowa, tung ise ma naung tumandasa? Ai simbur do ibana tubu songon
tumbur di adopan ni bohina, jala songon tunas sian tano na mahiang.

Ndang adong hinauli ni rupaNa manang hamuliaonNa; ia huida hami Ibana,

ndang adong rupaNa umbahen sihalomohononhon Ibana. Dileai jala
dipasiding jolma do Ibana, baoa na somal mangae pardangolan dohot sahit
Ibana, pola ditabunihon halak bohina maradophon Ibana, dibahen leaNa, jadi
ndang pola hurajumi hami Ibana. Tongon do angka sahitta diusung Ibana, jala
angka pardangolanta diporsan; alai anggo rohanta mandok: Debata do
maminsang, mamungkul dohot pasipal Ibana. Hape ala ni pangalaosinta
Ibana tartullang, binahen ni hajahatonta Ibana mabugang. Ampe tu Ibana
pinsangpinsang parhitean ni hasonanganta, jala binahen ni bugangNa malum
itahilala.

Luhut do hita lilu songon birubiru, ganup masitondong dalanna be, alai
hajahaton ni hita sudena dihonahon Jahowa tu Ibana. Dipasipal pe Ibana, sai
manaonnaon do anggo Ibana, ndang manang mangkuling pamanganna,
songon birubiru do Ibana na tinogu tu pamotongan, jala songon anak ni
birubiru na hohom maradophon jolma sigusting Ibana, tung na so dibungka
do pamanganNa.

Marende BE 84:1 “Aut na ginorga tu rohangku” BL.195

Aut na ginorga tu rohangku, bohiM di na lao mate Ho
Aut na huingot o Tuhanku, tongtong pangkophopMi di au
Ai Ho do paluahon ahu, dosangku do pinorsanMi
Didaoni Ho parsahitonku, martua au binahen ni i.

P. Laho sian ladangna manogihon Ibana, disoro nasida ma sahalak, si Simon sian
Kinene do goarna, na ro; tu ibana ma dipaporsanhon hau pinarsilang i,
paihutihut Jesus. Mangihuthon Ibana torop halak nang angka boruboru na
mananangisi jala mangandungi Ibana. Jadi didompakkon Jesus ma nasida,
ninna ma: Hamu, angka boru Jerusalem, unang ma Ahu tatangisi hamu,
dirimuna dohot anakkonmuna ma! Ai na ro ma angka ari sogot, dohononna

7 |Parture ni Parningotan Ari Hamamate ni Tuhan Jesus

 ma disi: Martua ma angka na hol, angka ina na so dung tubuan jala na so
dung panarusan! Disi ma pungkaon ni halak mandok tu angka dolok:
Tinggang i ma hami! Dohot tu angka tor :hungkupi hami! Ai molo songon on
pambahennasida tu hau na rata, aha ma tagamon masa tu hau naung masak?

Marende BE 88: 3 “Jesusku Naung Manobus ahu” BL. 106

Jotjotna i husoadahon Ho, Sipangolu tondingkon. Mabiar lao
mangkatindangkon Ho na mangkophop au tongon. Hupuji nasa asiMi alai
gumodang holongMi
P Alai ditogihon dope dua halak nari, parjahat, sipamateon rap dohot Ibana.
Asa dung sahat nasida tu dolokdolok na margoar partangkurahan,
diparsilangkon ma Ibana disi rap dohot angka parjahat i, na sada tu
siamunna, na sada nari tu sihambirangna. Jadi didok Jesus ma: Ale Amang!
Marpamuati ma roham mida nasida, ai ndang diboto nasida na
binahennasida i.
Laho marbagi ulosNa, manjomput na sinurat ma nasida. Alai disurat si
Latus ma sada boaboa, dipalohot ma i tu hau i. On do hatana: Jesus, halak
Nasaret, Raja ni Jahudi! Jadi torop ma Jahudi na manjaha boaboa i, ai jonok
tu huta i do hapajalan ni Jesus, jala tarsurat do i di hata Heber, di hata Rom
dohot di hata Junani. Dung i didok sintua ni angka Jahudi ma tu si Latus:
Unang surat i: Raja ni Jahudi; alai na nidokNa i ma nian: Ahu do raja ni
Jahudi! Dung i dialusi si Latus ma: Na husurat i, naung sinurat do i!

Marende BE 86: 3 “Silang na badia i” BL. 67

Ro do au nuaeng tu ho, sai palambas ma rohaM. Nunga pola mate Ho, ala asi ni
rohaM Jangkon au na dangol on, sai ulosi tondingkon.
P. Alai dilealeai angka na mamolus i Ibana, angka dipaelengeleng uluna mandok:
E Ho, na mangalohai joro i jala na pajongjongkonsa di bagasan tolu ari! Palua
dirim, molo na tutu Ho Anak ni Debata; mijur ma Ho sian hau pinarsilang i!
Suman tusi do pangaleai ni angka sintua ni malim, sibotosurat dohot sintua
ni bangso i, ai didok be: Ia na asing dipalua, dirina so tarpaluasa. Raja ni
Israel do Ibana! Antong, mijur ma Ibana sian hau pinarsilang i, asa porsea
hami di Ibana! Naung dihaposi Debata; antong, i ma paluahon Ibana nuaeng,
molo na lomo rohana, ai ninna do: Anak ni Debata do Ahu!

Laos songon i do pangaleai ni panamun i, na rap diparsilangkon dohot Ibana.

Ai ndada Kristus i Ho? Palua ma dirim, nang hami antong! Alai dialusi

8 |Parture ni Parningotan Ari Hamamate ni Tuhan Jesus

 donganna ibana, dipinsang ma, ninna ma: Ndang dihabiari ho hape Debata,
atik pe rap hona uhum hita? Uhum na tigor do na tu hita, ai tajalo do upa ni
pambahenanta; alai anggo Ibana, ndang adong diula na so ture. Laos ninna
ma: O Jesus, ingot ahu, ia dung sahat Ho tu harajaonmi! Gabe ninna Jesus ma
mandok ibana: Situtu do hatangkon tu ho: Sadari on do ho rap dohot Ahu di
Paradeiso!
Marende BE 29 : 1 “Ima Tingki Hasonangan” BL. 186
I ma tingki hasonangan molo Ho o Jesuski. Pinahusor di pingkiran ro di
asiasiMi. Molo Jesus ni luluan holan Jesus sinangkapan, Tingki na lehet ma i
na pasonang roha i.

P Alai olat ni hos ni ari ro di pungkul tolu, holom ma sandok tano i. Alai tar di
pungkul tolu, dipangiar Jesus ma soaraNa, dianggukhon ma: Ale Debatangku,
Debatangku, boasa tung tadingkononmu Ahu (Eli, Eli, lama sabachtani)? Alai
umbege i, ninna na deba sian angka na jongjong disi: Na manjou si Elia do.
Jadi dung diboto Jesus, naung marujung saluhutna, asa jumpang na tarsurat
i, ninna ma: Mauas Ahu! Jadi adong ma disi isian ni tuak na asom, jadi
dibutongi nasida ma limut tubagasan tuak na asom i, dipalohot ma i tu sada
tolong, laho manurdukhon tu pamanganNa. Jadi dung dijalo Jesus na asom i,
ninNa ma: “Nunga marujung!” Dung i dipaunduk ma uluNa, pasahathon
tondiNa. Dung i marsoara na gogo ma Jesus, ninNa ma: Amang! Tu bagasan
tanganMu ma hupasahat tondingKu! Jadi dung didok i, tos ma hosaNa.
Tapahohom ma rohanta, martangiang ma hita di bagasan rohanta be (j
o n g j o n g s u d e manghuling ma giring giring 7 hali---electon BE.
337---)

Marende BE 337 : 3,5 “Molo Giot ho tu Ginjang” BL. 79

Jesus, na parjolo laho au ma togu tu paradianan ni
birubiru tinobusMu, binoanMu sian pardangolan i.
Lehon ma haporseaon Hagogoon na manorus sasude
Ai malungun do rohangku di Tuhanku nang di ingananNa pe

P. Laos di na satongkin i maribak ma hirehire na di bagasjoro sian ginjang ro di

toru. Dung i humuntal ma tano i, marigat ma dohot angka batu mamak.
9 |Parture ni Parningotan Ari Hamamate ni Tuhan Jesus
 Mungkap ma angka tanoman, dung i hehe ma daging ni torop na badia angka
na modom disi, gabe ruar ma nasida sian angka tanoman i; jadi dung hehe
Jesus, ro do nasida tu huta na badia i, pataridahon nasida tu torop halak. Alai
dung diida induk ni soldadu i rap dohot angka donganna, na jumaga Jesus,
lalo i ro di angka na masa i, mabiar situtu ma nasida, ninna ma: Tutu do On
Anak ni Debata! Jadi sude natorop i, na marluhut mainondur, masitompuk
andorana, marnida na masa i, laos mulak ma.
MarendeBE 82: 1 “O Jesusku tu bugangMu” BL. 21
O Jesusku, tu bugangMu, ro marsomba rohangkon. Sai tarpuji, sai tarpuji, na
pamalum tondingkon.

P. Alai adong ma disi torop boruboru, na manatapnatap mandaodao, i ma angka

naung mangihuthon Jesus sian Galilea, patureturehon Ibana. Ala tongon ari
parhobasan ni pesta na balga, naeng ma unang di hau pinarsilang angka
bangke di ari Sabbat i; ala ni i dipangido angka Jahudi ma tu si Latus, asa
disuru na mangarosak haehaenasida jala dipaijur. Gabe ro ma angka soldadu
i, dirosak ma haehae ni na parjolo i, songon i do donganna na rap tarsilang
dohot Jesus. Alai dung sahat nasida tu Jesus, diida ma naung sanga mate
Ibana, gabe ndang dirosak be haehaena.

Alai ditullangkon sada sian angka soldadu i ma mundimundina tu andora ni

Jesus; jadi manigor puas ma sian i mudar mardongan aek. Na marnidasa i do
na mangkatindangkon i, jala sintong do na hinatindangkonna i. Ibana do
umboto sintong ni na nidokna i, asa anggiat dohot hamu porsea. Ai na masa
do i, asa jumpang na tarsurat i, na mandok: “Ndang jadi ponggolon
holiholina!”

Dung salpu i dipangido si Josep na sian Arimatea ma tu si Latus, paijuronna

bangke ni Jesus. Sisean ni Jesus do ibana, alai marsibuni do ala ni biarna mida
angka Jahudi. Jadi dioloi si Latus ma i. Dung i ro ma ibana, dipaijur ma
bangkena.
Alai ro ma nang si Nikodemus, i ma naung ro manopot Jesus bornginborngin
najolo, diboan ma mir na marsaor aloe arga saratus hati. Dung i dibuat nasida
ma bangke ni Jesus, dibaluti ma tu dagangan rap dohot na hushus i
mangihuthon adat pananomon ni Jahudi.

Alai adong ma mardonokkon hapajalanna i sada porlak, jala di bagasan

10 |Parture ni Parningotan Ari Hamamate ni Tuhan Jesus

 porlak i adong sada tanoman na imbaru, na so dung hapeahan ni manang ise
dope. Asa tusi nama dipeakkon nasida Jesus, siala ari parhobasan ni Jahudi; ai
jonok do tanoman i.

Marende BE 86 : 1,2 “Silang na badia i” BL. 67

Silang na badia i Ho do lombulombungki, Maralohon dosa i Dohot pandelean i
Di sude sitaonon i Ho ma lombulombungki
Nasa na huula i Ndang tau hasonanganki, Nang ringkot pe rohangki Pola ro
nang ilungki Holan asi ni rohaM Pangurupi o, Tuhan.

ULAON NA BADIA.
U: Huria ni Tuhanta, di Ari parningotan hamamate ni Tuhan Jesus sadarion,
udutanta ma tu ulaon na badia, hombar tu na tinonahon ni Tuhan Jesus tu
angka siseanNa andorang so di tangkup Ibana. Ulaon na badia ima:
Parningotan tu Tuhan Jesus Kristus, tanda hasesaan ni dosa, dohot padan na
imbaru taringot tu hangoluan na so ra suda.
1. Marende BE No. 179:1-2 “Adong do sada mual i” BL. 20
Adong do sada mual i, di na mardosa i. Mansai denggan do mual i,
pasonang rohangki
Aek mual na badia i, i ma di Jesus i. Disesa do tihasta i, dibuat arsak i

2. Agenda: Pangaradeon diri

3. Marende BE No 153:1 ”O JESUS NAUNG SINEAT”

O Jesus naung sineat, di hau na pinarsilang
rohaM tongtong daulat, nang uju Ho tarsilang
Marutang hosa hami, ditaon Ho dosanami, asi rohaM o Jesus

4. Agenda: Manjalo ulaon na Badia

5. Manganhon parpadanan na badia dohot angka ende di tingki

manjalo ulaon na badia

11 |Parture ni Parningotan Ari Hamamate ni Tuhan Jesus

 Ende No.154: 1 – 4 “Sai Palinggas ho tondingku” BL. 190
Sai palinggas ho tondingku, sai tadingkon ma arsakmu./ Ro ma ho tu
hatorangan,asa dapot hasonangan./ Ai tarontang ho saonari, tu haroan na
badia,/ Na manggomgom parluhutan, naeng tu ho do maringanan.
Sai ringkoti ma manomu, na pangolu ho tondingku/ Na manuktuk do Ibana, di
roham dibaen hataNa./ Ungkap pintu ni rohamu, asa bongot ma Rajamu,/
Dok: Ingani ma rohangku, unang be tadingkononMu.
Sai malungun do rohangku, Ale Jesus di basaMu./ Tung na tangis do rohangku,
na malungun do mannaMu./ Na mauas do tondingku, ale Jesus di mudarMu./
Pinangido ni rohangku, hasasaor tu Debatangku.
Las huhut do angka hitir, rohangkon di na hupingkir./ Simosimo ni panganon,
di bagasan parpadanan./ Ai na so tardodo roha, pinatupa ni Jahowa./ Ingkon
Tondi Parbadia, pabotohon i tu iba.

Ende No. 155: 1 – 4 “Naung moru do muse sataon” BL. 192

Tu son ma ale tondingku, di na mauas, male ho/ Manjalo basa ni Tuhanmu
pinaradeNa i di ho./ Dilehon Jesus do dagingNa, marhitehite roti on,/ Dilehon
dohot do mudarNa, marhitehite anggur on.
Ai nang tongtong pe ganup ari, mudarNa mangurasi au./ Huhut Ibana so
mansadi manogu tu lambungNa au./ Sai naeng au mangan parpadanan ni
Jesus Kristus, Tuhanki./ Na padamehon parbadaan, na pasonangkon rohangki.
Asi rohaM di au o Jesus, tumpahi au sadari on.Ai hataMi do hupatulus,
manganhon parpadanan on. Antong patiur ma rohangku, marningot
denggan ni basaM. I ma na tinaonMi dosangku, binaen ni holong ni rohaM.
Patogu haporseaonku, di hasasae ni dosangki. Marsitiopan baen rohangku,
di mudarMi na durus i. Sai ro ma Ho ale Tuhanku, marhite parpadanan on.
JoroM ma baen nuaeng rohangku. Ho ma nampuna au tongtong

Ende No. 174: 1 – 4 “Torop dope na siat i”BL. 184

Torop do pe na siat i Di hasampuran rea/ I pe hamu pardosa i Sai olo ma
porsea/ Ai Debata manjou hamu Tu hasonangan situtu/ Hamu, hamu Dijou
Debatamu.
Tama longang roham, ale Umbege pangontangna/ Antong sai unang jua pe
Tangihon pamiona/ Ai Debata mamio ho Dibahen i sai ro ma ho/ Sai ro, sai
ro Tu surgo ma ho ro.

12 |Parture ni Parningotan Ari Hamamate ni Tuhan Jesus

 Pardosa ho didok roham, na so tama be dohot?/ Ndang pola ala ni dosam,
umbaen na sundat bongot./ Ai nunga sae do dosam i, digarar Tuhan Jesus
Naung sae, naung sae, naung sae do dosami.
Haporseai ma hata i Ai i do hatuaon/ Haposi Tuhan Jesus i MudarNa i ma
golom/ Ai nang gok dosa rohami Malua ho bahenon ni/ Tutu, tutu Malua
baenon ni.

Ende. 169:1-3 “Ho Sipangolu au” BL. 224

Ho sipangolu au, sai topot ma au on./ Sai unang mandaodao. Ho sian
rohangkon./ Ro Sipangolu ro tibu. Baen ma au anakMu tutu./ Dohot
mudarMi buri au ias songon hapas ma au. / Ias tutu, ias tutu, dohot
mudarMi buri au. Ias songon hapas ma au
Gogo ni mudarMi Papatar ma di au/ Tondi Parngolu i Tongtong manogu
au/ Ro Sipangolu ro tibu...d.u.
Togu ma rohangkon Sai taiti au tu Ho/ Ai langkaMi tongtong Naeng
tiruonku do/ Ro Sipangolu ro tibu...d.u.
Ende Pujipujian: BE. No. 9:1 “Hupuji holong ni” BL. 110 (jongjong)
Hupuji holong ni rohaMu o Tuhan Jesus Rajangki. Tu Ho hulehon ma
tondingku ai ido pinangidoMi. Huhalupahon ma diringku, mamingkir
holong ni rohaMu.

6. Tangiang Panutup (Pasupasu)

13 |Parture ni Parningotan Ari Hamamate ni Tuhan Jesus

 PANDITA

&
14 |Parture ni Parningotan Ari Hamamate ni Tuhan Jesus
 SUDE PARHOBAS NA GOK TINGKI
HKBP CENGKARENG RESSORT CENGKARENG

Pasahathon:

Horas ma hita mangauhon Panghophopon ni

Jesus

15 |Parture ni Parningotan Ari Hamamate ni Tuhan Jesus