PARTORDING NI PARMINGGUON

DI MINGGU III DUNG EPIPHANIAS

Ev. 1 Korint 1 : 10 - 18 Ep. Mika 7 : 7 - 20

TOPIK :

HAGOGOON NI DEBATA NA PALUAHON

HURIA KRISTEN BATAK PROTESTAN

MINGGU, 22 JANUARI 2023

01. Marende BE HKBP No. 9 : 1 - 3 “HUPUJI HOLONG NI ROHAMU”
Bl. 110
 Hupuji holong ni rohaMu, o Tuhan Jesus, Rajangki. Tu Ho hulehon ma
tondingku, ai i do pinangidoMi. Huhalupahon ma diringku, mamingkir
holong ni rohaMu.
 Sai dilului Ho do ahu, au pe huhalungunhon Ho. Ditaiti rohaMi
rohangku, dibahen i hulehon do. Dipillit Ho hian tondingku, i pe
hutodo Ho Tuhanhu.
---Musik---
 (Jongjong) Huhilala ingkon martuhan, ingkon mangolu au di Ho.
Ndang jumpang au be hangoluan aut unang dipatupa Ho. Sai Ho do
paradiananhu, sai gok di Ho nama langkangku.

02. VOTUM – INTROITUS – TANGIANG :

U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Porbadia na tumompa langit dohot tano on. Amen.
Lehon ma tu Jahowa hamuliaon ni GoarNa, marsomba ma hamu tu
Jahowa, mamangke pahean na marhadohoan. Haleluya!
H : (Mangendehon): Haleluya, Haleluya, Haleluya!
U : Martangiang ma hita ! Ale Tuhan Debata, Pargogo na so hatudosan! Na
mandok mauliate do hami tu Ho, ala dipapatar Ho dohot tu angka na so
tumanda Ho AnakMu, Tuhan Jesus Kristus. Sai asi rohaM, sai paian ma
di hami ro di pinomparnami Barita na Uli i, jala pararat ma i tu saluhut
bangso, asa binsar sondang ni hasangaponMi dohot di angka na hundul
di haholomon dohot na nilinggoman ni hamatean marhitehite Anak
haholongan ni rohaM, Tuhan Jesus Kristus, Tuhannami. Amen.
(Hundul)
03. Marende BE HKBP No. 136 : 1 + 5 “BIDANG DOPE NA HOLOM I” Bl. 38
 Bidang dope na holom i, di bangso na di hasiangan i. Na nirajaan ni
sibolis i, disomba halak angka begu i. Na nirajaan ni sibolis i, disomba
halak angka begu i.
 O Raja na di surgo i, na dung manobus nasa jolma i. Tibu sondangi ma
na holom i tu Ho ma taiti hajolmaon i. Tibu sondangi ma na holom i, tu
Ho ma taiti hajolmaon i.
04. PATIK:

1
 U : Tatangihon ma Patik ni Debata di minggu patoluhon dung Epiphanisas sadari
on, i ma na tarsurat di Pilippi 2 : 2. “Gohi hamu ma halalas ni rohangkon:
Sada ma parrohahon hamu; sada ma haholonganmuna; saroha, sapingkiran ma
hamu! I do sahatna, Antong rap mangido gogo ma hita sianTuhan Debata!
H : Ale Tuhan Debata, sai pargogoi ma hami mangulahon na hombar tu
PatikMi. Amen.
05. Marende BE HKBP No. 649 : 2 - 3 “DIPASADA AMA I” Bl.649
 Las roham endehon ma, holong i radoti ma. Sauduran hita na porsea i
di Tuhanta Jesus i.
(Jongjong)
 Kristus i tatiru ma, roha tapaserep ma. Taeahi na tau padamehon hita,
tu angka dongan i.
06. MANOPOTI DOSA:
U : Tatopoti ma dosanta di adopan ni Debata, martangiang ma hita! Ale
Tuhan Debata, Ama ni Tuhannami Jesus Kristus, Ho do Debata
pargogo na so hatudosan, sitompa nasa na adong, paruhum na tigor,
na manguhumi jolma manisia! Na ro do hami tu joloM manopoti
dosanami, angka na huula hami marhite sian pangalaosionnami di
PatikMu, i ma marhite sian tubutubu ni rohanami na roa i, nang sian
panghataionnami na so ture, ro di pangoloionnami di hisaphisap ni
rohanami. Na tama situtu do hona uhum hami ala ni dosanami i, alai
na tarsolsol bagi do hami nuaeng ala ni i. Asi ma rohaM di hami, ale
Debatanami.
R : Pardengganbasa jala Parasiroha do Ho ala ni Anak haholongan
ni rohaM, Tuhan Jesus Kristus Tuhannami. Sai sesa ma
dosanami saluhutna, jala suru ma Tondi Parbadia tu rohanami
be, asa tarbahen hami mangoloi Ho di bagasan hatigoran dohot
habadiaon, gabe sahat hami tu hangoluan na so ra suda, na
pinarbagabagaM di angka na porsea di AnakMu, Tuhan Jesus
Kristus, Tuhannami. Amen
U : Bagabaga ni Debata taringot tu hasesaan ni dosanta : Songon on do
Hata ni Tuhan Jahowa: Nunga diarsahi Ho Ahu marhite sian angka
dosam, jala nunga dilojai ho Ahu marhite sian angka hajahatonmu.
Ahu tutu, Ahu sandiri manalesei angka pangalaosim ala ni

2
 hadirionKu, jala ndang be Hupaingotingot angka dosam . Hasangapon
ma di Debata na di ginjang!
H : Amen.
(Hundul)
07. Marende BE HKBP No. 165 : 1 + 4 “NA BASA DO ROHAM DI AU”
Bl.19
 Na basa do rohaM di au, o Jesus Tuhanhi. Diihuthon Ho au tu na dao,
mambuat rohangki.
 O Jesus sai tangihon on, sude na jat padao. Lam ias bahen rohangkon,
asa sai sonang au.
08. E P I S T E L :
U : Tabegema hata ni Debata Epistel di Minggu patoluhon dung Epiphanias
sadari on, ima na tarsurat di MIKA 7 : 7 – 20. Alai anggo ahu manatap tu
Jahowa do, jala dihalungunhon rohangku do Debata ni hatuaonhu, sai
tangihonon ni Debatangku do ahu.
R : Unang ho marlas ni roha, ale musungku, mida ahu! Ai tinggang pe ahu
sai hehe do ahu muse; ai hundul pe ahu nuaeng di bagasan haholomon,
Jahowa do panondang di ahu.
U : Usungonhu do rimas ni Jahowa, ai dompak Ibana do ahu mardosa, paima
dibadahon Ibana badangku, jala maruli uhum ahu dibahen. Sai toguonNa do
ahu sogot tu hatiuron, idaonhu do hatigoranNa.
R : Alai idaon ni musungku ma i sogot, jadi huphupan ni haurahon bohina,
ibana naung mandok tu ahu: “Di dia do Jahowa Debatam”
Marsombusombu ma matangku marnida nasida, dung hona luntak
songon gambo di alaman.
U : Nunga ro ari parpaulion di parikmu, ari parholangan ni patik do i.
R : Ari haroroan ni halak do i tumopot ho sian Assur, dohot sian angka
huta ni Misir; jala sian Misir sahat ro di batang aek jala sian laut tu
laut jala sian tor tu tor.
U : Alai gabe halongonan ma tano i ala ni pangisina, binahen ni parbue ni
pambahenannasida.
R : Sai parmahani ma bangsoM marhitehite batahiM, punguan ni
partalianMi, ho ale na punjung maringan di tombak, di tongatonga ni
Karmel! Loas ma nasida manjampal di Basan dohot di Gilead songon
uju di ari angka na galia.
3
 U : Suang songon di angka ari haruruarmu sian tano Misir, Ahu pataridahon tu
nasida angka halongangan.
R : Idaon ni angka bangso parbegu ma i, gabe murak nasida ala ni saluhut
hagogoonnasida i, ampehononna ma tangan tu pamanganna gabe
nengel pinggolnasida.
U : Ingkon dilatonnasida ma orbuk songon ulok na manginsiri di tano; angka
hitir nasida ro sian partabuniannasida i mandapothon Jahowa Debatanta i,
angka dotdot nasida jala mabiar maradophon ho.
R : Tung ise ma Debata songon ho, na marpamuati di dosa jala na umbolus
pangalaosion ni partalianNa na teba i! Ndang tongtong ibana
marsigomos marro ni rimas, ai manghalomohon asi ni roha do Ibana.
U : Sai marpangulahi do rohaNa, jala popoanNa do angka hajahatonta; jala
reonghononNa do sude dosanasida i tu laut apala na umbagas.
R : Sai lehononMu do hasintongan tu si Jakob, asi ni roha tu si Abraham,
naung niuarihonMu tu ompunami sian angka ari na robi dope.
U : Ido sahatna. Martua do angka na tumangihon Hata ni Debata jala na
umpeopsa.
H : Amen.
09. Marende BE HKBP No. 714 : 2 + 4 “TUHAN MARMAHANI HAMI” BL 714
 Tuhan parmahan haposan, dongan na sumurung i. Sai padao
pangunjunan, togu ma na lilu i. Tuhan Jesus Sipalua pasupasu ruasMi.
Tuhan Jesus Siparmahan pasupasu ruasMi.
(Jongjong)
 Pabotohon ma tu hami siradotannami i. Tuhan gohi rohanami dohot
haholongonMi. Tuhan Jesus Sipalua, ndang tarasam holongMi. Tuhan
Jesus Sipalua, ndang tarasam holongMi.

10. MANGHATINDANGHON HAPORSEAON :

U : Tahatindangkon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H : Ahu porsea di Debata Jahowa…..
(Hundul)
11. TINGTING
12. Marende BE HKBP No.485 : 1 --- “DONGANI AU TUHAN” BL 243
(Pelean Ia, Ib)
4
  Dongani au Tuhan sondangi rohangki. Pangiring ni mataM patongon
langkangki. Sandok sude gogongku, padohot pingkiranhu, huboan
peleanhu mangula ulaonMu. Ai i hinalomohonMi, urupi rohangki.
 Ho sipalua au, buri ma au tangkas. MudarMu na use mambahen au ias.
Sai togu au na lilu tu asi ni rohaMu. Malua ma rohangku, sinesa nang
dosangku. Gok dosa do hian au on, sai buri rohangkon.
---Musik---
 Ho siapuli au, sai pargogoi ma au. Tarunjun au tongtong dibaen
portibi on. Ajari au maniru Tuhanhu Sipangolu. Ringkot naeng
botoonhu pasauthon pingkiranMu. Ho do na mangapuli au, sai
pargogoi ma au.
 Sitolusada Ho, sulingkit rohangki. Lopokhon rohaMi bagas tu
rohangki. Padiri ma tondingku baen joro ingananMu. Patolhas ma
basaMu tu au niasianMu. Martua au dibahen Ho, Sitolusada Ho.
---Musik---
13. JAMITA: 1 KORINT 1 : 10 - 18
14. Marende BE HKBP No. 277 : 1… “MARSADA ROHA HITA” BL. 153
(Pelean II)
 Marsada roha hita, sitanda Jesus i. Tatiop tong jamita pasonang roha
i. Sai pir tondinta be, sada tongtong rohanta; mangihut tu Tuhanta,
sihophop sasude.
 Portibi on na rundut ndang tiruonta be. Arina i lam sundut, jonok
ujungna i. Rohanta sasude sai tu banuaginjang. Gomos ma hita
tindang, managam Tuhan i.
---Musik---
 Manongtong ma rohanta mangalo bangko i. Patigor be dalanta,
pahombar hata i. Hisap ni roha i ndang be ihuthononta. Tuhanta do
gogonta lao manundalhon i.
 Suman tu paisolat harohaonta be. Lam leleng lam marbolat do sian
sasude na so di Tuhan i, Ibana do artanta; HataNa sinjatanta dompak
na holom i.
---Musik---
 Burju ma tasarihon managam Tuhan i. Ibana tatangihon, lam leleng
lam ture. Gomos taingot be, jonok do haroroNa; lao pasonggophon
bona ni hatuaon i.
5
  Sai jumpang pardonganon binaen ni hata i. Sude na marsitaonon
tahaholongi be. I do niula ni TondiNa na badia di tonga ni huria
sinondanganNa i.
---Musik---
 O Jesus Tuhannami, pardagang na hinan. Sai Ho manatap hami
paisolatMi hian. Torusi ma tongon sudena rohanami. Sai Ho hutagam
hami, di pardagangan on.

15. TANGIANG PELEAN :

U : Tatangianghon ma peleanta. Ale Debata, Amanami na di banua ginjang,
Ho do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga ni
HuriaM dohot di portibi on. Buhai ma rohanami marhitehite TondiM, asa
lam hutanda hami godang ni silehonlehonMi tu hami, asa lam girgir hami
mandok mauliate tu Ho, marhitehite Jesus Kristus Tuhannami. Amen.
H : (Mangendehon) BE HKBP No. 204 : 2 “NDANG TADINGHONONHU
HO” BL. 73
 Nasa na nilehonMi, tondi ro di pamatanghu, hosa dohot gogongki, ro di
saluhut artangku. Hupasahat i tu Ho, na so unsatonhu do.
U : Ale Amanami na di banuaginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami! Unang
hami togihon tu pangunjunan! Palua ma hami sian pangago!
H : (Mangendehon):
 Ai Ho do nampuna harajaon, dohot hagogoon, ro di hasangapon,
saleleng ni leleng na, Amen.
U : Pasupasu
H : (Mangendehon) Amen, Amen, Amen.
========

SELAMAT ARI MINGGU